Строительно-монтажные работы (Грузия - Тендер #64627885)

სსიპ საქართველოს ეროვნული არქივის ქუთაისის ცენტრალური არქივის (ქ. ქუთაისი, ირაკლი აბაშიძის ქუჩა #20ა.) შენობისა და მიმდებარე ტერიტორიის სამშენებლო-სამონტაჟო სამუშაოები.

შესასრულებელი სამუშაოების ჩამონათვალი და მოცულობები მითითებულია სატენდერო დოკუმენტაციის 1.3 პუნქტით გათვალისწინებულ ხარჯთაღრიცხვო დოკუმენტაციაში – №1 დანართი განსაფასებელი ხარჯთაღრიცხვა.

1.4.1. სამუშაოების შესრულების ვადად განისაზღვრება ხელშეკრულების ძალაში შესვლიდან 45 (ორმოცდახუთი) კალენდარული დღე.
1.4.2. აღნიშნულ ვადებში უნდა განხორციელდეს ექსპერტიზის დასრულებაც და შემსყიდველისთვის წარდგენა.

1.5.1. სამუშაოების შესრულების ადგილი: სსიპ საქართველოს ეროვნული არქივის ქუთაისის ცენტრალური არქივი, მისამართი: ქ. ქუთაისი, ირაკლი აბაშიძის ქუჩა #20ა.

1.6.1. შესრულებულ სამუშაოებზე საგარანტიო ვადა საბოლოო მიღება-ჩაბარების აქტის გაფორმებიდან უნდა შეადგენდეს: - დრენაჟსა და ბეტონის სამუშაოებზე 5 წელი, დანარჩენ სარემონტო, მათ შორის სამღებრო და ელექტროობის სამუშაოებზე - 2 წელი.
1.6.2. საგარანტიო პერიოდის განმავლობაში, ექსპლუატაციის პირობების დაცვის პირობებში, დეფექტის ან ხარვეზის აღმოჩენის შემთხვევაში მიმწოდებელი ვალდებულია გამოვლენილი დეფექტი გამოასწოროს შემსყიდველთან შეთანხმებულ გონივრულ ვადაში, თავისი ხარჯებით, შემსყიდველის მხრიდან რაიმე დანახარჯის გაწევის გარეშე.
1.6.3. მიმწოდებლის მიერ ტექნიკური დავალების 1.6.2. პუნქტში მითითებული ვალდებულების შეუსრულებლობის შემთხვევაში, შემსყიდველ ორგანიზაციას უფლება აქვს საკუთარი ხარჯებით აღმოფხვრას ექსპლუატაციის პროცესში გამოვლენილი დეფექტები და მოსთხოვოს მიმწოდებელს შესაბამისი ხარჯების სრულად ანაზღაურება.

✅ 2.2.1.1.პრეტენდენტს, 2022 წლის 1 იანვრიდან ამ ტენდერის გამოცხადების დღემდე, ერთი შესრულებული ხელშეკრულების ფარგლებში ფაქტიურად დასრულებული უნდა ჰქონდეს არანაკლებ 150 000 (ას ორმოცდაათი ათასი) ლარის ან არაუმეტეს ორი შესრულებული ხელშეკრულების ფარგლებში, ჯამში ფაქტიურად დასრულებული უნდა ჰქონდეს არანაკლებ 210 000 (ორას ათი ათასი) ლარის ღირებულების შენობა-ნაგებობის მშენებლობის (ახალი მშენებლობა, მათ შორის, მონტაჟი) ან/და რეკონსტრუქციის ან/და შეკეთების (რემონტი, მოპირკეთება/აღჭურვა) სამუშაოები.
2.2.1.1.1. პრეტენდენტი ვალდებულია წარმოადგინოს საანგარიშო პერიოდში მოთხოვნილი გამოცდილების დამადასტურებელი, მხარეთა მიერ ხელმოწერილი დოკუმენტები: ხელშეკრულება და მათი შესრულების დამადასტურებელი დოკუმენტები: მიღება-ჩაბარების აქტები ან/და ფორმა N2-ები ან/და დამკვეთის მიერ გაცემული შესრულებული სამუშაოების დამადასტურებელი ცნობა და დადასტურებული საგადასახადო ანგარიშ-ფაქტურები, რითაც უნდა დასტურდებოდეს საანგარიშო პერიოდში სამუშაოების დასრულება, დგინდებოდეს შესრულებული სამუშაოების ჯამური ღირებულება და სამუშაოების ჯეროვანი შესრულება.
2.2.1.1.2. იმ შემთხვევაში თუ ანალოგიური გამოცდილება რეგისტრირებულია სახელმწიფო შესყიდვების სააგენტოს ერთიან ელექტრონულ სისტემაში, პრეტენდენტმა უნდა მიუთითოს სისტემის მიერ მინიჭებული SPA/CMR/NAT/GEO ნომერი. სისტემაში ატვირთული ინფორმაციით უნდა დასტურდებოდეს საანგარიშო პერიოდში სამუშაოების დასრულება, დგინდებოდეს შესრულებული სამუშაოების ჯამური ღირებულება და სამუშაოების ჯეროვანი შესრულება.
2.2.1.1.3. იმ შემთხვევაში თუ დამკვეთი (შემსყიდველი) და შემსრულებელი (პრეტენდენტი ან ამხანაგობის წევრი) არის ერთი და იგივე პირი და არ არსებობს სამუშაოების მიწოდებაზე გაფორმებული ხელშეკრულება, შესაძლებელია წარმოდგენილი იქნას აუდიტორული ფირმის ან/და აუდიტორების სახელმწიფო რეესტრში რეგისტრირებული პირის მიერ გაცემული შესაბამისი დასკვნა (დასკვნაში მითითებული უნდა იყოს დასკვნის გამცემი პირის სახელმწიფო რეესტრში რეგისტრაციის ნომერი და აღნიშნული უნდა იძებნებოდეს https://www.saras.gov.ge ვებ-გვერდზე შესაბამის რეესტრში), რომლითაც უნდა დასტურდებოდეს, რომ პრეტენდენტს ზემოაღნიშნული პერიოდის განმავლობაში გააჩნია მოთხოვნილი ღირებულების და შინაარსის სამშენებლო-სარეაბილიტაციო სამუშაოების შესრულების გამოცდილება.

✅ 2.2.1.2 მოთხოვნილი შენობა-ნაგებობის მშენებლობის (ახალი მშენებლობა, მათ შორის, მონტაჟი) ან/და რეკონსტრუქციის ან/და შეკეთების (რემონტი, მოპირკეთება/აღჭურვა) სამუშაოების განსაზღვრა:
2.2.1.2.1. მოთხოვნილ გამოცდილებაში ჩაითვლება: ადმინისტრაციული ან/და საოფისე ან/და საცხოვრებელი ან/და საგანმანათლებლო ან/და მსგავსი დანიშნულების შენობა-ნაგებობის და მისი მიმდებარე ტერიტორიის მშენებლობა ან/და რეკონსტრუქციის ან/და შეკეთების სამუშაოები.

✅ 2.2.1.3 გამოცდილებასთან დაკავშირებული დამატებითი მოთხოვნები არარეზიდენტის პირების ან/და უცხოური საწარმოს ან/და მისი წარმომადგენლობა/ფილიალის საქართველოში მიმართ:
2.2.1.3.1. გამოცდილების არეალი: საქართველოს ტერიტორია ან/და პირის, ვისი გამოცდილებაც წარმოდგენილია ტენდერში, რეგისტრაციის ქვეყნის ფარგლებს გარეთ სხვა ქვეყნის ტერიტორია. არარეზიდენტი პირის მიერ დაფუძნებული სუბიექტის (წარმომადგენლობა/ფილიალი) მიერ, ამავე პირის დაფუძნებული სხვა სუბიექტის (წარმომადგენლობა/ფილიალი) გამოცდილების წარმოდგენა დასაშვებია მხოლოდ სათაო კომპანიის წერილობითი წარდგინებით (რაც ჩაითვლება სათაო კომპანიის გამოცდილებად), საიდანაც ნათლად უნდა იკვეთებოდეს გამოცდილების შინაარსი, მისი შესრულების ადგილი და შემსრულებელი.
2.2.1.3.2. სათაო კომპანიის მიერ გაცემული ნებისმიერი სახის ცნობა ან/და ინფორმაცია დამოწმებული უნდა იყოს სათაო კომპანიის ხელმძღვანელობაზე უფლებამოსილი პირის მიერ, ასევე, წარმოდგენილი უნდა იყოს ხელისმომწერი პირის უფლებამოსილების დამადასტურებელი დოკუმენტი.
2.2.1.3.3. სათაო კომპანიიდან ან/და უცხო ქვეყნიდან მოთხოვნილი ინფორმაციის დამადასტურებელი დოკუმენტაციის ასლების წარმოდგენის შემთხვევაში, მათი ორიგინალთან (დედანთან) შესაბამისობა დამოწმებული უნდა იყოს ნოტარიულად.

✅ 2.2.1.4 დამატებითი პირობები:
2.2.1.4.1. იმ შემთხვევაში თუ წარმოდგენილი დოკუმენტაციის ვერ ხერხდება სამუშაოების შინაარსის ან ღირებულების იდენტიფიცირება, შემსყიდველი უფლებამოსილია წინადადების იდენტიფიცირების მიზნით მოითხოვოს პრეტენდენტისაგან დამატებითი ინფორმაციის სახით სხვა ნებისმიერი დოკუმენტი, რომლის მიწოდებაც კანონმდებლობით არ არის აკრძალული. მაგალითად: ხელშეკრულების სრულყოფილი ვერსიის, ან/და შესრულებული სამუშაოების დამადასტურებელი დოკუმენტის - ფორმა N2-ის (ან სხვა მსგავსი ტიპის დოკუმენტის, საიდანაც შესაძლებელია სამუშაოების შინაარსისა და ღირებულებების იდენტიფიცირება) წარმოდგენა, რომელიც დადასტურებული უნდა იყოს დამკვეთის ან/და მის მიერ განსაზღვრული უფლებამოსილი პირის მიერ.
2.2.1.4.2. უცხოურ ვალუტაში შესრულებული სამუშაოების შემთხვევაში, მათი ღირებულების დაანგარიშება მოხდება ლარებში, სამუშაოების შესრულების დამადასტურებელი დოკუმენტების გაფორმების თარიღისთვის, შესაბამისი ვალუტის მიმართ საქართველოს ეროვნული ბანკის მიერ დადგენილი, ლარის ოფიციალური გაცვლითი კურსის მიხედვით.
2.2.1.4.3. ამხანაგობის გამოცდილების შესაბამისობა დგინდება ამხანაგობის ან მისი რომელიმე ერთი წევრის მოთხოვნასთან მიმართებით. კანონმდებლობით დასაშვებია ამხანაგობის მონაწილეთა ფინანსური და მატერიალურ-ტექნიკური შესაძლებლობების დაჯამება, ხოლო არ დაიშვება გამოცდილების შეკრება.
2.2.1.4.4. იმ შემთხვევაში, თუ პრეტენდნეტს შესრულებული აქვს სამუშაოები, როგორც ქვეკონტრაქტორს სახელმწიფო შესყიდვების ფარგლებში, მაშინ ეს სამუშაოები გამოცდილებად ჩაითვლება მხოლოდ იმ შემთხვევაში, თუ ქვეკონტრაქტორის მიერ სამუშაოების შესრულება წინასწარ იყო შეთანხმებული ძირითად შემსყიდველთან (თუ საჭირო იყო შეთანხმება) და ქვეკონტრაქტორისთვის გადაცემული სამუშაოები სრულად არის დასრულებული და მიღებული ძირითადი შემსყიდველის მიერ (მხოლოდ ქვეკონტრაქტის ფარგლებში სამუშაოების სრულად მიწოდება არ არის საკმარისი).

2.8.1.1. პრეტენდენტმა უნდა წარმოადგინოს ინფორმაცია შესასრულებელი სამშენებლო-სამონტაჟო სამუშაოების მიმდინარეობის პროცესში ქვეკონტრაქტორების გამოყენების ან არ გამოყენების შესახებ.
2.8.1.2.მიმწოდებლის მიერ სამშენებლო-სამონტაჟო სამუშაოებში ქვეკონტრაქტორების გამოყენების შემთხვევაში, წარმოდგენილი უნდა იქნას, გაფორმებული ხელშეკრულების ასლი ან ქვეკონტრაქტორის წერილობითი დასტური პრეტენდენტის გამარჯვების შემთხვევაში მასთან ხელშეკრულების გაფორმების მზადყოფნაზე, გარდა ამისა წარმოდგენილ უნდა იქნას:
1) ქვეკონტრაქტორის რეკვიზიტები;
2) ქვეკონტრაქტორის მიერ შესასრულებელი სამუშაოს დასახელება;
3) ქვეკონტრაქტორის მიერ შესასრულებელი სამუშაოს ღირებულება;
4) ინფორმაცია ქვეკონტრაქტორის მიერ შესასრულებელი სამუშაოების შესრულებული ანალოგიური სამუშაოების თაობაზე, რის დასტურადაც წარმოდგენილი უნდა იყოს ანალოგიური სამუშაოების შესრულების დამადასტურებელი დოკუმენტაცია სატენდერო პირობების - 2.2.1 პუნქტის მოთხოვნების დაცვით.
2.8.1.3. ქვეკონტრაქტორს, ამ ტენდერის ფარგლებში შესასრულებელი სამუშაოს შინაარსის და ღირებულების გათვალისწინებით უნდა ჰქონდეს შემდეგი გამოცდილება: 2022 წლის 1 იანვრიდან ამ ტენდერის გამოცხადების დღემდე, ერთი შესრულებული ხელშეკრულების ფარგლებში ფაქტიურად დასრულებული უნდა ჰქონდეს შესასრულებელი სამუშაოს არანაკლებ 50%-ის ღირებულების ან არაუმეტეს ორი შესრულებული ხელშეკრულების ფარგლებში, არანაკლებ 70%-ის ოდენობის ღირებულების შესაბამისი შინაარსის სამუშაოები.
2.8.1.4. სამშენებლო-სამონტაჟო სამუშაოების მიმდინარეობის პროცესში ქვეკონტრაქტორის არ გამოყენების შემთხვევაში პრეტენდენტმა ტექნიკური დოკუმენტაციის სახით უნდა წარმოადგინოს წერილობითი დასტური, რომ შესასყიდი სამუშაოების შესრულებისას არ გამოიყენებს ქვეკონტრაქტორს.

2.9.1. სატენდერო დოკუმენტაციით გათვალისწინებული სამუშაოები უნდა შესრულდეს სახარჯთაღრიცხვო დოკუმენტაციის შესაბამისად, რაც წარმოადგენს სატენდერო დოკუმენტაციის ნაწილს და დანართების სახით თან ერთვიან მას.
2.9.2. ხარჯთაღრიცხვებში გაუთვალიწინებელი ხარჯებისათვის განსაზღვრული პროცენტული მაჩვენებლის შეცვლა დაუშვებელია.
2.9.3. ხარჯთაღრიცხვის მარცხენა მხარეს არსებული ველების (შესასრულებელი სამუშაოს/გასაწევი მომსახურების ჩამონათვალი, რაოდენობა/მოცულობა) რედაქტირება დაუშვებელია.
2.9.4. პრეტენდენტის მიერ ტექნიკური დოკუმენტაციის სახით ხარჯთაღრიცხვები წარმოდგენილი უნდა იყოს Exсel ფორმატში. სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების თანახმად, პრეტენდენტის მიერ Excel-ის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს).
2.9.5. ფარული სამუშაოების წარმოებისას მიმწოდებელი ვალდებულია შეადგინოს ფარული სამუშაოების დამადასტურებელი წერილობითი აქტები, ამასთან ფარული სამუშაოები წარმოებული უნდა იქნას შემსყიდველის მიერ განსაზღვრული ინსპექტირების განმახორციელებელი პირთან ერთად.
2.9.6. შესრულებული სამუშაოების მოცულობები დადგინდება სსიპ -ლევან სამხარაულის სასამართლო ექსპერტიზის ეროვნული ბიუროს ან სხვა შესაბამის სფეროში აკრედიტებული საექსპერტო ორგანიზაციის მიერ მომზადებული ინსპექტირების ანგარიშით (საექსპერტო დასკვნა). მიმწოდებელი ვალდებულია საკუთარი სახსრებით უზრუნველყოს ინსპექტირების ანგარიშის (საექსპერტო დასკვნა) ღირებულების ანაზღაურება.
2.9.7. მიმწოდებელი ვალდებულია შესრულებული სამუშაოების დამადასტურებელი დოკუმენტები (ფორმა N2) ერთდროულად (ერთი კალენდარული დღე) წარუდგინოს შემსყიდველს და სსიპ-ლევან სამხარაულის სასამართლო ექსპერტიზის ეროვნულ ბიუროს ან სხვა შესაბამის სფეროში აკრედიტებულ საექსპერტო ორგანიზაციას, რაზედაც შესაბამისი დოკუმენტი ცნობისთვის უნდა წარუდგინოს შემსყიდველს იმავე დღეს.
2.9.8. მიმწოდებელი ვალდებულია საკუთარი ხარჯებით უზრუნველყოს სამშენებლო-სამონტაჟო და სამუშაო ფართის დასუფთავება, ნარჩენების, სამშენებლო ნაგვის მოგროვება და ტერიტორიიდან გატანა, როგორც სამუშაოების მიმდინარეობის პერიოდში ასევე, დასრულების შემდეგ;
2.9.9 მიმწოდებელი ვალდებულია საკუთარი ხარჯებით უზრუნველყოს სამშენებლო ადგილის შემოსაზღვრა და დამცავი გამაფრთხილებელი ნიშნების დაყენება. სამშენებლო მოედანზე დაცული უნდა იყოს უსაფრთხოების წესები.
2.9.10.მიმწოდებელი ვალდებულია სამუშაოს მასშტაბის შესაბამისად სამუშაოს შესრულება უზრუნველყოს შესაბამისი რაოდენობის, სანდო, სათანადო უნარ/ჩვევების მქონე პერსონალით.
2.9.11.მიმწოდებელმა სამშენებლო-სამონტაჟო სამუშაოების დაწყებამდე ტერიტორიაზე უნდა გადაამოწმოს სამონტაჟო სამუშაოების რეალური საჭიროებები და ნებისმიერი უზუსტობა აცნობოს შემსყიდველს.
2.9.12. მიმწოდებელი ვალდებულიასამუშაოს შესრულების პროცესში უზრუნველყოს ხარისხისა და სამუშაოების მიმდინარეობის ზედამხედველობისა და კონტროლის განმახორციელებელ პირთა მიერ გაცემული, როგორც ზეპირი ასევე წერილობითი რეკომენდაციების და მითითებების შესრულება.
2.9.13. სამუშაოს შესრულების პროცესში გამოყენებული ყველა ტექნიკური აღჭურვილობა და ინსტრუმენტი უნდა იყოს მუშა მდგომარეობაში, მათი ექსპლოატაცია უნდა ხდებოდეს მწარმოებლის მიერ განსაზღვრული წესით. ტექნიკური აღჭურვილობის და ინსტრუმენტის ექსპლუატაციისას დაუშვებელია არაქარხნული (კუსტარული) წესით დამზადებული დეტალის ან/და სათადარიგო ნაწილის გამოყენება.
2.9.14. სატენდერო დოკუმენტაციით გათვალისწინებული რომელიმე ვალდებულების დარღვევის შემთხვევაში შედეგად წარმოშობილ ზიანზე სრული პასუხისმგებლობა დაეკისრება მიმწოდებელს.
2.9.15. შესრულებული სამუშაოს ყოველი ნაწილის მიღება წარმოებს მიღება-ჩაბარების აქტის სახით. მიღება-ჩაბარების აქტი ფორმდება წერილობითი ფორმით, მხარეთა უფლებამოსილი წარმომადგენლის/წარმომადგენლების ხელის მოწერით, მიმწოდებლის მიერ წარმოდგენილი ფორმა N2-ისა და სსიპ „ლევან სამხარაულის სასამართლო ექსპერტიზის ეროვნული ბიუროს“ ან სხვა შესაბამის სფეროში აკრედიტებული საექსპერტო ორგანიზაციის მიერ მომზადებული საექსპერტო დასკვნის საფუძველზე. ექსპერტიზის ხარჯების ანაზღაურებას უზრუნველყოფს მიმწოდებელი.
2.9.16. მიმწოდებელი ვალდებულია სამუშაოები შეასრულოს იმგვარად, რომ არ შეფერხდეს დაწესებულებების ნორმალური ფუნქციონირება, შესაძლებელია, დღის წესრიგში დადგეს გარკვეული სამუშაობის არასამუშაო საათებსა და დღეებში განხორციელება. სამუშაოები აწარმოოს შრომის უსაფრთხოების მოქმედი კანონმდებლობით დადგენილი ნორმების სრული დაცვით.
2.9.17. მიმწოდებელი ვალდებულია იზრუნოს სამუშაოების დასრულების შემდეგ გარემოს საჭირო და სათანადო აღდგენაზე, აგრეთვე შეასრულოს სამუშაო უსაფრთხო და ეკოლოგიურად მისაღები გზით და მინიმუმამდე დაიყვანოს მუშაობით გამოწვეული ხმაურის, ვიბრაციის და მტვრის გავლენა.
2.9.18. სამუშაოების შესრულების პროცესში გამოყენებული მასალების, მოწყობილობების და ა.შ. ხარისხი, ტექნიკური აღწერილობა და სხვა მახასიათებლები სრულად უნდა შეესაბამებოდეს სახარჯთაღრიცხო დოკუმენტაცია მითითებულ მოთხოვნებს. ასევე, აღნიშნული მასალების, მოწყობილობების და ა.შ. ხარისხი, ტექნიკური აღწერილობა და სხვა მახასიათებლები თანხმდება შემსყიდველთან და შესაბამისი შეთანხმება შეიძლება განხორციელდეს როგორც წერილობით, ისევე მის გარეშე. იმ შემთხვევაში, თუ მიმწოდებლის მიერ წარმოდგენილი მასალების, მოწყობილობების და ა.შ. ხარისხი, ტექნიკური აღწერილობა და სხვა მახასიათებლები ან/და შესრულებული სამუშაო სრულად არ შეესაბამება განსაფასებელი ხარჯთაღრიცხვისა და შემსყიდველთან შეთანხმებულ ხარისხსა და მოთხოვნებს, მიმწოდებელი ვალდებულია თავისი ხარჯებით გამოასწოროს წუნდებული მასალა, მოწყობილობა და ა.შ. ან/და სამუშაო.
2.9.19. ობიექტზე, სამუშაოების პროცესში პრეტენდენტის (შემდგომში მიმწოდებლის) მიერ გამოყენებული ყველა მასალა და მოწყობილობა უნდა იყოს ახალი და ქარხნული წარმოების, ნივთობრივად და უფლებრივად უნაკლო. ამასთან, მიმწოდებელი სამუშოების დაწყებამდე მასალებსა და მოწყობილობებს ათანხმებს შემსყიდველთან.
2.9.20. მიმწოდებელმა უნდა უზრუნველყოს, სამუშაოს შესრულების პროცესში, მიმწოდებლის მიზეზით (მ/შ გაუფრთხილებლობით), შემსყიდველისთვის ან/და მესამე პირისთვის მიყენებული ზიანის სრული ანაზღაურება საკუთარი ხარჯით.
2.9.21. სატენდერო დოკუმენტაციაში ჩამოთვლილ საქონელზე, სადაც მითითებულია კონკრეტული სასაქონლო ნიშანი, მოდელი, წარმოშობის წყარო ან მწარმოებელი იგულისხმება ,,მსგავსი’’ ან ,,ეკვივალენტური.
2.9.22. ხარჯთაღრიცხვაში უნდა შეივსოს შესაბამისი ერთეულის ფასის ყველა უჯრა. თუ პრეტენდენტი გეგმავს რომელიმე პოზიციაზე საქონელი, მომსახურება და სამუშაო მიაწოდოს უფასოდ, ერთეულის ფასის შესაბამის გრაფაში უნდა ჩაიწეროს „0” ან ,,0.00". ცარიელი სიმბოლოს ან სხვა აღნიშვნის ( „-“, „* “ ან მსგავსი) მითითება დაუშვებელია, ასეთ შემთხვევაში იგულისხმება რომ აღნიშნულ პოზიციაზე პრეტენდენტის მიერ საქონელი და/ან მომსახურება განუფასებლადაა წარმოდგენილი, შესაბამისად, დაზუსტებას არ ექვემდებარება ტექნიკური დოკუმენტაცია, თუ სატენდერო დოკუმენტაციის მოთხოვნ(ებ)ის შესაბამისად, არ არის წარდგენილი ხარჯთაღრიცხვა ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.
2.9.23. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით. პრეტენდენტი ვალდებულია ფასების ცხრილში (ხარჯთაღრიცხვა) მითითებული ერთეული და საერთო ფასები გამოსახოს და შესაბამისად გაიანგარიშოს ლარის მეასედის - თეთრების სიზუსტით (მძიმის შემდეგ ორი ციფრი).
2.9.24. მიმწოდებელი ვალდებულია სამუშაოები შეასრულოს საქართველოს კანონმდებლობით გათვალისწინებული შესაბამისი სამშენებლო და გარემოსდაცვითი ნორმებისა და წესების მიხედვით.
2.9.25. მიმწოდებელმა სამუშაოები უნდა დაიწყოს ხელშეკრულების დადებიდან არაუგვიანეს 14 (თოთხმეტი) კალენდარული დღის ვადაში, ასევე ჯამურად 15 (თხუთმეტი) კალენდარულ დღეზე მეტი ვადით არ უნდა შეაჩეროს სამუშაოების შესრულება. მიმწოდებლის მხრიდან აღნიშნული ვადების დაუცველობის შემთხვევაში შემსყიდველს უფლება აქვს შეწყვიტოს ხელშეკრულება და დააკისროს მიმწოდებელს ხელშეკრულებით განსაზღვრული სანქციები.
2.9.26. შემსყიდველი ორგანიზაციის უფლებამოსილმა წარმომადგენელმა/წარმომადგენლებმა და აკრედიტებული საექსპერტო ორგანიზაციამ უნდა განახორციელონ:
ა) შესრულებული სამუშაოების ფორმა №2-ის დადასტურებას, კერძოდ, მოხდება შესრულებული სამუშაოების მოცულობითი შეფასება და საჭიროების შემთხვევაში დაკორექტირდება ფაქტობრივად გაწეული სამუშაოს შესაბამისად;
ბ) შეფასებას, შესრულებული სამუშაოების ფორმა №2 პასუხობს თუ არა „ტექნიკური რეგლამენტის „სამშენებლო სამუშაოების სახელმწიფო შესყიდვისას ზედნადები ხარჯების და გეგმური მოგების განსაზღვრის წესის“ დამტკიცების შესახებ საქართველოს მთავრობის 2014 წლის 14 იანვრის №55 დადგენილების მოთხოვნებს;
გ) ექპერტიზის განმახორციელებელმა პირმა/პირებმა უნდა დაადგინო(ნ)ს შეესაბამება თუ არა შესრულებული სამუშაოები და სამუშაოების შესრულების დროს გამოყენებული მასალები, მოწყობილობები და ა.შ. ხელშეკრულებით გათვალისწინებული სახარჯთაღრიცხვო მონაცემებს.

4.1.1.1. იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტმა შემსყიდველი ორგანიზაციის წერილობითი მოთხოვნის შემდეგ, უნდა წარმოადგინოს/ატვირთოს ფასწარმოქმნის ადეკვატურობის დასაბუთება.
4.1.1.2. ფასწარმოქმნის ადეკვატურობა შესაძლებელია დასაბუთებული იქნას სსიპ "ლევან სამხარაულის სახელობის სასამართლო ექსპერტიზის ეროვნული ბიუროს" ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო დასკვნით, რომელიც შედგენილი იქნება საქართველოს მთავრობის 2017 წლის 26 სექტემბრის N439 დადგენილებით დამტკიცებული "ტექნიკური რეგლამენტის - სამშენებლო სამუშაოების ხარჯთაღრიცხვის ფასწარმოქმნის ადეკვატურობის დადგენის მეთოდიკის" შესაბამისად.
4.1.1.3. საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო დასკვნის წარმოდგენის შემთხვევაში, პრეტენდენტის მიერ, დასკვნასთან ერთად, დამატებით წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი.
4.1.1.4. ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დადასტურდეს, როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

პრეტენდენტის მიერ წარმოდგენილი უნდა იქნას:

(1) ამონაწერი მეწარმეთა და არასამეწარმეო (არაკომერციული) იურიდიული პირების რეესტრიდან, რომელშიც, პრეტენდენტის მიმართ, არ უნდა იყოს რეგისტრირებული ყადაღა/აკრძალვა, საგადასახადო გირავნობა/იპოთეკის უფლება და პრეტენდენტი არ უნდა იყოს რეგისტრირებული მოვალეთა რეესტრში. თუკი პრეტენდენტის მიერ, სრულად იმ თანხის გადახდაზე, რომელიც პირს უფიქსირდება აღიარებულ საგადასახადო დავალიანებაში, წარმოდგენილია საქართველოს საგადასახადო კოდექსის 292-ე მუხლით განსაზღვრული საგადასახადო შეთანხმება, ან/და ამავე კოდექსის 238-ე მუხლის თანახმად გაფორმებული, აღიარებული საგადასახადო დავალიანების გადახდევინების გადავადების შესახებ ხელშეკრულება, საგადასახადო გირავნობა/იპოთეკის უფლების რეგისტრაციის არსებობა დისკვალიფიკაციის საფუძვლად არ იქნება მიჩნეული.
(2) შესაბამისად უფლებამოსილი ორგანოს მიერ გაცემული ცნობა,საიდანაც უნდა იკვეთებოდეს, რომ პრეტენდენტს არ გააჩნია საგადასახადო დავალიანება (გარდა არაღიარებული დავალიანებისა და იმ შემთხვევისა, თუ პირს, სრულად იმ თანხის გადახდაზე, რომელიც უფიქსირდება აღიარებულ საგადასახადო დავალიანებაში, გაფორმებული აქვს საქართველოს საგადასახადო კოდექსის 292-ე მუხლით განსაზღვრული საგადასახადო შეთანხმება, ან/და ამავე კოდექსის 238-ე მუხლით განსაზღვრული აღიარებული საგადასახადო დავალიანების გადახდევინების გადავადების შესახებ ხელშეკრულება, რაზედაც პრეტენდენტმა უნდა წარმოადგინოს, ამ პუნქტით განსაზღვრული, შესაბამისი დამადასტურებელი დოკუმენტ(ებ)ი).
(3) იმ შემთხვევაში, თუ პრეტენდენტის მიერ წარდგენილ სარეგისტრაციო-უფლებრივი მონაცემების ამსახველ დოკუმენტებში რეგისტრირებულია სატენდერო დოკუმენტაციის 5.1.2 პუნქტის 1-ელ და მე-2 ქვეპუნქტებში მითითებული რომელიმე უფლებრივი შეზღუდვა, პრეტენდენტი ექვემდებარება დისკვალიფიკაციას.

პრეტენდენტის მიერ წარმოდგენილი უნდა იქნას:

(1) ამონაწერი მეწარმეთა და არასამეწარმეო (არაკომერცი