Развлекательные услуги (Грузия - Тендер #65673445)

ა(ა)იპ "თბილისის საბავშვო ბაგა-ბაღების მართვის სააგენტო"-ს მიერ დაფუძნებული ადრეული და სკოლამდელი აღზრდისა და განათლების საჯარო დაწესებულებისთვის ( N50-ე საბავშვო ბაგა-ბაღი) სახელოვნებო მომსახურების შესყიდვა.

1.2.1. შესყიდვის ობიექტი მოიცავს შემდეგ კომპონენტებს: ქანდაკება, ბარელიეფი, ხატვა. ბაგა-ბაღის შენობის შიდა და გარე ფასადის გაფორმება-მოხატვა, დარბაზის სცენის დეკორაციები, კიბის უჯრედის მოხატვა. დეკორაციები 3D განზომილებიანი შესრულებით, წარმოდგენილი ესკიზების შესაბამისად. შესასრულებელი კომპონენტები: ქანდაკება, ბარელიეფი, ხატვა.
1.2.2. მასალები: ინტერიერში გამოსაყენებელი საღებავი არ უნდა შეიცავდეს ტყვიას, არ უნდა იყოს ალერგიული და აალებადი. უნდა გააჩნდეს ხარისხის შესაბამისობის სერტიფიკატი (შესაბამისი დოკუმენტაცია ტენდერში გამარჯვებულმა მიმწოდებელმა შემსყიდველს უნდა წარუდგინოს მომსახურების დაწყებამდე). ექსტერიერის საღებავი წყალგამძლე, შეიძლება გამოყენებული იქნას პულივიზატორიანი საღებავი. ქანდაკების, ბარელიეფის და დეკორაციების შესრულებისას გამოყენებული უნდა იყოს: თაბაშირი, წებოცემენტი, არმატურის კარკასი, თაბაშირ-მუყაო, ალუმინის პროფილები, უჟანგავი ფოლადი, ფითხი(შპაკლი), სამშენებლო ბადე. ნამუშევრები ადვილად ხელმისაწვდომ ზედაპირებზე დაფარული უნდა იყოს აკრილის ლაქით. ნამუშევრები შესრულებული უნდა იყოს მაღალი გარჩევადობის მკვეთრი ფერებით.
1.2.3. შესყიდვის ობიექტის ზოგადი რაოდენობრივი აღწერა:
N50 საბავშვო ბაღი:
1) შიდა მოსახატი სივრცე 990 კვ/მ;
ქანდაკებები და ბარელიეფები უნდა მოეწყოს შემდეგ ლოკაციაზე:
2) პირველი სართულის დერეფანი 39,3კვ/მ;
3) მეორე სართულის დერეფანი 42,45კვ/მ;
4)მუსიკალური დარბაზი 19,05კვ/მ.

1.4.1. შესყიდვის ობიექტის მიწოდება უნდა განხორციელდეს შემსყიდველის მიერ წერილობითი დავალების გაცემიდან 40 კალენდარული დღის განმავლობაში, მაგრამ არაუგვიანეს 2025 წლის 3 ოქტომბრისა.

1.5.1.შესყიდვის ობიექტის მიწოდება უნდა განხორციელდეს თბილისის ახალაშენებულ (N50-ე საბავშვო ბაგა-ბაღი) საბავშვო ბაგა-ბაღში, შემდეგ მისამართზე:
ქ. თბილისი, ზაჰესი, მშვიდობის ქ. N2

შესყიდვის ობიექტის საგარანტიო პერიოდი უნდა შეადგენდეს არანაკლებ 5 (ხუთი) წელს, რომელიც აითვლება მხარეთა შორის მიღება-ჩაბარების აქტის გაფორმების დღიდან. საგარანტიო პერიოდში, შემსყიდველი მიმართავს მიმწოდებელს, ხოლო მიმწოდებელი ვალდებულია საკუთარი ხარჯებით აღმოფხვრას გამოვლენილი წუნი შემსყიდველის მოთხოვნიდან არაუმეტეს 15 (თხუთმეტი) კალენდარული დღის განმავლობაში.

2.2.1.1. პრეტენდენტს ან/და შესყიდვის ობიექტით განსაზღვრული მომსახურების განმახორციელებელ პერსონალს, 2022 წლის 01 იანვრიდან, წინამდებარე ტენდერში „წინადადებების მიღება დასრულებულია“ სტატუსის მინიჭების თარიღამდე პერიოდში, უნდა გააჩნდეს მოხატვის, ქანდაკების და ბარელიეფის შესრულების არანაკლებ 100 000 (ქანდაკების და ბარელიეფის მოწყობის გამოცდილება მოთხოვნილი თანხის არანაკლებ 25%-ი) ლარის ღირებულების შესყიდვის ობიექტით განსაზღვრული ანალოგიური მომსახურების გამოცდილება (ანალოგიურ მომსახურებაში იგულისხმება: საგანმანათლებლო დაწესებულებებში ან/და ბავშვთა გასართობ სივრცეებში, საბავშვო თემატიკაზე კედლების ან/და ფასადების მოხატვა და ბარელიეფების ან/და ქანდაკებების მოწყობა).

2.2.1.2. გამოცდილების დამადასტურებელი დოკუმენტაცია და ამავე დოკუმენტაციის წარმოდგენის პირობები:
ა) იმ შემთხვევაში, თუ შესყიდვა განხორციელებულია სახელმწიფო შესყიდვების ერთიანი ელექტრონული სისტემის გამოყენებით, საკმარისია სატენდერო განცხადების ან CMR ნომრების შესახებ ინფორმაციის წარმოდგენა.
ბ) იმ შემთხვევაში, თუ შესყიდვა განხორციელებულია სახელმწიფო შესყიდვების ერთიანი ელექტრონული სისტემის გამოყენების გარეშე, წარმოდგენილი უნდა იყოს შესაბამისი ხელშეკრულებ(ები)ა და ამავე ხელშეკრულებ(ებ)ის ფარგლებში გაფორმებული მიღება-ჩაბარების აქტ(ებ)ი, რაც დაადასტურებს პრეტენდენტის გამოცდილების შესაბამისობას სატენდერო დოკუმენტაციის 2.2.1.1. პუნქტით განსაზღვრულ მოთხოვნებთან.

2.2.1.3. იმ შემთხვევაში, თუ არ არსებობს შესაბამისი ხელშეკრულებ(ები)ა და მიღება-ჩაბარების აქტ(ებ)ი, შესაძლებელია წარმოდგენილი იყოს დადასტურებული საგადასახადო ანგარიშ-ფაქტურ(ები)ა.

2.2.1.4. იმ შემთხვევაში, თუ შესყიდვის ობიექტით განსაზღვრული ანალოგიური მომსახურების გამოცდილების დამადასტურებლად წარმოდგენილი იქნება მომსახურების განმახორციელებელი პერსონალის გამოცდილება, პრეტენდენტი ასევე ვალდებულია წარმოადგინოს მათთან გაფორმებული შესაბამისი ხელშეკრულებები, რომლებიც გაფორმებული უნდა იყოს არანაკლებ წინამდებარე ელექტრონული ტენდერით განსაზღვრული შესყიდვის ობიექტის მიწოდების ვადით.

იმ შემთხვევაში, თუ მომსახურების გამოცდილების დამადასტურებლად წარმოდგენილი იქნება პერსონალის გამოცდილება, მასზე ვრცელდება წინამდებარე კითხრარის 2.2.1 პუნქტით განსაზღვრული მოთხოვნები.

2.9.1. შემოთავაზებული საქონლის ფასი უნდა შეიცავდეს მიმწოდებლის ყველა ხარჯს, მათ შორის ტრანსპორტირების ხარჯსა და საქართველოს კანონმდებლობით დადგენილ ყველა გადასახადს, დაკავშირებულს საქონლის მიწოდებასთან და შემსყიდველის საკუთრებაში გადაცემასთან.

2.9.2. შემოთავაზებული საქონლის საერთო და ერთეულის ფასების წარმოდგენა დასაშვებია მხოლოდ ეროვნულ ვალუტაში - ლარში.

2.9.3. თუ ელექტრონული ვაჭრობის შედეგად ერთიან ელექტრონულ სისტემაში დაფიქსირებული საბოლოო ფასიდან გამომდინარე ერთეულის ღირებულებები განისაზღვრება მრავალნიშნა ათწილადის სახით, პრეტენდენტი ვალდებულია ერთეულის ღირებულებები შეამციროს და დაამრგვალოს მეასედებამდე (თეთრების სიზუსტით), შესაბამისად შეამციროს საერთო ღირებულებაც.

2.9.4. „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე პრეტენდენტები ვალდებულები არიან სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულონ კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით.

2.9.5. პრეტენდენტის მიერ ერთიან ელექტრონულ სისტემაში ატვირთული ყველა დოკუმენტი ან/და ინფორმაცია ხელმოწერილი უნდა იყოს ხელმძღვანელის ან უფლებამოსილი პირის მიერ (ერთიან ელექტრონულ სისტემაში უფლებამოსილი პირის მიერ ხელმოწერილი დოკუმენტების ატვირთვის შემთხვევაში ასევე ატვირთულ უნდა იქნეს მისი უფლებამოსილების დამადასტურებელი შესაბამისი დოკუმენტ(ებ)ი).

2.9.6. პრეტენდენტს არ აქვს უფლება წარმოადგინოს ალტერნატიული წინადადება.

2.9.7. შემსყიდველი უფლებამოსილია ხელშეკრულების გაფორმებიდან, საქონლის მიწოდების სრულად განხორციელებამდე, მოთხოვოს მიმწოდებელს შესყიდვის ობიექტის/მისი შემადგენელი ნაწილის მიწოდებასთან დაკავშირებული ინფორმაცია.

4.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან მოითხოვს ფასწარმოქმნის ადეკვატურობის დასაბუთებას, რაზეც პრეტენდენტი ვალდებული იქნება წარმოადგინოს შესაბამისი დასკვნა, ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნა (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც დაადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას.
4.1.1.2. ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით. ამასთან, ფასწარმოქნის ადეკვატურობის დასაბუთების (ექსპერტიზის დასკვნის) წარმოუდგენლობა გამოიწვევს შესაბამისი პრეტენდენტის დისკვალიფიკაციას სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული ,,ელექტრონული ტენდერის ჩატარების წესის დამტკიცების შესახებ“ წესის შესაბამისად.

7.1.1.1. ტენდერში გამარჯვებულ პრეტენდენტს უფლება აქვს მოითხოვოს ავანსი, არაუმეტეს სახელშეკრულებო ღირებულების 30%-ის ოდენობით, წინასწარი ანგარიშსწორების საბანკო/სადაზღვევო გარანტიის საფუძველზე, რომლის მოქმედების ვადა არანაკლებ 30 (ოცდაათი) დღით უნდა აღემატებოდეს შესყიდვის ობიექტის მიწოდების საბოლოო ვადას.
7.1.1.2. საავანსო გარანტია წარმოდგენილი უნდა იქნას საქართველოში მოქმედი საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან.
7.1.1.3. ავანსის სახით გადახდილი თანხის გაქვითვა მოხდება ეტაპობრივად, ავანსის პროცენტული მაჩვენებლის შესაბამისად (არაუმეტეს სახელშეკრულებო ღირებულების 30%-ის ოდენობით). ანგარიშსწორების ბოლო ეტაპზე, წინასწარ გადახდილი თანხის გაქვითვა მოხდება იმ ოდენობით, რაც საჭირო იქნება ავანსის სრულად გასაქვითად;

ანგარიშსწორება განხორციელდება მიმწოდებლის საბანკო ანგარიშზე, საქართველოს კანონმდებლობით დადგენილი შესაბამისი დოკუმენტების წარმოდგენისა და მიღება-ჩაბარების აქტზე ორმხრივი ხელმოწერის შემდგომ.

ანგარიშსწორება შემსყიდველის მიერ ხორციელდება ეტაპობრივად ან მთლიანად მომსახურების მიწოდების შემდეგ, ფაქტობრივად განხორციელებული მომსახურების მიხედვით, მიღება-ჩაბარების აქტის გაფორმებისა და საქართველოს კანონმდებლობით დადგენილი შესაბამისი დოკუმენტების წარმოდგენიდან 10(ათი) სამუშაო დღის განმავლობაში.

ტერეზა ბაიაჯანი, 558440044, t.baiajani@kids.org.ge

10.1.1. სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება ,,სახელმწიფო შესყიდვების შესახებ“ საქართველოს კანონის და ,,ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების შესაბამისად.
10.1.2. ტექნიკური დოკუმენტაციის წარდგენა შესაძლებელია როგორც ქართულ, ისე უცხოურ ენებზე. დოკუმენტების უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. დოკუმენტაციასთან დაკავშირებული სადავო საკითხების გადაწყვეტისას უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს შემსყიდველი ორგანიზაცია.
10.1.3. ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო. ამასთან, პრეტენდენტის მიერ ხელშეკრულების დადებისას რომელიმე პირობაზე უარის თქმის შემთხვევაში, მისი ქმედება განიხილება როგორც უარი ხელშეკრულების დადებაზე.