Оборудование, применяемое при чрезвычайных обстоятельствах, и средства защиты (Грузия - Тендер #63850900)

ტურნიკეტის კომპლექტი თანმდევი მომსახურებით (მონტაჟით)

1. ტურნიკეტის კომპლექტი – 1 კომპლექტი
1.1. გასაშლელი მინის ფრთების მქონე ტურნიკეტის კომპლექტი (ჯამურად ოთხი ფრთა), რომელიც უნდა შედგებოდეს სამი მოდულისგან (მარცხენა, შუა და მარჯვენა მოდულები). ტურნიკეტი უნდა უზრუნველყოფდეს ორ შესასვლელ/გასასვლელს (გამოყენებადი სიგანით არანაკლებ 900მმ) ამასთან მინის ფრთებს შორის მანძილი არ უნდა აღემატებოდეს 50 მმ–ს;
1.2. ტურნიკეტის კომპლექტის სრული კონსტრუქციის მაქსიმალური ჯამური სიგანე არ უნდა აღემატებოს 2360 მმ–ს;
1.3. ტურნიკეტის სრული კონსტრუქციის სიგრძე არ უნდა იყოს 1400მმ–ზე ნაკლები და არ უნდა აღემატებოდეს 1500მმ–ს;
1.4. ტურნიკეტის სრული კონსტრუქციის სიმაღლე მინის ფრთებთან ერთად არ უნდა აღემატებოდეს 1000მმ–ს;
1.5. ტურნიკეტის თითოეულ მოდულს უნდა გააჩნდეს ორი დგარი (ფეხი) კონსტრუქციის ნაპირებში;
1.6. ტურნიკეტის „ფრთა“ უნდა იღებოდეს ბრძანების შესაბამისი მიმართულებით;
1.7. შესაძლებელი უნდა იყოს თითოეული გასასვლელის ორმხრივი მიმართულებით გამოყენება;
1.8. გადასართველების (ე.წ. dip switch) მეშვეობით შესაძლებელი უნდა იყოს ფუნქციონირების რეჟიმის არჩევა: მართვადი შესვლა - მართვადი გასვლა, თავისუფალი შესვლა - თავისუფალი გასვლა, მართვადი შესვლა - თავისუფალი გასვლა, თავისუფალი შესვლა - მართვადი გასვლა;
1.9. შესვლის რამდენიმე ავტორიზაციის მიყოლებით მიღების შემთხვევაში, ფრთები უნდა დარჩეს ღია მდგომარეობაში შესაბამისი რაოდენობის გავლის განმავლობაში (ღია მდგომარეობაში ყოფნისათვის გამოყოფილი დროის ფარგლებში) და დაიხუროს ბოლო ავტორიზაციის შესაბამისი გავლის შემდეგ;
1.10. სისტემა უნდა გამოსცემდეს აუდიო/ვიზუალურ განგაშს არაავტორიზირებული გასვლის მცდელობის შემთხვევაში;
1.11. მოძრავი „ფრთები“ დამზადებული უნდა იყოს არანაკლებ 10მმ სისქის ნაწრთობი მინისგან;
1.12. ტურნიკეტის კორპუსის კონსტრუქციის მეტალის ნაწილი დამზადებული უნდა იყოს უჟანგავი ფოლადისგან (304);
1.13. ტურნიკეტს უნდა გააჩნდეს (ქარხნულად დაკომპლექტდეს) უჟანგავი ფოლადის ზედა პანელით (სახურავით);
1.14. ტურნიკეტს თითოეული მოდულზე, ასევე ცენტრალურ დგარზე უნდა იყოს განლაგებული სტატუსის დიოდური ინდიკატორები;
1.15. ტურნიკეტს უნდა გააჩნდეს უსაფრთხოების სენსორები;
1.16. ფრთის გაღების დრო არ უნდა აღემატებოდეს 1.5 წამს;
1.17. ფრთის დაკეტვის დრო არ უნდა აღემატებოდეს 1.5 წამს;
1.18. წარმადობა (ნომინალური): არანაკლებ 20 გავლა/წუთში;
1.19. ტურნიკეტის მოხმარების ინტენსიურობა 24/7 რეჟიმთან თავსებადი;
1.20. შესაძლებელი უნდა იყოს სისტემური შეტყობინებების მონიტორინგი ტურნიკეტის შიდა დიაგნოსტიკური ეკრანის მეშვეობით;
1.21. შემავალი ძაბვა: 220V AC (%±10), 50/60Hz; სამუშაო ძაბვა 24V DC;

2. ბარათების ქსელური კომბინირებული წამკითხველ/კონტროლერი – 4 ცალი
2.1. 13.56 MHz MIFARE, MIFARE Plus, DESFire/EV1 ტიპის ბარათების ნომრის (მათ შორის საქართველოს მოქალაქის პირადობის მოწმობის – "ID ბარათის" და შსს სამსახურეობრივი საშვის) კომბინირებული წამკითხველ/კონტროლერი;
2.2. არანაკლებ 10/100 Mbps, auto MDI/MDI-X ტიპის ქსელური ინტერფეისით;
2.3. არანაკლებ 100,000 მომხმარებლისა და 1,000,000 მოვლენის ავტონომიური მახსოვრობით;
2.4. არანაკლებ 1 GHz პროცესორი და 4 GB Flash + 64 MB RAM შიდა მეხსიერება;
2.5. არანაკლებ 2 შემავალი TTL ტიპის კონტაქტი და 1 გამომავალი სარელეო კონტაქტი;
2.6. მოვლენების ხმოვანი და ვიზუალური (სხვადასხვა ფერის LED ტიპის) პროგრამირებადი ინდიკაცია;
2.7. ბარათების წამკითხველ/კონტროლერის კორპუსზე არსებული ინდიკაცია უნდა იძლეოდეს ინფორმაციას მოხდა თუ არა მომხმარებლის ავტორიზაცია (არამხოლოდ მოხდა თუ არა ბარათის ნომრის წაკითხვა);
2.8. კორპუსის ზომა არაუმეტეს W x H x D (მმ) 50 x 150 x 30;
2.9. კორპუსი არანაკლებ IP65 სტანდარტის, ვანდალმედეგი არანაკლებ IK08 თანახმად;
2.10. სამუშაო ტემპერატურის დიაპაზონი არანაკლებ -35°C ~ +65°C;
2.11. DC 12 V, DC 24 V და POE (IEEE802.3af) მეშვეობით ელ. კვების მიღების შესაძლებლობა;


3. ზოგადი პირობები
3.1. შემოთავაზებული კომბინირებული წამკითხველ/კონტროლერი უნდა ჩაირთოს შემსყიდველთან არსებულ დოკუმენტ ბრუნვის ელექტრონულ სისტემაში;
3.2. შემოთავაზებული კომბინირებული წამკითხველ/კონტროლერი თავსებადი უნდა იყოს შემსყიდველის სამსახურეობრივ საშვებთან (ბარათებთან);


4. სახარჯი მასალა/მონტაჟი:
4.1. პრეტენდენტმა წინადადების ღირებულებაში უნდა გაითვალისწინოს აპარატურის შესაბამისი კვების ბლოკები, გასასვლელების სამართავი დისტანციური პულტები და შესაბამისი უსადენო მიმღებები (უზრუნველყოფილ უნდა იქნას შესვლის, გასვლის და ორივე გასასვლელის ღია რეჟიმში გადაყვანის ფუნქციონალი), მონტაჟისა და გამართვისათვის საჭირო მასალები;
4.2. პრეტენდენტმა უნდა უზრუნველყოს შემოთავაზებული სისტემის სრული მონტაჟი, გამართვა და ექსპლუატაციაში გაშვება.


(მოთხოვნილ ინფორმაციას/დოკუმენტს უნდა შეიცავდეს პრეტენდენტის სატენდერო წინადადება)

საქონლის მიწოდება/მონტაჟის ვადა: ხელშეკრულების გაფორმებიდან 50 (ორმოცდაათი) კალენდარული დღის განმავლობაში

მიწოდების ადგილი: შემსყიდველის ადგილსამყოფელი; ქ. თბილისი, ლისის ქ. N1ა.

1.7.1.1 შემოთავაზებული ტურნიკეტის სათადარიგო ნაწილები უნდა იყოს ხელმისაწვდომი პროდუქციის წარმოებიდან არანაკლებ 6 წლის განმავლობაში. ინფორმაცია ტურნიკეტების სათადარიგო ნაწილების ხელმისაწვდომობის შესახებ უნდა იყოს წარმოდგენილი მწარმოებლის მიერ გაცემული ოფიციალური წერილით; საჭიროების შემთხვევაში მომწოდებელმა უნდა უზრუნველყოს შემოთავაზებული ბარათების ქსელური კომბინირებული წამკითხველ/კონტროლერის მწარმოებელი კომპანიის ტექნიკური სამსახურის წარმომადგენლის დისტანციური ჩართულობა მოწყობილობასთან დაკავშირებული ტექნიკური საკითხების გადასაწყვეტად;
1.7.1.2 პრეტენდენტმა უნდა წარმოადგინოს (ატვირთოს სისტემაში) შემოთავაზებული ბარათების ქსელური კომბინირებული წამკითხველ/კონტროლერის მწარმოებელი კომპანიის მიერ გაცემული საგარანტიო დოკუმენტი/წერილი შემსყიდველი ორგანიზაციის, ტენდერის ნომრის, მიმწოდებლის სახელწოდების და მწარმოებლის მხრიდან ხელმომწერი პირის სახელის, გვარისა და პოზიციის მითითებით.
1.7.1.3 შემოთავაზებულ საქონელზე უნდა ვრცელდებოდეს მინიმუმ 1 (ერთი) წლიანი გარანტია მიღება-ჩაბარების აქტის გაფორმებიდან.
1.7.1.4 საგარანტიო პერიოდში მიმწოდებელმა საკუთარი ხარჯებით უნდა უზრუნველყოს საქონელზე გამოვლენილი ნაკლის აღმოფხვრა შეტყობინების მიღებიდან (სატელეფონო შეტყობინება და/ან ელ. ფოსტა) 10 (ათი) სამუშაო დღის განმავლობაში, შესასყიდი ობიექტის შეცვლა კი განახორციელოს შეტყობინების მიღებიდან (სატელეფონო შეტყობინება და/ან ელ. ფოსტა) 30 (ოცდაათი) კალენდარული დღის ვადაში.

1) ინფორმაცია შესყიდვის ობიექტის მწარმოებელი ქვეყნის შესახებ
2) ინფორმაცია მწარმოებელი ფირმის/ბრენდისა და მოდელის/დასახელების შესახებ

2.7.1.1 მომწოდებელმა უნდა წარმოადგინოს ტურნიკეტისა და ბარათების ქსელური კომბინირებული წამკითველ/კონტროლერის მწარმოებლის მიერ მის სახელზე გაცემული მწარმოებლის ავტორიზაციის ფორმა ე.წ. MAF ტენდერის ნომრისა და შემსყიდველის მითითებით;
2.7.1.2 პრეტენდენტის მიერ წარმოდგენილი უნდა იქნას ტურნიკეტისა და ბარათების ქსელური კომბინირებული წამკითველ/კონტროლერის მწარმოებლის მიერ გაცემული წერილი ან/და ვებ-ბმული მწარმოებლის ოფიციალური ვებ-გვერდიდან, ან ვებ-გვერდზე არსებული კატალოგიდან, რომელიც დაადასტურებს შემოთავაზებული საქონლის შესაბამისობას სატენდერო დოკუმენტაციით განსაზღვრულ მოთხოვნებთან, ან აღნიშნული ინფორმაცია ქარხნულად უნდა იქნას დატანილი შემოთავაზებული საქონელზე ან/და მითითებული უნდა იყოს ეტიკეტზე და პრეტენდენტმა უნდა წარმოადგინოს აღნიშნულის დამადასტურებელი დოკუმენტი (მაგ. ფოტო სურათები).
2.7.1.3 მწარმოებლის მიერ გაცემული წერილის წარმოდგენის შემთხვევაში, წერილში მითითებული უნდა იყოს პასუხისმგებელი/უფლებამოსილი პირის საკონტაქტო ინფორმაცია (ტელეფონის ნომერი და ელექტრონული ფოსტა).
2.7.1.4 ტურნიკეტის მწარმოებლის მოქმედი სერტიფიკატი ISO 9001: 2015 (პრეტენდენტმა უნდა ატვირთოს სერტიფიკატი სისტემის მეშვეობით ან წარმოადგინოს სერტიფიკატის ბმული მწარმოებლის ოფიციალური ვებ გვერდიდან), რომელზეც უნდა იყოს მითითებული სერტიფიკატის სარეგისტრაციო ნომერი და გამცემი ორგანიზაცია (სახელწოდება და ვებ გვერდის მისამართი ან/და ელექტრონული ფოსტა, რის შედეგადაც საჭიროების შემთხვევაში შესაძლებელი იქნება მასერტიფიცირებელ ორგანიზაციასთან დაკავშირება და სერტიფიკატის ავთენტურობის გადამოწმება).
2.7.1.5 შემოთავაზებული ტურნიკეტის მწარმოებლის სახელზე, მწარმოებლისგან დამოუკიდებელი მასერტიფიცირებელი ორგანოს მიერ გაცემული მოქმედი შესაბამისობის სერტიფიკატი ტურნიკეტების პროდუქციაზე, 2006/42/EC და 2014/30/EU დირექტივების შესაბამისად. (პრეტენდენტმა უნდა ატვირთოს სერტიფიკატი სისტემის მეშვეობით ან წარმოადგინოს სერტიფიკატის ბმული მწარმოებლის ოფიციალური ვებ გვერდიდან), რომელზეც უნდა იყოს მითითებული სერტიფიკატის სარეგისტრაციო ნომერი და გამცემი ორგანიზაცია (სახელწოდება და ვებ გვერდის მისამართი ან/და ელექტრონული ფოსტა, რის შედეგადაც საჭიროების შემთხვევაში შესაძლებელი იქნება მასერტიფიცირებელ ორგანიზაციასთან დაკავშირება და სერტიფიკატის ავთენტურობის გადამოწმება);
2.7.1.6 შემოთავაზებული ტურნიკეტი უნდა იყოს სერიული წარმოების პროდუქცია და წარმოდგენილი უნდა იყოს მწარმოებლის ოფიციალურ ვებ გვერდზე.

სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
სატენდერო წინადადებაში საერთო ფასი (ეროვნული ვალუტა) გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით, დღგ-ს ჩათვლით.
პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალური ინფორმაცია, საქართველოს შინაგან საქმეთა სამინისტროს მიერ, „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების შესაძლებლობა.
ექსპერტიზის ან/და აუდიტის მიერ გაცემული შესაბამისი დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

შემსყიდველი იღებს ვალდებულებას, აუნაზღაუროს მიმწოდებელს მიწოდებული საქონლის ღირებულება - კანონმდებლობის შესაბამისად, მიღება-ჩაბარების აქტის გაფორმებისა და ანაზღაურებისათვის საჭირო დოკუმენტაციის წარმოდგენიდან 10 (ათი) სამუშაო დღეში.
ანგარიშსწორების ფორმა - უნაღდო.

კანონმდებლობის შესაბამისად, ანაზღაურებისათვის საჭირო დოკუმენტაციის წარმოდგენიდან 10 (ათი) სამუშაო დღეში.

ზურაბ კალაძე, 591607067, z.kaladze@112.ge

10.1.1 სახელმწიფო შესყიდვების ერთიან ელექტრონულ სისტემაში (შემდგომში – სისტემა) შესყიდვის პროცედურები ხორციელდება „სახელმწიფო შესყიდვების შესახებ“ საქართველოს კანონისა და „ელექტრონული ტენდერის ჩატარების წესის დამტკიცების შესახებ“ - სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების შესაბამისად.

10.1.2 ელექტრონულ ტენდერთან დაკავშირებული დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.

10.1.3 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია. ამასთან, ქართულენოვან ტექსტში უცხოენოვანი სიტყვ(ებ)ის გამოყენების შემთხვევაში კომისია უფლებამოსილია იმსჯელოს აღნიშნული სიტყვ(ებ)ის ტექნიკურ დოკუმენტაციასთან შესაბამისობის თაობაზე.

10.1.4 სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი ან/და ინფორმაცია უნდა იყოს კვალიფიციური ხელმოწერით ან კვალიფიციური ბეჭედით დამოწმებული უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა ან რწმუნებულება).

10.1.5 პრეტენდენტს არ აქვს უფლება წარმოადგინოს ალტერნატიული სატენდერო წინადადება.

10.1.6 ვინაიდან პრეტენდენტებისათვის სატენდერო წინადადების წარმოდგენა დასაშვებია მხოლოდ ეროვნულ ვალუტაში - ლარში, ხელშეკრულება გაფორმდება ლარში.

10.1.7 სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.

10.1.8 სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია სისტემის მოდულის -,,კითხვა/პასუხის“ მეშვეობით,სატენდერო კომისიის აპარატში: ქ. თბილისი, ლისის ქ. N1ა საკონტაქტო პირი - ზურაბ კალაძე 591606067.