Ремонт и техническое обслуживание транспортных средств и оборудования и сопутствующие услуги (Грузия - Тендер #64294744)

ავტომობილისა და მათთან დაკავშირებული მოწყობილობების შეკეთება და ტექნიკური მომსახურება

შპს ,,აქტივების მართვისა და განვითარების კომპანიის“ ბალანსზე რიცხული 5 წელზე მეტი ხნოვანების 2 ერთეული ავტომობილისა და მასთან დაკავშირებული მოწყობილობების შეკეთება და ტექნიკური მომსახურება (თანმდევი საქონლით, ახალი სათადარიგო ნაწილებით, მათ შორის შემსყიდველის მიერ მიწოდებული ნაწილებითაც).
იხ.მიბმული ფაილი: ტექნიკური დავალება დანართი №1.

მომსახურება გაწეული უნდა იქნას დაუყოვნებლივ, რიგგარეშე, ამასთან მომსახურების ვადა თითოეულ შემთხვევაზე არ უნდა აღემატებოდეს: სავალი ნაწილებისათვის - 1 ან 2 დღეს; ელექტროობისათვის - 1 დღეს; ძირითადი აგრეგატებისათვის - 1 ან 3 დღეს. იმ შემთხვევაში თუ საჭიროა ძრავის კაპიტალური რემონტის ჩატარება შესაძლებელია მომსახურების ვადა განისაზღვროს შემსყიდველთან შეთანხმებით, მაგრამ არაუმეტეს 10 კალენდარული დღის, ხოლო თუ ავტოტექმომსახურება ეხება დეფიციტური სათადარიგო ნაწილით უზრუნველყოფას, მომსახურების გაწევის ვადა განისაზღვრება არაუმეტეს 20 (ოცი) კალენდარული დღით. ამასთან, თუ რომელიმე სათადარიგო ნაწილის რეალიზაციას ახორციელებს საქართველოს ტერიტორიაზე არსებული ერთი ორგანიზაცია მაინც, ასეთი სათადარიგო ნაწილი არ ჩაითვლება დეფიციტურ ნაწილად.

შემსყიდველის წარმომადგენლის მიერ ავტომანქანის მიმწოდებლის სერვისცენტრში (მათ შორის სუბკონტრაქტორის სერვისცენტრში) შეყვანიდან მაქსიმუმ მიმდინარე სამუშაო დღის განმავლობაში მიმწოდებლი ვალდებულია შეადგინოს დეფექტური აქტი და შემსყიდველის თანხმობის (შესაძლებელია შემსყიდველის მიერ განხორციელდეს დეფექტურ აქტში მითითებული მომსახურების ან საქონლის რაოდენობის კორექტირება) შემდეგ (დეფექტურ აქტში აუცილებლად უნდა დაფიქსირდეს თარიღი და გარბენი) მიმწოდებელმა დაიწყოს მომსახურების განხორციელება, ამასთან, თუ შემსყიდველის წარმომადგენლის მიერ ავტომანქანის მიყვანა განხორციელდა მიმწოდებლის იმ სერვისცენტრში (მათ შორის სუბკონტრაქტორის სერვისცენტრში) რომელიც არ მდებარეობს ქ. თბილისში, მიმწოდებელი და შემსყიდველი ვალდებულნი არიან დეფექტურ აქტზე თანხმობა დაადასტურონ ქ. თბილისში მიმწოდებლის ან შემსყიდველის მისამართზე.
საქართველოს მაშტაბით მიმწოდებელმა მომსახურების გაწევა უნდა უზრუნველყოს არანაკლებ 3 სერვის ცენტრის საშუალებით, მათ შორის:
ქ. თბილისი;
ქ. ქუთაისი;
ქ. ბათუმი;


თითოეული სერვისცენტრი უნდა იყოს პრეტენდენტის სარგებლობაში ან მმართველობაში (საკუთრება ან იჯარა ან სუბკონტრაქტორი). პრეტენდენტმა იჯარის (სარგებლობაში/მმართველობაში) ან/და სუბკონტრაქტორის არსებობის შემთხვევაში აღნიშნულის დადასტურება უნდა განახორციელოს შესაბამისი ხელშეკრულებების საფუძველზე, რომელიც მოქმედი იქნება არანაკლებ 2025 წლის 31 დეკემბრის ჩათვლით. საკუთრების შემთხვევაში აღნიშნულის დადასტურება უნდა განახორციელოს შესაბამისი საკუთრების დამადასტურებელი დოკუმენტები საფუძველზე.

დანართი N3
ინფორმაცია საგარანტიო პირობებისა და ვადების შესახებ
გაწეულ მომსახურებაზე და ნაწილებზე უნდა ვრცელდებოდეს შემდეგი საგარანტიო პირობები: ძრავის ზეთი – გარბენი არანაკლებ 8000 კმ, სათადარიგო ნაწილებზე (გარდა სწრაფცვეთადი ნაწილებისა) არანაკლებ 6 (ექვსი) თვე. ძირითად აგრეგატებზე (ძრავი, გადაცემატა კოლოფი ხიდი, საჭის მექანიზმი (რულავოი კალონკა), ხიდის გამაძლიერებელი (რაზდატკა) არანაკლებ 1 (ერთი) წელი.ძრავის ღვედი დამჭიმებით არანაკლებ 50 000კმ ან 1 (ერთი) წელი, რომელიც ადრე შესრულდება. საგარანტიო პერიოდის განმავლობაში მიმწოდებელი ვალდებულია საკუთარი ხარჯებით დაზიანებისა და წუნის აღმოჩენიდან „10 (ათი)“ სამუშაო დღის ვადაში (განსაკუთრებულ შემთხვევაში გონივრულ ვადაში) ზედმეტი დანახარჯების გარეშე საკუთარი ხარჯებით (ევაკუატორისა და სხვა მომსახურებები/ნაწილები), აღმოფხვრას აღმოჩენილი წუნი/დაზიანება.

1. პრედენდენტს უნდა გააჩნდეს ანალოგიური მომსახურების განხორციელების გამოცდილება 2021 წლის 1 იანვრიდან ტექნიკური დოკუმენტაციის სისტემაში ატვირთვის დღემდე არანაკლებ 100 000 (ასი ათასი) ლარისა, დანართი №4-ის მიხედვით.
2. პრეტენდენტმა უნდა წარმოადგინოს არანაკლებ 1 (ერთი) სარეკომენდაციო წერილი გაცემული სახელმწიფო შესყიდვების ერთიან ელექტრონულ სისტემაში შემსყიდველის სტატუსით ფიქსირებული შემსყიდველი ორგანიზაცი(ებ)ისაგან მიმწოდებლის მიერ 2021 წლის 01 იანვრიდან ტექნიკური დოკუმენტაციის სისტემაში ატვირთვის დღემდე ანალოგიური მომსახურების გაწევის თაობაზე, რომლის ღირებულებაც ჯამში არ უნდა იყოს 10 000 (ათი ათასი) ლარზე ნაკლები;
3. პრეტენდენტმა უნდა წარმოადგინოს ტენდერით გათვალისწინებული ანალოგიური ხასიათის, სირთულისა და შინაარსის მომსახურების შესრულების დამადასტურებელი დოკუმენტების ასლები (ხელშეკრულების ასლები ხარჯთაღრიცხვით, მიღება-ჩაბარების აქტების ასლები).
4. იმ შემთხვევაში თუ პრეტენდენტის მიერ შესაბამისი მომსახურების დამადასტურებელი დოკუმენტაცია განთავსებულია შესყიდვების ერთიან ელექტრონულ სისტემაში (https://tenders.procurement.gov.ge/) მაშინ პრეტენდენტის მიერ შესაძლებელია წარმოდგენილი იქნას შესაბამისი SPA, NAT და/ან CMR ნომრები (ამ შემთხევაში დოკუმენტების წარმოდგენა სავალდებულო არ არის).

შესაბამის სფეროში გამოცდილების არ ქონა გამოიწვევს პრეტენდენტის დისკვალიფიკაციას.
იხ.მიბმული ფაილი: ინფორმაცია პრეტენდენტის მიერ ანალოგიური მომსახურების გაწევის გამოცდილების შესახებ №4.

ინფორმაცია სერვის-ცენტრ(ებ)ის შესახებ მისამართ(ებ)ის, ბოქსების რაოდენობისა და ხელსაწყო/დანადგარების მითითებით. აღნიშნული ინფორმაცია უნდა აკმაყოფილებდეს ტექნიკური დავალების (დანართი №1) 4 და 5 პუნქტებით განსაზღვრულ მოთხოვნებს.
საქართველოს მაშტაბით მიმწოდებელმა მომსახურების გაწევა უნდა უზრუნველყოს არანაკლებ 3 სერვის ცენტრის საშუალებით, მათ შორის:
ქ. თბილისში არანაკლებ 1 (ერთი) სერვისცენტრის არანაკლებ 6 (ექვსი) ,,ბოქსით“,
ქ. ქუთაისში არანაკლებ 1 (ერთი) სერვისცენტრის არანაკლებ 3 (სამი) ,,ბოქსით“,
ქ. ბათუმში არანაკლებ 1 (ერთი) სერვისცენტრის არანაკლებ 3 (სამი) ,,ბოქსით“,
თითოეული სერვისცენტრი უნდა იყოს პრეტენდენტის სარგებლობაში ან მმართველობაში (საკუთრება ან იჯარა ან სუბკონტრაქტორი).

ქ. თბილისში არსებულ სერვის ცენტრ(ებ)ში მიმწოდებელს ან/და მის ქვეკონტრაქტორებს საკუთრებაში, სარგებლობაში ან/და იჯარის უფლებით უნდა გააჩნდეს არანაკლებ შემდეგი ხელსაწყო დანადგარები:

• ავტომანქანის არანაკლებ 3 ამწე მექანიზმი;
• საბურავის დაშლა აწყობის და ბალანსირების დანადგარი;
• თვლების შეყრის (რაზვალი) დანადგარი;
• კომპიუტერული დიაგნოსტიკის მოწყობილობა;
• საყრდენი დისკოს გასაჩარხი მოწყობილობა;
• ავტომატურ გადაცემათა კოლოფში ზეთის შეცვლის აპარატი;
• ძრავში ზეთის შესაცვლელი აპარატი;
• ელექტრო მომარაგების სარეზერვო წყარო (გენერატორი);
• სერვისცენტრში სამუშაო ფართობი დაფარული უნდა იყოს ბეტონის ან მსგავსი ზედაპირით;
• სერვისცენტრი დაცული უნდა იყოს ჰიგიენური, სახანძრო და ტექნიკური უსაფრთხოების ნორმები;
• დათვალიერების ორმო;
• დიზელის მაღალი წნევის ტუმბოს დიაგნოსტიკის, მფრქვევანების („ფარსონკების“) დიაგნოსტიკისა და აღდგენის დანადგარები არანაკლებ 1 (ერთი) სერვის ცენტრში.

ქ. ქუთაისსა და ბათუმში არსებულ სერვის ცენტრ(ებ)ში მიმწოდებელს ან/და მის ქვეკონტრაქტორებს საკუთრებაში, სარგებლობაში ან/და იჯარის უფლებით უნდა გააჩნდეს არანაკლებ შემდეგი ხელსაწყო დანადგარები:

• ავტომანქანის არანაკლებ 2 ამწე მექანიზმი;
• საბურავის დაშლა აწყობის და ბალანსირების დანადგარი;
• თვლების შეყრის (რაზვალი) დანადგარი;
• კომპიუტერული დიაგნოსტიკის მოწყობილობა;
• საყრდენი დისკოს გასაჩარხი მოწყობილობა;
• ავტომატურ გადაცემათა კოლოფში ზეთის შეცვლის აპარატი;
• ძრავში ზეთის შესაცვლელი აპარატი;
• ელექტრო მომარაგების სარეზერვო წყარო (გენერატორი);
• სერვისცენტრში სამუშაო ფართობი დაფარული უნდა იყოს ბეტონის ან მსგავსი ზედაპირით;
• სერვისცენტრი დაცული უნდა იყოს ჰიგიენური, სახანძრო და ტექნიკური უსაფრთხოების ნორმები;
• დათვალიერების ორმო.

2.9.1. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ეროვნულ ვალუტაში და ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის ჩათვლით.
2.9.1.2. პრეტენდენტმა უნდა მიუთითოს ფასები განსაფასებელი ცხრილების (პრეისკურანტების) ჩამონათვალში მოცემულ სათადარიგო ნაწილებისა და მომსახურების ყველა სახეობაზე, რომლებიც არ უნდა აღემატებოდეს შემსყიდველის მიერ განსაფასებელ ცხრილებში (პრეისკურანტებში) მითითებულ თითოეულ პოზიციაზე სავარაუდო მაქსიმალურ ღირებულებებს.
2.9.1.3. ხელშეკრულების დადების შემდეგ, პრეისკურანტში მომსახურების რომელიმე ერთეულის არარსებობისას აღნიშნული ერთეულის ფასი, მისი შესყიდვის აუცილებლობისას, დგინდება შემსყიდველი ორგანიზაციისა და მიმწოდებლის შეთანხმებით საბაზრო ფასის გათვალისწინებით. ასეთ შემთხვევაში პრეისკურანტში შესაბამისი მომსახურების ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%–ს.
2.9.1.4. ტენდერში ვაჭრობა გაიმართება განფასების ცხრილების ჯამურ სავარაუდო ღირებულებაზე;
გასაწევი მომსახურების და გამოსაყენებელი სათადარიგო ნაწილების ერთეულის ღირებულებები პოზიციების შესაბამისად პრეტენდენტის მიერ წარმოდგენილი უნდა იქნას დანართი №2–ში მოცემული განფასების ცხრილის (პრეისკურანტების) ერთეულის ღირებულების მიხედვით და არ უნდა აღემატებოდეს პრეისკურანტში ამავე პოზიციებზე დაფიქსირებულ ერთეულის ფასებს.
2.9.1.5. დაბალფასიანი პრეტენდენტის მიერ წარმოდგენილ პირვანდელ და ვაჭრობის შედეგად დაფიქსირებულ საბოლოო ფასებს შორის სხვაობა გამოანგარიშდება (შემცირდება) პროცენტულად, თითოეულ მომსახურებასა და საქონელზე, რომლის მიხედვითაც დაევალება პრეტენდენტს წარმოადგინოს კორექტირებული ფასები.
2.9.1.6. ნებისმიერი ავტომანქანის ჩამონათვალში მომსახურების ან საქონლის პოზიციების გამეორების არსებობის შემთხვევაში უპირატესობა მიენიჭება მცირე ფასის მქონე იგივე სახის მომსახურების ან საქონლის პოზიციას.
2.9.1.7. პრეისკურანტში ნულით განფასებული სათადარიგო ნაწილები და მომსახურება შემსყიდველის მიერ არ ანაზღაურდება. თუ პრეტენდენტი გეგმავს რომელიმე პოზიციაზე საქონელი და მომსახურება მიაწოდოს უფასოდ, ერთეულის ფასის შესაბამის გრაფაში უნდა ჩაიწეროს „0” ან ,,0.00". ცარიელი სიმბოლოს ან სხვა აღნიშვნის ( „-“, „* “ ან მსგავსი) მითითება დაუშვებელია, ასეთ შემთხვევაში იგულისხმება რომ აღნიშნულ პოზიციაზე პრეტენდენტის მიერ საქონელი და/ან მომსახურება განუფასებლადაა წარმოდგენილი, რაც შეუძლებელს ხდის დაზუსტების უფლების გამოყენების შესაძლებლობას და გამოიწვევს სატენდერო პროცედურებიდან პრეტენდენტის დისკვალიფიკაციას.
2.9.1.8. იმ შემთხვევაში თუ პრეისკურანტში მითითებული ჩამონათვალიდან რომელიმე საქონლის ან/და მომსახურების შესყიდვა მოხდება კონსოლიდირებული ტენდერის ფარგლებში, შემსყიდველი ორგანიზაცია უფლებამოსილია დანართი N2-დან (პრეისკურანტიდან) ამოიღოს აღნიშნული საქონელი/მომსახურება.
2.9.2. სატენდერო წინადადების წარდგენით პრეტენდენტი ავტომატურად გამოხატავს თანხმობას სატენდერო პირობებით განსაზღვრულ მოთხოვნებზე;
2.9.3. სატენდერო წინადადება, ასევე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია და დოკუმენტაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
2.9.4. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
2.9.5. პრეტენდენტს არ აქვს უფლება წარმოადგინოს ალტერნატიული სატენდერო წინადადება.
2.9.6. იმ შემთხვევაში, თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება.
2.9.7. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული ,,ელექტრონული ტენდერის ჩატარების წესის“ მე-8 მუხლის შესაბამისად.
2.9.8 პრეტენდენტის მიერ შექმნილი, წინადადების სახით წარმოსადგენი დოკუმენტები უნდა იქნას ელექტრონულად ხელმოწერილი შესაბამისად უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა, რწმუნებულება...) ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტმა, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის საფუძველზე, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტზე უნდა შეასრულოს კვალიფიციური ელექტრონული ხელმოწერა ან/და ეს დოკუმენტი დაამოწმოს კვალიფიციური ელექტრონული შტამპით (იხ. ინსტრუქცია შემდეგ ბმულზე: http://procurement.gov.ge/ELibrary/metod-mititebebi-da-recomendaciebi.aspx.

ფასწარმოქმნის ადეკვატურობა უნდა დასაბუთდეს სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის დამტკიცების შესახებ“ წესის 28-ე მუხლის მე-5 პუნქტის მოთხოვნათა გათვალისწინებით, საშემფასებლო დასკვნით (ამასთან,ბუღალტრული აღრიცხვის,ანგარიშგებისა და აუდიტის შესახებ საქართველოს კანონის 28-ე მუხლის მე-8 პუნქტის ,,გ“ ქვეპუნქტის შესაბამისად, საშემფასებლო მომსახურების გაწევის უფლება ეძლევა მხოლოდ იმ პირს, რომელშიც დასაქმებულია აკრედიტებული შემფასებელთა სერტიფიკაციის ორგანოს მიერ სერტიფიცირებული შემფასებელი. შეფასების განხორციელების და შეფასების ანგარიშზე/დასკვნაზე ხელის მოწერის უფლება ენიჭება აკრედიტებული შემფასებელთა სერტიფიკაციის ორგანოს მიერ სერტიფიცირებულ შემფასებელს) საშემფასებლო დასკვნასთან ერთად ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი.

ანგარიშსწორება განხორციელდება უნაღდო ანგარიშსწორებით ლარში; ეტაპობრივად, ფაქტიურად გაწეული მომსახურების ჯამური ღირებულების შესაბამისად გაფორმებული დეფექტური აქტის, მიღება–ჩაბარების აქტისა და წარმოდგენილი ანგარიშფაქტურის საფუძველზე;

ანგარიშსწორება განხორციელდება მიღება-ჩაბარების აქტის გაფორმებისა და ანგარიშ-ფაქტურის წარმოდგენის შემდეგ არაუგვიანეს 10 (ათი) სამუშაო დღის განმავლობაში.

თამარ ჯაფიაშვილი, 595034566, info@amadco.ge ბექა ბერაძე 595 11 14 01, b.beradze@amadco.ge

ტექნიკური მოთხოვნები როგორც იურიდიული, ასევე ფიზიკური პირისათვის:

პრეტენდენტმა სახელმწიფო შესყიდვების ერთიან ელექტრონულ სისტემაში სატენდერო წინადადების ფასის ატვირთვასთან ერთად უნდა ატვირთოს და წარმოადგინოს შემდეგი ტექნიკური დოკუმენტაცია:
ა) ტექნიკური დავალება დანართი №1-ის მიხედვით;
ბ) სატენდერო წინადადების ფასი პრეისკურანტი, დანართი №2-ის მიხედვით;
გ) ინფორმაცია საგარანტიო პირობებისა და ვადების შესახებ დანართი №3-ის მიხედვით;
დ) ინფორმაცია პრეტენდენტის მიერ ანალოგიური მომსახურების გაწევის გამოცდილების შესახებ დანართI №4-ის მიხედვით;
ე) ინფორმაცია სერვის-ცენტრ(ებ)ის შესახებ მისამართ(ებ)ის, ბოქსების რაოდენობისა და ხელსაწყო/დანადგარების მითითებით. აღნიშნული ინფორმაცია უნდა აკმაყოფილებდეს ტექნიკური დავალების (დანართი №1) 4 და 5 პუნქტებით განსაზღვრულ მოთხოვნებს.