Инженерные услуги (Грузия - Тендер #65673431)

მცხეთის მუნიციპალიტეტის სოფ. ნავდარაანთკარში შიდა საუბნო გზების საფარის რეაბილიტაციის, სანიაღვრე არხის და ხევზე გადასასვლელი ხიდ-ბოგირის მოწყობის, დეტალური საპროექტო-სახარჯთაღრიცხვო დოკუმენტაციის სახელმწიფო შესყიდვა

ნავდარაანთკარში არსებულ შიდა საუბნო საავტომობილო გზებს.
- ასფალტ-ბეტონის საფარით რეაბილიტაციას საჭიროებს შიდა საუბნო გზის ორი მონაკვეთი, გზის პირველი მონაკვეთი, რომლის პარამეტრებია 550*4,5=2475 კვ.მ. და მეორე მონაკვეთი 440*4,5=1980 კვ.მ. გზის მეორე მონაკვეთზე მოსაწყობია, რკ/ბეტონის სანიაღვრე არხი (პარამეტრები დაზუსტდეს ადგილზე, პროექტანტის მიერ). აღნიშნულ მონეკვეთებს შორის არსებულ ხევზე მოსაწყობია, 40 გრძ.მ. (დაზუსტდეს ადგილზე, პროექტანტის მიერ) დამაკავშირებელი ხიდ-ბოგირი.
მომსახურების მიწოდება მიზნად ისახავს, საგზაო სამოსის რეალური მდგომარეობის გათვალისწინებით, არსებული საავტომობილო გზის რეაბილიტაციისათვის დეტალური საპროექტო-სახარჯთაღრიცხვო დოკუმენტაციის შედგენას, რაც გულისხმობს საპროექტო მონაკვეთზე გზის ძირითადი ტექნიკურ-ეკონომიკური და ზოგადი სატრანსპორტო-საექსპლუატაციო მახასიათებლებისა და მონაცემების განხილვას, შესწავლასა და გაანალიზებას, სოციალური და ეკონომიკური შეფასებებისა და ტექნიკური პარამეტრების გათვალისწინებით. სრულყოფილი შეფასების/საპროექტო კვლევის ჩატარებას სარეაბილიტაციო მონაკვეთებზე.
ხიდების გაბარიტი უნდა დადგინდეს გზის კატეგორიასთან მიმართებაში, ასევე, საჭიროების შემთხვევაში, პროექტში გათვალისწინებული უნდა იყოს მშენებლობის პერიოდში დროებითი სახიდე გადასასვლელი და მისასვლელები.
დავალებით გათვალისწინებული მიზნის მისაღწევად მიმწოდებელი ვალდებულია უზრუნველყოს:
- შემსყიდველთან შეთანხმებული ვარიანტის მიხედვით დეტალური საპროექტო-სახარჯთაღიცხვო დოკუმენტაციის მომზადება, რომელიც შედგენილი უნდა იყოს საქართველოს საერთო სარგებლობის საავტომობილო გზების გეომეტრიული და სტრუქტურული სტანდარტებითა და საქართველოში მოქმედი სხვა სტანდარტებისა და სამშენებლო ნორმებისა და წესების მოთხოვნებით. ნორმებში რაიმე განსხვავებული დაშვებების აუცილებლობის შემთხვევაში, სპეციფიური ნორმის დაშვებისას, ან მისი შეზღუდვის საკითხი წინასწარ უნდა იქნას შეთანხმებული შემსყიდველთან.
- უზრუნველყოს საავტომობილო გზების დარგში მიღწეული და დაგროვილი საერთაშორისო გამოცდილებების, ახალი ტექნოლოგიებისა და მოწყობილობების გამოყენება, საქართველოს სპეციფიკური პირობებიდან გამომდინარე;
- პროექტირება მოახდინოს საქართველოში მიღებული სამშენებლო ნორმებისა და წესების გათვალისწინებით. ჩატარდეს ჰიდროლოგიური ანგარიში, გაანგარიშდეს ზოგადი და ადგილობრივი წარეცხვები ფუნდამენტების ჩაღრმავების ნიშნულების დასადგენად, ადგილობრივი პირობების გათვალისწინებით.
- საკვლევაძიებო და საპროექტო სამუშაოების დროულად და ხარისხიანად შესრულებისათვის მოახდინოს დაინტერესებულ ორგანიზაციებთან და პირებთან პროექტის საჭირო წინასწარი შეთანხმებები.
- მოახდინოს უახლოესი მოქმედი კარიერებისა და ინერტული მასალების მიმწოდებელი პოტენციური ორგანიზაციების შერჩევა;
- საპროექტო ფართის მიწის ვაკისის ფარგლებში შესაძლოა განთავსებული იყოს მიწისქვეშა კომუნიკაციები (წყალსადენი, კანალიზაცია, გაზსადენი, მაღალი ძაბვის კაბელები, გათბობის, კავშირგაბმულობის ქსელები და სხვა), რაზეც საჭირო გახდება სრულყოფილი გამოკვლევა და შესაბამისი ღონისძიებების განხორციელება, შესაბამისი ტექნიკური პირობების გათვალისწინებით. საჭიროების შემთხვევაში კომუნიკაციების გადატანის პროექტის მომზადება, რომელიც უნდა შეთანხმდეს შესაბამის ბენეფიციართან. ასევე, საპროექტო დოკუმენტაცია უნდა მოიცავდეს ინფორმაციას, უცვლელად დატოვებული მიწისქვეშა კომუნიკაციების ვარგისიანობის პერიოდის
შესაბამისობას, საპროექტო ობიექტის საექსპლუატაციო ვადასთან.
- გზის პარამეტრები უნდა შეესაბამებოდეს V კატეგორიას, რომელიც უნდა აკმაყოფილებდეს საქართველოს ეროვნული სტანდარტების (სსტ Gგზები: 2009) მოთხოვნებს;
- საავტომობილო გზის საფარად გათვალისწინებული უნდა იყოს კაპიტალური ასფალტ-ბეტონის საფარი საანგარიშო სიჩქარით 30-50 კმ/სთ;
მოსაწყობია კიუვეტები, გასაწმენდია ზედმეტი გრუნტისაგან წყალამრიდი მილები, ასევე მიერთებები, თვალამრიდები;
- მოსაწყობია საგზაო ნიშნები და მონიშვნა.
სახარჯთაღრიცხვო დოკუმენტაცია მომზადდეს მშენებლობის შემფასებელთა კავშირის მიერ 2024წ. გამოცემული ,,მეთოდური ცნობარი“-ს, (მშენებლობის და სარემონტო სამუშაოების სახარჯთაღრიცხვო ფასების გაანგარიშების შესახებ) მიხედვით. სამშენებლო რესურსების საბაზრო ან მშენებლობის შემფასებელთა კავშირის ფასთა კრებულით, მიმდინარე დონეზე.
- პრეტენდენტმა, ოთხივე ხაზობრივი ნაგებობის, როგორც საპროექტო გზის პირველი, ისე მეორე მონაკვეთის, ასევე, სანიაღვრე არხის და ხიდ ბოგირის სრული საპროექტო-სახარჯთაღრიცხვო დოკუმენტაცია უნდა წარმოადგინოს 4 ეგზემპლარად (ალბომების სახით A4 და A3 ფორმატში) ცალ-ცალკე.
სრული საპროექტო დოკუმენტაციის ელ. ვერსია (CD), (PDF) (DWG) ფორმატში, აგრეთვე ხარჯთაღრიცხვა და მოცულობების უწყისი Excel- ფორმატში
პროექტირების დროს აუცილებელია შესწავლილ იქნას, არსებული გზის გვერდულების, ტროტუარების, სანიაღვრე არხების და გადასასვლელი მილბოგირების ტექნიკური მდგომარეობა, რის საფუძველზეც განხორციელდება შემდგომ მათი პროექტირება.
მიმწოდებელმა უნდა უზრუნველყოს პროექტების განხორციელების პროცესში (საპროექტო დოკუმენტაციის მიხედვით კონსულტაციის გაწევა, საჭიროებისამებრ საპროექტო დოკუმენტაციის კორექტირება) სამშენებლო სამუშაოების მიმდინარეობის დასრულებამდე.
იმ შემთხვევაში, თუ სამუშაოების შესრულების პროცესში აღმოჩნდა საპროექტო-სახარჯთაღრიცხვო დოკუმენტაციით გათვალისწინებული დამატებითი სამუშაოების
შესრულების აუცილებლობა, ამ დამატებით საპროექტო-სახარჯთაღრიცხვო დოკუმენტაციის შედგენას მიმწოდებელი განახორციელებს ანაზღაურების გარეშე.
მიღება-ჩაბარების აქტი გაფორმდება მხოლოდ სრული საპროექტო-სახარჯთაღრიცხვო დოკუმენტაციის ექსპერტიზის დადებითი დასკვნის წარმოდგენის შემდეგ, რომელიც გაცემულ უნდა იქნას სსიპ ,,ლევან სამხარაულის სახელობის ექსპერტიზის ეროვნული ბიურო“-ს ან სხვა აკრედიტირებული პირის მიერ.
პროექტი უნდა შეიცავდეს (არ შემოიფარგლება) შემდეგ საპროექტო დოკუმენტაციას და ნახაზებს:
- სარჩევი
- განმარტებითი ბარათი.
- სიტუაციური გეგმა.
- საინჟინრო გეოლოგიური კვლევა-ტექნიკური ანგარიში, დასკვნები და რეკომენდაციები;
- მდინარეებისა და ჩამონადენი წყლების ჰიდროლოგიური ანგარიში;
- არსებული სიტუაციის ამსახველი ფოტომასალა.
- სანიაღვრე არხების, წყალგამტარი მილების და გზის ქვედა საყრდენი კედლების ანგარიში და კონსტრუქციის შერჩევა, სათანადო მუშა ნახაზების მომზადება.
- რეპერების განლაგების, მრუდების, სწორების და მოხვევის კუთხეების დატანა გეგმაზე და სათანადო უწყისების მომზადება.
- საერთაშორისო სისტემის კოორდინატების უწყისი პიკეტების შესაბამისად.
- ტოპო–გეოდეზიური დაგეგმვა, სიტუაციური გეგმები, ინფორმაცია და სქემები არსებული კომუნიკაციების თაობაზე-სასმელი წყალი, კანალიზაცია, ელექტრობა, გაზი, მათი შესწავლა და დატანა ტოპოზე, მათი გადაადგილების საჭიროების შემთხვევაში სათანადო წინადადებების მომზადება კომუნიკაციების მფლობელებთან შეთანხმებით;
- წყალამრიდი და სადრენაჟო კონსტრუქციების პროექტი;
- სახიდე გადასასვლელის პროექტი მოსალოდნელი მაქსიმალური დატვირთვების გაანგარიშებით;
- არქიტექტურული და კონსტრუქციული ნაწილი;
- არქიტექტურული სამუშაო ნახაზები -გეგმები, ჭრილები, ფასადები, რენდერები, დეტალები, კვანძები, მოსაპირკეთებელი სამუშაოები უწყისები;
- კონსტრუქციული სამუშაო ნახაზები შესაბამისი გაანგარიშებით (სქემები, დეტალები, კვანძები, სპეციფიკაციები);
- საინჟინრო ნაწილი: განათება და წყალარინების სისტემები (სქემები, დეტალები, კვანძები, სპეციფიკაციები);
- საპროექტო გზის გეგმები, პიკეტების და პირობითი აღნიშვნების დატანით.
- საპროექტო გზის გრძივი პროფილები, წითელი და შავი ნიშნულების ჩვენებით.
- საპროექტო გზის განივი პროფილები, წითელი და შავი ნიშნულების ჩვენებით.
- ტრანსპორტის მოძრაობის უსაფრთხოების გეგმის მომზადება (ვერტიკალური და ჰორიზონტალური მონიშვნა, საგზაო ნიშნებით, თვალამრიდებით ან სხვა აღჭურვილობით) სათანადო სამსახურებთან შეთანხმებით.
- საზოგადოებრივი ტრანსპორტის გაჩერების და საყოფაცხოვრებო ნარჩენების კონტეინერების განთავსების ადგილების გეგმაზე დატანა (დამკვეთთან შეთანხმებით).
- სამუშაოთა მოცულობების (საგზაო სამოსი, გვერდულები, სანიაღვრე არხები, მილები და ა.შ.) პიკეტური დათვლის უწყისები.
- მშენებლობის ორგანიზაციის პროექტი.
- სამუშაოთა წარმოების კალენდარული გეგმა-გრაფიკი (წინასწარ შეთანხმდეს შემსყიდველთან).
- მშენებლობის ხარჯთაღრიცხვის შედგენა საბაზრო და რესურსული ფასებით, მოქმედი ნორმატივების გათვალისწინებით.
- გათვალისწინებული იქნას საქართველოს მთავრობის დადგენილება №41 2016 წლის 28 იანვარი ქ. თბილისი ტექნიკური რეგლამენტის შესახებ „შენობა-ნაგებობის უსაფრთხოების წესების“ დამტკიცების თაობაზე;
- გათვალისწინებული იქნას, შშმ პირთათვის ადაპტირებული გადასასვლელების და ტროტუარების მოწყობა, რაც გულისხმობს საქართველოს მთავრობის დადგენილება #41-ის „შეზღუდული შესაძლებლობების მქონე პირებისათვის სივრცის მოწყობისა და არქიტექტურული და გეგმარებითი ელემენტების ტექნიკური რეგლამენტის დამტკიცების შესახებ შესაბამისობას“.
- შენიშვნა:
- საპროექტო არეალში არსებული საკომუნიკაციო მიწისქვეშა საინჟინრო ქსელების ადგილმდებარეობის შესახებ ინფორმაცია, მიმწოდებელმა უნდა მოიპოვოს კომუნიკაციის მფლობელებისაგან და მოცემულ ადმინისტრაციულ ერთეულში მერის წარმომადგენელისაგან)
მიმწოდებელი ვალდებულია:
- ტექნიკური დავალებით გაუთვალისწინებელი გარემოების აღმოჩენის შემთხვევაში, გაითვალისწინოს მისი შეტანა საპროექტო დოკუმენტაციაში დამატებითი აზღაურების გარეშე (დამკვეთთან შეთანხმებით);

ხელშეკრულების გაფორმებიდან 30 დღე

1.5.1. მიმწოდებელი ვალდებულია გადასცეს შემსყიდველ ორგანიზაციას სრული საპროექტო-სახარჯთაღრიცხვო დოკუმენტაცია.
1.5.2. საპროექტო-სახარჯთაღრიცხვო დოკუმენტაცია წარმოდგენილი უნდა იქნეს მხოლოდ ქართულ ენაზე.
1.5.3. საპროექტო-სახარჯთაღრიცხვო დოკუმენტაციის ეგზემპლიარების რაოდენობა:
ა) საპროექტო დოკუმენტაცია _ 3 ეგზემპლიარი ბეჭდური (A-3 და A-4 ფორმატები);
ბ) სახარჯთაღრიცხვო დოკუმენტაცია _ 3 ეგზემპლიარი ბეჭდური (A-4 ფორმატი);
გ) საპროექტო-სახარჯთაღრიცხვო დოკუმენტაციის სრული ელექტრო (PDF და Excel ფაილები) ვერსია _ 1 CD/DWD დისკი;
დ) საჭიროების შემთხვევაში მიმწოდებელი ვალდებულია გადასცეს შემსყიდველ ორგანიზაციას საპროექტო-სახარჯთაღრიცხვო დოკუმენტაციის სამუშაო ელექტრონული ფაილები (MS Word, Excel, AutoCAD, ArchiCAD და სხვა).
1.5.4. საბოლოო (სრული) საპროექტო-სახარჯთაღრიცხვო დოკუმენტაცია წარდგენილ უნდა იყოს შემდეგ მისამართზე: ქ. მცხეთა, ანტიოქიის ქ. N7 მუნიციპალიტეტი

პრეტენდენტს 2021წლიდან უნდა გააჩნდეს სულ მცირე 50 000.00 ლარის ღირებულების საპროექტო-სახარჯთაღრიცხვო დოკუმენტაციის მომზადების მომსახურების გაწევის გამოცდილება, რის დასადასტურებლადაც წარმოდგენილი უნდა იყოს შესაბამისი დოკუმენტაცია (ხელშეკრულება/ები, მიღება-ჩაბარების აქტი/ები, ფორმა N2 (ები)-ასეთის არსებობის შემთხვევაში) სრულად, ხოლო სახელმწიფო შესყიდვის განხორციელების შემთხვევაში პრეტენდნტმა, ზემოთ ხსენებულ ცხრილში უნდა მიუთითოს შესაბამისი SPA/CMR/NAT ნომერი და ამ შემთხვევაში დამატტებითი დოკუმენტაციის (ხელშეკრულება,მიღება-ჩაბარების აქტი, ფორმა N2) წარმოდგენა სავალდებულო არაა.
3. ინფორმაცია გამოცდილების შესახებ წარმოდგენილი უნდა იყოს დანართი N3–ის შესაბამისად

წინამდებარე ტენდერში არ იქნება მოთხოვნილი ფასწარმოქმნის ადეკვატურობის დასაბუთება, რადგან მომსახურების ღირებულების ძირითად კომპონენტს წარმოადგენს ინტელექტუალური ტიპის შრომის ანაზღაურება, რაც პოტენციურად შესაძლებელს ხდის აღნიშნული მომსახურების მიწოდება განხორციელდეს სავარაუდო ღირებულებაზე 20%-ით ნაკლებ ფასად.

საბოლოო ანგარიშსწორება განხორციელდება საპროექტო-სახარჯთაღრიცხვო
დოკუმენტაციაზე სსიპ - ლევან სამხარაულის სახელობის სასამართლო ექსპერტიზის
ეროვნული ბიუროს ან სხვა აკრედიტებული პირის მიერ გაცემული ექსპერტიზის დადებითი
დასკვნის საფუძველზე. ექსპერტიზის დასკვნის მომზადების ღირებულება ანაზღაურდება
მიმწოდებლის მიერ

შემსყიდველი ორგანიზაცია აუნაზღაურებს მიმწოდებელს გაწეული მომსახურების ღირებულებას, მიღება-ჩაბარების აქტის წარდგენიდან 10 სამუშაო დღის განმავლობაში

სოფიო მამისაშვილი, 577727714, sofomamisashvili@yahoo.com