Работы по подготовке строительной площадки (Грузия - Тендер #64233158)

მწვანე კონცხის ადმინისტრაციულ ერთეულში ზღვაში ჩატოვებული 400-მდე ერთეული სახიფათო რკინის კონსტრუქციების მოჭრა.

შესასრულებელი სამუშაოების ტექნიკური დავალება განსაზღვრულია სატენდერო დოკუმენტაციის დანართი №1-ში.


ქ. ბათუმში, ბოტანიკური ბაღის მიმდებარედ, სანაპირო ზოლზე არსებული წყალქვეშა ტალღების შემაკავებელი ჯებირების ლითონის დაზიანებული შვერილების (ყუნწების) მოჭრა და უსაფრთხო გატანა სანაპიროს ზოლიდან.

სამუშაოს ფარგლებში გათვალისწინებულია:

კოროზირებული და ბასრი ლითონის ელემენტების (შვერილების/ყუნწების) იდენტიფიცირება,

მათი სპეციალური ხელსაწყოებით მოჭრა და დემონტაჟი,

დაზიანებული ლითონის კონსტრუქციების უსაფრთხო გატანა სანაპიროს ზოლიდან,


სამუშაოების შესრულებისას უსაფრთხოების ნორმების სრული დაცვა (მათ შორის, ზღვაში მოცურავე პირების უსაფრთხოების უზრუნველყოფა სამუშაოების მიმდინარეობისას).

პროექტით გათვალისწინებული ყველა სამუშაო უნდა შესრულდეს, შრომის უსაფრთხოებისა და გარემოს დაცვის ნორმების შესაბამისად.

1.4.1. სამუშაოების გახორციელების ვადაა ხელშეკრულების გაფორმებიდან 30 კალენდარული დღე.
1.4.2. მომსახურების შესრულების ვადის განსაზღვრისას გათვალისწინებული უნდა იყოს ობიექტური გარემოებები, როგორიცაა მეტეოროლოგიური პირობები (მაგალითად: შტორმი, ძლიერი წვიმა, ტალღების სიმაღლე, ძლიერი ქარი და სხვა უამინდობა), რაც მნიშვნელოვნად ზღუდავს სამუშაო პროცესს ზღვის აკვატორიაში.
ზემოაღნიშნული გარემოებების არსებობის შემთხვევაში, მიმწოდებელი ვალდებულია წარადგინოს შესაბამისი დამადასტურებელი დოკუმენტაცია, გაცემული სსიპ გარემოს ეროვნული სააგენტოს მიერ.
დოკუმენტში უნდა იყოს ასახული კონკრეტულ ლოკაციაზე (ბათუმის სანაპირო ზონა) ფიქსირებული მეტეოროლოგიური პირობები კონკრეტული თარიღების/პერიოდის მიხედვით.
მხოლოდ ასეთ შემთხვევაში ჩაითვლება სამუშაოს ვადების გადაადგილება ობიექტურად გამართლებულად.

1.5.1 მომსახურება განხორციელდება ქ. ბათუმი, ბოტანიკური ბაღის მიმდებარედ, სანაპირო ზოლი, მწვანე კონცხის ადმინისტრაციულ ერთეულში (მემედ ბედიას ქუჩა №1-დან №27-ის მიმდებარედ; თამარ მეფის გამზირი №50-დან №41-ის მიმდებარედ; ბაღის ქუჩა №1-დან №9-ის მიმდებარედ).
1.5.2. სამუშაოს დაწყებამდე მიმწოდებელი ვალდებულია მოახდინოს კონსტრუქციების საწყისი მდგომარეობის ფოტოსურათებით დაფიქსირება.
1.5.3. დემონტაჟის შემდეგ კი უნდა განხორციელდეს შესრულებული სამუშაოს შედეგების დასურათება იმავე ადგილებზე.
1.5.4. ფოტო და ვიდეო მასალა იქნება სამუშაოს შესრულების დადასტურების აუცილებელი შემადგენელი ნაწილი და წარმოდგენილი უნდა იქნას მიღება-ჩაბარების დოკუმენტაციასთან ერთად.
1.5.5.დემონტაჟის შემდეგ შესრულებული სამუშაოს შესაბამისობა გადამოწმდება შემსყიდველის მიერ მყვინთავების საშუალებით, რაც ითვალისწინებს ვიზუალურ დათვალიერებას და ფაქტობრივი შესრულების დადასტურებას წყალქვეშ.

შესასრულებელი სამუშაოების ტიპიდან გამომდინარე (დემონტაჟის სამუშაოები) საგარანტიო ვადა არ მოითხოვება

4.1.1.1 იმ შემთხვევაში, თუ ტენდერში პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, პრეტენდენტმა შემსყიდველი ორგანიზაციის წერილობითი მოთხოვნის საფუძველზე, უნდა წარმოადგინოს (სისტემაში ატვირთოს) ფასწარმოქმნის ადეკვატურობის დამადასტურებელი დოკუმენტი.
4.1.1.2 ფასწარმოქმნის ადეკვატურობა, შესაძლებელია დასაბუთდეს: სსიპ "ლევან სამხარაულის სახელობის სასამართლო ექსპერტიზის ეროვნული ბიუროს" ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამის სფეროში უფლებამოსილების/აკრედიტაციის დამადასტურებელი დოკუმენტი. დოკუმენტში გარკვევით უნდა იკითხებოდეს თუ რომელ სფეროშია აკრედიტირებული დასკვნის გამცემი პირი) ან/და სხვა იმ პირის მიერ, რომელშიც დასაქმებულია აკრედიტებული შემფასებელთა სერტიფიკაციის ორგანოს მიერ შესაბამის სფეროში სერტიფიცირებული შემფასებელი. სხვა პირის მიერ გაცემული საექსპერტო ან/და საშემფასებლო დასკვნა განხორციელებული უნდა იყოს და შეფასების ანგარიშზე/დასკვნაზე ხელი მოწერილი უნდა ჰქონდეს აკრედიტებული შემფასებელთა სერტიფიკაციის ორგანოს მიერ სერტიფიცირებულ შემფასებელს; პრეტენდენტის მიერ შეფასების ანგარიშთან/დასკვნასთან ერთად წარმოდგენილ უნდა იქნას აკრედიტებული შემფასებელთა სერტიფიკაციის ორგანოს მიერ შემფასებელზე გაცემული სერტიფიკატის ასლი (სერთიფიკატის გამცემი შემფასებელთა სერტიფიკაციის ორგანო აუცილებლად უნდა იყოს აკრედიტებული სსიპ "აკრედიტაციის ერთიანი ეროვნული ორგანო-აკრედიტაციის ცენტრის" მიერ). აღნიშნული დოკუმენტების წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.
4.1.1.3 ფასწარმოქმნის ადეკვატურობის დამადასტურებელი დოკუმენტ(ებ)ით უნდა დასტურდებოდეს სატენდერო პირობებით განსაზღვრული ვალდებულების შესრულების შესაძლებლობა როგორც პრეტენდენტის მიერ დაფიქსირებული სატენდერო წინადადების ფასთან (ფასების ცხრილის (განფასების) ჯამურ ღირებულებასთან), ასევე ფასების ცხრილის (განფასების) ერთეულ ღირებულებასთან მიმართებით.
4.1.1.4 ფასწარმოქმნის ადეკვატურობის დაუსაბუთებლობა მითითებულ ვადაში ან ფასწარმოქმნის ადეკვატურობის დამადასტურებელი დოკუმენტების შეუსაბამობა სატენდერო პირობებთან ან/და სატენდერო წინადადებასთან, გამოიწვევს პრეტენდენტის დისკვალიფიკაციას, "ელექტრონული ტენდერის ჩატარების წესის დამტკიცების შესახებ" სახელმწიფო შესყიდვების სააგენტოს თავმჯდომარის 2017 წლის 14 ივნისის #12 ბრძანების 32-ე მუხლის 1-ლი პუნქტის "დ" ქვეპუნქტის საფუძველზე.

7.2.1. მიმწოდებელთან ანგარიშსწორება განხორციელდება უნაღდო ანგარიშსწორების ფორმით ეროვნულ ვალუტაში.
7.2.2. მიმწოდებელთან ანგარიშსწორება შემსყიდველის მიერ განხორციელდება, სრულად შესრულებული სამუშაოს შესაბამისად გაფორმებული მიღება-ჩაბარების აქტის, სასაქონლო ზედნადებისა და შესაბამისი ანგარიშ-ფაქტურის (კანონმდებლობით გათვალისწინებულ შემთხვევაში) საფუძველზე.

ანგარიშსწორება განხორციელდება მიმწოდებლის მიერ ანგარიშსწორებისათვის საჭირო დოკუმენტაციის წარდგენიდან 10 (ათი) სამუშაო დღის ვადაში.

თამარ თურმანიძე, 555988668, tamar.turmanidze1995@gmail.com 577511033

10.1.1. სატენდერო დოკუმენტაციის იმ ნაწილში (ტექნიკური პირობები, ხარჯთაღრიცხვა, დანართი და სხვა), სადაც მითითებული იქნება სასაქონლო ნიშანი, მოდელი, წარმოშობის წყარო ან მწარმოებელი, იგულისხმება "მსგავსი" ან "ეკვივალენტური".
10.1.2. პრეტენდენტის მიერ სატენდერო წინადადების ან მისი შემადგენელი დოკუმენტის წარდგენა შესაძლებელია როგორც ქართულ, ასევე უცხო ენებზე. დოკუმენტის უცხო ენაზე წარდგენის შემთხვევაში, მას უნდა დაერთოს ნოტარიულად დამოწმებული თარგმანი ქართულ ენაზე. დოკუმენტთან დაკავშირებული სადავო საკითხ(ებ)ის გადაწყვეტისას უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
10.1.3. სატენდერო დოკუმენტაციის მოთხოვნებთან შესაბამისობის დადასტურების მიზნით, სახელმწიფო შესყიდვების ერთიან ელექტრონულ სისტემაში წარმოგენილ, უცხო ქვეყანაში შედგენილ დოკუმენტ(ებ)ზე ხელმოწერები და ხელმომწერი პირების უფლებამოსილება დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.
10.1.4. სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). კვალიფიციური ელექტრონული ხელმოწერა ან/და დასმული კვალიფიციური ელექტრონული შტამპი უნდა იყოს შესრულებული უფლებამოსილი ან მისი ნდობით აღჭურვილი (ნოტარიულად დამოწმებული მინდობილობის საფუძველზე) პირის მიერ.