Автотранспортные услуги (Грузия - Тендер #64233157)

სსიპ „იუსტიციის სახლის“ საჭიროებისათვის სატრანსპორტო მომსახურების შესყიდვა.

1.2.1 შესყიდვის ობიექტს წარმოადგენს სატრანსპორტო საშუალების დაქირავება მძღოლთან ერთად, მგზავრთა ტრანსპორტირების მიზნით. მომსახურების მიწოდება უნდა განხორციელდეს მოთხოვნის შესაბამისად (სსიპ "იუსტიციის სახლის" წარმომადგენლისგან მოთხოვნის შესახებ მიმწოდებელს ეცნობება არაუგვიანეს 5 კალენდარული დღისა).
1.2.2 მიმწოდებელი ვალდებულია, შემსყიდველის მოთხოვნის შემთხვევაში უზრუნველყოს მომსახურების მიწოდება, ერთდროულად არანაკლებ 5 ავტოსატრანსპორტო საშუალებით.
1.2.3 მომსახურების გაწევისთვის განვლილი მანძილის დაანგარიშება დაიწყება/დასრულდება იუსტიციის სახლის მოთხოვნით განსაზღვრული ადგილიდან/მისამართიდან (დანართი N2).
1.2.4 მომსახურების ანგარიშსწორება განხორციელდება ფაქტობრივად გავლილი მანძილის მიხედვით, მოძრაობის საწყისი პუნქტიდან დანიშნულების პუნქტამდე უკუმიმართულების გათვალისწინებით.
1.2.5 მომსახურება გაწევა განხორიციელდება როგორც სამუშაო, ასვე უქმე დღეებში.
1.2.6 ტრაქნსპორტში უნდა იყოს შენარჩუნებული სისუფთავე. დაცული უნდა იყოს ჰიგიენური ნორმები;
1.2.7 მომსახურების გაწევა უნდა განხორციელდეს ავსტოსატრანსპორტო საშუალებ(ებ)ით, რომელსაც გავლილი აქვს გეგმიური ტექნიკური დათვალიერება;
1.2.8 მიკროავტობუსი უნდა იყოს არანაკლებ 16 ადგილიანი, აღჭურვილი მგზავრთა უსაფრთხოების ყველა საშუალებით, სტანდარტული სავარძლებით, გათბობა- გაგრილებისა და ვენტილაციის სისტემით.
1.2.9 ავტობუსი უნდა იყოს არანაკლებ 30 ადგილიანი, აღჭურვილი მგზავრთა უსაფრთხოების ყველა საშუალებით, სტანდარტული სავარძლებით, გათბობა-გაგრილების და ვენტილაციის სისტემით.
1.2.10 ავტობუსი უნდა იყოს არანაკლებ 46 ადგილიანი, აღჭურვილი მგზავრთა უსაფრთხოების ყველა საშუალებით, სტანდარტული სავარძლებით, გათბობა-გაგრილების და ვენტილაციის სისტემით.
1.2.11 მომსახურების გაწევისას, ავტოსატრანსპორტო საშუალება უნდა იყოს სრულად გამართული საექქსპლუატაციოდ, სუფთა/გარეცხილ მდგომარეობაში და საწვავით უზრუნველყოფილი.
1.2.12 სატრანსპორტო საშუალებაში გამოყოფილი უნდა იყოს მგზავრებისთვის ბარგის განსათავსებელი სივრცე.
1.2.13 იმ შემთხვევაში თუ მგზავრების გადაყვანა დანიშნულების ადგილამდე არ მოხერხდა მიმწოდებლის მიზეზით (მძღოლის, ავტოსატრანსპორტო საშუალების ტექნიკური გაუმართაობა, საწვავის უქონლობა, საგზაო სატრანსპორტო შემთხვევა და სხვა), მიმწოდებლი ვალდებულია უზრუნველყოს მგზავრის დანიშნულების ადგილამდე მიყვანა სხვა ავტოსატრანსპორტო საშუალებით, შემსყიდველთან შეთანხმებით.
1.2.14 კილომეტრაჟის გაანგარიშება მოხდება უშუალოდ გადასაყვანი მგზავრით განხორციელებული მარშუტის მიხედვით და მასში არ შედის მძღოლის მიერ ტრანსპორტით დაბრუნება მგზავრის გარეშე.
1.2.15 სატრანსპორტო საშუალებას უნდა უნდა მართავდეს შესაბამისი კატეგორიის მქონე, უფლებამოსილი პირი.

ხელშეკრულების გაფორმებიდან 2025 წლის 31 დეკემბრის ჩათვლით.

მომსახურების გაწევის არეალი განისაზღვრება მთელი საქართველოს მასშტაბით, ხოლო მომსახურების გაწევის პერიოდი განისაზღვრება შემსყიდველის ყოველი მოთხოვნის შესაბამისად.

2.2.1.2 პრეტენდენტს 2022 წლიდან - წინამდებარე ტენდერის გამოცხადებამდე პერიოდში უნდა გააჩნდეს ანალოგიური/მსგავსი მომსახურების გამოცდილება, (გეოგრაფიული არეალი უნდა მოიცავდეს ქ. თბილისს, არანაკლებ ერთ რეგიონს აღმოსავლეთ საქართველოში და არანაკლებ ერთ რეგიონს დასავლეთ საქართველოში) რომელთა ღირებულება ჯამურად უნდა შეადგენდეს არანაკლებ 500 000 ლარს საქართველოს კანონმდებლობით დადგენილი ყველა გადასახადის ჩათვლით. აღნიშნულის დასტურად, პრეტენდენტის მიერ წარმოდგენილი უნდა იქნეს შესაბამისი ხელშეკრულებები და გაწეულ მომსახურებაზე გაფორმებული მიღება-ჩაბარების აქტები ან/და ნებისმიერი სხვა სახის დოკუმენტი, რომელიც დაადასტურებს აღნიშნული მომსახურების გაწევის ფაქტს.
2.2.1.2 პრეტენდენტს 2022 წლიდან - წინამდებარე ტენდერის გამოცხადებამდე პერიოდში, შესრულებული უნდა ჰქონდეს ანალოგიური/მსგავსი მომსახურების არანაკლებ 1 (ერთი) ხელშეკრულება, სახელმწიფო შემსყიდველი ორგანიზაციის დაკვეთით, რომლის ღირებულება არ უნდა იყოს 100 000 ლარზე ნაკლები. აღნიშნულის დასტურად, პრეტენდენტის მიერ წარმოდგენილი უნდა იქნეს შესაბამისი ხელშეკრულება და გაწეულ მომსახურებაზე გაფორმებული მიღება-ჩაბარების აქტები ან/და ნებისმიერი სხვა სახის დოკუმენტი, რომელიც დაადასტურებს აღნიშნული მომსახურების გაწევის ფაქტს, ასევე ამავე დამკვეთისაგან გაცემული დადებითი სარეკომენდაციო წერილი, რომელიც გაცემული უნდა იქნას წინამდებარე ტენდერის გამოცხდების შემდგომ პერიოდში.
2.2.1.3 იმ შემთხვევაში, თუ მომსახურება გაწეულია კერძო სამართლის იურიდიული პირის ან ფიზიკური პირის დაკვეთით, (არა სახელმწიფო შემსყიდველი ორგანიზაცია), პრეტენდენტმა ზემოაღნიშნული დოკუმენტებთან ერთად უნდა წარმოადგინოს ამ მომსახურების შესრულების ამსახველი ფინანსური დოკუმენტაცია: საგადასახადო ანგარიშ-ფაქტურები.
2.2.1.4 იმ შემთხვევაში, თუ სატენდერო დოკუმენტაციის 2.2.1 პუნქტით მოთხოვნილი გამოცდილების დამადასტურებელი დოკუმენტაცია ატვირთულია შესყიდვების ერთიან ელექტრონულ სისტემაში, პრეტენდენტს შეუძლია, გამოცდილების შესახებ ინფორმაცია წარმოადგინოს CMR, SPA, NAT და ა.შ ნომრების სახით და არ ატვირთოს ზემოაღნიშნული დოკუმენტაცია. თუ პრეტენდენტის მიერ წარმოდგენილ 2.2.1 პუნქტში მითითებულ დოკუმენტაციასა და სისტემაში (CMR, SPA, NAT და ა.შ ნომრების შესაბამისად) ატვირთულ დოკუმენტებს შორის აღმოჩნდება უზუსტობა, უპირატესობის მინიჭების საკითხს გადაწყვტეს სატენდერო კომისია.

4.1.1.1. იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით, ან მეტით დაბალია შესყიდვის ობიექტის სავარაუდო ღირებულებაზე, პრეტენდენტმა უნდა წარმოადგინოს ფასწარმოქმნის ადეკვატურობის დამადასტურებელი დოკუმენტაცია.
4.1.1.2. ფასწარმოქმნის ადეკვატურობა, შესაძლებელია დასაბუთდეს სსიპ "ლევან სამხარაულის სასამართლო ექსპერტიზის ეროვნული ბიუროს" ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული დასკვნით (პრეტენდენტის მიერ დასკვნასთან ერთად, ასევე, წარმოდგენილი უნდა იქნეს დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი).
4.1.1.3.ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებულ წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

7.2.1. ყოველთვიურად, მომსახურების გაწევის შემდეგ, ფაქტობრივად გაწეულ მომსახურებაზე, ხელშეკრულების შესრულების კონტროლის განმახორციელებელი პირ(ებ)ის მიერ შედგენილი ინსპექტირების დასკვნის საფუძველზე მხარეთა უფლებამოსილი წარმომადგენლების ხელმოწერით გაფორმდება მიღება-ჩაბარების აქტი.
7.2.2. ანგარიშსწორება განხორციელდება ყოველთვიურად, უნაღდო ანგარიშსწორებით, ეროვნულ ვალუტაში – ლარში, მხარეთა შორის გაფორმებული მიღება-ჩაბარების აქტის და მიმწოდებლის მიერ წარმოდგენილი ანგარიშ-ფაქტურის (კანონმდებლობით გათვალისწინებულ შემთხვევაში) საფუძველზე.

ანგარიშსწორებისთვის აუცილებელი დოკუმენტების სრულყოფილად გაფორმებიდან არაუგვიანეს 10 (ათი) სამუშაო დღე.

ალექსანდრე ჟვანია, 591447034, alzhvania@psh.gov.ge

10.1.1. სახელმწიფო შესყიდვების ერთიან ელექტრონულ სისტემაში ატვირთული დოკუმენტები (გარდა ფასების ცხრილისა) და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა.
10.1.2. ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
10.1.3. ალტერნატიული სატენდერო წინადადება არ განიხილება.
10.1.4. სატენდერო წინადადების ფასი გამოსახული უნდა იყოს ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული მიმწოდებლის ყველა ხარჯის (მ.შ კანონმდებლობით გათვალისწინებული გადასახადები) გათვალისწინებით.
10.1.5. პრეტენდენტმა სატენდერო წინადადების ფასში უნდა გაითვალისწინოს დღგ.
10.1.6. პრეტენდენტი დაექვემდებარება დისკვალიფიკაციას, თუ მის მიერ არ იქნება წარმოდგენილი ფასების ცხრილი ან ფასების ცხრილი წარმოდგენილი იქნება განფასების გარეშე ან წარდგენილ ფასების ცხრილში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.
10.1.7. ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.
10.1.8. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის" მე-8 მუხლით დადგენილი წესის შესაბამისად.