Оборудование для подъема и перемещения и запасные части для подобного оборудования (Грузия - Тендер #65263630)

ლიფტის ნაწილები

1. შესყიდვის ობიექტია - სსიპ ეროვნული სატყეო სააგენტოს ადმინისტრაციულ შენობაში არსებულ ლიფტთან (ლიფტის დასახელება - Pneumasafelift. ძრავი - liftmaterial.) (ტვირთამწეობა 1000 კგ, სიჩქარე-1მ/წმ, ძრავის სიმძლავრე 7,0 კილოვატი, გაჩერება-6, მწარმოებელი ქვეყანა - ,,გერმანია’’) თავსებადი 1 (ერთი) კომპლექტი ნაწილები (ძველის დემონტაჟით და ახლის მონტაჟით), კერძოდ: ლიფტის მართვის კარადა კომპლექტში, ბრძანების და გამოძახების პანელები.
2. ლიფტის ნაწილები უნდა იყოს ახალი, არააღდგენილი და უდეფექტო/უნაკლო, ქარხნული წარმოების.
3. ლიფტის ნაწილები უნდა შეესაბამებოდეს შემსყიდველის მოთხოვნებს, ხარისხობრივ მონაცემებს და პასუხობდეს ამ სფეროში არსებულ სტანდარტებს.
4. საქონლის (ძველის დემონტაჟით და ახლის მონტაჟით) მიღება განხორციელდება მიწოდებული საქონელის ტესტირების საფუძველზე, შეუსაბამო/ წუნდებული/ არათავსებადი საქონლის მიღება არ განხორციელდება და ხელშეკრულებით განსაზღვრული მიწოდების ვადის ამოწურვის შემდგომ, მიმწოდებელს დაეკისრება ხელშეკრულებით განსაზღვრული ჯარიმები.
5. მიმწოდებლის მიერ მიწოდებული საქონელი (ძველის დემონტაჟით და ახლის მონტაჟით) უნდა იყოს იმავე წარმოშობის ქვეყნის, მწარმოებელი ორგანიზაციის/ბრენდის და მოდელის ან/და ნაწილის ნომრის (ასეთის არსებობის შემთხვევაში) შესაბამისი რაც შემოთავაზებულია ტენდერში და რომელზეც შესაბამისობა დადგენილია შერჩევა-შეფასების ეტაპზე. თუ მიწოდებული საქონელი (ძველის დემონტაჟით და ახლის მონტაჟით) აღნიშნული პირობების დაცვით არ იქნება წარმოდგენილი არ მოხდება მიღება და მიწოდების ვადის გადაცილების შემთხვევაში დაერიცხება ხელშეკრულებით გათვალისწინებული ჯარიმები.

შენიშვნა: თუ შესყიდვის ობიექტის ტექნიკური მახასიათებლებში მითითებულია სასაქონლო ნიშანი, პატენტი, მოდელი, წარმოშობის წყარო ან მწარმოებელი იგულისხმება მისი „მსგავსი“ ან „ექვივალენტი“

საქონლის (ძველის დემონტაჟით და ახლის მონტაჟით) მიწოდება უნდა განხორციელდეს ხელშეკრულების გაფორმებიდან 70 (სამოცდაათი) კალენდარული დღის განმავლობაში.

საქონლის (ძველის დემონტაჟით და ახლის მონტაჟით) მიწოდება უნდა განხორციელდეს შემსყიდველის მისამართზე: ქ.თბილისი, ვლადიმერ წითლანაძის I შესახვევი №1.

1. მიმწოდებელი იძლევა გარანტიას, რომ მიწოდებული საქონელი (ძველის დემონტაჟით და ახლის მონტაჟით) იქნება ხარისხიანი და მისი ექსპლუატაციის ნორმების დაცვის შემთხვევაში, არ გამოავლენს დეფექტს და შეესაბამება ხელშეკრულების მოთხოვნებს.
2. წინამდებარე ხელშეკრულების საფუძველზე შესყიდული საქონლის საგარანტიო ვადა შეადგენს 12 (თორმეტი) თვეს მიღება–ჩაბარების აქტის გაფორმებიდან.
3. თუ მიწოდებული საქონლის საგარანტიო ვადის ამოწურვამდე აღმოჩნდება ან გამოვლინდება ნაკლი ან/და დეფექტი, მიმწოდებელი ვალდებულია შემსყიდველის შეტყობინებიდან 20 (ოცი) სამუშაო დღეში საკუთარი ხარჯებით უზრუნველყოს ნაკლიანი საქონლის ახლით შეცვლა (ახლით შეცვლის შემთხვევაში საქონელი უნდა იყოს შესაცვლელი საქონლის არანაკლები ტექნიკური მახასიათებლების და მონაცემების).
4. ზემოაღნიშნულ ვადაში საქონელზე გამოვლენილი ხარვეზის/დეფექტის აღმოფხვრის გამო ტრანსპორტირების საჭიროების შემთხვევაში საქონლის ტრანსპორტირება უნდა უზრუნველყოს მიმწოდებელმა.

1. პრეტენდენტმა უნდა წარმოადგინოს სრული ინფორმაცია მისაწოდებელი საქონლის შესახებ, ტექნიკური დავალებისა და ფასების ცხრილის შესაბამისად, მათ შორის - შემოთავაზებული საქონლის მწარმოებელი, წარმოშობის ქვეყანა, მოდელი/დასახელება (ასეთის არსებობის შემთხვევაში). (აღნიშნული ინფორმაციის ქართულ ენაზე თარგმნა და ნოტარიული წესით დამოწმება სავალდებულო არ არის).
2. შესყიდვის ობიექტის წარმოშობის ქვეყნის, მწარმოებლის ან/და მოდელის/დასახელების (ასეთის არსებობის შემთხვევაში) შესახებ ინფორმაციის წარმოუდგენლობა, ფასების ცხრილის წარმოუდგენლობა ან განუფასებლად წარმოდგენა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას.
3. იმ შემთხვევაში, თუ შესყიდვის ობიექტს არ გააჩნია მოდელი, უნდა მიეთითოს - "მოდელი არ გააჩნია".

სატენდერო პროცედურების განხორციელების ეტაპზე ქვეკონტრაქტორ(ებ)ის არსებობის შემთხვევაში სახელმწიფო შესყიდვების ერთიან ელექტრონულ სისტემაში ატვირთული უნდა იქნას პრეტენდენტსა და ქვეკონტრაქტორ(ებ)ს შორის გაფორმებული ხელშეკრულებ(ები)ა. ასევე, ატვირთული უნდა იქნეს ქვეკონტრაქტორის შესახებ ყველა ის ინფორმაცია და დოკუმენტი, რომლებიც მოეთხოვება პრეტენდენტს.

1. პრეტენდენტმა უნდა წარმოადგინოს სატენდერო წინადადების ფასი დანართის (ფასების ცხრილი) მიხედვით.
2. იმ შემთხვევაში, თუ პრეტენდენტს ერთიან ელექტრონულ სისტემაში მითითებული არ აქვს ხელმძღვანელის სახელი, გვარი და სრული საბანკო რეკვიზიტები, პრეტენდენტი ვალდებულია წარმოადგინოს აღნიშნული ინფორმაცია.
3. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი ან/და ინფორმაცია დამოწმებული უნდა იყოს კვალიფიციური ხელმოწერით/კვალიფიციური შტამპით, უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა ან რწმუნებულება). (excel ფორმატში წარმოდგენილი ფასების ცხრილი არ საჭიროებს კვალიფიციური ხელმოწერით/კვალიფიციური შტამპით დამოწმებას).

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველის მოთხოვნიდან პრეტენდენტი ვალდებულია უზრუნველყოს ფასწარმოქმნის ადეკვატურობის დასაბუთება. დასაბუთება შესაძლებელია განხორციელდეს ექსპერტიზის ან/და აუდიტის დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას. დასკვნა გაცემული უნდა იყოს ლიცენზირებული ან აკრედიტირებული ან/და უფლებამოსილი პირის მიერ. (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი). იმ შემთხვევაში, თუ პრეტენდენტის მიერ არ იქნა წარმოდგენილი ან წარმოდგენილი დასაბუთება შემსყიდველის მიერ არ ჩაითვლება დამაკმაყოფილებლად, მოხდება პრეტენდენტის დისკვალიფიკაცია; პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება. ამასთან, ფასწარმოქმნის ადეკვატურობის დამადასტურებელი დოკუმენტებით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

1. ანგარიშსწორება მიმწოდებელთან განხორციელდება საქონლის (ძველის დემონტაჟით და ახლის მონტაჟით) მიწოდების შემდეგ, მიღება-ჩაბარების აქტის და საგადასახადო ანგარიშ-ფაქტურის საფუძველზე (ასეთის არსებობის შემთხვევაში).
2. სატენდერო წინადადებაში საერთო და ერთეული ფასი გამოსახული უნდა იყოს დღგ-ს გარეშე; იმ შემთხვევაში, თუ ხელშეკრულების გაფორმების მომენტისათვის მიმწოდებელი იქნება დღგ-ს გადამხდელი, ხელშეკრულების ღირებულებაში გათვალისწინებული იქნება შესაბამისი დღგ-ს ოდენობა.
3. ანგარიშსწორება მოხდება უნაღდო ანაგარიშსწორებით ლარებში.

ანგარიშსწორება მიმწოდებელთან განხორციელდება ერთიანად ან ეტაპობრივად, საქონლის (ძველის დემონტაჟით და ახლის მონტაჟით) მიწოდების შემდეგ, მიღება-ჩაბარების აქტის გაფორმებიდან 10 (ათი) სამუშაო დღის განმავლობაში.

დავით ტაბატაძე, 599163130, Davit.Tabatadze@forestry.gov.ge

1. სატენდერო წინადადების საერთო და თითოეული ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარი. სხვადასხვა ვალუტაში გამოსახული სატენდერო წინადადებები არ განიხილება.
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
3. დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
4. ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
5. პრედენდენტს არა აქვს უფლება წარმოადგინოს ალტერნატიული წინადადება.
6. დაზუსტებას არ ექვემდებარება ტექნიკური დოკუმენტაცია, თუ სატენდერო დოკუმენტაციის მოთხოვნების შესაბამისად, არ არის წარდგენილი ხარჯთაღრიცხვა ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს. ასეთ შემთხვევაში, სახელმწიფო შესყიდვების სააგენტოს თავმჯდომარის 2017 წლის 14 ივნისის № 12 ბრძანებით დამტკიცებული ,,ელექტრონული ტენდერის ჩატარების წესის’’ 27-ე მუხლის მე-3 პუნქტისა და 32-ე მუხლის პირველი პუნქტის ,,ბ’’ ქვეპუნქტის შესაბამისად სატენდერო კომისია განახორციელებს პრეტენდენტის დისკვალიფიკაციას.
7. სატენდერო დოკუმენტაციის შესახებ დამატებითი ინფორმაციისა და განმარტებების მიღება პრეტენდენტს შეუძლია „კითხვა-პასუხის“ მოდულის საშუალებით.