Интернет-услуги (Грузия - Тендер #64294718)

კომუნიკაციების კომისიის ვებ გვერდისთვის საძიებო სისტემების ოპტიმიზაციის მომსახურების შესყიდვა

კომუნიკაციების კომისიის ვებ გვერდისთვის (www.comcom.ge) საძიებო სისტემების ოპტიმიზაციის 8 თვიანი მომსახურების შესყიდვა

კომუნიკაციების კომისიის ვებგვერდზე ორგანულად ვიზიტორების (organic traffic) გაზრდის მიზნით დამატებითი კონტენტის შექმნა და საძიებო სისტემების ოპტიმიზაცია მნიშვნელოვანია, რადგან კომისიის მთავარი მიზანია, საძიებო სისტემებში კომუნიკაციების კომისიის საქმიანობის შესახებ საზოგადოებისთვის ინფორმაციის მოძიების გამარტივება და ცნობიერების ამაღლება.
შესაბამისი გამოცდილებისა და კვალიფიკაციის მქონე SEO მიმწოდებელმა აღნიშნული მიზნებისთვის უნდა უზრუნველყოს შემდეგი სამუშაოების განხორციელება:
o ხელშეკრულების მოქმედების 8 თვიან პერიოდში 25 SEO-სტატიის ქართულ ენაზე მომზადება ვებ-გვერდზე განსათავსებლად, თვეში არანაკლებ 3 სტატია.
o სტრატეგიულად მნიშვნელოვან საძიებო სიტყვებსა და ფრაზებზე მოწინავე პოზიციების დაკავება ქართულ ენაზე;
o რელევანტური და ხარისხიანი ორგანული ტრაფიკის მოპოვება და ზრდა;
o ვებგვერდზე არსებული კონტენტის ოპტიმიზება და ტექნიკური გამართულობის უზრუნველყოფა, რათა მომხმარებლის ვებგვერდთან ინტერაქცია იყოს მარტივი.

მიმწოდებელი ვალდებულია, იხელმძღვანელოს საძიებო სისტემების ოპტიმიზაციის საუკეთესო პრაქტიკით; დაუშვებელია ე.წ. Black-hat პრაქტიკების გამოყენება საძიებო სისტემებში პოზიციების არაკეთილსინდისიერად მოპოვების მიზნით;

სამუშაოები უნდა შედგებოდეს შემდეგი ფაზებისგან:
პროექტის დასაწყისში, ხელშეკრულების დადებიდან არაუმეტეს 1 თვის ვადაში უნდა განხორციელდეს შესაბამისი მოკვლევები და ანალიზები, რის საფუძველზეც უნდა შეიქმნას SEO სტრატეგია. პროექტის განმავლობაში საჭიროების შემთხვევაში შეიძლება SEO სტრატეგიის გადახედვა და ცვლილებების შეტანა;
o ხელშეკრულების დადებიდან არაუმეტეს 1 თვის ვადაში გაწეროს კონკრეტული გეგმა და გაწერილ ვადებში უზრუნველყოს სტატიების მომზადების, ვებგვერდზე განთავსებისა და საძიებო სისტემებთან ოპტიმიზირების პროცესი.
o ვებგვერდი უნდა შემოწმდეს ტექნიკურ გამართულობაზე და ხარვეზების შემთხვევაში SEO სააგენტო ვალდებულია, შემყიდველთან შეთანხმებით აღმოფხვრას არსებული ხარვეზები. ყოველთვიურად უნდა ხორციელდებოდეს ვებგვერდის ტექნიკური მონიტორინგი;
o ტექნიკური სამუშაოების პარალელურად, პროექტის დასრულებამდე უნდა მიმდინარეობდეს ვებგვერდის On-page და Off-page ოპტიმიზაციის სამუშაოები;
o შეათანხმოს სტატიის შესაბამისი თემატიკა კომუნიკაციების კომისიის საზოგადოებასთან ურთიერთობის სამსახურთან.

მიმწოდებელი ვალდებულია, წარადგინოს გაწეული მომსახურების და მიღებული შედეგების შესახებ ყოველთვიური ანგარიშები და რეპორტები.

მიწოდების ვადა: ხელშეკრულების გაფორმებიდან 8 თვე, მათ შორის მოკვლევები და ანალიზები, SEO სტრატეგიის და გეგმის შედგენა უნდა განხორციელდეს ხელშეკრულების გაფორმებიდან არაუგვიანეს 1 თვის ვადაში.

მომსახურების მიწოდება უნდა განხორციელდეს ონლაინ.

- 2021 წლის 01 იანვრის შემდგომ პერიოდში პრეტენდენტს უნდა გააჩნდეს არანაკლებ 3 სხვადასხვა წელს ჯამში არანაკლებ 5(ხუთი) კომპანიის ვებგვერდის საძიებო სისტემის ოპტიმიზირების (SEO) გამოცდილება.


ზემოაღნიშნული გამოცდილების დასადასტურებლად შესაძლებელია წარმოდგენილი იყოს: მითითება სახელმწიფო შესყიდვების ერთიანი ელექტრონული სისტემის ნომერზე
ან/და ხელშეკრულება და მისი შესრულების დამადასტურებელი: მიღება-ჩაბარების აქტი ან/და საგადასახადო ანგარიშ-ფაქტურა
ან/და დამკვეთის/შემსყიდველის მიერ გაცემული დოკუმენტი შესყიდვის ობიექტის და მიწოდების პერიოდის აღნიშვნით.

პროექტზე მომუშავე გუნდი დაკომპლექტებული უნდა იყოს მინიმუმ შემდეგი ფუნქციების შემსრულებელი მოქმედი სპეციალისტებით:
პროექტების მენეჯერი - კვალიფიკაცია: არანაკლებ 4 წლიანი გამოცდილება აღნიშნულ სფეროში და არანაკლებ 10 პროექტის მენეჯმენტი.
SEO სპეციალისტი - კვალიფიკაცია: არანაკლებ 3 წლიანი გამოცდილება აღნიშნულ სფეროში, არანაკლებ 10 პროექტზე მუშაობის გამოცდილება.
დეველოპერი - კვალიფიკაცია: არანაკლებ 4 წლიანი გამოცდილება აღნიშნულ სფეროში, არანაკლებ 10 პროექტზე მუშაობის გამოცდილება.
SEO ტექსტების ავტორი - კვალიფიკაცია არანაკლებ 1 წლიანი გამოცდილება აღნიშნულ სფეროში, არანაკლებ 5 პროექტზე მუშაობის გამოცდილება.

ზემოაღნიშნულის დასადასტურებლად წარმოდგენილი უნდა იყოს შესაბამისი პირების CV და მისი(მათ) თანხმობა წინამდებარე პროექტზე მუშაობის შესახებ.

თუ პრეტენდენტის მიერ ელექტრონული ვაჭრობის შედეგად დაფიქსირებული წინადადების საბოლოო ფასი 20%-ით ან მეტით ნაკლებია შესყიდვის ობიექტის სავარაუდო ღირებულებაზე, ის ვალდებულია დაასაბუთოს ფასწარმოქმნის ადეკვატურობა.

ფასწარმოქმნის ადეკვატურობა შესაძლებელია დასაბუთდეს ექსპერტიზის/აუდიტორული/საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი, გარდა იმ შემთხვევისა, თუ დასკვნის გამცემია სსიპ ლ.სამხარაულის სახელობის სასამართლო ექსპერტიზის ეროვნული ბიურო).

მომსახურების ღირებულება მიმწოდებელს გადაერიცხება ყოველთვიურად, მხარეთა შორის შედგენილი მიღება-ჩაბარების აქტის საფუძველზე.

შესაბამისი მიღება-ჩაბარების აქტის შედგენიდან არაუგვიანეს 10 სამუშაო დღისა

ნინო დემეტრაძე, 555461869, ndemetradze@comcom.ge

10.1.1 სატენდერო დოკუმენტაციით მოთხოვნილი ყველა დოკუმენტი წარმოდგენილ უნდა იქნეს ქართულ ენაზე. დოკუმენტების უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით.ხარჯები, რომელიც სატენდერო წინადადებაში არ არის გათვალისწინებული არ ანაზღაურდება.
10.1.3 სატენდერო დოკუმენტაციის შესახებ დამატებითი ინფორმაციისა და განმარტებების მიღება პრეტენდენტს შეუძლია სისტემის მოდულის-,,კითხვა/პასუხის“ მეშვეობით.
10.1.4. სატენდერო წინადადება წარმოდგენილი უნდა იყოს ლარში და ანგარიშსწორების ვალუტას ასევე წარმოადგენს ლარი.
10.1.5. პრეტენდენტმა ფასების ცხრილი/ხარჯთაღრიცხვა ერთიან ელექტრონულ სისტემაში შესაძლებელია ატვირთოს Excel-ის ფორმატის ცხრილის სახით; პრეტენდენტის მიერ Excel-ის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს).
10.1.6 პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (მაგ., ინფორმაცია საკუთარი გამოცდილების შესახებ, საგარანტიო პირობები და ა.შ.). დაამოწმოს/დაადასტუროს კვალიფიციური ხელმოწერით/კვალიფიციური შტამპით.