Ремонт и техническое обслуживание транспортных средств и оборудования и сопутствующие услуги (Грузия - Тендер #64779438)

ავტოტრანსპორტის მაღალი წნევის მილების დამზადების და შეკეთების ტექ.მომსახურება (სერვისი სათადარიგო ნაწილებით)

პრეისკურანტით ტექნიკური მომსახურების (სერვისი სათადარიგო ნაწილებით) "ტექნიკური პირობა":

1) პრეტენდენტს უნდა გააჩნდეს ყველა ჩამოთვლილი მომსახურების ჯეროვნად გაწევისათვის აუცილებელი ძირითადი და სათადარიგო მანქანა-დანადგარები გამართულ მუშა მდგომარეობაში.

2) მომსახურება უნდა განხორციელდეს ახალი სათადარიგო ნაწილების გამოყენებით.

3) პრეტენდენტმა უნდა მიუთითოს ფასები განსაფასებელი ცხრილის ჩამონათვალში მოცემული სათადარიგო ნაწილებისა და მომსახურების ყველა სახეობაზე. განსაფასებელ ცხრილებში მითითებული სათადარიგო ნაწილებისა და მომსახურების ფასები უნდა იყოს საბოლოო და საჭიროების შემთხვევაში მოიცავდეს კონკრეტული მომსახურების გაწევასთან დაკავშირებული სათადარიგო ნაწილებისა და თანმდევი მომსახურების ღირებულებასაც.

4) პრეტენდენტის მიერ პრეისკურანტის ჯამური ღირებულების შემცირების შემთხვევაში, ფასთა კლება პროცენტულად და პროპორციულად უნდა აისახოს შემსყიდველის მიერ პრეისკურანტში (ფასების ცხრილში) წარმოდგენილ ერთეულის ფასებზე.

5) თუ ხელშეკრულების მოქმედების პერიოდში აღმოჩნდება, რომ განფასების ცხრილი არ მოიცავს საჭირო მომსახურებას, აღნიშნული მომსახურების ერთეულის ფასი (მისი შესყიდვის აუცილებლობისას) დგინდება მხარეთა შორის ურთიერთშეთანხმების საფუძველზე, საბაზრო ფასის გათვალისწინებით. ასეთ შემთხვევაში განფასების ცხრილებში მომსახურების რომელიმე ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების10%-ს.

6) მომსახურება გაწეული უნდა იქნას დაუყოვნებლივ, რიგგარეშე.

,,პრეტენდენტის" მიერ დაფიქსირებული ფასები არ უნდა აღემატებოდეს შემსყიდველის მიერ განსაფასებელ ცხრილში მითითებულ თითოეულ პოზიციაზე სავარაუდო მაქსიმალურ ღირებულებებს"

ტექნიკური მომსახურების (სერვისი სათადარიგო ნაწილებით) გაწევის ვადაა:

ხელშეკრულების გაფორმებიდან ეტაპობრივად 12 თვის განმავლობაში, ,,შემსყიდველის“ მიერ დაზიანებული დეტალის მიტანიდან ან/და ავტომანქანის ,,მიმწოდებლის“ სერვის ცენტრ(ებ)ში მიყვანიდან 1 სამუშაო დღე.

მომსახურების გაწევის ადგილი: ქ.თბილისი, ქ.ქუთაისი, ქ.ფოთი.

"პრეტენდენტს" უნდა ჰქონდეს გამოცდილება სატენდერო დოკუმენტაციით მოთხოვნილი ტექნიკური მომსახურების (სერვისი სათადარიგო ნაწილებით) მსგავს მომსახურებაზე არანაკლებ ორი წელი.

ზემოაღნიშნულის დასადასტურებლად პრეტენდენტმა სატენდერო წინადადებით უნდა წარმოადგინოს ხელშეკრულება და მისი მიღება-ჩაბარების აქტი ან შუალედური მიღება-ჩაბარების აქტი ან საქართველოს სახელმწიფო შესყიდვების ერთიანი ელექტრონული სისტემის ტენდერის/CMR ნომრები, სადაც დადასტურდება ზემოაღნიშნული გამოცდილება.

რეტენდენტმა სატენდერო წინადადებით უნდა უზრუნველყოს შემდეგი დოკუმენტაცია/ინფორმაციის წარმოდგენა სახელმწიფო შესყიდვების ერთიან ელექტრონულ სისტემაში, კერძოდ:

1) "პრეტენდენტმა" სატენდერო წინადადებით უნდა წაროადგინოს (ატვირთოს) სატენდერო დოკუმენტაციის კითხვარის 1.3 ველში მოცემული შევსებული ფასების ცხრილი.

თუ სატენდერო დოკუმენტაციის მოთხოვნ(ებ)ის შესაბამისად, არ იქნება წარმოდგენილი ,,ფასების-ცხრილი" ან ,,ფასების ცხრილში" განუფასებლად იქნება წარმოდგენილი რომელიმე პოზიცია პრეტნდენტი დაექვემდებარება დისკვალიფიკაციას.


2) „პრეტენდენტმა“ სატენდერო წინადადებით უნდა წარმოადგინოს კონკრეტული მისამართები, სადაც განხორციელდება ტექნიკური მომსახურება სატენდერო დოკუმენტაციის 1.5 ველში წარმოდგენილი მოთხოვნის შესაბამისად.

იმ შემთხვევაში, თუ ტენდერში პრეტენდენტის მიერ სახელმწიფო შესყიდვების ერთიანი ელექტრონული სისტემის მეშვეობით დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია უზრუნველყოს ფასწარმოქმნის ადეკვატურობის დასაბუთება შემსყიდველის მიერ განსაზღვრულ ვადაში.
დასაბუთება შესაძლებელია განხორციელდეს
„სსიპ - ლევან სამხარაულის სახელობის სასამართლო ექსპერტიზის ეროვნული ბიუროს“ დასკვნით ან კანონმდებლობის შესაბამისად აკრედიტებული შემფასებელთა სერტიფიკაციის ორგანოს მიერ სათანადოდ სერტიფიცირებული პირის შესაბამისი დასკვნით (ასეთ შემთხვევაში, დასკვნას თან უნდა დაერთოს შესაბამისი სერტიფიკატის ასლი) ან აუდიტორული დასკვნით, რომელიც ადასტურებს პრეტენდენტის მიერ დაფიქსირებულ ფასად დასადები ხელშეკრულებით ნაკისრი ვალდებულებების შესრულების შესაძლებლობას.
დასკვნაში საბოლოო შეფასება უნდა იყოს ერთმნიშვნელოვნად დადებითი ან უარყოფითი.

პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება. ფასწარმოქმნის ადეკვატურობის დამადასტურებელი დოკუმენტის წარმოუდგენლობა ან/და ისეთი დოკუმენტის წარმოდგენა, რომლითაც ვერ დადასტურდება ფასწარმოქმნის ადეკვატურობა, გამოიწვევს პრეტენდენტის დისკვალიფიკაციას სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების „ელექტრონული ტენდერის ჩატარების წესის დამტკიცების შესახებ“ 32-ე მუხლის პირველი პუნქტის "დ" ქვეპუნქტის შესაბამისად.

ანგარიშსწორება განხორციელდება ეტაპობრივად, ფაქტიურად გაწეულ ტექ.მომსახურებაზე (სერვისი სათადარიგო ნაწილებით) გაფორმებული მიღება-ჩაბარების აქტის და სათანადო დოკუმენტაციის საფუძველზე, უნაღდო ანგარიშსწორების ფორმით ლარში საფუძველზე,

ანგარიშსწორება განხორციელდება ეტაპობრივად, ფაქტიურად გაწეულ ტექ.მომსახურებაზე (სერვისი სათადარიგო ნაწილებით) მიღება ჩაბარების აქტის გაფორმებიდან და სათანადო დოკუმენტაციის საფუძველზე, უნაღდო ანგარიშსწორების ფორმით ლარში 8 (რვა) სამუშაო დღის ვადაში.

გიორგი გოგინაშვილი, 577240424, giorgi.goginashvili@gse.com.ge

1. ალტერნატიული სატენდერო წინადადება არ მიიღება;

2. სატენდერო წინადადების წარდგენით, პრეტენდენტი ავტომატურად გამოხატავს თანხმობას სატენდერო დოკუმენტაციის პირობებით განსაზღვრულ მოთხოვნებზე;

3. სატენდერო კომისია უფლებამოსილია განიხილოს პრეტენდენტის მიერ წარმოდგენილი შესყიდვის ობიექტის ცალკეული გაუმჯობესებული კომპონენტები/მახასიათებლები (ასეთის არსებობის შემთხვევაში), რომელიც არსებითად არ ცვლის შესყიდვის ობიექტის შინაარსს, და ობიექტურ კრიტერიუმებზე დაყრდნობით, მიიღოს გადაწყვეტილება მათი სატენდერო პირობებთან შესაბამისობის და დასაშვებობის შესახებ.

4.სატენდერო კომისია უფლებამოსილია განიხილოს პრეტენდენტის მიერ წარმოდგენილ (ატვირთულ) სატენდერო წინადადებაში ან/და დაზუსტებულ სატენდერო წინადადებაში რედაქციული (გრამატიკული) ხასიათის ცდომილება/შეუსაბამობა, რომელიც არ ცვლის შესყიდვის ობიექტის შინაარს და სატენდერო წინადადებით დაფიქსირებულ საბოლოო ფასს და მიიღოს გადაწყვეტილება მათი სატენდერო პირობებთან შესაბამისობის და დასაშვებობის შესახებ.

5. სატენდერო წინადადების ან მისი შემადგენელი დოკუმენტის წარდგენა შესაძლებელია როგორც ქართულ, ასევე უცხოურ ენებზე. დოკუმენტის უცხოურ ენაზე წარდგენის შემთხვევაში, მას უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე. დოკუმენტთან დაკავშირებული სადავო საკითხ(ებ)ის გადაწყვეტისას უცხოურენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.

6. თუ სატენდერო დოკუმენტაციის მოთხოვნ(ებ)ის შესაბამისად, არ იქნება წარმოდგენილი ფასების ცხრილი ან ფასების ცხრილში განუფასებლად იქნება წარმოდგენილი რომელიმე პოზიცია, პრეტენდენტი დაექვემდებარება დისკვალიფიკაციას.

7. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარში;

8. რეზიდენტი პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (მაგ., ფასების ცხრილი, ინფორმაცია საკუთარი გამოცდილების შესახებ, საგარანტიო პირობები და ა.შ.), დაამოწმოს/დაადასტუროს კვალიფიციური ელექტრონული ხელმოწერით/კვალიფიციური შტამპით. აღნიშნულისთვის პრეტენდენტს აქვს ორი შესაძლო გზა: 1) ყველა PDF დოკუმენტი სათითაოდ დაამოწმოს/დაადასტუროს კვალიფიციური ელექტრონული ხელმოწერით ან/და კვალიფიციური შტამპით; 2) გააერთიანოს წარსადგენი დოკუმენტები ერთ PDF ფაილად, ხოლო თუ ერთი ფაილის ზომა აღემატება 20 მეგაბაიტს – რამდენიმე PDF ფაილად და ის/ისინი დაამოწმოს/დაადასტუროს კვალიფიციური ელექტრონული ხელმოწერით ან/და კვალიფიციური ელექტრონული შტამპით;

9. „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის შესაბამიისად, კვალიფიციური ელექტრონული ხელმოწერის შესრულება ან/და კვალიფიციური ელექტრონული შტამპის დასმა არ ვრცელდება არარეზიდენტ პირზე, აგრეთვე იმ შემთხვევაზე, როდესაც საქართველოს კანონმდებლობა დოკუმენტზე ხელმოწერის შესრულებას ან/და შტამპის დასმას არ მოითხოვს.