Оптические инструменты (Грузия - Тендер #65544119)

ფოტოკამერების და მათი აქსესუარების სახელმწიფო შესყიდვა.

1. შემოთავაზებული საქონელი დამზადებული უნდა იყოს ქარხნული წესით, ამავდროულად მისაწოდებელი საქონელი უნდა იყოს ახალი (ექსპლუატაციაში არ მყოფი), ქარხნული შეფუთვით, ხარისხობრივად უნაკლო, საწარმოო დეფექტის გარეშე, ტრანსპორტირებისთვის უსაფრთხო შეფუთვით და უნდა აკმაყოფილებდეს ტექნიკურ დავალებაში მითითებულ ტექნიკურ პარამეტრებს/მახასიათებლებს.
2. შესყიდვის ობიექტის აღწერილობა/ტექნიკური მახასიათებლები, რაოდენობა მოცემულია სატენდერო დოკუმენტაციის დანართი N1-ში (ტექნიკური დავალება).

შესყიდვის ობიექტის მიწოდების ვადა - ხელშეკრულების გაფორმებიდან არაუგვიანეს 60 (სამოცი) კალენდარული დღისა.

შესყიდვის ობიექტის მიწოდების ადგილი - ქ. თბილისი, სანაპიროს ქ. N4, საქართველოს კულტურის სამინისტრო.

1.7.1.1. მოწოდებულ საქონელს უნდა გააჩნდეს მიღება-ჩაბარების აქტის გაფორმებიდან არანაკლებ 2 (ორი) წლიანი გარანტია (დანართი N2-ით განსაზღვრულ ფასების ცხრილში მითითებულ პირველ, მე-2, მე-3, მე-4 მე-5, მე-6, მე-13 და მე-14 პოზიციებს).
1.7.1.2. მოწოდებულ საქონელს უნდა გააჩნდეს მიღება-ჩაბარების აქტის გაფორმებიდან არანაკლებ 1 (ერთი) წლიანი გარანტია (დანართი N2-ით განსაზღვრულ ფასების ცხრილში მითითებულ მე-7, მე-8 მე-9, მე-10, მე-11, მე-12 და მე-15 პოზიციებს).
1.7.1.3. მიწოდებულ საქონელზე მიღება-ჩაბარების აქტის გაფორმებიდან 6 (ექვსი) თვის განმავლობაში შემსყიდველის მიერ რაიმე სახის ფარული ნაკლის, ხარვეზის, ქარხნული წუნის აღმოჩენის შემთხვევაში, მიმწოდებელი ვალდებულია ჩაანაცვლოს წუნდებული საქონელი ახლით არაუგვიანეს 45 (ორმოცდახუთი) კალენდარულ დღეში.
1.7.1.4. მიწოდებულ საქონელზე მიღება-ჩაბარების აქტის გაფორმებიდან 6 (ექვსი) თვის შემდეგ საგარანტიო ვადის განმავლობაში რაიმე სახის ფარული ნაკლის, ხარვეზის, ქარხნული წუნის აღმოჩენის შემთხვევაში მიმწოდებელი ვალდებულია გამოვლენილი წუნდებული საქონლის შეკეთება უზრუნველყოს საკუთარი ხარჯებით, მოთხოვნიდან არაუგვიანეს 15 (თხუთმეტი) კალენდარული დღის ვადაში, ხოლო თუ შეუძლებელია შეკეთება, ასეთ შემთხვევაში შეცვალოს საქონლი ახლით. მისი შეცვლა უნდა უზრუნველყოს შემსყიდველის მოთხოვნიდან არაუგვიანეს 45 (ორმოცდახუთი) კალენდარული დღისა; თუ შეუძლებელია წუნდებული საქონლის შეცვლა და შემსყიდველის მიერ თანხა გადახდილია, მიმწოდებელი ვალდებულია არაუგვიანეს 5 (ხუთი) სამუშაო დღისა, უკან დააბრუნოს წუნდებული საქონლის სრული ღირებულება.
1.7.1.5. საგარანტიო პირობებით განსაზღვრული მოთხოვნები, ძალაშია მთელი საგარანტიო ვადის განმავლობაში, მიუხედავად ხელშეკრულების მოქმედების ვადის ამოწურვისა;
1.7.1.6. მოწოდებული შესყიდვის ობიექტის ხარისხი უნდა შეესაბამებოდეს ამ სფეროში არსებულ სტანდარტებს და ტექნიკურ ნორმებს.
1.7.1.7. საგარანტიო ვადაში საჭიროების შემთხვევაში საქონლის ტრანსპორტირება უნდა უზრუნველყოს მიმწოდებელმა.
მიმწოდებლისთვის შეტყობინება განხორციელდება ელექტრონული ფოსტის ან სატელეფონო კომუნიკაციის საშუალებით.
1.7.1.8. პრეტენდენტმა უნდა წარმოადგინოს ინფორმაცია საგარანტიო ვადებისა შესახებ დანართი N2-ის შესაბამისად.

მიმწოდებელმა უნდა წარმოადგინოს ინფორმაცია შესყიდვის ობიექტის მწარმოებელი ქვეყნის, მწარმოებელი კომპანიის და კონკრეტული მოდელის თაობაზე. იმ შემთხვევაში თუ შესყიდვის ობიექტს მოდელი არ გააჩნია აღნიშნულის მითითებაც სავალდებულოა.
შენიშვნა: თუ პრეტენდენტის მიერ, „წინადადების მიღება დასრულებულია“ ეტაპზე, "ფასების ცხრილში" არ არის წარდგენილი ან მითითებული შემოთავაზებული შესყიდვის ობიექტის მწარმოებელი ქვეყნის, მწარმოებელი კომპანიის და კონკრეტული მოდელის შესახებ ინფორმაცია, გამოიწვევს პრეტენდენტის დისკვალიფიკაციას ყოველგვარი დაზუსტების პროცედურების გარეშე, ხოლო აღნიშნული ინფორმაციის არასრულყოფილად ან უზუსტობებით წარმოდგენის შემთხვევაში ტექნიკური დოკუმენტაციის დაზუსტება განხორციელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის“ 27-ე მუხლის 3 პრიმა პუნქტის შესაბამისად.

პრეტენდენტმა, ტექნიკური დავალების შესაბამისად, ფასების ცხრილის ზოგიერთ პოზიციაზე (მითითებულია ფასების ცხრილში) ერთიანი ელექტრონული სისტემის მეშვეობით, უნდა წარმოადგინოს შემოთავაზებული საქონლის მწარმოებლის ოფიციალური ვებ-გვერდიდან ვებ-ბმული, რომელიც დაადასტურებს შემოთავაზებული საქონლის შესაბამისობას სატენდერო დოკუმენტაციით განსაზღვრულ ტექნიკურ მოთხოვნებთან,ხოლო ფასების ცხრილის დანარჩენ პოზიციებზე, პრეტენდენტმა უნდა წარმოადგინოს შემოთავაზებული საქონლის ტექნიკური პასპორტი ან/და მწარმოებლის მიერ გაცემული ინფორმაცია/დოკუმენტი ან/და ვებ-ბმული მწარმოებლის ოფიციალური ვებ-გვერდიდან, ან კატალოგიდან, რომელიც დაადასტურებს შემოთავაზებული საქონლის შესაბამისობას სატენდერო დოკუმენტაციის 1.2 პუნქტით განსაზღვრულ მოთხოვნებთან.

დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე, რომელიც დამოწმებული უნდა იყოს ნოტარიული წესით.

4.1.1.1 „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6 და მე-7 პუნქტების საფუძველზე, იმ შემთხვევაში თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტმა შემსყიდველი ორგანიზაციის წერილობითი მოთხოვნის შემდეგ, უნდა წარმოადგინოს/ატვირთოს ფასწარმოქმნის ადეკვატურობის დასაბუთება. ფასწარმოქმნის ადეკვატურობა, შესაძლებელია დასაბუთდეს სსიპ ლევან სამხარაულის სასამართლო ექსპერტიზის ეროვნული ბიუროს ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული ან/და საშემფასებლო დასკვნით. დასკვნასთან ერთად ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი. დასკვნა ცალსახად უნდა ადასტურებდეს დაფიქსირებულ ფასად, მიმწოდებლის მხრიდან, ხელშეკრულებით ნაკისრი ვალდებულებების შესარულების შესაძლებლობას. პრეტენდენტმა უნდა გაითვალისწინოს, რომ „ ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების 28-ე მუხლის მე-5 პუნქტის თანახმად, ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ფასების ცხრილის ჯამურ ღირებულებასთან), ასევე ფასების ცხრილის ერთეულთან მიმართებით.

სსიპ „ლევან სამხარაულის სახელობის ექსპერტიზის ეროვნული ბიუროს" მიერ გაცემული დასკვნის შემთხევაში, დასკვნის გამცემი პირის (როგორც დასკვნის გამცემი კომპანია ასევე დასკვნაზე ხელმომწერი პირები) შესაბამისი უფლებამოსილების/აკრედიტაციის დამადასტურებელი დოკუმენტის წარმოდგენა არ მოითხოვება.

4.1.1.2 ექსპერტიზის დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

მიმწოდებელთან ანგარიშსწორება განხორციელდება უნაღდო ანგარიშსწორების წესით ეროვნულ ვალუტაში, ეტაპობრივად ან ერთიანად ფაქტიურად მიწოდებული შესყიდვის ობიექტის ღირებულების შესაბამისად, მიღება-ჩაბარების აქტის გაფორმების საფუძველზე.

ანგარიშსწორება განხორციელდება მიღება-ჩაბარების აქტის გაფორმებიდან 10 (ათი) სამუშაო დღის ვადაში.

ირაკლი ციკოლია, 577959188, itsikolia@culture.gov.ge

10.1.1. სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა.
10.1.2. ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
10.1.3. ალტერნატიული სატენდერო წინადადება არ განიხილება.
10.1.4. სატენდერო წინადადების ფასი გამოსახული უნდა იყოს ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული მიმწოდებლის ყველა ხარჯის (მ.შ კანონმდებლობით გათვალისწინებული გადასახადები) გათვალისწინებით.
10.1.5. პრეტენდენტმა სატენდერო წინადადების ფასში უნდა გაითვალისწინოს დღგ.
10.1.6. პრეტენდენტი დაექვემდებარება დისკვალიფიკაციას, თუ მის მიერ არ იქნება წარმოდგენილი ფასების ცხრილი (სატენდერო დოკუმენტაციის დანართი №2) ან ფასების ცხრილი წარმოდგენილი იქნება განფასების გარეშე ან წარდგენილ ფასების ცხრილში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.
10.1.7. ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.