Архитектурные и сопутствующие услуги (Грузия - Тендер #64861551)

ტექნიკური ზედამხედველობის განხორციელება ქვემოთ დასახელებულ სამშენებლო სამუშაოებზე:
1. ქობულეთის დაცულ ტერიტორიაზე, ისპანის ტორფნარზე არსებულ საფეხმავლო ბილიკზე დამატებითი მოსასვენებელი სივრცის ე.წ ჯიბის მოწყობა და სხვა სამშენებლო სამუშაოები (NAT250007690);
2. სააგენტოს მიერ 2025 წლის განმავლობაში დაგეგმილი სხვადასხვა ინფრასტრუქტული სამუშაოები მაღალმთიან აჭარაში.

ტექნიკური ზედამხედველობა მოიცავს შემდეგს:
ა) კონტროლი საპროექტო გადაწყვეტილებების დაცვაზე, ნორმატიული დოკუმენტების მოთხოვნებზე;
ბ) ანაზღაურებისათვის წარმოდგენილი სამუშაოთა მოცულობის და პროექტთან შესაბამისობის დადასტურება, ფაქტიურად შესრულებულ სამუშაოთა მოცულობის და შემსყიდველთან შეთანხმებული შესაბამისი ერთეული სამუშაოთა ღირებულების დადასტურება.
გ) შესრულებული სამშენებლო სამუშაოების, გამოყენებული კონსტრუქციების, ნაკეთობებისა და მასალების საპროექტო გადაწყვეტასთან, სამშენებლო ნორმებისა და წესების მოთხოვნებთან, სტანდარტებთან, ტექნიკურ პირობებსა და სხვა ნორმატიულ დოკუმენტაციასთან შესაბამისობის კონტროლი;
დ) საპროექტო დოკუმენტაციაში გამოვლენილი დეფექტების აღმოფხვრისათვის საკითხის დროულად დაყენება და შესრულებაზე კონტროლი;
ე) მშენებლობაზე გამოყენებული კონსტრუქციების, ნაკეთობებისა და მასალების ტექნიკური პასპორტების, სერთიფიკატების, ლაბორატორიული შემოწმების შედეგებისა და ხარისხის დამადასტურებელი სხვა დოკუმენტების არსებობის შემოწმება; სამუშაოების წარმოების ჟურნალის არსებობა;
ვ) ისეთი სამუშაოებისა და კონსტრუქციული ელემენტების დამოწმება, შეფასება და შესაბამისი აქტების შედგენაში მონაწილეობა, რომლებიც დაიფარებიან შემდგომი სამუშაოების შესრულების შედეგად;
ზ) შენობის ძირითადი და საპასუხისმგებლო კონსტრუქციების გამოცდისა და მიღება-ჩაბარების განხორციელება;
თ) მონაწილეობა სამშენებლო კონტროლისა და მშენებლობის ცალკეული ეტაპის სამშენებლო სამუშაოთა ხარისხის შემოწმება-შეფასებაში და პროექტთან შესაბამისობის დადგენაში; სამშენებლო ეტაპების და ფარული სამუშაოების აქტების შედგენაზე ზედამხედველობა. ტექნიკური ზედამხედველი ვალდებულია დაესწროს ყველა ფარულ სამუშაოს.
ი) უხარისხოდ შესრულებული სამუშაოს აღრიცხვიანობა;
კ) პირველადი საშემსრულებლო ტექნიკური დოკუმენტაციის წარმოებაზე კონტროლი და სამშენებლო სამუშაოების წარმოებისას ნაკლოვანებებისა და დეფექტების გამოვლენის შემთხვევაში მასში ცვლილებების შეტანა;
ლ) კონტროლი სამშენებლო ორგანიზაციის მიერ საავტორო ზედამხედველობისა და სახელმწიფო მაკონტროლებელი ორგანოების მითითებების მიწერილობების, აგრეთვე ტექნიკური ზედამხედველობის იმ მოთხოვნათა შესრულებაზე, რომლებიც მიეკუთვნება სამშენებლო სამუშაოების ხარისხის, გამოყენებული კონსტრუქციების, ნაკეთობების და მასალების, ცალკეული სამუშაოების დეფექტებისა და ნაკლოვანებების აღმოფხვრის საკითხებს;
მ) მონაწილეობა მუშა კომისიების მიერ ცალკეული სამშენებლო სამუშაოების ხარისხზე და საპროექტო მონაცემთა შესაბამისობაზე ჩატარებულ შემოწმებებში;
ნ) საჭიროების შემთხვევაში პროექტსა და შესასრულებელი სამუშაოების ხარჯთაღრიცხვაში ცვლილებების შეტანის მიზანშეწონილობისა და აუცილებლობის შესახებ შემსყიდველისათვის არგუმენტირებული წინადადებების წარდგენა, ასევე კორექტირებული პროექტებისა და ხარჯთაღრიცხვების მომზადება საპროექტო ორგანიზაცისთან შეთანხმებით ან მის გარეშე (შემსყიდველის მოთხონისამებრ);
ო) მშენებლობის/რეაბილიტაციის პროცესში შემსყიდველისათვის ინფორმაციების მიწოდება მშენებლობის მიმდინარეობისა და გეგმა-გრაფიკის შესრულების შესახებ. ინფორმაციას თან უნდა ერთვოდეს ახსნა-განმარტება დაგეგმილი სამუშაოების დროულად შეუსრულებლობის მიზეზების მითითებით.
პ) სამუშაოების შესრულებისა და მასალების ხარისხის კონტროლი.
ჟ) ტექნიკური ზედამხედველი ვალდებულია დაესწროს შესრულებული სამუშაოების ოდენობისა და ღირებულების მიზნით დანიშნულ ექსპერტიზას.

სამუშაოებზე ზედამხედველობის მომსახურებასთან ერთად სააგენტო ცალკე ელექტრონული ტენდერით შეისყიდის შესრულებული სამუშაოების ექსპერტიზის/ინსპექტირების მომსახურებას. ამასთან, უფრო მეტი ურთიერთკონტროლისათვის ორივე მომსახურება არ შეიძლება განახორციელოს ერთმა მიმწოდებელმა. აღნიშნული ორი ტენდერიდან თუ ერთ-ერთ ელექტრონულ ტენდერში პრეტენდენტი მოწვეულია ხელშეკრულების დასადებად, ეს გარემოება მეორე ტენდერში გამოიწვევს იმავე პრეტენდნეტის დისკვალიფიკაციას შერჩევა-შეფასების ეტაპზე.

შენიშვნა: ფასების ცხრილში მითითებული მომსახურება - "სააგენტოს მიერ 2025 წლის განმავლობაში დაგეგმილი სხვადასხვა ინფრასტრუქტული სამუშაოები მაღალმთიან აჭარაში" გულისხმობს, რომ სააგენტო წლის განმავლობაში აპირებს სხვადასხვა ინფრასტრუქტული სამუშაოების შესყიდვის მიზნით ელ. ტენდერის გამოცხადებას, ფასების ცხრილში მითითებული თანხა არის საორიენტაციო.
ელ. ტენდერის შედეგად გამოვლენილ გამარჯვებულ სამშენებლო სამუშაოების შემსრულებელ კომპანიასთან ხელშეკრულების გაფორმების შემდეგ სამუშაოებზე ზედამხედველობის განმახორციელებელს ეცნობება დაუყოვნებლივ.

მომსახურების მიწოდების ვადაა ხელშეკრულების გაფორმებიდან 2025 წლის 1 დეკემბრამდე პერიოდი.

მიმდინარე სამუშაოებზე ტექნიკური ზედამხედველობა უნდა განხორციელდეს სისტემატიურად.

მიმდინარე სამუშაოებზე ტექნიკური ზედამხედველობა უნდა განხორციელდეს სისტემატიურად.

შესრულებულ სამუშაოებზე ფორმა 2-ის შედგენის მიზნით სამშენებლო კომპანია მიმართავს ტექნიკურ ზედამხედველს და წარუდგენს ფორმა 2-ს, რომლის დადასტურების შემდეგ ფორმა 2-ს სამშენებლო კომპანია წარმოადგენს შემსყიდველთან. ამის შემდეგ შემსყიდველი ფორმა 2-ს უგზავნის მიმწოდებელს (ინსპექტირების ორგანოს) ექსპერტიზის დასკვნის/ინსპექტირების ანგარიშის წარმოდგენისათვის.

სამუშაოების შესრულების ადგილია ქობულეთის მუნიციპალიტეტი, ისპანის ჭაობის ტერიტორია.
საკადასტრო კოდი: 20.51.02.070

აჭარის მუნიციპალიტეტები

იმ შემთხვევაში, თუ პრეტენდენტის აკრედიტაციის სფერო არ იქნება - სამშენებლო სამუშაოებზე ტექნიკური ზედამხედველობა, მაშინ პრეტენდენტმა უნდა წარმოადგინოს მასთან დასაქმებული არანაკლებ 2 პირის შესახებ შემდეგი ინფორმაცია:
ა) СV და დიპლომის ასლი, რომლითაც დგინდება, რომ მათ უმაღლესი (აკადემიური ან პროფესიული) განათლება აქვს საინჟინრო-სამშენებლო სფეროში.
ბ) აღნიშნული პირების თანხმობები წინამდებარე ტენდერში მონაწილეობის თაობაზე.
გ) ინფორმაცია აღნიშნული პირების გამოცდილების თაობაზე, კერძოდ: თითოეულ პირს 2017 წლის 01 იანვრიდან ტენდერის გამოცხადების მომენტამდე საჭიროა ჰქონდეს განხორციელებული ტექნიკური ზედამხედველობა სულ ჯამში არანაკლებ 300 000 ლარის ოდენობის შენობის/ნაგებობის მშენებლობა/რეაბილიტაციის სამუშაოებზე და წარმოდგენილი უნდა იქნას მომსახურების მიწოდების დამადასტურებელი დოკუმენტის ასლები (ხელშეკრულება და მომსახურების მიღება-ჩაბარების აქტი, ან/და დამკვეთის მიერ გაცემული შესრულებული სამუშაოების დამადასტურებელი ცნობა), რომლითაც დასტურდება მის მიერ დადასტურებული სამუშაოების ღირებულება.

- აღნიშნულ პირებს უნდა გააჩნდეს სპეციალობით მუშაობის არანაკლებ 3 წლის სტაჟი, რის დასადასტურებლადაც წარმოდგენილი უნდა იქნას შესაბამისი დოკუმენტაცია (ცნობა, ხელშეკრულება, ამონაწერი და სხვა).

შენიშვნა: სტაჟის მოთხოვნა გამომდინარეობს საქართველოს მთავრობის 2019 წლის 31 მაისის N256 დადგენილებიდან ,,სანებართვო დოკუმენტაციის საექსპერტო შეფასებისა და ტექნიკური ზედამხედველობის განხორციელების დროებითი წესის შესახებ’’.

შესყიდვაში მონაწილეობის მსურველი შეიძლება იყოს ერთ-ერთი შემდეგი პირი:

1. სსიპ აკრედიტაციის ერთიანი ეროვნული ორგანო - აკრედიტაციის ცენტრის მიერ აკრედიტებული ინსპექტირების პირები, რომელთა აკრედიტაციის სფეროს წარმოადგენს - სამშენებლო სამუშაოებზე ტექნიკური ზედამხედველობა-ინსპექტირება (მხოლოდ ინსპექტირება, ტექნიკური ზედამხედველობის გარეშე, არ ჩაითვლება). პრეტენდენტის მიერ წარმოდგენილი უნდა იქნას აკრედიტაციის დამადასტურებელი დოკუმენტი.

2. მოქმედი კანონმდებლობით განსაზღვრული უფლებამოსილი ორგანო (სსიპ ლევან სამხარაულის სახელობის სასამართლო ექსპერტიზის ეროვნული ბიურო და სხვა).

3. ნებისმიერი პირი, რისთვისაც პრეტენდენტმა უნდა წარმოადგინოს მასთან დასაქმებული არანაკლებ 2 პირის შესახებ შემდეგი ინფორმაცია 2.4.1. პუნქტის შესაბამისად.

1. მიმწოდებელმა წერილობით უნდა აცნობოს შემსყიდველ ორგანიზაციას მოცემული ხელშეკრულების ფარგლებში, ყველა ქვეკონტრაქტორთან დადებული ხელშეკრულებების შესახებ და მიიღოს მისგან წერილობითი თანხმობა;
2. ქვეკონტრაქტორის არსებობის შემთხვევაში, ქვეკონტრაქტორზე წარმოდგენილი უნდა იქნას ქვეკონტრაქტორის დასახელება და მისამართი, შესასრულებელი სამუშაოების დასახელება.
3. ქვეკონტრაქტორი აკრედიტირებული უნდა იყოს სსიპ „აკრედიტაციის ერთიანი ეროვნული ორგანო - აკრედიტაციის ცენტრის“ მიერ, იმ სფერო(ებ)ში, რომელთა შესრულებაც განსაზღვრული იქნება ქვეკონტრაქტით.
4. ქვეკონტრაქტორი კომპანია ან კომპანიები არ უნდა იყვნენ რეგისტრირებული სახელმწიფო შესყიდვებში მონაწილე არაკეთილსინდისიერ პირთა რეესტრში – „შავი სია“;
5. ქვეკონტრაქტორ(ებ)ზე წარმოდგენილი იქნას შემდეგი სახის ინფორმაცია: შესასრულებელი სამუშაოების დასახელება და ქვეკონტრაქტის ასლი;
6. მომსახურების ნაწილის ქვეკონტრაქტორ(ებ)ზე გადაცემით მიმწოდებელი არ თავისუფლდება ხელშეკრულებით ნაკისრი ვალდებულებებიდან.
7. ხელშეკრულების ფარგლებში ყველა ქვეკონტრაქტორთან დადებული ხელშეკრულების ასლი უნდა წარედგინოს შემსყიდველ ორგანიზაციას.

ფასწარმოქმნის ადეკვატურობა შესაძლებელია დასაბუთდეს, შესყიდვის ობიექტის მიწოდებასთან დაკავშირებით წარმოდგენილი სერთიფიცირებული აუდიტორული სამსახურის/აუდიტორის მიერ გაცემული შესაბამისი დასკვნით ან საშემფასებლო დოკუმენტით, (დასკვნასთან ან საშემფასებლო დოკუმენტთან ერთად, ასევე, წარმოდგენილი უნდა იქნას დასკვნის/საშემფასებლო დოკუმენტის გამცემი პირის შესაბამისი უფლებამოსილების დამადასტურებელი დოკუმენტი), რომელშიც უნდა დასტურდებოდეს ტენდერში პრეტენდენტის მიერ დაფიქსირებულ ფასად ამავე ტენდერით გათვალისწინებული მომსახურების გაწევის შესაძლებლობა.

მიმწოდებელთან საბოლოო ანგარიშსწორება ხორციელდება ხელშეკრულების შესრულებული სამუშაოების ღირებულების შესაბამისი პროცენტის ოდენობით, დანართის შესაბამისად. შუალედური ანგარიშსწორება განხორციელდება მიმწოდებლის მიერ წარმოდგენილი ექსპერტიზის დასკვნაში/ინსპექტირების ანგარიშში მითითებული შესრულებული სამუშაოების ღირებულების პროპორციულად.

საბოლოო/შუალედური მიღება-ჩაბარების აქტის გაფორმებიდან 10 (ათი) სამუშაო დღის განმავლობაში.

მარი აზნაურიძე, 557561418, mariaznauridze@gmail.com