Мебельные аксессуары (Грузия - Тендер #64637590)

სსიპ ივანე ჯავახიშვილის სახელობის თბილისის სახელმწიფო უნივერსიტეტის მატერიალური რესურსების მართვის დეპარტამენტისა და თსუ კაფეტერიის მოთხოვნით, ეკონომიკური საქმიანობიდან მიღებული შემოსავლების დაფინანსების ფარგლებში, ცოცხების, ჯაგრისების და სხვა საოჯახო საწმენდი საშუალებების სახელმწიფო შესყიდვა.

შესყიდვის ობიექტები მინიმალური ტექნიკური მახასიათებლებით:

1. პლასტმასის ცოცხი აქანდაზით - 150 ცალი.
დრეკადი, აქანდაზი: რეზინის პირით, პირის სიგანე - 25სმ (±2სმ), აქანდაზის სახელურის სიმაღლე - 75სმ (±2სმ), ცოცხი უნდა მაგრდებოდეს აქანდაზზე ურთიერთპარალელურად, ცოცხი: სიგანე 18სმ (±2სმ), ცოცხის ფუნჯის სიგრძე - 10სმ (±2სმ); ცოცხის სიგრძე - 100სმ (±2სმ).

2. ბუნებრივი ცოცხი - 300 ცალი
მთლიანი სიგრძე არანაკლებ - 80 არაუმეტეს- 90 სმ, მოსაგველი პირის სიგრძე-არანაკლებ 35 სმ, წონა-არანაკლებ 500გრ, მასალა: ბალახი, მყარად შეკრული.

3. ეზოს ცოცხი - 300 ცალი
გამომშრალი, მრავალჯერადი გამოყენებისათვის ვარგისი, ერთი შეკვრა (ცალი) ცოცხი შედგება არანაკლებ 80 ღეროსაგან; სიგრძე არანაკლებ 65 სმ;
თითოეულ ღეროს უნდა ჰქონდეს არანაკლებ 5 განშტოება; ცოცხი არ იყოს მზისაგან დამწვარი; ცოცხს გაშრობის შემდგომ შენარჩუნებული უნდა ჰქონდეს ყვავილოვანი მასა.
ცოცხის (შეკრულ მდგომარეობაში) გარშემოწერილობა ტარის გასაკეთებელ ადგილზე უნდა იყოს არანაკლებ 24 სმ.

4. იატაკის საწმენდი ჯოხი (მოპი) - 100 ცალი.
იატაკის საწმენდი ჯოხი (მოპი) კომპლექტში (თავისი ქეჩით) ტარის სიგრძე - არანაკლებ 120 სმ, არაუმეტეს 150 სმ; ქეჩის ზომა - სიგრძე: არანაკლებ 50სმ; ლითონის ჩამკეტით;

5. იატაკის საწმენდი ჯოხი - 50 ცალი
მასალა: ხე, ტარის სიგრძე არანაკლებ 1,5 მ. ჯოხის სიგრძე არანაკლებ 32სმ. ტარი უნდა იყოს დამუშავებული და არ აზიანებდეს ხელის გულებს.

6. ტუალეტის სახეხი ჯაგრისი რეზერვუარით - 150 ცალი.
მასალა: პლასტმასი, დასადგამი ძირით, სიმაღლე არანაკლებ 35 სმ სიგანე არანაკლებ 11 სმ. ჯაგრისს უნდა ჰქონდეს თავსახური რომელიც ერგება რეზერვუარს..

7. პლასტმასის სათლი / წყლის ვედრო - 100 ცალი
პლასტმასის სათლი / წყლის ვედრო სახელურით, მოცულობა - 10 ლიტრი (±0.5 ლიტრი) მასალა: პლასტმასი.

8. ნაგვის ურნა - 50 ცალი.
საოფისე, მოცულობა -10ლ მასალა: პლასტმასი,

9. ნაგვის ურნა - 30 ცალი.
მოცულობა -20 ლ მასალა: პლასტმასი, თავსახური უნდა ეხურებოდეს რბილად და მსუბუქად, სატერფულის მეშვეობით. თავსახურის ახდის დროს თავსახური არ უნდა ეჯახებოდეს კედელს.

10. ჭურჭლის სარეცხი ღრუბელი - 1800 ცალი.
ორფენიანი, ერთი ფენა უხეში, ზომა არანაკლებ 95X60X25 მმ.

11. სახეხი რკინის - 480 ცალი.
დამზადებული უჟანგავი ფოლადისგან. უნდა აშორებდეს ყველა სახის ლაქასა ჭუჭყს და მიმწვარ ცხიმს ტაფებზე, ქვაბებსა და სხვა ნებისმიერ ზედაპირებზე. არ უნდა ტოვებდეს ნაკაწრებს.

• შესყიდვის ობიექტის მოწოდება უნდა განხორციელდეს ორ ეტაპად.
• პირველი ეტაპის (გარდა ფასების ცხრილის (დანართი 1) მე-2 და მე-3 პოზიციით განსაზღვრული შესყიდვის ობიექტისა) მოწოდება უნდა განხორციელდეს ხელშეკრულების გაფორმებიდან 30 კალენდარულ დღეში.
• მე-2 (ბუნებრივი ცოცხი) და მე-3 (ეზოს ცოცხი) პოზიციით განსაზღვრული შესყიდვის ობიექტების მოწოდება უნდა განხორციელდეს შემსყიდველის მოთხოვნის შესაბამისად, მოთხოვნიდან 10 კალენდარულ დღეში, მაგრამ არა უგვიანეს 2025 წლის 1 ოქტომბრისა;

მიმწოდებელი შესყიდვის ობიექტების მოწოდებას განახორციელებს შემდეგ მისამართზე: ქ.თბილისი, ილია ჭავჭავაძის გამზ.#1, თსუ I კორპუსი, თსუ საწყობი.

1.7.1.1. შესყიდვის ობიექტის ხარისხი უნდა შეესაბამებოდეს შემსყიდველის მოთხოვნებს, ხარისხობრივ მონაცემებს და პასუხობდეს ამ ტიპის საქონელზე არსებულ სტანდარტებს. მოწოდებული საქონელი უნდა იყოს ახალი, უფლებრივად და ნივთობრივად უნაკლო, შესაფერისი იმ მიზნებისათვის, რომლისთვისაც ის არის გათვალისწინებული.
1.7.1.2.მიმწოდებელმა უნდა უზრუნველყოს შესყიდვის ობიექტების დანიშნულების ადგილზე მიწოდება დაზიანებისა და გაფუჭების გარეშე. შეფუთული საქონელი უნდა იყოს მდგრადი დეფორმაციის, ტრანსპორტირებისა და კლიმატური პირობების ცვალებადობებისადმი.
1.7.1.3. შემსყიდველი უფლებამოსილია არ მიიღოს დაზიანებული და გაფუჭებული საქონელი და მოსთხოვოს მიმწოდებელს შესყიდვის ობიექტის შეცვლა ახლით.
1.7.1.4. იმ შემთხვევაში თუ საქონლის მიღებისას ინსპექტირების პროცესში მიწოდებულ საქონელზე გამოვლენილი იქნება წუნი (ხარვეზი), მიმწოდებელი ვალდებულია შემსყიდველის შეტყობინების მიღებიდან 5 (ხუთი) სამუშაო დღეში საკუთარი ხარჯებით (ტრანსპორტირების ჩათვლით) უზრუნველყოს აღნიშნული წუნის (ხარვეზი) აღმოფხვრა ან საქონლის გამოცვლა ახლით.
1.7.1.5.მიმწოდებელი იძლევა გარანტიას, რომ მის მიერ მოწოდებული საქონლის ტექნიკური მახასიათებლები სრულ შესაბამისობაში მოვა ტექნიკურ დავალებაში მითითებულ მაჩვენებლებთან და აღნიშნულ შესყიდვასთან დაკავშირებით მის მიერ წარმოდგენილ ნიმუშთან.

პრეტენდენტი ვალდებულია სისტემაში ატვირთული ფასების ცხრილის შესაბამის გრაფაში მიუთითოს ინფორმაცია შემოთავაზებული საქონლის წარმოშობის ქვეყანის შესახებ.

1.წარმოშობის ქვეყანა - ქვეყანა სადაც პროდუქტი იწარმოება.

წარმოშობის ქვეყნის შესახებ ინფორმაციის წარმოუდგენლობა გამოიწვევს პრეტენდენტის დისკვალიფიკაციას ყოველგვარი დაზუსტების გარეშე.

შემოთავაზებული სატენდერო წინადადების/ტექნიკური დოკუმენტაციის, სატენდერო განცხადებითა და ტექნიკური დოკუმენტაციით განსაზღვრულ მოთხოვნებთან შესაბამისობის დადგენის მიზნით:

• პრეტენდენტი ვალდებულია, წარმოადგინოს ფასების ცხრილით შემოთავაზებული შესყიდვის ობიექტების თითო ნიმუში.
• ნიმუშების შეუსაბამობა სატენდერო განცხადების ან/და სატენდერო დოკუმენტაციის მოთხოვნებთან ან სისტემის მეშვეობით პრეტენდენტის მიერ წარმოდგენილ ტექნიკურ დოკუმენტაციასთან, გამოიწვევს მის დისკვალიფიკაციას დაზუსტების მექანიზმის გამოყენების გარეშე.

ქ. თბილისი, ი.ჭავჭავაძის გამზ.N1, თსუ I კორპუსი, ოთახი N016, შესყიდვების განყოფილება.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან აუდიტის მიერ გაცემული შესაბამისი დასკვნა/ანგარიში, რომელშიც უნდა დასტურდებოდეს ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების შესაძლებლობა.

დასკვნასთან ერთად წარმოდგენილ უნდა იქნას „ბუღალტრული აღრიცხვის, ანგარიშგების ადააუდიტის შესახებ“ საქართველოს კანონის შესაბამისად, დასკვნაზე/ანგარიშზე ხელმომწერი პირის, ქონების ან/და ბიზნესის შემფასებლის მოქმედი სერტიფიკატ(ებ)ის ასლი, რომელიც გაცემული უნდა იყოს სსიპ საქართველოს აკრედიტაციის ეროვნული ორგანოს - აკრედიტაციის ცენტრის, აკრედიტებულ შემფასებელთა სერტიფიკაციის ორგანოს მიერ.

ანგარიშსწორება "შემსყიდველსა" და "მიმწოდებელს" შორის განხორციელდება უნაღდო ანგარიშსწორებით, ეროვნულ ვალუტაში, ორ ეტაპად, მოწოდების შესაბამისად, მიღება-ჩაბარების აქტის, შესაბამისი ანგარიშ-ფაქტურისა ან/და სასაქონლო ზედნადებისა და თსუ ინსპექტირების ჯგუფის დადებითი დასკვნის წარმოდგენის საფუძველზე.

7.3.1 მიღება–ჩაბარების აქტის გაფორმებიდან 10 სამუშაო დღის ვადაში.

ქრისტინა ხუციშვილი, 558614496, kristina.khutsishvili@tsu.ge

10.1.1. პრეტენდენტის ელექტრონულ ტენდერში მონაწილეობის მიღებით (წინადადების წარმოდგენა) სრულად ეთანხმება შემსყიდველის ელ. ტენდერის სატენდერო დოკუმენტაციით გათვალისწინებულ მოთხოვნებს.
10.1.2. პრეტენდენტის მიერ შექმნილი და ერთიან ელექტრონულ სისტემაში ატვირთული დოკუმენტაცია გარდა 1.3.პუნქტით გათვალისწინებული Excel-ის ფორმატით წარმოსადგენი ფასების ცხრილი, დანართი N1-სა „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე საჭიროებს კვალიფიციურ ელექტრონულ ხელმოწერას ან/და კვალიფიციურ ელექტრონულ შტამპის დასმას.
10.1.3. ტენდერთან დაკავშირებული დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.4. სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტთან დაკავშირებული ყველა ხარჯისა და გადასახადის გათვალისწინებით.ხარჯები, რომელიც სატენდერო წინადადებაში არ არის გათვალისწინებული არ ანაზღაურდება.
10.1.5. სატენდერო დოკუმენტაციის შესახებ დამატებითი ინფორმაციისა და განმარტებების მიღება პრეტენდენტს შეუძლია სისტემის მოდულის-,,კითხვა/პასუხის“ მეშვეობით.