Инженерные услуги (Грузия - Тендер #65673427)

ქ. თბილისში, გლდანის ტერიტორიაზე გზების, ქუჩების მონაკვეთების მოწყობის და შეკეთების სამუშაოების დეფექტური აქტების შედგენის მომსახურეობის შესყიდვ.

1.2.1 შესყიდვის ობიექტის აღწერა.

1.2.1.1. გასაწევი მომსახურება:

1. დეფექტური აქტები, ტექნიკური დავალებები და ხარჯთაღრიცხვები შედგენილ უნდა იქნას შემდეგი სახის სამუშაოებზე:
ა) ასფალტის საფარიანი გზების (გვერდულების ჩათვლით) შეკეთებისა და შიდა ეზოების რეაბილიტაციის სამუშაოები - 30 000 მ2
ბ) გზების მოხრეშვის სამუშაოები - 5 000 მ2
გ) გზების რეაბილიტაციის სამუშაოები ცემენტო ბეტონის საფარით (გვერდულების ჩათვლით) - 3 000 მ2
დ) საკანალიზაციო ქსელის მოწყობის სამუშაოები - 200 გრძ/მ
ე) სანიაღვრე ქსელის მოწყობის სამუშაოები - 500 გრძ/მ
ზ/ა გასაწევი მომსახერების მოცულობები სავარაუდოა, საჭიროების შემთხვევაში მათი დაზუსტება შესაძლებელი იქნება მოთხოვნის შესაბამისად შემსყიდველთან შეთანხმებით, ერთეულის ფასების შეუცვლელად, ხელშეკრულების ღირებულების ფარგლებში.
მიმწოდებელს შესყიდვის ობიექტის კონკრეტული მისამართ(ებ)ი, გასაწევი მომსახურება და ვადა გადაეცემა ეტაპობრივად, შემსყიდველის მიერ გაცემული წერილობითი დავალების საფუძველზე.

2. მომსახურების სპეციფიკიდან გამომდინარე შემსყიდველი არ იღებს ვალდებულებას მომსახურების გაწევის ვადაში ტექნიკური დავალებით გათვალისწინებული მომსახურების მოცულობების სრულად დაკვეთის შესახებ.

1.2.1.2. მიმწოდებელმა უნდა უზრუნველყოს:
2.1 შემსყიდველის მიერ მითითებულ ობიექტზე გასვლა, აღმოჩენილი დეფექტების აღმოფხვრის მიზნით საჭირო ჩასატარებელი სამუშაოების მოცულობების დათვლა, დეფექტური აქტების (საჭიროების შემთხვევაში სანიაღვრე სისტემის გათვალისწინებით) საგზაო სამოსის კონსტრუქციის და ტექნიკური დავალებების და ხარჯთაღრიცხვის შედგენა.
2.2 აღმოჩენილი დეფექტების აღმოფხვრის მართლზომიერად განხორციელების მიზნით ადგილობრივ მოსახლეობასთან ურთიერთობა, ინფორმაციის მოპოვება და მათთან მიზნობრივი კოორდინირება.
2.3 საინფორმაციო მონაცემთა ბაზის წარმოება (სანიაღვრე ქსელებისთვის) დაარქივების მიზნით და შემდგომ ამ ბაზის შემსყიდველისათვის გადაცემა, როგორც ბეჭდური, ასევე ელექტრონული ფორმით.
2.4 შესასრულებელი სამუშაოების დეფექტური აქტების და ხარჯთაღრიცხვების შედგენისას მიმწოდებელმა უნდა იხელმძღვანელოს ქვეყანაში მოქმედი ნორმებითა და სტანდარტებით. მ/შორის ასფალტის საფარის სამუშაოებზე დატკეპნა გათვალისწინებული უნდა იქნას „გოსტ 9128-2013“-ის მოთხოვნების შესაბამისად.
2.5 სარემონტო-სამშენებლო სამუშაოების მიმდინარეობის პროცესში აღმოჩენილი რაიმე უზუსტობის ან/და დეფექტურ აქტებსა და ტექნიკური დოკუმენტაციით გაუთვალისწინებელი გარემოების წარმოშობის შემთხვევაში, მიმწოდებელი ვალდებულია საკუთარი ხარჯებით შეიტანოს შესაბამისი ცვლილებები (კორექტირება) დეფექტურ აქტებსა და ტექნიკურ დოკუმენტაციაში.
2.6 ფეხით მოსიარულეთა გადასასვლელების და ინვალიდთა ეტლების ასასვლელების კონსტრუქციული ელემენტების გათვალისწინება პროექტში;
2.7 შემსყიდველისათვის სრული ტექნიკური დოკუმენტაციის წარმოდგენა: როგორც ნაბეჭდი (4 ეგზემპლიარი) ასევე ელექტრონული ვერსიის სახით, ფონტით - „Sylfaen”, ხოლო ლათინური სიმბოლოები - „Calibri”-ით („PDF” და „DWG”, ხარჯთაღრიცხვა 4 ეგზ. „EXCEL” ფორმატში).

1.2.1.3 ტექნიკური დოკუმენტაცია უნდა შეიცავდეს:
3.1 კონკრეტული ობიექტის ტოპოგადაღება, გეგმა მასშტაბში 1:1500, გეგმიურ-სიმაღლური წერტილების (რეპერები) დამაგრება, საჭიროების შემთხვევაში ვერტიკალური დაგეგმარება ან გრძივი და განივი პროფილების შედგენა, დეფექტური აქტი.
3.2 ტექნიკური დოკუმენტაციით გადაწყვეტილი უნდა იყოს: წყლის აცილების ღონისძიებები, საჭიროების შემთხვევაში, საყრდენი კედლის, შესაბამისი ქსელის მოწყობა და მიერთება, ეზოებში შესასვლელების, ბორდიურების, ტროტუარების მოწყობა;
3.3 კონკრეტული ობიექტის (მისამართის) შესაბამისი შესასრულებელი სამუშაოების ხარჯთაღრიცხვა (საჭიროების შემთხვევაში სანიაღვრე ქსელის მოწყობის გათვალისწინებით);
3.4 რელიეფის გეოლოგიური კვლევის ჩატარება (საჭიროების შემთხვევაში, არაუმეტეს 8 მისამართი);
3.5 მიმწოდებელმა ტექნიკური დოკუმენტაციის შედგენის დროს უნდა იხელმძღვანელოს საქართველოს მთავრობის 2014 წლის 6 იანვრის N41-ე დადგენილებით ,,შეზღუდული შესაძლებლობის მქონე პირთათვის სივრცის მოწყობისა და არქიტექტურული და გეგმარებითი ელემენტების ტექნიკური რეგლამენტის დამტკიცების თაობაზე“.

ეტაპობრივად, შემსყიდველის წერილობითი დავალების შესაბამისად, ხელშეკრულების გაფორმებიდან არაუგვიანეს 2025 წლის 20 დეკემბრის ჩათვლით.
მიმწოდებელს შესყიდვის ობიექტის კონკრეტული მისამართ(ებ)ი, გასაწევი მომსახურება და ვადა გადაეცემა ეტაპობრივად, შემსყიდველის მიერ გაცემული წერილობითი დავალების საფუძველზე.

ქ. თბილისი, დ. სარაჯიშვილის 1გ, გლდანის რაიონის გამგეობის ადმინისტრაციული შენობა.

2.2.1.1 პრეტენდენტს 2022 წლის 1 იანვრიდან უნდა გააჩნდეს არანაკლებ შესყიდვის ობიექტის სავარაუდო ღირებულების 150% ღირებულების გზებისა და ქუჩების მონაკვეთების შეკეთების ან/და რეაბილიტაციის ან/და მოწყობის სამუშაოებისთვის დეფექტური აქტების, ტექნიკური დოკუმენტაციის და ხარჯთაღრიცხვების შედგენის ან/და საპროექტო დოკუმენტაციის შედგენის მომსახურების გამოცდილება. წარმოდგენილ იქნას დამადასტურებელი დოკუმენტაცია: ხელშეკრულებ(ები)ა, ამ ხელშეკრულებ(ებ)ის შესრულების დამადასტურებელი: 1. მიღება-ჩაბარების აქტ(ებ)ი, 2. დადასტურებული ანგარიშ-ფაქტურა ან/და გადახდის დამადასტურებელი დოკუმენტი.

2.2.1.2 იმ შემთხვევაში, თუ პრეტენდენტის მიერ შესრულებულ ანალოგიურ სამუშაო(ებ)ზე შესყიდვ(ებ)ა განხორციელებულია სახელმწიფო შესყიდვების ერთიანი ელექტრონული სისტემის გამოყენებით და სისტემაში სრულყოფილად არის ატვირთული შესრულების შესახებ ინფორმაცია/დოკუმენტაცია, პრეტენდენტს არ აქვს 2.2.1.1 პუნქტით მოთხოვნილი გამოცდილების დამადასტურებელი დოკუმენტების წარმოდგენის ვალდებულება. საკმარისია წარმოდგენილ იქნას ინფორმაცია გამოცდილების შესახებ დანართი N2-ის შესაბამისად, რომელშეც მითითებული იქნება სატენდერო განცხადებ(ებ)ის SPA/NAT/CMR.. ნომერი. (დანართი N2).

შენიშვნა:
სატენდერო დოკუმენტაციით გათვალისწინებული გამოცდილების მოთხოვნებთან შესაბამისობის დადასტურების მიზნით, სახელმწიფო შესყიდვების ერთიან ელექტრონულ სისტემაში წარმოგენილ, უცხო ქვეყანაში შედგენილ დოკუმენტზე ხელმოწერები და ხელმომწერი პირების უფლებამოსილება დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.

შესყიდვის თავისებურებიდან (მომსახურების სპეციფიკიდან) გამომდინარე, ვინაიდან აღნიშნული შესყიდვის ობიექტი წარმოადგენს ინტელექტუალურ მომსახურებას, ხოლო ინტელექტუალური მომსახურების დანახარჯებს ძირითადად წარმოადგენს ადამიანური რესურსის შრომითი გასამრჯელო, მიმწოდებელს აქვს შესაძლებლობა აღნიშნული ინტელექტუალური მომსახურება განახორციელოს საბაზრო ღირებულებასთან შედარებით დაბალ ფასად. ზემოაღნიშნულიდან გამომდინარე, პრეტენდენტის მიერ სისტემაში შესყიდვის ობიექტის სავარაუდო ღირებულებასთან 20%-ით ან მეტით დაბალი საბოლოო ფასის დაფიქსირების შემთხვევაში არ წარმოეშვება ფასწარმოქმნის ადეკვატურობის დასაბუთების ვალდებულება.

ანგარიშსწორება მოხდება უნაღდო ანგარიშსწორებით ლარში, ქ. თბილისის მუნიციპალიტეტის 2025 წლის ადგილობრივი ბიუჯეტის სახსრებით.

ეტაპობრივად, მიღება-ჩაბარების აქტის გაფორმებიდან 10 (ათი) სამუშაო დღის ვადაში.

ლევან ლომთათიძე, 595544050, l.lomtatidze@tbilisi.gov.ge

10.1.1 ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3 სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
10.1.4 სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.5 პრეტენდენტს არა აქვს უფლება წარმოადგინოს ალტერნატიული სატენდერო წინადადება.
10.1.6 სატენდერო დოკუმენტაციის მოთხოვნებთან შესაბამისობის დადასტურების მიზნით, სახელმწიფო შესყიდვების ერთიან ელექტრონულ სისტემაში წარმოდგენილ, უცხო ქვეყანაში შედგენილ დოკუმენტზე ხელმოწერები და ხელმომწერი პირების უფლებამოსილება დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.

პრეტენდენტის მიერ ერთიან ელექტრონულ სისტემაში ასატვირთი მონაცემები:
1. მომსახურების ხარჯთაღრიცხვა წარმოდგენილ უნდა იქნას დანართი N1–ის მიხედვით
(ხარჯთაღრიცხვის წარმოუდგენლობა ან განუფასებლად წარმოდგენა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას).
2. ინფორმაცია/დოკუმენტაცია გამოცდილების შესახებ დანართი N2 –ის და სატენდერო
დოკუმენტაციის 2.2.1 პუნქტის მოთხოვნების შესაბამისად.