Ремонт и техническое обслуживание строительных сооружений (Грузия - Тендер #65263655)

მეტალო-პლასტმასისა და ალუმინის კარ-ფანჯრის რეგულირების შეკეთება/ტექნიკური მომსახურების შესყიდვა

იხ. ტექნიკური დოკუმენტაცია

გამოძახებიდან 24 საათის განმავლობაში.

მომსახურეობა უნდა განხორციელდეს ქ. თბილისში და ახლომდებარე რაიონებში, არაუმეტეს 40კმ რადიუსში მდებარე სახელმწიფო უსაფრთხოების სამსახურის ობიექტებზე; ურთიერთ შეთანხმების შემთხვევაში საქართველოს მასშტაბით არსებულ სახელმწიფო უსაფრთხოების სამსახურის სხვა ობიექტებზეც.

გაწეულ მომსახურეობასა და შეცვლილ დეტალებზე უნდა ვრცელდებოდეს გარანტია, მიღება-ჩაბარების გაფორმებიდან არანაკლებ 1 (ერთი) წელი.

პრეტენდენტს უნდა გააჩნდეს ანალოგიური მომსახურების გაწევის 3 წლიანი გამოცდილება 2022-2023-2024 წლებში (ერთი წლის გამოცდილებად ჩაითვლება 2022/2023/2024 წლის განმავლობაში გაფორმებული თუნდაც ერთი შესრულებული ხელშეკრულება ან/და განხორციელებული თუნდაც ერთი მიწოდება).

აღნიშნული ინფორმაცია წარმოდგენილი უნდა იყოს ერთიანი ელექტრონული სისტემის მეშვეობით SPA/NAT/CMR ნომრების მითითებით ან/და გაფორმებული ხელშეკრულებებით შესაბამისი მიღება-ჩაბარების აქტებით/ანგარიშფაქტურებით.

1. მიმწოდებელი ვალდებულია შემსყიდველს საკონტაქტოდ მიაწოდოს არანაკლებ ორი სატელეფონო ნომერი და ორი ელექტრონული ფოსტის მისამართი.
2. დავალება გაიცემა, როგორც სიტყვიერად, ასევე ელექტრონულ ფოსტაზე შეტყობინების გაგზავნის გზით;
3. ელექტრონულ ფოსტაზე შეტყობინების მიღების თარიღი ჩაითვლება შესასრულებელი დავალების გაცემის თარიღად;
4. მიმწოდებელი ვალდებულია შესრულებული სამუშაოს ამსახველი დოკუმენტაცია (დეფექტური აქტი, შემოწმების აქტი და ა.შ.) მიღება ჩაბარების აქტის გაფორმების მიზნით წარმოადგინოს არაუგვიანეს საანგარიშო თვის მომდევნო თვის 15 რიცხვისა;
5. შემსყიდველი უფლებამოსილია შეწყვიტოს მიმდინარე ხელშეკრულება, თუ მიმწოდებელზე გაგზავნილ იქნა ორი ან მეტი გამაფრთხილებელი წერილი, სადაც დაფიქსირებული იქნება მათ მიერ სამუშაოს არაჯეროვნად ან ვადაგადაცილებით შესრულების შემთხვევები;
6. შემსრულებელი ვალდებულია დაზიანების შემთხვევაში უზრუნველყოს, ფასთა ცხრილში (პრეისკურანტი) ჩამოთვლილი დეტალების გამოცვლა ან/და შესაბამისი რეგულირების სამუშაოების ჩატარება, გამოძახებიდან 24 საათის განმავლობაში;
7. მომსახურეობა უნდა განხორციელდეს შესაბამისი კვალიფიკაციის მქონე სპეციალისტების მიერ;
8. სპეციალისტი აღჭურვილი უნდა იყოს ყველა საჭირო ხელსაწყოთი;
9. სამუშაოების მსვლელობის დროს გათვალისწინებული უნდა იყოს უსაფრთხოების ნორმების დაცვა;
10. მომწოდებლმა სამუშაოების წარმოებისას დაუდევრობის შედეგად მიყენებული ზიანი უნდა აღმოფხვრას საკუთარი ხარჯებით;
11. შესყიდვის ღირებულება უნდა მოიცავდეს ტრანსპორტირების ხარჯს და საქართველოს კანონმდებლობით გათვალისწინებულ ყველა გადასახადს.

იმ შემთხვევაში, თუ ტენდერში პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფას(ებ)ით და აგრეთვე ჯამური ღირებულებით ამავე ფასების ცხრილით განსაზღვრული გასაწევი მომსახურების მიწოდების შესაძლებლობა.

ანგარიშსწორება განხორციელდება შემდეგი პირობებით:

ა) ანგარიშსწორების ვალუტა - ლარი;

ბ) ანგარიშსწორების ფორმა - უნაღდო, მიმწოდებლის მიერ მითითებული საბანკო რეკვიზიტების შესაბამისად.

შემსყიდველი იღებს ვალდებულებას გადაუხადოს მიმწოდებელს გაწეული მომსახურების ღირებულება მიღება-ჩაბარების აქტის გაფორმებიდან და თანმდევი დოკუმენტაციის გამოწერიდან/წარმოდგენიდან 10 (ათი) სამუშაო დღის განმავლობაში, ხოლო იმ შემთხვევაში, თუ მიმწოდებლის მიმართ გამოყენებული იქნება ხელშეკრულებით განსაზღვრული საჯარიმო სანქციები, მიმწოდებლის მიერ აღნიშნული საჯარიმო თანხის გადახდიდან 10 (ათი) სამუშაო დღის განმავლობაში.

სოფიო იმნაძე, 577545326, simnadze@mia.gov.ge

- პრეტენდენტის მიერ ერთიან ელექტრონულ სისტემაში ატვირთულ ყველა დოკუმენტზე (რომლებიც საჭიროებენ პრეტენდენტის ხელმოწერას) უნდა იყოს შესრულებული კვალიფიციური ელექტრონული ხელმოწერა ან/და წარმოდგენილი დოკუმენტები უნდა იყოს დამოწმებული კვალიფიციური ელექტრონული შტამპით (იხ. „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტი).
სახელმწიფო შესყიდვების ერთიან ელექტრონულ სისტემაში პრეტენდენტის მიერ შექმნილი ყველა დოკუმენტი (წარმოდგენილი წინადადების სახით) ან/და ინფორმაცია ხელმოწერილი უნდა იყოს ,,ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მოთხოვნათა გათვალისწინებით. გარდა, სატენდერო დოკუმენტაციის კითხვარის 1.3 პუნქტით გათვალისწინებული დანართისა (ფასების ცხრილი/ხარჯთაღრიცხვა) რომელიც წარმოდგენილი უნდა იქნას Excel-ის ფორმატის სახით.
„ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების თანახმად, პრეტენდენტის მიერ Excel-ის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს).
- სატენდერო წინადადების საერთო და ერთეულის ფასის წარმოდგენა დასაშვებია მხოლოდ ეროვნულ ვალუტაში.
- სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.
- სატენდერო წინადადება, ასევე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია და დოკუმენტაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
- სატენდერო წინადადების წარდგენით პრეტენდენტი ავტომატურად გამოხატავს თანხმობას სატენდერო პირობებით განსაზღვრულ მოთხოვნებზე.