Инженерные услуги (Грузия - Тендер #64038514)

1.1.1 საპროექტო-სახარჯთაღრიცხვო დოკუმენტაციის შესყიდვა (ქ. ბათუმში, ბინათმესაკუთრეთა ამხანაგობების მხარდაჭერის პროექტების განხორციელების მიზნით).

1. შესყიდვის ობიექტის მოცულობა:
ქ. ბათუმში, მრავალსართულიან/მრავალბინიან სახლებში
• არსებული ამორტიზებული ლიფტების დემონტაჟი და ახალი ლიფტების მონტაჟის;
• ეზოების კეთილმოწყობისა და კომუნალური სისტემის მოწესრიგების;
• სადარბაზოების კარებისა და ელექტრო საკეტების მოწყობის;
• ეზოებში გარე განათების მოწყობის;
• სადარბაზოების შესასვლელში პანდუსების მოწყობის;
• სადარბაზოს ამორტიზებული შესასვლელი გადახურვის ფილის მოწყობის;
• სადარბაზოში არსებული ამორტიზებული ვიტრაჟების შეცვლის;
• დაზიანებული აზბესტის ფურცლების ნაცვლად ლითონის პროფილური ფურცლის აკვრის;
• შენობების ფასადების შეფუთვის;
• სხვადასხვა
სამუშაოებისათვის საპროექტო-სახარჯთაღრიცხვო დოკუმენტაციის შედგენის სამუშაოები.

2. ტექნიკური პირობები:
2.1. გასაწევი მომსახურება:
საველე კვლევა-ძიება და კამერალური სამუშაოები:
ა) საპროექტო სამუშაოები;
ბ) სახარჯთაღრიცხვო დოკუმენტაციის მომზადება და ობიექტის სავარაუდო ღირებულების დადგენა;
გ) სატენდერო დოკუმენტაციის მომზადება; (ფასების ცხრილი)
დ) საჭირო შემთხვევებში დამატებითი მომსახურების გაწევა;
ე) დეფექტური უწყისებით ხარჯთაღრიცხვების შედგენა;
ვ) გეოლოგიური გამოკვლევა. (აუცილებლობის შემთხვევაში დამკვეთის მოთხოვნის საფუძველზე)

2.2. დავალების შინაარსი
შესასრულებელი სამუშაოების ხარისხის გაზრდისა და ღირებულების შემცირების მიზნით მიმწოდებელი ვალდებულია:
ა) ყოველი კონკრეტული საპროექტო სამუშაოები შეასრულოს კლასიფიკაციის ინსტრუქციის შესაბამისად (საუწყებო სამშენებლო ნორმები) და ობიექტის მდგომარეობის გათვალისწინებული პირობებით. რიგ შემთხვევებში დასაშვებია საბაზრო ფასების გამოყენების პრაქტიკაც;
კომუნალური სისტემის მოწესრიგებისა და ეზოების კეთილმოწყობის სამუშაოების საპროექტო დოკუმენტაციები შეთანხმებული უნდა იყოს შპს „ბათუმის წყალთან.
არსებული ამორტიზებული ლიფტების დემონტაჟისა და ახალი ლიფტების მონტაჟის სამუშაოების საპროექტო დოკუმენტაციებში ასახული უნდა იყოს შახტის აზომვითი ნახაზები, სართულების რაოდენობა, კარებების რაოდენობა და შახტის მდგომარეობის ამსახველი ფოტომასალები, ასევე არსებული ამორტიზებული ლიფტების დემონტაჟისა და ახალი ლიფტების მონტაჟის სამუშაოების საპროექტო დოკუმენტაციისათვის საჭიროა სამანქანე ოთახის, შახტისა და თანაორმოს საქართველოში მოქმედ სტანდარტებთან და რეგლამენტთან შესაბამისობის დადგენა სათანადო კვალიფიკაციის ორგანოს მიერ.
ბ) საკვლევაძიებო და საპროექტო-სახარჯთაღრიცხვო სამუშაოების დროულად და ხარისხიანად შესრულებისათვის მოახდინოს დაინტერესებულ ორგანიზაციებთან და პირებთან პროექტის საჭირო წინასწარი შეთანხმებები, გარდა სამშენებლო მოედნისა, ტერიტორიის გამოყოფისა და გათავისუფლების, რომელიც წარმოადგენს შემსყიდველის მოვალეობას;
გ) პროექტებში გათვალისწინებულ უნდა იქნეს მშენებლობაში მიღწეული და დაგროვილი საერთაშორისო გამოცდილებები ახალი ტექნოლოგიებისა და მოწყობილობების გამოყენებით საქართველოს სპეციფიკური პირობებიდან გამომდინარე;
დ) პერიოდული შეკეთებისა და სარეაბილიტაციო სამუშაოების და დეფექტური უწყისებით ხარჯთაღრიცხვების შედგენისას პროექტების ღირებულება მიმწოდებელმა უნდა განსაზღვროს დასაბუთებული კალკულაციებით და ღირებულებებით;
ე) მიმწოდებელი პასუხისმგებელია ყველა საჭირო საოფისე ფართის, აღჭურვილობის, მოწყობილობის, ტრანსპორტის უზრუნველყოფაზე და ყველა საველე სამუშაოებისათვის საჭირო ტექნიკაზე.
ვ) შემსყიდველი იტოვებს უფლებას საჭიროების შემთხვევაში, საპროექტო-სახარჯთაღრიცხვო დოკუმენტაციის მიღებიდან 3 წლის განმავლობაში, მიმწოდებელს მოსთხოვოს ცვლილების შეტანა სააპოექტო-სახარჯთაღრიცხვო დოკუმენტაციის წინა ვერსიაში.

2.3. დავალების შესრულების წესი
ა) დავალების შესრულების წესი განისაზღვრება დავალების შინაარსით და ხელშეკრულების სპეციფიკური პირობებით. კონკრეტული ობიექტების პროექტების შედგენის ვადები განისაზღვრება წერილობითი შეტყობინებით.
ბ) საპროექტო-სახარჯთაღრიცხვო დავალების მიღება განხორციელდება შემსყიდველის მიერ მიმწოდებელზე წერილობითი შეტყობინების ფორმით, სადაც განსაზღვრული იქნება პროექტების შედგენის ვადები.
გ) მიმწოდებელი ვალდებულია პროექტის შედგენისათვის საქართველოს კანონმდებლობით გათვალისწინებული საჭირო ყველა მოთხოვნა (წესი, ნორმა) აწარმოოს დამოუკიდებლად, თავისი ძალებით. შემსყიდველის მიერ მიღებული (ჩაბარებული) შესყიდვის ობიექტი (საპროექტო-სახარჯთაღრიცხვო დოკუმენტაცია) არ უნდა საჭიროებდეს დამატებით რაიმე სახის პროცედურების გავლას.

2.4. ნორმატიული დოკუმენტები
მიმწოდებელმა უნდა იხელმძღვანელოს საქართველოს ტერიტორიაზე ტექნიკური ზედამხედველობისა და სამშენებლო სფეროში 1992 წლამდე მოქმედი ნორმების, წესების და ტექნიკური რეგულირების სხვა დოკუმენტების გამოყენების შესახებ საქართველოს ეკონომიკისა და მდგრადი განვითარების მინისტრის 2011 წლის 18 თებერვლის №1-1/251 ბრძანებით.

2.5. მიმწოდებლის პასუხისმგებლობა
ა) მიმწოდებელი პასუხისმგებელია სრულყოფილი საპროექტო – სატენდერო დოკუმენტაციის ხარისხიანად დამუშავებაზე და სამშენებლო სამუშაოების სახარჯთაღრიცხვო დოკუმენტაციის შედგენაზე.
ბ) იმ შემთხვევაში, თუ მიმწოდებლის დაშვებული ხარვეზების გამო მშენებლობის პროცესში აღმოჩნდება სახარჯთაღრიცხვო ღირებულების 10%-ზე მეტი გაუთვალისწინებელი დამატებითი სამუშაოების შესრულების აუცილებლობა, მიმწოდებელს დაეკისრება მისი ანაზღაურება.
გ) მიმწოდებელმა საჭიროების შემთხვევაში წარმდგენილი სახარჯთაღრიცხვო დოკუმენტაცია უნდა განაახლოს (ხარჯთაღრიცხვის ცვლილება) სამშენებლო რესურსების ფასების მიხედვით.

2.6. კუთვნილება
ა) ამ დავალებასთან დაკავშირებით მომზადებული ნებისმიერი შესწავლა, ანგარიში, გრაფიკული ან სხვა სახის მასალები ეკუთვნის შემსყიდველს და რჩება მის საკუთრებაში;
ბ) მიმწოდებელს არ აქვს ამ მასალების გამოყენების უფლება სხვა სამუშაოების შესასრულებლად შემსყიდველის წინასწარი თანხმობის გარეშე.
გ) მიმწოდებელი ვალდებულია წარმოადგინოს პროექტის ნაწილის ან სრული მოცულობის ელექტრონული ვერსია.

2.7. საპროექტო დოკუმენტაციის რაოდენობა
მიმწოდებელი ვალდებულია გადასცეს შემსყიდველს სრული საპროექტო-სახარ-ჯთაღრიცხვო დოკუმენტაცია 4 ეგზემპლარად და მისი შესაბამისი ელექტრონული ვარიანტი.
ელექტრონულ ვარიანტში ტექსტური დოკუმენტაცია (ხარჯთაღრიცხვა, განმარტებითი ბარათი და ა.შ.) უნდა იყოს დაბეჭდილი შრიფტით Sylfaen, ხოლო ნახაზები უნდა იყოს PDF ფორმატში, ამასთანავე, PDF ფორმატის თითოეული ფაილის ზომა არ უნდა აღემატებოდეს 7 მეგაბაიტს.

1.4.1 მომსახურების გაწევის ვადა შეადგენს 2025 წლის 10 დეკემბრის ჩათვლით პერიოდს.

1.5.1 მომსახურების გაწევის ადგილია ქ. ბათუმის ტერიტორია.

2.2.1.1 ტენდერში მონაწილე პრეტენდენტს (შესყიდვაში მონაწილეობის მსურველ პირს) 2022 წლის 1 იანვრიდან ტენდერის გამოცხადების დღემდე შესრულებული უნდა ჰქონდეს ტენდერით გათვალისწინებული ანალოგიური ხასიათის, სირთულისა და შინაარსის (საპროექტო-სახარჯთაღრიცხვო დოკუმენტაციის შედგენა) მომსახურება, საერთო ღირებულებით არანაკლებ 150 000 (ას ორმოცდაათი ათასი) ლარის ოდენობით;
2.2.1.2 პრეტენდენტმა უნდა წარმოადგინოს ტენდერით გათვალისწინებული ანალოგიური ხასიათის, სირთულისა და შინაარსის სამუშაოს შესრულების დამადასტურებელი დოკუმენტების ასლები (ხელშეკრულების ასლები, მიღება-ჩაბარების აქტის ასლები, ფორმა №2 ან/და ანალოგიური ტიპის დოკუმენტები, საიდანაც შესაძლებელია სამუშაოების შინაარსისა და ღირებულებების იდენტიფიცირება).
2.2.1.3 იმ შემთხვევაში თუ პრეტენდენტი გამოცდილების სახით წარმოადგენს არასახელმწიფო შესყიდვის ხელშეკრულებებსა და მათი შესრულების დოკუმენტაციას, გარდა "2.2.1.2" ქვეპუნქტით მოთხოვნილი დოკუმენტაციისა პრეტენდენტი ვალდებულია დამატებით წარმოადგინოს აღნიშნულ სამუშაოებზე დადასტურებული საგადასახადო ანგარიშ-ფაქტურების ქსეროასლები.
2.2.1.4 არასახელმწიფო შესყიდვის ან სახელმწიფო შესყიდვის ქვეკონტრაქტორის შემთხვევაში, გარდა "2.2.1.2" ქვეპუნქტით მოთხოვნილი დოკუმენტებისა დამატებით უნდა წარმოადგინოს დადასტურებული ანგარიშ-ფაქტურები;
2.2.1.5 სახელმწიფო შეყიდვის შემთხვევაში თუ პრეტენდენტის მიერ მითითებული იქნება NAT/SPA/CMR... ნომრები და ხელშეკრულების შესრულების მიმდინარეობის ანგარიშში ატვირთული იქნება ყველა ის შესრულების დამადასტურებელი დოკუმენტები, რაც გათვალისწინებულია სატენდერო დოკუმენტაციით, დამატებით წარმოდგენას არ საჭიროებს ხელშეკრულების ასლები ხარჯთაღრიცხვით, სამუშაოს შესრულების ფორმა N2, მიღება-ჩაბარების აქტების ასლები.
2.2.1.6 ინფორმაცია წარმოდგენილ უნდა იქნეს დანართის შესაბამისად;

2.4.1.1. პრეტენდენტს, ტენდერით გათვალისწინებული მომსახურების გასაწევად უნდა ჰყავდეს შესაბამისი სტაჟისა და გამოცდილების მქონე შემდეგი სპეციალისტები:
2.4.1.1.1 ინჟინერი ;
2.4.1.1.2 გეოლოგი ;
2.4.1.1.3 არქიტექტორი;
2.4.1.2 პრეტენდენტმა უნდა წარმოადგინოს ინფორმაცია იმ სპეციალისტთა კვალიფიკაციისა და გამოცდილების შესახებ, რომლებიც უშუალოდ მონაწილეობას მიიღებენ ტენდერით გათვალისწინებული მომსახურების გაწევაში.
2.4.1.3 პრეტენდენტმა უნდა ატვირთოს ნოტარიულად დამოწმებული წინარე შეთანხმებები, საიდანაც დადასტურდება სპეციალისტთა ნება ტენდერში მონაწილეობის შესახებ. შეთანხმებაში მითითებული უნდა იყოს სატენდერო განცხადების ნომერი.
2.4.1.4 პრეტენდენტმა უნდა ატვირთოს პერსონალის კვალიფიკაციის დამადასტურებელი დოკუმენტები (დიპლომი, ან სხვა დოკუმენტი)
2.4.1.5 ინფორმაცია წარმოდგენილ უნდა იქნეს დანართის შესაბამისად.

4.1.3.1 აღნიშნული მომსახურების თავისებურებიდან (ინტელექტუალური სამუშაო) გამომდინარე შემსყიდველი ორგანიზაცია არ ითვალისწინებს ფასწარმოქმნის ადეკვატურობის დასაბუთების ვალდებულებას.

7.2.1. ანგარიშსწორების ფორმა - უნაღდო, ვალუტა - ლარი;
7.2.2. ანგარიშსწორება მიმწოდებელთან განხორციელდება ეტაპობრივად, გადახდის სერტიფიკატის, მიღება-ჩაბარების აქტის გაფორმებისა და დღგ-ს ანგარიშფაქტურის წარმოდგენის შემდეგ;
7.2.3. საავანსო ანგარიშსწორება არ გამოიყენება.

7.3.1 ხელშეკრულების შესრულების დამადასტურებელი დოკუმენტის გაფორმებიდან არაუგვიანეს 10 სამუშაო დღის განმავლობაში.

თეა თავდგირიძე, 558310865, ketilmotskobaspa@gmail.com ტექნიკურ პირობებთან დაკავშირებით მიმართეთ ნუგზარ შერვაშიძეს 577 302 618.

10.1.1. სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა.
10.1.2. ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
10.1.3. ალტერნატიული სატენდერო წინადადება არ განიხილება.
10.1.4. სატენდერო წინადადების ფასი გამოსახული უნდა იყოს ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული მიმწოდებლის ყველა ხარჯის (მ.შ კანონმდებლობით გათვალისწინებული გადასახადები) გათვალისწინებით.
10.1.5. პრეტენდენტმა სატენდერო წინადადების ფასში უნდა გაითვალისწინოს დღგ.
10.1.6. ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.
10.1.7. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის" მე-8 მუხლით დადგენილი წესის შესაბამისად.