Инженерные услуги (Грузия - Тендер #64957677)

სსიპ გალაკტიონ და ტიციან ტაბიძეების სახლ-მუზეუმის რეაბილიტაციისთვის საპროქტო-სახარჯთაღრიცხვო დოკუმენტაციის მომზადების მომსახურების შესყიდვა.

სსიპ გალაკტიონ და ტიციან ტაბიძეების სახლ-მუზეუმის რეაბილიტაციისთვის საპროექტო-სახარჯთაღრიცხვო დოკუმენტაციის მომზადება - დამუშავება. კერძოდ საპროექტო სახარჯაღრიცხვო დოკუმენტაცია მოსამზადებელი
ა) ტიციან ტაბიძის ახალი საექსპოზიციო დარბაზის მშენებლობასა და ექსპოზიციის მოწყობაზე
ბ) გალაკტიონ ტაბიძის მემორიალური სახლის სახურავის შეცვლა და შენობის რეაბილიტაციაზე
გ) ტიციან ტაბიძის მემორიალური სახლის და დამხმარე ნაგებობების რეაბილიტაციაზე
დ) მუზეუმის ეზოს შემოღობვისა და კეთილმოწყობის სამუშაოებზე
ე) მუზეუმის ეზოს საპირფარეშოს რეაბილიტაციაზე
ვ) გალაკტიონ ტაბიძის საექსპოზიციო დარბაზის რეაბილიტაცია-რეკონსტრუქციასა და ექსპოზიციის მოწყობაზე


ზოგადი სახელმძღვანელო პრინციპები
საქართველოს ტერიტორიაზე არსებული კულტურული ფასეულობების მოვლა-პატრონობა და მათი შენარჩუნება უმნიშვნელოვანესი ფაქტორია სახელმწიფოს განვითარების პროცესში. მძიმე მდგომარეობაში მყოფი ძეგლებისათვის აუცილებელია სარეაბილიტაციო სამუშაოების ჩატარება. მათ დიდ ნაწილზე არ მოიპოვება ტექნიკური მდგომარეობის ამსახველი უახლესი დოკუმენტაცია და არ შედგენილა შესაბამისი საპროექტო დოკუმენტაცია, რომელიც განსაზღვრავს რეაბილიტაციის მიმართულებებს, რაც ფიზიკური სამუშაოების განსახორციელების საფუძველი იქნება.
მიზანი და ძირითადი პირობები
ძეგლის რეაბილიტაციის საპროექტო-სახარჯთაღრიცხვო დოკუმენტაციის შედგენის მიზანია მისი მდგრადი განვითარების, ერთიანობის ურღვევობის, ავთენტურობის შენარჩუნების, ინტერპრეტაციისა და დაცულობის უზრუნველყოფა.
პროექტმა უნდა მოიცვას ძეგლის არსებული მძიმე მდგომარეობის გამოსწორების, რეაბილიტაციის ჩატარებისთვის აუცილებელი ყველა ღონისძიება.
ჩასატარებელმა სამუშაოებმა უნდა უზრუნველყოს მისი არსებული მძიმე მდგომარეობის გამოსწორების აუცილებელი ყველა ასპექტი. ჩასატარებელი სამუშაოები მოითხოვს გამორჩეულად ფაქიზ მიდგომას, კარგად გამართულ მეთოდოლოგიურ ხელმძღვანელობას, სწორ კონსტრუქციულ და მაღალპროფესიულ გადაწყვეტას.
საყოველთაოდ აღიარებული პრინციპების დაცვით, ზემოთ ჩამოთვლილი მიზნების მისაღწევად ნებისმიერი ჩარევა უნდა იყოს:
- შეძლებისდაგვარად მინიმალური;
- შეძლებისდაგვარად ადვილად უკუქცევადი;
- გამოყენებული უნდა იყოს ეკოლოგიურად უსაფრთხო და ორიგინალთან თავსებადი მასალები და ნივთიერებები;
- ჩარევა არ უნდა უქმნიდეს საფრთხეს ძეგლის რომელიმე კულტურულ ღირებულებას; - ყველა ჩარევა უნდა იყოს მკაცრად და დეტალურად დოკუმენტირებული.
❖ პროექტირებისას აუცილებლად გასათვალისწინებელია, რომ:
• სსიპ გალაკტიონ და ტიციან ტაბიძეების მუზეუმის მემორიალური სახლები ავთენტური ეზოებით სახელმწიფო მნიშვნელობის კულტურული მემკვიდრეობის ძეგლია, ამდენად ფიზიკური ჩარევები უნდა განხორციელდეს წინასწარ შედგენილი დოკუმენტაციის მიხედვით, ძეგლის ავთენტურობისა და მისი მთლიანობის დაცვით;
• კვლევითი და საპროექტო დოკუმენტაცია უნდა დამუშავდეს საქართველოს კანონმდებლობისა და კანონქვემდებარე ნორმატიული დოკუმენტების მოთხოვნების გათვალისწინებით, თანამედროვე ტექნოლოგიების გამოყენებით, მათ შორის საპროექტო სარეაბილიტაციო სამუშაოები და მეთოდოლოგია უნდა დაისახოს საქართველოს კანონის „კულტურული მემკვიდრეობის შესახებ“ მოთხოვნებისა და ძეგლთა დაცვითი საერთაშორისო გამოცდილების გათვალისწინებით, ასევე საქართველოს მთავრობის 2007 წ. 28 მარტის №62 დადგენილების „მშენებლობის უსაფრთხოების წესების“ მოთხოვნათა შესაბამისად;
• გრაფიკული მასალა უნდა მომზადდეს ციფრულ (ვექტორული DWG, DXF, PLN გაფართოების ფაილი - Autocad, Archicad პროგრამული უზრუნველყოფის გამოყენებით);
• საპროექტო ობიექტის რეაბილიტაცია - სამუზეუმო სივრცის მოწყობა, დაიგეგმოს კულტურული მემკვიდრეობის დაცვის სააგენტოსა და შემსყიდველთან შეთანხმებით. პროექტში დაცული უნდა იყოს სამუზეუმო სივრცის მოწყობის საერთაშორისო ნორმებისა და დადგენილი სტანდარტების მოთხოვნები;
• განხორციელებული კვლევების დასკვნა-რეკომენდაციების საფუძველზე დადგენილი სარეაბილიტაციო მეთოდოლოგია და საჭირო ჩარევები, სრული საპროექტო დოკუმენტაციის შემუშავების პროცესში შეთანხმდეს შემსყიდველთან;
• შემსყიდველი იტოვებს უფლებას საპროექტო სამუშაოების მიმდინარეობის პერიოდში დააზუსტოს ისეთი ტექნიკური პირობები, რომლებიც არ გამოიწვევენ სამუშაოების მოცულობათა და შინაარსის მნიშვნელოვან ცვლილებებს. აგრეთვე, შემსყიდველი იტოვებს უფლებას სატენდერო დავალებისა და სატენდერო წინადადების საფუძველზე დააზუსტოს მოთხოვნები მისაღები (დასამუშავებელი) პროექტის მიმართ;
• გასაწევი მომსახურება ერთეტაპიანია. შესრულებული სამუშაოების ჩაბარების საბოლოო ვადა - ხელშეკრულების გაფორმებიდან არაუგვიანეს 60 კალენდარული დღე.
❖ შესასრულებელია შემდეგი სახის სამუშაოები:
- რეაბილიტაციის მეთოდოლოგიის რეკომენდაციების ჩამოყალიბება;
- საპროექტო-სახარჯთაღრიცხვო დოკუმენტაციის შემუშავება.
❖ ჩასაბარებელი დოკუმენტაცია განისაზღვრება შემდეგი შემადგენლობით:
საპროექტო-სახარჯთაღრიცხვო დოკუმენტაცია უნდა დამუშავდეს ,, კულტურული მემკვიდრეობის შესახებ“ საქართველოს კანონის 49-ე მუხლის ( ძეგლზე სამუშაოების საპროექტო დოკუმენტაციის შემადგენლობა) მოთხოვნების მიხედვით.
1. პრობლემ(ებ)ის დეტალური აღწერა და მისი გადაჭრის გზების განსაზღვრა, შერჩეული მეთოდოლოგიის დასაბუთება, მოსალოდნელი შედეგების აღწერა;
2. საპროექტო ობიექტის ადგილმდებარეობის სიტუაციური გეგმა - მ. 1:1000 ან 1:2000;
3. არქიტექტურულ-არქეოლოგიური ანაზომები ლოკალურ დაზიანებათა დატანით, ზომებისა და ნიშნულების ჩვენებით (ტექსტური აღწერილობა; გეგმები, ჭრილები, ფასადები, ინტერიერის განშლები - მ. 1:100, მ. 1:50; არქიტექტურული დეტალების განლაგების სქემები, კროკები, გამოხაზული ნახაზები - მ. 1:25, მ.1:20; მ. 1:10; შაბლონები - მ. 1:1);
4. ზონდირების შემთხვევაში – ზონდაჟების განლაგების სქემა, კროკები, გამოხაზული ნახაზები (მ - 1:25, 1:20) და ტექსტური აღწერილობა;
5. კონსტრუქციული კვლევა, ტექნიკური მდგომარეობის შეფასება, დასკვნები და რეკომენდაციები;
6. სისტემატიზირებული ფოტომასალა: საპროექტო ობიექტის საერთო ხედები, ფასადები, ინტერიერი, საერთო და ლოკალური დაზიანების ამსახველი ფოტომასალა (დათარიღებული მაღალი ხარისხისა და რეზოლუციის ფოტომასალა –TIFF ან JPEG გაფართოების ფაილი);
7. სახელოვნებათმცოდნეო კვლევის შედეგები (ბიბლიოგრაფიული კვლევის ანალიზი, ნატურაში კვლევის ანალიზი, შესწავლილი ბიბლიოგრაფიული და საარქივო მასალის ჩამონათვალი) და რეკომენდაციები;
8. დასკვნა ძეგლზე სამუშაოების ჩატარებისას გამოსაყენებელი მასალის არსებულ მასალასთან თავსებადობის შესახებ; საჭიროების შემთხვევაში არსებული სამშენებლო-მოსაპირკეთებელი მასალების ლაბორატორიული კვლევა;
9. კვლევების შედეგებზე დაყრდნობით შესაბამისი დასკვნა-რეკომენდაციების მომზადება, სარეაბილიტაციო მეთოდოლოგიის და საჭირო ჩარევების განსაზღვრა;
10. არქიტექტურული პროექტი: განმარტებითი ბარათი; გენერალური გეგმა მ. 1:500 ან 1:200; ძეგლის რეაბილიტაცია-ადაპტაციის მუშა პროექტი (გეგმები, ჭრილები, ფასადები ზომებისა და ნიშნულების ჩვენებით მ. 1:100, 1:50; არსებობის შემთხვევაში ორნამენტების და სხვა დეკორატიული ელემენტების ფრაგმენტები და დეტალები მ.1:20, 1:10, შაბლონები 1:1); სპეციფიკაციები - სამუშაოთა სახეობებისა და გამოსაყენებელი მასალების სახეობების მითითებით;
11. პროექტით გათვალისწინებული სამუშაოების ჩატარების ფოტომონტაჟები და რენდერები;
12. საინჟინრო კომუნიკაციების (წყალმომარაგება-კანალიზაცია, ელექტროგაყვანილობა, გათბობა-კონდიცირება და ვენტილაცია, სუსტი დენები, ხანძარსაწინააღმდეგო დაცვის და ვიდეომეთვალყურეობის სისტემა) პროექტები: განმარტებითი ბარათი, გეგმები, ჭრილები, სქემები, კვანძები; გარე კომუნიკაციებთან მიერთების ქსელები, კვანძები, სპეციფიკაციები;
13. მშენებლობის ორგანიზაციის პროექტი: განმარტებითი ბარათი, რომელშიც მოცემული იქნება ინფორმაცია ობიექტის რეაბილიტაციის ხანგრძლივობის (გეგმა-გრაფიკი), უსაფრთხოების ტექნიკისა და გარემოსდაცვითი ღონისძიებების თაობაზე. სამშენებლო გენერალური გეგმა (მასშტაბი 1:500). მანქანა-მექანიზმების განლაგების სქემა, დროებითი შენობა-ნაგებობების (ადმინისტრაციული და საყოფაცხოვრებო დანიშნულების დროებითი შენობები, დროებითი დახურული საწყობები ან ღია სასაწყობო მოედნები, დროებითი გზები, დროებითი ელექტრო და წყალსადენის ქსელები, ტერიტორიის განათება და სხვ.) ჩვენებით.
14. ჩასატარებელი სამუშაოების ჩამონათვალი და რესურსული ხარჯთაღრიცხვა;
15. კულტურული მემკვიდრეობის ძეგლის განახლებული სააღრიცხვო ბარათი.
❖ საპროექტო დოკუმენტაციის წარმოდგენის ფორმა:
საპროექტო დოკუმენტაცია წარმოდგენილი უნდა იყოს A3 ფორმატის, ზამბარით აკინძული ალბომის სახით:
- სათაური;
- სატიტულო ფურცელი, დამოწმებული ორგანიზაციის ბეჭდით, ხელმძღვანელისა და პროექტის ავტორ(ებ)ის ხელმოწერ(ებ)ით;
- ალბომის შემადგენლობა;
- პროექტის შემადგენლობა;
- შესაბამისი ტექსტური ნაწილ(ებ)ი, დადასტურებული შემსრულებლ(ებ)ის/ ავტორ(ებ)ის მიერ, A4 ფორმატი;
- გრაფიკული ნაწილ(ებ)ი, შტამპით და ჩარჩოთი - A3 ფორმატი (გამონაკლის შემთხვევაში დასაშვებია განსხვავებული ფორმატის წარმოდგენა, ალბომში აკინძული A3 ფორმატის ზომაზე). ყველა ფურცელი უნდა იყოს დადასტურებული ხელმძღვანელის, პროექტის ავტორ(ებ)ის/შემსრულებლ(ებ)ის მიერ ხელმოწერებით.
ჩასატარებელი სამუშაოების ჩამონათვალი და ხარჯთაღრიცხვა წარმოდგენილი უნდა იყოს A4 ფორმატის, ზამბარით აკინძული ალბომის სახით:
- თავფურცელი (სათაური);
- სატიტულო ფურცელი, დამოწმებული ორგანიზაციის ბეჭდით, ხელმძღვანელისა და შემდგენელის ხელმოწერ(ებ)ით;
- განმარტებითი ბარათი;
- სამუშაოების ჩამონათვალი და ხარჯთაღრიცხვა დადასტურებული შემდგენლის ხელმოწერით. შემსრულებლის მიერ საბოლოო პროდუქციის სახით, დამკვეთისათვის წარმოდგენილი უნდა იყოს დოკუმენტაციის მყარი ასლი - ალბომების სახით (4 ეგზ.) და ელექტრონულ ფორმატში (ვექტორული DDWG, DXF, PLN გაფართოების ფაილი - ArchiCad, Auto CAD პროგრამული უზრუნველყოფის გამოყენებით), ელექტრონულ ვერსიაში მეხსიერების ბარათზე..

ხელშეკრულების გაფორმებიდან არაუგვიანეს 60 კალენდარული დღე

სსიპ გალაკტიონ და ტიციან ტაბიძეების სახლ-მუზეუმი, ვანის მუნიციპალიტეტი, სოფელი ჭყვიში

პრეტენდენტს 2022-2025 წლების განმავლობაში უნდა ჰქონდეს განხორციელებული არანაკლებ 200 000 (ორასი ათასი) ლარის ჯამური ღირებულების შენობების მშენებლობის ან/და რეაბილიტაციის ან/და რეკონსტრუქციის საპროექტო-სახარჯთაღრიცხვო დოკუმენტაციის შედგენის მომსახურება. მათ შორის შესრულებული უნდა ჰქონდეს კულტურული მემკვიდრეობის ძეგლის რეაბილიტაციის საპროექტო-სახარჯთაღრიცხვო დოკუმენტაციის შედგენის მომსახურება. გამოცდილების დადასტურების მიზნით, პრეტენდენტი ვალდებულია წარმოადგინოს, საანგარიშო პერიოდში მხარეთა მიერ ხელმოწერილი ხელშეკრულებები და შესაბამისი საბოლოო მიღება-ჩაბარების აქტები.
3. ინფორმაცია გამოცდილების შესახებ წარმოდგენილი უნდა იყოს დანართი N3–ის შესაბამისად
4. სახელმწიფო შესყიდვის შესახებ ხელშეკრულებ(ებ)ის არსებობის შემთხვევაში თუ მოცემული დოკუმენტები ატვირთულია სახელმწიფო შესყიდვების ერთიან ელექტრონულ სისტემაში საკმარისია შესაბამისი განცხადების ნომრ(ებ)ის (SPA, NAT, DAP, CMR) წარმოდგენა.

წინამდებარე ტენდერში არ იქნება მოთხოვნილი ფასწარმოქმნის ადეკვატურობის დასაბუთება, რადგან მომსახურების ღირებულების ძირითად კომპონენტს წარმოადგენს ინტელექტუალური ტიპის შრომის ანაზღაურება, რაც პოტენციურად შესაძლებელს ხდის აღნიშნული მომსახურების მიწოდება განხორციელდეს სავარაუდო ღირებულებაზე 20%-ით ნაკლებ ფასად.

შემსყიდველი ორგანიზაციის მიერ მიმწოდებლისთვის პროექტირებას დაქვემდებარებულ ცალკეულ ობიექტებზე საბოლოო ანგარიშსწორება განხორციელდება საპროექტო-სახარჯთაღრიცხვო დოკუმენტაციაზე სსიპ - ლევან სამხარაულის სახელობის სასამართლო ექსპერტიზის ეროვნული ბიუროს ან სხვა აკრედიტებული პირის მიერ გაცემული ექსპერტიზის დადებითი დასკვნის საფუძველზე. ექსპერტიზის დასკვნის მომზადების ღირებულება ანაზღაურდება მიმწოდებლის მიერ.
ექსპერტიზის დასკვნა უნდა მოიცავდეს პროექტის ტექნიკურ ასევე, სახარჯთაღრიცხვო ნაწილის ექსპერტიზას.

შემსყიდველი ორგანიზაცია აუნაზღაურებს მიმწოდებელს გაწეული მომსახურების ღირებულებას, მიღება-ჩაბარების აქტის, ექსპერტიზის დასკვნის წარდგენიდან 10 სამუშაო დღის განმავლობაში.

ესმა ხურციძე, 551558789, tabidzeebismuzeumi@gmail.com სსიპ გალაკტიონ და ტიციან ტაბიძეების სახლ-მუზეუმის დირექტორი ფერიდა მატარაძე 595429500

ელექტრონული ტენდერისთვის ტენდერის სტატუსის „გამოცხადებულია“ მინიჭებიდან ტენდერის სტატუსის „წინადადებების მიღება დაწყებულია“ მინიჭებამდე, სისტემაში „მიმწოდებლად“ რეგისტრირებულ ნებისმიერ მომხმარებელს უფლება აქვს სისტემაში არსებული „კითხვა-პასუხის“ მოდულის მეშვეობით, მოითხოვოს სატენდერო პირობების კონკრეტული ჩანაწერის განმარტება. კითხვის დასმიდან არაუგვიანეს მომდევნო სამუშაო დღისა, „კითხვა-პასუხის“ მოდულის მეშვეობით განხორციელდება შესაბამისი განმარტება, რითაც შესაძლებელია იხელმძღვანელოს ნებისმიერმა დაინტერესებულმა პირმა.
ყველაზე დაბალი წინადადების ფასის მქონე პრეტენდენტს, სატენდერო კომისიის გადაწყვეტილების/ქმედების თაობაზე განმარტების მოთხოვნის უფლება აქვს ელექტრონული ტენდერისთვის ტენდერის სტატუსის „შერჩევა-შეფასება“ მინიჭებიდან ტენდერის სტატუსის „ხელშეკრულება დადებულია“ მინიჭებამდე. ასეთ შემთხვევაში შესაბამისი განმარტების გაკეთება განხორციედება გონივრულ ვადაში.