Услуги по очистке и санации (Грузия - Тендер #65178387)

დეზინსექცია და დერატიზაციასთან დაკავშირებული მომსახურების სახელმწიფო შესყიდვა

მომსახურების გაწევისას გამოყენებული ხსნარები დასაშვები უნდა იყოს კვების ბლოკში, დამზადებული ქარხნულად, მაღალეფექტური, რეგისტრირებული უნდა იყოს უფლებამოსილი ორგანოს მიერ, საქართველოს კანონმდებლობის (მათ შორის საქართველოს შრომის, ჯანმრთელობისა და სოციალური დაცვის მინისტრის #64/ნ ბრძანების) შესაბამისად, მასალები უნდა იყოს ჯანმრთელობისათვის უსაფრთხო, ეფექტური მწერებისა და მღრღნელების წინააღმდეგ. - 47 282 მ².

შენიშვნა 1: მომსახურების გაწევისას გამოყენებული ხსნარები მიმწოდებლის მიერ ფასების ცხრილში უნდა იყოს დაკონკრებებული დასახელებისა და დანიშნულების მიხედვით.

შენიშვნა 2: აღნიშნულ ტენდერში მონაწილეობა იმავდროულად ნიშნავს, რომ პრეტენდენტი თანახმაა სატენდერო დოკუმენტაციის მომსახურების სპეციფიკაციის მოთხოვნების სრულად დაცვით განახორციელოს მომსახურება.

შენიშვნა 3: ტექნიკურ დოკუმენტაციაში მითითებული რაოდენობა არის საორიენტაციო, შესაბამისად შემსყიდველი არ არის ვალდებული მოცემული რაოდენობები აითვისოს სრულად.

მომსახურების გაწევა განხორციელდება არაუადრეს 2025 წლის 01 აგვისტოდან 2025 წლის 31 დეკემბრის ჩათვლით. 5 (ხუთი) თვის განმავლობაში

მომსახურების გაწევის ადგილი: 59 ობიექტი, დანართი N2-ის შესაბამისად.

1. პრეტედენტს უნდა გააჩნდეს 2023 წლის 01 იანვრიდან ტენდერში წინადადების მიღების ვადის დასრულებამდე პერიოდში ანალოგიური (იხ. შენიშვნა) მომსახურების გაწევის გამოცდილება, არანაკლებ ტენდერში შესყიდვის სავარაუდო ღირებულების 50 %-ის ოდენობით.
2. გამოცდილების დადასტურების მიზნით, პრეტენდეტმა ერთიანი ელქტრონული სისტემის საშუალებით უნდა წარმოადგინოს შემდეგი დოკუმენტები: ხელშეკრულებების შესაბამისი მიღება ჩაბარების აქტ(ებ)ით (შესაბამისი წესით გაფორმებული) ან/და საგადასახადო ანგარიშ-ფაქტურები (სტატუსით: დადასტურებული) ან/და SPA, NAT, CMR ნომრები (ხელშეკრულების სტატუსი - შესრულებული ხელშეკრულება).“

შენიშვნა: ანალოგიურ მომსახურებად ჩაითვლება სახელმწიფო შესყიდვევების სააგენტოს თავმჯდომარის 2010 წლის 20 სექტემბრის N7 ბრძანებით დამტკიცებული შესყიდვების საყოველთაო კლასიფიკატორის ძირითადი СPV კოდით გათვალისწინებული ნებისმიერი ერთგვაროვანი მომსახურება. ძირითადი СPV კოდის პირველი სამი ციფრი უნდა იყოს აღნიშნული ტენდერის CPV კოდის პირველი 3 (სამი) ციფრის იდენტური.

ტენდერში მონაწილე პრეტენდენტს უნდა ჰყავდეს სამუშაოების შესასრულებლად საჭირო შესაბამისად სერთიფიცირებული ექიმი ჰიგიენისტი-ეპიდემიოლოგი ან/და პირი რომელსაც ექნება შესაბამისი ხარისხი ზოგადი ჰიგიენის ან/და საზოგადოებრივი ჯანდაცვის დარგში (სპეციალისტი) რათა შესაბამისი ღონისძიებები დაიგეგმოს და საჭიროების შემთხვევაში განხორციელდეს სერთიფიცირებული ექიმი ჰიგიენისტი-ეპიდემიოლოგების უშუალო მონაწილეობით და შესაბამისად პრეტენდენტმა უნდა წარმოადგინოს ზემოაღნიშნული სერთიფიკატი/დოკუმენტი სახელმწიფო შესყიდვების ერთიანი ელექტრონული სისტემის მეშვეობით.

შენიშვნა: ხელშეკრულების მოქმედების განმავლობაში შესაძლებელი იქნება ჰიგიენისტ(ებ)ი-ეპიდემიოლოგ(ებ)ის ან/და სპეციალისტ(ებ)ის (ზოგადი ჰიგიენის ან/და საზოგადოებრივი ჯანდაცვის დარგში) დამატება/შეცვლა, მას შემდეგ რაც მიმწოდებელი (შემდეგში - მიმწოდებელი) წარმოადგენს სატენდერო დოკუმენტაციის 2.4.1 პუნქტით გათვალისწინებულ დოკუმენტებს (აღნიშნული შემსყიდველს უნდა ეცნობოს წერილობით).

1) სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით, მათ შორის ტრანსპორტირების ხარჯის.
2) სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
3) აღნიშნულ ტენდერში მონაწილეობა იმავდროულად ნიშნავს, რომ პრეტენდენტი თანახმაა სატენდერო დოკუმენტაციის 1.4 და 1.5 მუხლების მოთხოვნების სრულად დაცვით განახორციელოს მომსახურების გაწევა.
4) სატენდერო დოკუმენტაციის 1.4 და 1.5 მუხლებში მითითებული მომსახურების გაწევის პირობები უცვლელად აისახება ტენდერში გამარჯვებულ პრეტენდენტთან გაფორმებულ ხელშეკრულებაში.
5) იმ შემთხვევაში თუ პრეტენდენტი თავის სატენდერო წინადადებაში მიუთითებს სატენდერო დოკუმენტაციის 1.5 მუხლისაგან განსხვავებულ, შემსყიდველისათვის უკეთეს მომსახურების გაწევის პირობას, ტენდერში გამარჯვებულ პრეტენდენტთან გაფორმებულ ხელშეკრულებაში აისახება შემოთავაზებული პირობა.
6) სატენდერო წინადადებაში საერთო და ერთეულის ფასი გამოსახული უნდა იყოს ლარში, საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა ხარჯის და გადასახადის გათვალისწინებით, დამატებული ღირებულების გადასახადის (დღგ-ს) გარეშე.
7) თუ ხელშეკრულების გაფორმების მომენტისთვის გამარჯვებული პრეტენდენტი იქნება დარეგისტრირებული დღგ-ს გადამხდელად, ხელშეკრულების გაფორმებისას აღნიშნული საქონლის ღირებულებას დაემატება დღგ (18%).

იმ შემთხვევაში, თუ ყველაზე დაბალი წინადადების ფასის მქონე პრეტენდენტის მიერ ელექტრონული ვაჭრობის შედეგად დაფიქსირებული წინადადების საბოლოო ფასი 20%-ით ან მეტით ნაკლებია შესყიდვის ობიექტის სავარაუდო ღირებულებაზე, სატენდერო კომისია პრეტენდენტისგან ითხოვს ფასწარმოქმნის ადეკვატურობის დამადასტურებელი დოკუმენტ(ებ)ის წარდგენას. ფასწარმოქმნის ადეკვატურობა, შესაძლებელია დასაბუთდეს საექსპერტო, აუდიტორული ან/და საშემფასებლო დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას. (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის ან/და ორგანიზაციის შესაბამისი უფლებამოსილების დამადასტურებელი დოკუმენტი). დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი მომწოდებლის დისკვალიფიკაციას.

1. ანგარიშსწორების ფორმა - უნაღდო.
2. წინასწარი ანგარიშსწორება (ავანსი) არ გამოიყენება.

1. ანგარიშსწორება მოხდება შემდეგი წესით: ყოველი თვის 16 (თექვსმეტი) და 30 (ოცდაათი) რიცხვებში ”შემსყიდველი”, „მიმწოდებელს” გადაუხდის წინა (ბუღალტრული ურთიერთშედარებიდან შემდგომ ურთიერთშედარებამდე ან/და მიღება ჩაბარების გაფორმებიდან) პერიოდში გაწეული მომსახურების ღირებულებას სრულად, აღნიშნულ თარიღებამდე 5 (ხუთი) დღით ადრე მხარეთა შორის ურთიერთშედარების აქტის გაფორმების შემთხვევაში და მოცემულ აქტში მითითებული დავალიანების შესაბამისად.
2. თუ მოცემული ანგარიშსწორების დღე(ებ)ი ემთხვევა არასამუშაო დღე(ებ)ს, ანგარიშსწორება განხორციელდება მომდევნო სამუშაო დღეს.

სალომე რევაზიშვილი, 595892516, srevazishvili@scs.gov.ge

1. პრეტენდენტის მიერ ელ. ტენდერში მონაწილეობის მიღება (წინადადების წარმოდგენა) ნიშნავს, რომ იგი სრულად ეთანხმება შემსყიდველის ელ. ტენდერის დოკუმენტაციით გათვალისწინებულ მოთხოვნებს.
2. ხელშეკრულებაში დაფიქსირებული ფასების შეცვლა დაუშვებელია თუ ამ ცვლილების შედეგად იზრდება ხელშეკრულების საერთო ღირებულება ან უარესდება ხელშეკრულების პირობები “შემყიდველი”-სათვის.
3. ფასების ცხრილში ერთეულის ფასი გამოსახული უნდა იყოს არაუმეტეს მეათასედის სიზუსტით. იმ შემთხვევაში თუ ფასების ცხრილში დაფიქსირებულია მძიმის შემდეგ 3 (სამ) სიმბოლოზე მეტი, ერთეულის ფასად ჩაითვლება მხოლოდ მძიმის შემდეგ სამი სიმბოლო.
4. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ორიგინალის სახით (ასლის შემთხვევაში ნოტარიულად დამოწმებული ასლი) ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
5. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
6. სახელმწიფო შესყიდვების ერთიან ელექტრონულ სისტემაში (შემდგომში-სისტემა) ატვირთულ დოკუმენტაციაზე, რომელიც მიმწოდებლის მიერ არის შექმნილი, შესრულებული უნდა იყოს კვალიფიციური ელექტრონული ხელმოწერა ან/და დასმული უნდა იყოს კვალიფიციური ელექტრონული შტამპი უფლებამოსილი პირის მიერ (საჭიროების შემთხვევაში ატვირთული უნდა იქნას მინდობილობა ან რწმუნებულება).
7. სახელმწიფო შესყიდვების შესახებ ხელშეკრულების ფორმა და ძირითდი პირობები მოცემულია სატენდერო დოკუმენტაციაში ხელშეკრულების პროექტის სახით, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
8. პრეტენდენტს არა აქვს უფლება წარმოადგინოს ალტერნატიული წინადადება.
9. სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით, მათ შორის ტრანსპორტირების ხარჯი.