Медицинские услуги (Грузия - Тендер #64105235)

„იშვიათი დაავადებების მქონე და მუდმივ ჩანაცვლებით მკურნალობას დაქვემდებარებულ პაციენტთა მკურნალობა“ 2025 წლის სახელმწიფო პროგრამის ფარგლებში, ფენილკეტონურიითა და ჰიპერფენილალანინემიით დაავადებულ პირთა ყოველთვიური მონიტორინგის და ამბულატორიული დახმარების სამედიცინო მომსახურების შესყიდვა.

1.2.1. შესყიდვის მიზანს წარმოადგენს ფენილკეტონურიითა და ჰიპერფენილალანინემიით დაავადებულ პირთა ყოველთვიური მონიტორინგი და ამბულატორიული დახმარება. მომსახურების მოსარგებლეები იქნებიან საქართველოს მოქალაქეობის მქონე ახალშობილები და ბავშვები.
1.2.2. ტენდერში გამარჯვებულმა პრეტენდენტმა უნდა უზრუნველყოს:
ტენდერში გამარჯვებულმა პრეტენდენტმა უნდა უზრუნველყოს ფენილკეტონურიითა და ჰიპერფენილალანინემიით დაავადებულ პირთა ყოველთვიური მონიტორინგი და ამბულატორიული მომსახურება, ფენილკეტონურიის მართვა ბავშვებსა და ზრდასრულებში კლინიკური პრაქტიკის ეროვნული რეკომენდაციის (გაიდლაინი) მიხედვით.
ა) 0-დან 1 წლამდე ასაკის ბავშვებისათვის;
ბ) 1-დან 3 წლამდე ასაკის ბავშვებისათვის;
გ) 3-დან 7 წლამდე ასაკის ბავშვებისათვის;
დ) 7-დან 18 წლამდე ასაკის ბავშვებისათვის;
ე) 18 წლის და მეტი ასაკის პირებისთვის.
1.2.3. ტენდერში გამარჯვებულმა ორგანიზაციამ მომსახურების განხორციელებისას უნდა უზრუნველყოს შემდეგი პირობების დაცვა:
1.2.3.1. შეიმუშაოს პროგრამის მოსარგებლეთა მიერ, პროგრამით გათვალისწინებული მომსახურებების მიღებაზე დამყოლობის მექანიზმი (გეგმა) და უზრუნველყოს მოსარგებლეთა მიერ, სერვისების სრულყოფილად მიღების მიდევნება/მონიტორინგი.
1.2.3.2. უზრუნველყოს ფენილკეტონურიითა და ჰიპერფენილალანინემიით დაავადებულ პირთა ყოველთვიური მონიტორინგი და ამბულატორიული მომსახურების განხორციელება კარგი ლაბორატორიული პრაქტიკის მოთხოვნების შესაბამისად და წარმოადგინოს სტანდარტული ოპერაციული პროცედურები:
ა) ფენილკეტონურიითა და ჰიპერფენილალანინემიით დაავადებულ პირთა ყოველთვიური მონიტორინგისათვის სისხლის მშრალი წვეთის შეგროვების, შენახვის და ტრანსპორტირების სტანდარტული ოპერაციული პროცედურა, ნიმუშის თანმხლები ფორმა (უნდა მოიცავდეს ყველა საჭირო ინფორმაციას), ნიმუშის წუნდების პროცედურა;
ბ) მშობლის ინფორმირების პროცედურა და შესაბამისი ინფორმირებული თანხმობის ფორმა;
გ) დაავადების/მდგომარეობისათვის დიაგნოსტიკური ალგორითმი;
დ) ლაბორატორიული ტესტირების მეთოდის სრული აღწერილობა, დაავადების რეფერენს ინტერვალების მითითებით, მეთოდი უნდა იყოს ფლუორომეტრული ან უფრო მაღალი მგრძნობელობის, მეთოდი უნდა იყოს შეფასებული, წინასწარ ცნობილი კლინიკური ნიმუშების, ან აშშ CDC -ს ან სხვა რეფერენს ლაბორატორიების მიერ წარმოებული ხარისხის კონტროლის ნიმუშებით;
ე) ხარისხის უზრუნველყოფის პროცედურა, კერძოდ მეთოდის ვერიფიკაციის პროცედურა, ხარისხის შიდა და გარე კონტროლის გეგმა რეტროსპექტულად ნიმუშების 1% ის გადამოწმების ჩათვლით წინასწარ განსაზღვრული რეფერენს ლაბორატორიების, შიდა ხარისხის კონტროლების და გარე ხარისხის პროგრამების მითითებით;
ვ) ტექნიკური აღჭურვილობის ჩამონათვალი, აპარატურა შესაბამისი კალიბრაციის ჩანაწერებით, პრევენციული და მაკორექტირებელი ქმედებების გეგმა;
ზ) მონაცემების შეგროვების და მართვის პროცედურა;
თ) რისკების მენეჯმენტი და გაუთვალისწინებელი შემთხვევების მართვის გეგმა;
1.2.4. მიმწოდებელი იღებს ვალდებულებას, ხელშეკრულების მოქმედების პერიოდში მომსახურება გაუწიოს ყველა შემთხვევას (არსებობის შემთხვევაში, სატენდერო წინადადებაში წარმოდგენილი შემთხვევების მოსალოდნელ რაოდენობაზე მეტს) და არ მოითხოვოს დამატებითი ანაზღაურება აღნიშნული შემთხვევების მომსახურებაზე.
1.2.5. ტენდერით გათვალისწინებული მომსახურების შესრულებისას, მიმწოდებელი შემსყიდველთან ანგარიშგებას ახორციელებს გეგმურ ამბულატორიულ შემთხვევათა ზედამხედველობის წესის შესაბამისად.

სამედიცინო მომსახურების გაწევა უნდა განხორციელდეს ხელშეკრულების გაფორმებიდან, მაგრამ არაუადრეს 2025 წლის 01 ივლისიდან 2025 წლის 31 დეკემბრის ჩათვლით.

1.5.1. მომსახურება უნდა გაეწიოს საქართველოს ტერიტორიაზე მცხოვრებ, ფენილკეტონურიითა და ჰიპერფენილალანინემიით დაავადებულ ყველა საქართველოს მოქალაქეს.

პრეტენდენტმა სატენდერო წინადადებასთან ერთად, ერთიანი ელექტრონული სისტემის მეშვეობით უნდა უზრუნველყოს შემდეგი დოკუმენტების წარმოდგენა:
2.7.1.1. შეტყობინება/შეტყობინებები იმის თაობაზე, რომ იგი აკმაყოფილებს პროგრამის განხორციელებისთვის აუცილებელი საქმიანობის წარმოებაზე ტექნიკური რეგლამენტით გათვალისწინებულ მოთხოვნებს;
* წინამდებარე ქვეპუნქტით განსაზღვრული „შეტყობინებაში“ დაფიქსირებული უნდა იყოს იგივე მისამართი, რომელზეც სატენდერო წინადადების წარმოდგენის მომენტისთვის ფუნქციონირებს პრეტენდენტი.
2.7.1.2. სამედიცინო დაწესებულების ხელმძღვანელის წერილობითი ვალდებულება იმის შესახებ, რომ მომსახურების განხორციელებაში ჩართული სამედიცინო პერსონალი სერთიფიცირებულია კანონმდებლობით დადგენილი წესის შესაბამისად.
2.7.1.3. სამედიცინო დაწესებულების ხელმძღვანელის წერილობითი ვალდებულება იმის შესახებ, რომ უზრუნველყოფს 1.2.3. პუნქტით განსაზღვრულ მოთხოვნებს.

პრეტენდენტს შეუძლია, წინამდებარე სატენდერო დოკუმენტაციით განსაზღვრული მომსახურება განახორციელოს, როგორც უშუალოდ, ისე ქვეკონტრაქტორ(ებ)ის მეშვეობით. ქვეკონტრაქტორის არსებობის შემთხვევაში, პრეტენდენტმა სატენდერო წინადადებასთან ერთად, ერთიანი ელექტრონული სისტემის მეშვეობით უნდა წარმოადგინოს:
1. ინფორმაცია ქვეკონტრაქტორ(ებ)ის შესახებ;
2. ქვეკონტრაქტორ(ებ)თან დადებული ხელშეკრულებ(ებ)ის/მემორანდუმ(ებ)ის ასლები, რომელიც მოქმედი უნდა იყოს არაუგვიანეს 2026 წლის 31 მარტის ჩათვლით;
3. ქვეკონტრაქტორ(ებ)ის მიერ, წინამდებარე სატენდერო დოკუმენტაციის კითხვარის 1.2.3. მუხლით და 2.7.1 მუხლით განსაზღვრული მოთხოვნების დამადასტურებელი ინფორმაცია/დოკუმენტაცია;
4. ამ ხელშეკრულების ფარგლებში დადებული არც ერთი ქვეკონტრაქტი არ ათავისუფლებს მიმწოდებელს ხელშეკრულებით გათვალისწინებული ვალდებულებებისაგან. მიმწოდებელი ქვეკონტრაქტორ(ებ)ის მიერ გაწეულ მომსახურებაზე ისევე აგებს პასუხს, როგორც საკუთარი ძალებით გაწეულზე. მომსახურების მიღება-ჩაბარებისას გაწეული მომსახურების ვადებზე, ხარისხზე, წინამდებარე ხელშეკრულებით განსაზღვრულ პირობებთან და დადგენილ ტექნიკურ პირობებთან შესაბამისაობაზე, შემსყიდველის წინაშე პასუხისმგებელია მხოლოდ მიმწოდებელი, მიუხედავად იმ გარემოებისა მომსახურება გასწია საკუთარი ძალებით, თუ მესამე პირ(ებ)ის - ქვეკონტრაქტორ(ებ)ის მეშვეობით. საბოლოო ურთიერთობა შემსყიდველსა და მიმწოდებელს შორის ხორციელდება ამ კონტრაქტით განსაზღვრული პირობებით.

2.9.1. პრეტენდენტმა ფასების ცხრილში (ხარჯთაღრიცხვაში) დაფიქსირებულ ერთეულის/მთლიან ღირებულებასთან დაკავშირებით, უნდა წარმოადგინოს ინფორმაცია იმის თაობაზე, თუ რა გაანგარიშებას ეფუძნება ფასების ცხრილში შეტანილი ფინანსური პარამეტრები: პრეტენდენტმა უნდა წარმოადგინოს მომსახურების ღირებულება - შემთხვევის/ერთეულის მიხედვით. ამასთანავე, პრეტენდენტმა დეტალურად უნდა განმარტოს, თუ რა პარამეტრებით (ფინანსური, სტატისტიკური და ა.შ.) ხელმძღვანელობდა სატენდერო წინადადების ფასის შედგენისას/ფასების ცხრილის ფორმირებისას.
2.9.2. პრეტენდენტის სატენდერო წინადადებაში დეტალურად უნდა იქნეს განმარტებული თუ როგორ უზრუნველყოფს „დედათა და ბავშვთა ჯანმრთელობის“ სახელმწიფო პროგრამის „ახალშობილთა და ბავშვთა სკრინინგი ჰიპოთირეოზზე, ფენილკეტონურიაზე, ჰიპერფენილალანინემიაზე, უკოვისციდოზზე, გალაქტოზემიაზე, ადრენოგენიტალურ სინდრომსა და ბიოტინიდაზას დეფიციტზე“ კომპონენტის მიმწოდებელი დაწესებულებ(ებ)ისგან ფენილკეტონურიითა და იპერფენილალანინემიით დაავადებულ პირთა შესახებ ინფორმაციის მიღებას, რათა მკურნალობის დაწყება შესაძლებელი იყოს რეკომენდებულ ვადაზე (დაბადებიდან 21 დღემდე).

ფასწარმოქმნის ადეკვატურობა, შესაძლებელია დასაბუთდეს ექსპერტიზის დასკვნით, ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირისმიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას, როგორც მის მიერ დაფიქსირებულ წინადადების ფასთან (ჯამურ ღირებულებასთან), ასევე ფასების ცხრილის ერთეულებთან მიმართებაში.

7.2.1. მომსახურების ანაზღაურება ხორციელდება შესრულებული სამუშაოს მიხედვით, წინამდებარე სატენდერო დოკუმენტაციის დანართი N1-ის შესაბამისად პრეტენდენტის მიერ წარმოდგენილი განფასების მიხედვით, მაგრამ არაუმეტეს პროგრამით განსაზღვრული ბიუჯეტისა;
7.2.2. ანაზღაურება განხორციელდება მიმწოდებლის მიერ კონკრეტულად განხორციელებული მომსახურების მიხედვით, სატენდერო წინადადებაში წარმოდგენილი ერთეულის ფასის შესაბამისად;
7.2.3. ანგარიშწორება განხორციელდება ეროვნულ ვალუტაში - ლარში;
7.2.4. ანგარიშწორების ფორმა იქნება უნაღდო ანგარიშსწორება, თანხა ჩაირიცხება მომწოდებლის მიერ ხელშეკრულებაში მითითებულ საბანკო რეკვიზიტებზე.

ანგარიშსწორება მოხდება სააგარიშგები დოკუმენტაციის ინსპექტირების დასრულებიდან 20 (ოცი) სამუშაო დღის განმავლობაში.

თამარ გოგოლი, 595994477, tgogoli@moh.gov.ge

10.1.1. მიმწოდებელსა და შემსყიდველს შორის ურთიერთობისას გამოყენებული იქნება „2025 წლის ჯანმრთელობის დაცვის სახელმწიფო პროგრამების დამტკიცების შესახებ“ საქართველოს მთავრობის 2024 წლის 30 დეკემბრის №474 დადგენილებითა და მოქმედი კანონმდებლობით გათვალისწინებული მოთხოვნები;
10.1.2. ალტერნატიული სატენდერო წინადადება არ მიიღება;
10.1.3. სატენდერო წინადადების წარდგენით, პრეტენდენტი ავტომატურად გამოხატავს თანხმობას სატენდერო დოკუმენტაციის პირობებით განსაზღვრულ მოთხოვნებზე;
10.1.4. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი წარმოდგენილი უნდა იქნას მოქმედი კანონმდებლობის შესაბამისად;
10.1.5. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარში;
10.1.6. სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველაგადასახადის და შესყიდვის ობიექტის მიწოდებასთან დაკავშირებული ხარჯის ათვალისწინებით, რომელთა გადახდა ეკისრება მიმწოდებელს. ხარჯები, რომლებიც სატენდერო წინადადების ფასში არ იქნება გათვალისწინებული, არ დაექვემდებარება ანაზღაურებას;
10.1.7. პრეტენტენტების მიერ სახელმწიფო შესყიდვების ერთიან ელექტრონულ სისტემაში ტვირთული ელექტრონული დოკუმენტები უნდა შეესაბამებოდეს ,,ელექტრონული დოკუმენტისა და ელექტრონული სანდო მომსახურების შესახებ" საქართველოს კანონით მე-3 მუხლის მე-3 პუნქტით დადგენილ მოთხოვნებს;
10.1.8. სატენდერო წინადადება, ასევე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია, დოკუმენტაცია ან/და ინფორმაცია, წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ თან უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე. უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია;
10.1.9. სატენდერო კომისიის გადაწყვეტილება ჩაითვლება პრეტენდენტისათვის გაგზავნილ შეტყობინებად, სატენდერო კომისიის სხდომის ოქმის სახელმწიფო შესყიდვების ერთიანი ელექტრონული სისტემისშესაბამის მოდულში ატვირთვით. პრეტენდენტის მიერ შეტყობინება ოფიციალურად მიღებულად ჩაითვლება ოქმის ისტემაში ატვირთვის მომენტიდან.