Ремонт и техническое обслуживание транспортных средств и оборудования и сопутствующие услуги (Грузия - Тендер #65292574)

სსიპ „ახალგაზრდობის სააგენტოს“ ბალანსზე რიცხული ავტომანქანის (TOYOTA HIGHLANDER, სახელმწიფო ნომერი QL-121-QQ, ძრავის მოცულობა 3.5 ბენზინი, გამოშვების წელი 2012წ, ვინ კოდი: JTEES42A902204213) ძრავის შეკეთების მომსახურების შესყიდვა.

1.2.1. მიმწოდებელმა უნდა უზრუნველყოს ავტომობილის ძრავის შეკეთება ტექნიკური დოკუმენტაციის დანართი N1-ის (ფასების ცხრილი) შესაბამისად.
1.2.2. პრეტენდენტი ვალდებულია, ძრავი შეაკეთოს უფლებრივად და ნივთობრივად უნაკლო, ახალი, ქარხნული, ექსპლუატაციაში არმყოფი ხარისხიანი ნაწილებით. ნაკლის აღმოჩენის შემთხვევაში, მიმწოდებელი ვალდებულია, შემსყიდველის მიერ მითითებულ ვადაში აღმოფხვრას არსებული დეფექტები საკუთარი ხარჯით.
1.2.3. ავტომანქანის შეკეთებისა და ტექნიკური მომსახურების საბოლოო მიღება-ჩაბარებამდე, მიმწოდებელი ვალდებულია ჩაატაროს ავტომანქანის კომპიუტერული დიაგნოსტიკა შემსყიდველი ორგანიზაციის უფლებამოსილი პირის თანდასწრებით.
1.2.4. მომსახურების დროს გამოყენებული წვრილმანი დეტალების/მასალის ღირებულება, კომპიუტერული დიაგნოსტიკა უნდა შედიოდეს ხელშეკრულების ღირებულებაში.
1.2.5. მომსახურების გაწევის პროცესში წარმოქმნილი ხარვეზების, დაზიანებების, ძარცვისა და ვანდალიზმის შემთხვევაში მიმწოდებელი ვალდებულია საკუთარი ხარჯებით უზრუნველყოს ზიანის აღმოფხვრა;

მომსახურება უნდა განხორციელდეს ხელშეკრულების გაფორმებიდან არაუგვიანეს 30 კალენდარული დღის ვადაში.

მომსახურების გაწევის ადგილია ქ. თბილისში მდებარე, პრეტენდენტის საკუთრებაში ან მართლზომიერ სარგებლობაში (ქირავნობის, იჯარის ან სამოქალაქო კოდექსით გათვალისწინებული/დაშვებული უძრავის ქონებით სარგებლობის სხვა ნებისმიერი ფორმით) არსებული ავტოტექმომსახურების სერვის-ცენტრი (ერთიანი სივრცე), რომელიც აღჭურვილი იქნება ძრავის რემონტისათვის საჭირო ყველა მოწყობილობა-დანადგარით.

მოთხოვნა საგარანტიო ვადის შესახებ:

1.7.1.1. მიმწოდებლის მიერ გაწეულ მომსახურებაზე და თანმდევ სათადარიგო ნაწილებზე უნდა ვრცელდებოდეს მიღება-ჩაბარების აქტის გაფორმებიდან არანაკლებ 6 თვიანი ან 40 000 კმ. გარბენი (რომელიც უფრო ადრე შესრულდება) გარანტია.
1.7.1.2 იმ შემთხვევაში, თუ აღმოჩნდება, რომ მიმწოდებლის მიერ არ არის სრულყოფილად გაწეული მომსახურება და/ან შეცვლილი ნაწილი აღმოჩნდა წუნდებული/დეფექტიანი, მიმწოდებელი ვალდებულია, აღმოჩენილი ხარვეზი აღმოფხვრას საკუთარი ხარჯებით, შემსყიდველი ორგანიზაციის წერილობითი მიმართვიდან 10 (ათი) კალენდარული დღის ვადაში. თუ ძრავი ისე დაზიანდა, რომ საჭიროა ევაკუატორის მომსახურება, მიმწოდებელმა შემსყიდველისათვის უნდა უზრუნველყოს ევაკუატორის მომსახურების გაწევა.

2.2.1.1 პრეტენდენტს 2024 წლის 01 იანვრიდან ტენდერის გამოცხადების დღემდე, ჯამურად შესრულებული უნდა ჰქონდეს არანაკლებ 16 000.00 (თექვსმეტი ათასი) ლარის ღირებულების ავტოსაპტრანსპორტო საშუალებების შეკეთების მომსახურების ან/და ანალოგიური მომსახურების გაწევის გამოცდილება.
2.2.1.2 პრეტენდენტმა უნდა წარმოადგინოს ავტოსატრანსპორტო საშუალებების ან/და ანალოგიური მომსახურების გაწევის დამადასტურებელი დოკუმენტების ასლები (ხელშეკრულება შესაბამისი მიღება-ჩაბარების აქტითა და ანგარიშსწორების დამადასტურებელი დოკუმენტაციით, ან/და შემსყიდველის/დამკვეთის მიერ დადასტურებული მკაცრი აღრიცხვის დოკუმენტ(ებ)ი რითაც დადასტურდება პრეტენდენტის გამოცდილება). სახელმწიფო შესყიდვის შესახებ ხელშეკრულებ(ებ)ის არსებობის შემთხვევაში საკმარისია შესაბამისი SPA, NAT, CMR, MEP, DAP ნომრების წარმოდგენა.
ზემოაღნიშნულის დასადასტურებლად პრეტენდენტმა უნდა უზრუნველყოს ინფორმაციის წარმოდგენა გამოცდილების შესახებ (სატენდერო დოკუმენტაციის 2.2.1 პუნქტში არსებული დანართი N2-ის შესაბამისად.
2.2.1.3 სატენდერო დოკუმენტაციის დანართი N2-ში, პრეტენდენტის მიერ ფაქტობრივად გაწეული ანალოგიური მომსახურების ღირებულების შესახებ ინფორმაცია მითითებულ უნდა იქნას ლარში. უცხოურ ვალუტაში გაწეული მომსახურების შემთხვევაში, აღნიშნული ინფორმაცია მითითებული უნდა იყოს მომსახურების გაწევის დამადასტურებელი დოკუმენტების გაფორმების თარიღისთვის, შესაბამისი ვალუტის მიმართ საქართველოს ეროვნული ბანკის მიერ დადგენილი, ლარის ოფიციალური გაცვლითი კურსის მიხედვით.

1. პრეტენდენტს სარგებლობაში ან/და საკუთრებაში უნდა ჰქონდეს: ქ. თბილისში მოქმედი მინიმუმ ერთი სერვის ცენტრ(ებ)ი (არანაკლებ სამი ბოქსით), რომელიც უზრუნველყოფილი იქნება ყველა იმ მატერიალურ-ტექნიკური და კვალიფიციური ადამიანური რესურსით, რაც საჭიროა სატენდერო დოკუმენტაციით გათვალისწინებული ძრავის შეკეთების ხარისხიანად შესრულებისათვის, აღნიშნულის დასტურად პრეტენდენტის გადამოწმება განხორციელდება შემსყიდველის ადგილზე მისვლით.
2. ქ. თბილისში სერვისცენტრ(ებ)ის საკუთრებაში ან/და სარგებლობაში არსებობის დასადასტურებლად პრეტენდენტმა უნდა წარმოადგინოს მატერიალურ–ტექნიკური ბაზის მისამართი. სერვისცენტრის საკუთრებაში არსებობის შემთხვევაში, ერთიან ელექტრონულ სისტემაში ატვირთული უნდა იქნას საკუთრების დამადასტურებელი დოკუმენტ(ებ)ი, ხოლო სარგებლობის უფლებით ფლობის შემთხვევაში სარგებლობის უფლების დამადასტურებელი დოკუმენტ(ებ)ი, რომელთა მოქმედების ვადა ტოლი უნდა იყოს ან აღემატებოდეს ხელშეკრულებით გათვალისწინებული მომსახურების ვადას. ( 6 თვის ვადით) სარგებლობის დამადასტურებელ დოკუმენტაციასთან ერთად წარმოდგენილი უნდა იყოს აღნიშნულ უძრავ ქონებაზე „მეიჯარის“ საკუთრების დამადასტურებელი დოკუმენტაცია (ამონაწერი საჯარო რეესტრიდან).

1.იმ შემთხვევაში, თუ ტენდერში პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, მიმწოდებელმა უნდა დაასაბუთოს (სისტემაში ატვირთოს) ფასწარმოქმნის ადეკვატურობა (ამ ფასად ტენდერით გათვალისწინებული ვალდებულების შესრულების შესაძლებლობა).
2.ფასწარმოქმნის ადეკვატურობა, შესაძლებელია დასაბუთდეს ექსპერტიზის ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი). აღნიშნულის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.
3. ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

1. ანგარიშსწორება განხორციელდება უნაღდო ანგარიშსწორებით.
2. ანგარიშსწორება განხორციელდება ეროვნულ ვალუტაში (ლარში).
3. ანგარიშსწორება განხორციელდება გაწეული მომსახურების შესაბამისად, მიღება-ჩაბარების აქტის გაფორმებისა და საგადახადო დოკუმენტაციის (არსებობის შემთხვევაში) წარმოდგენის შემდეგ.

ანგარიშსწორება მოხდება მხარეებს შორის მიღება-ჩაბარების აქტისა და მიღება-ჩაბარების აქტის გაფორმებისა და საგადახადო დოკუმენტაციის (არსებობის შემთხვევაში) წარმოდგენის შემდეგ, 10 (ათი) სამუშაო დღის ვადაში.

ირაკლი ბენელიანი, 555779956, i.bendeliani@youthagency.gov.ge

1. სახელმწიფო შესყიდვების ერთიან ელექტრონულ სისტემაში (შემდგომში – „სისტემა“) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად;
2. პრეტენდენტს არ აქვს უფლება წარმოადგინოს ალტერნატიული სატენდერო წინადადება;
3. პრეტენდენტი ვალდებულია ნებისმიერი უცხოურენოვანი დოკუმენტაციის ატვირთვის შემთხვევაში წარმოადგინოს იგი ქართულ ენაზე ნათარგმნი და ნოტარიულად დამოწმებული;
4. სახელმწიფო შესყიდვების ერთიან ელექტრონულ სისტემაში ატვირთული პრეტენდენტის მიერ შექმნილი დოკუმენტები და/ან ინფორმაცია (გარდა ხარჯთაღრიცხვისა) უნდა იქნას ელექტრონულად ხელმოწერილი შესაბამისი უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვების ერთიან ელექტრონულ სისტემაში ასატვირთ მის მიერ შექმნილ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. „სახელმწიფო შესყიდვის განხორციელებისას, დოკუმენტებზე კვალიფიციური ელექტრონული ხელმოწერის შესრულების ან/და დოკუმენტების კვალიფიციური ელექტრონული შტამპით დამოწმების თაობაზე“ სახელმწიფო შესყიდვების სააგენტოს მიერ დადგენილი სახელმძღვანელო ინსტრუქცია). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა; სხვა დამატებითი დოკუმენტაცია/ინფორმაცია, რომელიც არ არის პრეტენდენტის მიერ შექმნილი, მათ შორის, გეგმები და პროექტის ნახაზები, დასკვნები, MAF, უცხოური დოკუმენტების თარგმანი, ექსპერტიზის დასკვნები, აკრედიტაცია/ნებართვა, ხელშეკრულება, მიღება-ჩაბარების აქტები, დიპლომი/სიგელი/სერთიფიკატი, ტექპასპორტი, ფოტოსურათი, ესკიზი და სხვა, მათ დამატებით აღარ ესაჭიროება კვალიფიციური ხელმოწერა ან/და კვალიფიციური შტამპი, რადგან კანონმდებლობა არ მოითხოვს სისტემაში დოკუმენტის დამოწმებული ასლების ატვირთვას.
სახელმწიფო შესყიდვების ერთიან ელექტრონულ სისტემაში პრეტენდენტის მიერ შექმნილი ყველა დოკუმენტი (წინადადების სახით) ან/და ინფორმაცია ხელმოწერილი უნდა იყოს ,,ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მოთხოვნათა გათვალისწინებით. გარდა, სატენდერო დოკუმენტაციის კითხვარის 1.3 პუნქტით გათვალისწინებული დანართისა (ფასების ცხრილი/ხარჯთაღრიცხვა) რომელიც წარმოდგენილი უნდა იქნას Excel-ის ფორმატის სახით.
5. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად;
6. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი სატენდერო დოკუმენტაციის 1.3 პუნქტით გათვალისწინებული ფასების ცხრილი (ხარჯთაღრიცხვა) ან ის წარმოდგენილი იქნება განუფასებლად (გარდა იმ შემთხვევისა, თუ წარდგენილ ხარჯთაღრიცხვაში განუფასებელი პოზიცი(ებ)ის რაოდენობა არ აღემატება განსაფასებელი პოზიციების 1%-ს).
7. ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო. ამასთან, პრეტენდენტის მიერ ხელშეკრულების დადებისას რომელიმე პირობაზე უარის თქმის შემთხვევაში, მისი ქმედება განიხილება როგორც უარი ხელშეკრულების დადებაზე.