Техническое обслуживание и ремонт (Грузия - Тендер #64745551)

სსიპ სახელმწიფო სამხედრო სამეცნიერო-ტექნიკურ ცენტრ "დელტას" ბალანსზე პრინტერების შეკეთების და ტექნიკური მომსახურების შესყიდვა

სსიპ სახელმწიფო სამხედრო სამეცნიერო-ტექნიკურ ცენტრ "დელტას" ბალანსზე პრინტერების შეკეთების და ტექნიკური მომსახურება

ტექნიკური დავალება:
1. მიმწოდებელს უნდა გააჩნდეს დედაქალაქში მომსახურების მინიმუმ 1 სერვის ცენტრი, რომელიც აღჭურვილი უნდა იყოს საჭირო ხელსაწყოებითა და აღჭურვილობით, ასევე საწყობი, შესაცვლელი სათადარიგო ნაწილების მცირე მარაგით.
2. თუ ხელშეკრულების მოქმედების პერიოდში აღმოჩნდება, რომ ფასების ცხრილში (პრეისკურანტი) არ არის გათვალისწინებული იმ მომენტისათვის საჭირო საქონელი/მომსახურება, აღნიშნული შესყიდვის ერთეულის ფასი, მისი შესყიდვის აუცილებლობისას, დგინდება მხარეთა შორის შეთანხმებით, საბაზრო ფასის გათვალისწინებით. ასეთ შემთხვევაში, პრეისკურანტში საქონლის და/ან მომსახურების რომელიმე ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ დაფიქსირებული სატენდერო წინადადების საბოლოო ფასის 10%-ს.
3. მიმწოდებელი ვალდებულია მომსახურების გაწევისას გამოიყენოს ქარხნული, ახალი (არამეორადი) სათადარიგო ნაწილები.
4. შეცვლილი სათადარიგო ნაწილი მიმწოდებელმა უნდა გადასცეს შემსყიდველს.
5. მომსახურება უნდა განხორციელდეს მიმწოდებელსა და შემსყიდველ ორგანიზაციას შორის თითოეულ კონკრეტულ შემთხვევაში დეფექტური აქტის შედგენის შემდეგ, რომელშიც მითითებული უნდა იყოს გასაწევი მომსახურების ან/და ასეთი მომსახურებისათვის საჭირო საქონლის (სათადარიგო ნაწილების) ჩამონათვალი.
6. შემსყიდველი უფლებამოსილია შეწყვიტოს მიმდინარე ხელშეკრულება, თუ მიმწოდებელზე გაგზავნილ იქნა ორი ან მეტი გამაფრთხილებელი წერილი, სადაც დაფიქსირებული იქნება მათ მიერ სამუშაოს არაჯეროვნად ან ვადაგადაცილებით შესრულების შემთხვევები.

1. მომსახურება უნდა განხორციელდეს ეტაპობრივად, ხელშეკრულების გაფორმებიდან - 2025 წლის 20 დეკემბრის ჩათვლით შემსყიდველის მოთხოვნის შესაბამისად, მოთხოვნიდან არაუგვიანეს 3-5 სამუშაო დღეში.
2. დეფექტური აქტის შედგენა უნდა მოხდეს მომსახურების შესასრულებლად განსაზღვრულ ვადაში.
3.შეტყობინების გაგზავნა მიმწოდებელთან განხორციელდება წერილით ან ელ. ფოსტაზე (აღნიშნული ჩაითვლება შეტყობინების გაგზავნის თარიღად).

სსიპ სახელმწიფო სამხედრო სამეცნიერო-ტექნიკური ცენტრი „დელტა“ (თბილისი, ბერი გაბრიელ სალოსის გამზ. N191დ) ან/და პრედენდენტის თბილისის მასშტაბით არსებული სერვის ცენტრები.

1. მიმწოდებლის მიერ შეკეთებულ ან შეცვლილ ნაწილ(ებ)ზე უნდა ვრცელდებოდეს გარანტია არანაკლებ 6 (ექვსი) კალენდარული თვის განმავლობაში, შესაბამისი მიღება-ჩაბარების აქტის გაფორმების თარიღიდან.
(აღნიშნული ინფორმაციის წარმოდგენა სავალდებულოა, საგარანტიო ვადის შესახებ ინფორმაციის წარმოდგენისას პრეტენდენტი ვალდებულია დააკონკრეტოს საგარანტიო პერიოდი).

2. საგარანტიო პერიოდში დაზიანების, ხარვეზების გამოვლენის შემთხვევაში, მიმწოდებელმა საკუთარი ხარჯებით უნდა უზრუნველყოს საქონელზე გამოვლენილი ნაკლის (ხარვეზის) აღმოფხვრა (საჭიროების შემთხვევაში ტრანსპორტირება, შეკეთება ან კვლავ ახლით შეცვლა), ტექნიკური დავალების მიღებიდან არაუგვიანეს 03 სამუშაო დღის განმავლობაში კვირის ნებისმიერ დროს, შაბათ-კვირის ჩათვლით.
3. ტექნიკური დავალების მიღების და გამოძახების თარიღად ითვლება სსიპ "დელტასა" უფლებამოსილი პირ(ებ)ის მიერ წერილის ან ელ. ფოსტაზე შეტყობინების გაგზავნის თარიღი.

პრეტენდენტს უნდა გააჩნდეს 2021,2022,2023 და 2024 წლებში, არანაკლებ 2 წლის ანალოგიური მომსახურების განხორციელების გამოცდილება.
(ერთი წლის გამოცდილებად ჩაითვლება წლის განმავლობაში გაფორმებული ერთი შესრულებული ხელშეკრულება ან/და განხორციელებული ერთი სამუშაო).
დამადასტურებელი დოკუმენტები - გაფორმებული ხელშეკრულებები, მიღება-ჩაბარების აქტები ან/და SPA/NAT/CMR ნომრების მითითებით.

პრეტენდენტს თბილისში უნდა გააჩნდეს მოქმედი არანაკლებ ერთი სერვის-ცენტრი.
(პრეტენდენტი ვალდებულია წარმოადგინოს მისამართი, სადაც განხორციელდება მომსახურების გაწევა).

1. პრეტენდენტის მიერ ელექტრონული ვაჭრობის შედეგად პრეისკურანტის საერთო ფასის შემცირების/კლების შემთხვევაში, ფასთა კლება პროცენტულად და პროპორციულად უნდა აისახოს პრეისკურანტით განსაზღვრულ ყოველ კონკრეტულ პოზიციაზე (მაგალითად, თუ პრეტენდენტმა სახელმწიფო შესყიდვების ერთიან ელექტრონულ სისტემაში დააფიქსირა პრეისკურანტის საბოლოო ჯამური ღირებულება, რომელიც 12%-ით ნაკლებია პრეისკურანტის სავარაუდო ღირებულებაზე, მაშინ პრეისკურანტის თითოეულ პოზიციაზე შემოთავაზებული ღირებულების გრაფაში უნდა მიეთითოს შესაბამის ზღვრულ ღირებულებაზე არანაკლებ 12%-ით ნაკლები თანხა).
2. პრეტენდენტი ვალდებულია საქონლის ერთეულის ფას(ებ)ი დააფიქსიროს (დაამრგვალოს) მეასედის სიზუსტით.
3. პრეისკურანტის დაზუსტების შემთხვევაში, დაუშვებელია რომელიმე პოზიციაზე თავდაპირველად წარმოდგენილი ერთეულის ფასის გაზრდილი ღირებულებით წარმოდგენა;
4. დაზუსტებას არ ექვემდებარება პრეისკურანტი, თუ იგი არ არის წარდგენილი ან განუფასებელი პოზიციების რაოდენობა აღემატება განსაფასებელი პოზიციების 1%-ს;
5. თუ პრეტენდენტი რომელიმე პოზიციის შესრულებას გვთავაზობს უფასოდ, შესაბამის გრაფაში უნდა დააფიქსიროს „0“, წინააღმდეგ შემთხვევაში აღნიშნული პოზიცია ჩაითვლება განუფასებლად.
6. თუ ხელშეკრულების მოქმედების პერიოდში აღმოჩნდება, რომ პრეისკურანტში არ არის გათვალისწინებული საჭირო მომსახურება, ამ შემთხვევაში საბაზრო ფასების გათვალისწინებითა და მხარეთა შეთანხმებით, შესაბამისი ცვლილების განხორციელების გზით მოხდება საჭირო პოზიციის დამატება პრეისკურანტში (ასეთ შემთხვევაში პრეისკურანტში მომსახურების ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს);
7. მიმწოდებელი უფლებამოსილია პრეისკურანტი ერთიან ელექტრონულ სისტემაში ატვირთოს მხოლოდ Excel-ის ფორმატის ცხრილის სახით. პრეტენდენტის მიერ Excel-ის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს).

1. იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების შესაძლებლობა ან/და შესყიდვის ობიექტის მიწოდებასთან დაკავშირებით პრეტენდენტის მიერ შესრულებული ხელშეკრულებით, (ხელშეკრულებასთან ერთად წარმოდგენილ უნდა იქნას ხელშეკრულების შესრულების დამადასტურებელი დოკუმენტ(ებ)ი) ან/და დადასტურებული საგადასახადო ანგარიშფაქტურით.
2. დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.

ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მულის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

ანგარიშსწორება ხორციელდება უნაღდო ანგარიშსწორების ფორმით, საქართველოს ეროვნულ ვალუტაში მხარეების მიერ ხელშეკრულებაში მითითებულ საბანკო ანგარიშზე.
ანგარიშსწორება მოხდება ეტაპობრივად, ყოველი თვის დასრულების შემდეგ მიღება-ჩაბარების აქტის საფუძველზე.

მიღება–ჩაბარების აქტის გაფორმებიდან და შესაბამისი საგადასახადო დოკუმენტების წარმოდგენიდან 10 სამუშაო დღე, მაგრამ არაუგვიანეს 2025 წლის 31 დეკემბრისა.

ანი ბუხსიანიძე, 571222822, abukhsianidze@delta.gov.ge

1. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი წარმოდგენილი უნდა იქნას კვალიფიციური ელექტრონული ხელმოწერით ან კვალიფიციური ელექტრონული შტამპით. ტექნიკური დოკუმენტაციის უცხოურ ენაზე წარმოდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე.
2. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
3. შემსყიდველმა შესაძლებელია სრულად არ აითვისოს შესყიდვის ობიექტის რაოდენობა ხელშეკრულების მოქმედების პერიოდში. ანგარიშსწორება განხორციელდება მხოლოდ გაწეული მომსახურების შესაბამისად.
4. პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველის მიერ, „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის.