Утилиты для пакетов программного обеспечения (Грузия - Тендер #64657788)

ანტისპამის ლიცენზიის სახელმწიფო შესყიდვა

ტექნიკური დავალება
პერსონალურ მონაცემთა დაცვის სამსახურში არსებული ელ-ფოსტის სერვერისათვის ანტისპამის ლიცენზიების (Symantec Messaging Gateway Version 10.9.0-3, Renewal Subscription License with Support for 150 user, 1 YR) მხარდაჭერის 1 წლიანი განახლება 150 მომხმარებლისათვის (S/N B8000457807)

მოთხოვნები პროდუქტის მიმართ
o პროგრამული უზრუნველყოფა გათვლილი უნდა იყოს არანაკლებ 150 მომხმარებელზე.
o პროგრამული პაკეტი რეალიზებული უნდა იყოს საფოსტო Gateway-ის სახით და გააჩნდეს შემავალი და გამავალი საფოსტო გზავნილების: რეალურ დროში ანტივირუსული შემოწმების, რეალურ დროში ანტისპამის შემოწმების, საფოსტო გზავნილების შიგთავსის დამატებითი კონტროლის და მონაცემების გაჟონვის/დაკარგვის პრევენციის შემოწმების დამატებითი მოთხოვნების შესაბამისად, საფოსტო გზავნილების შიფრაციის საშუალება.
o პროგრამულ პაკეტს უნდა ჰქონდეს დაცვის პერსონალიზებული წესების რეალიზაციის და მართვის შესაძლებლობა, ანტისპამის წესების „აგრესიულობის“ კონტროლი. მომხმარებელს უნდა ჰქონდეს შესაძლებლობა, აკონტროლოს წესების ეფექტურობა. მომხმარებელს უნდა ჰქონდეს პოლიტიკის განსაზღვრის შესაძლებლობა.
o პროგრამულ პაკეტს უნდა ჰქონდეს საფოსტო გზავნილების რეპუტაციული ანალიზის შესაძლებლობა;
o პროგრამულ პაკეტს უნდა გააჩნდეს ცენტრალიზებული მართვის შესაძლებლობა, რომელიც რეალიზებული უნდა იყოს Web ინტერფეისის სახით შემდეგი მოთხოვნილი ფუნქციონალით: სისტემის სრული ადმინისტრირების და მართვის შესაძლებლობა; Web კონსოლიდან ტენდენციების, შეტევების სტატისტიკის და ინციდენტების ნახვა;
o პროგრამული პაკეტის მართვის სისტემას უნდა ჰქონდეს ჯამური, დეტალური გენერაციის რეპორტების შესაძლებლობა;
o პროგრამულ პაკეტს უნდა გააჩნდეს სრული ინტეგრაციის შესაძლებლობა იმავე მწარმოებლის მონაცემთა დაკარგვის/გაჟონვის სისტემასთან და უნდა ჰქონდეს ელექტრონული ფოსტის არხით კრიტიკული მონაცემების მონიტორინგის და დაცვის შესაძლებლობა.
o პროგრამულ პაკეტს უნდა გააჩნდეს ინტეგრაციის შესაძლებლობა იმავე მწარმოებლის სამუშაო ადგილების დაცვის ანტივირუსულ სისტემასთან.
o პროგრამულ პაკეტში რეალიზებული უნდა იყოს ლოგირების შესაძლებლობები.
o პროგრამულ პაკეტს უნდა ჰქონდეს TLS პროტოკოლის მხარდაჭერა, რომლის საშუალებით უზრუნველყოფილი იქნება დაშიფრული საკომუნიკაციო არხის მუშაობა სხვა საფოსტო სერვერებთან;
o პროგრამულ პაკეტს უნდა გააჩნდეს საფოსტო გზავნილების შიფრაციის სისტემასთან ინტეგრაციის შესაძლებლობა;
o შემოთავაზებულ პროდუქტზე უნდა ვრცელდებოდეს 1 წლიანი მხარდაჭერის და განახლებების სერვისი (პროგრამული პაკეტის ლიცენზიის მოქმედების განმავლობაში, მიმწოდებლის მიერ შემოთავაზებული პროგრამული უზრუნველყოფის მწარმოებლის მიერ პროგრამული პაკეტის ახალი ვერსიის გამოცემის შემთხვევაში, შესაძლებელი უნდა იყოს შემსყიდველს მიერ პროდუქტის განახლება მწარმოებლის ოფიციალური გვერდიდან ჩამოტვირთვის საშუალებით, დამატებითი ანაზღაურების გარეშე).

ხელშეკრულების გაფორმებიდან არაუგვიანეს 2025 წლის 23 ივლისი.

შესყიდვის ობიექტის მიწოდების ადგილია ქ. თბილისი, ნ. ვაჩნაძის ქ. N7, შემსყიდველის ადმინისტრაციული შენობა.

პრეტენდენტმა უნდა წარმოადგინოს ინფორმაცია ლიცენზიის მწარმოებლის შესახებ ფასების ცხრილის შესაბამის გრაფაში მითითებით.

2.2.1.1 პრეტენდენტს 2024 წლიდან ტენდერი გამოცხადების თარიღამდე უნდა გააჩნდეს არანაკლებ ერთი ანალოგიური პროექტის შესრულების გამოცდილება საქართველოში. აღნიშნულის დასადასტურებლად, პრეტენდენტის მიერ ერთიან ელექტრონულ სისტემაში ატვირთულ უნდა იქნეს ხელშეკრულება/ები და ამ ხელშეკრულებ(ებ)ის შესრულების დამადასტურებელი დოკუმენტები (მიღება-ჩაბარების აქტ(ებ)ი ან/და სხვა მსგავსი შინაარსის დოკუმენტი);

2.2.1.2 იმ შემთხვევაში, თუ მომსახურება გაწეულია კერძო სამართლის იურიდიული პირის ან ფიზიკური პირის დაკვეთით (არა სახელმწიფო შემსყიდველი ორგანიზაცია), პრეტენდენტმა ზემოაღნიშნული დოკუმენტებთან ერთად უნდა წარმოადგინოს ანგარიშსწორების დამადასტურებელი ფინანსური დოკუმენტაცია: დადასტურებული საგადასახადო ანგარიშ-ფაქტურები, ხოლო აღნიშნულის არარსებობის შემთხვევაში, ამონაწერი საბანკო ანგარიშიდან ან/და ჩეკი ან/და ჩეკთან გათანაბრებული სხვა დოკუმენტი.

2.2.1.3 იმ შემთხვევაში, თუ სატენდერო დოკუმენტაციის 2.2.1.1 პუნქტით მოთხოვნილი გამოცდილების დამადასტურებელი დოკუმენტაცია ატვირთულია შესყიდვების ერთიან ელექტრონულ სისტემაში, პრეტენდენტს შეუძლია, გამოცდილების შესახებ ინფორმაცია წარმოადგინოს CMR, SPA, NAT ნომრების სახით და არ ატვირთოს ზემოაღნიშნული დოკუმენტაცია. თუ პრეტენდენტის მიერ წარმოდგენილ 2.2.1 პუნქტში მითითებულ დოკუმენტაციასა და სისტემაში (CMR, SPA, NAT ნომრების შესაბამისად) ატვირთულ დოკუმენტებს შორის აღმოჩნდება უზუსტობა, უპირატესობის მინიჭების საკითხს გადაწყვტეს სატენდერო კომისია.

პრეტენდენტი უნდა იყოს შემოთავაზებული პროგრამული უზრუნველყოფის პაკეტის მწარმოებლის ოფიციალური/ავტორიზებული პარტნიორი/წარმომადგენელი/გადამყიდველი და სისტემაში უნდა ატვირთოს აღნიშნულის დამადასტურებელი დოკუმენტაცია (ე.წ. MAF, ავტორიზაციის წერილი ან/და სხვა სახის დოკუმენტი).

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნეს ექსპერტიზის ან/და აუდიტის დასკვნა (დასკვნასთან ერთად წარმოდგენილ უნდა იქნეს დასკვნის გამცემი პირის უფლებამოსილების დამადასტურებელი დოკუმენტი), რომლებშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული შესყიდვის ობიექტის მიწოდების შესაძლებლობა.
ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

ანგარიშსწორება განხორციელდება უნაღდო ანგარიშსწორებით ლარში, შესყიდვის ობიექტის მიწოდების შესახებ გაფორმებული მიღება-ჩაბარების აქტის და შესაბამისი საგადასახადო დოკუმენტაციის საფუძველზე.

ფაქტობრივად მიწოდებული შესყიდვის ობიექტის შესაბამისად, მიღება–ჩაბარების აქტის გაფორმებიდან 10 (ათი) სამუშაო დღის განმავლობაში.

გვანცა სისოშვილი, 595331403, gsisoshvili@pdps.ge

10.1.1 სახელმწიფო შესყიდვების ერთიან ელექტრონულ სისტემაში (შემდგომში – სისტემა) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული წესის შესაბამისად.
10.1.2 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.3 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.4 პრეტენდენტის მიერ სახელმწიფო შესყიდვების ერთიან ელექტრონულ სისტემაში ატვირთულ ფასების ცხრილზე (დანართი N1) სავალდებულოა უფლებამოსილი პირის კვალიფიციური ელექტრონული ხელმოწერის შესრულება ან კვალიფიციური ელექტრონული შტამპის დასმა (საჭიროების შემთხვევაში ატვირთულ უნდა იქნეს მინდობილობა ან რწმუნებულება). ფასების ცხრილის (დანართი N1) წარმოუდგენლობა ან განუფასებელი ფასების ცხრილის წარმოდგენა დაზუსტებას არ დაექვემდებარება და გამოიწვევს პრეტენდეტის დისკვალიფიკაციას.
10.1.5 სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
10.1.6 სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.7 პრეტენდენტს არა აქვს უფლება, წარმოადგინოს ალტერნატიული სატენდერო წინადადება.
10.1.8 სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია სისტემის მოდულის - "კითხვა/პასუხის" მეშვეობით ან/და სატენდერო კომისიის აპარატში, ქ. თბილისი, ნ.ვაჩნაძის N7.