Мебель (Грузия - Тендер #63850844)

ა(ა)იპ ახალგაზრდობის ეროვნული სასახლის ისტორიული მნიშვნელობის მქონე რეაბილიტირებული დარბაზებისთვის სკამების შესყიდვა.

1.2.1. წინამდებარე ტენდერის სატენდერო დოკუმენტაციით განსაზღვრულ შესყიდვის ობიექტს წარმოადგენს, დანართი N1-ით (ფასების ცხრილი) გათვალისწინებული 300 (სამასი) ერთეული სკამი.
1.2.2. შესყიდვის ობიექტის ტექნიკური აღწერილობა (ტექნიკური პარამეტრები/სპეციფიკაციები) განსაზღვრულია დანართი N1-ით (ფასების ცხრილი).
1.2.3. შემოთავაზებული შესყიდვის ობიექტი უნდა იყოს მყარი და არ ირყეოდეს.
1.2.4. პრეტენდენტმა ფასების ცხრილი უნდა წარმოადგინოს დანართი N1-ის შესაბამისად.
1.2.5. პრეტენდენტის მიერ შემოთავაზებული ყველა სკამი უნდა იყოს ერთი ფერის.
1.2.6. პრეტენდენტმა უნდა წარმოადგინოს შემოთავაზებული შესყიდვის ობიექტის ვიზუალი - რომელშიც მოცემული იქნება წინხედი, გვერდხედი, ზედხედი და უკანა მხარე. აღნიშნული წარმოდგენილი უნდა იქნეს ფერადი ფოტოსურათ(ებ)ის ან/და მწარმოებლის ვებ-გვერდის ბმულის მეშვეობით.
1.2.7. შემსყიდველი ორგანიზაცია უფლებამოსილია ელექტრონული ტენდერის შერჩევა-შეფასების ეტაპზე გადაამოწმოს პრეტენდენტის მიერ შემოთავაზებული შესყიდვის ობიექტის ტექნიკური მახასიათებლები მწარმოებელი კომპანიის ოფიციალურ ვებ-გვერდზე (ასეთის არსებობის შემთხვევაში).
1.2.8. იმ შემთხვევაში, თუ წარმოდგენილი ინფორმაცია შეუსაბამოა ან/და სრულად არაა ასახული მწარმოებლის ოფიციალურ ვებ-გვერდზე, შემსყიდველი უფლებამოსილია მოსთხოვოს პრეტენდენტს დამატებითი ინფორმაცია/დოკუმენტი ტექნიკური მახასიათებლების დასადასტურებლად.

შენიშვნა: ნებისმიერი უცხოენოვანი დოკუმენტი უნდა იყოს ქართულ ენაზე წარმოდგენილი და ნოტარიულად დამოწმებული. განსხვავების არსებობის შემთხვევაში, უპირატესობა მიენიჭება ქართულენოვან დოკუმენტს. იმ შემთხვევაში, თუ პრეტენდენტის მიერ მწარმოებლის ოფიციალური ვებ-გვერდიდან წარმოდგენილ ლინკზე მოცემული ინფორმაცია იქნება ინგლისურ ენოვანი, მისი თარგმნა არ არის აუცილებელი.

1.2.9. სატენდერო დოკუმენტაციის დანართი N1-ში (ფასების ცხრილი), პროდუქტის ზოგიერთი მახასიათებლის აღწერისას გამოყენებულია ტერმინები "უნდა გააჩნდეს" ან "არანაკლებ" ან "არაუმეტეს". პრეტენდენტმა უნდა გაითვალისწინოს, რომ სატენდერო წინადადების წარმოდგენისას, ტექნიკურ დოკუმენტაციაში აღნიშნული პარამეტრების აღწერისას უნდა გამოიყენოს კონკრეტული რიცხვები და მიუთითოს შესყიდვის ობიექტის ზუსტი მახასიათებლები.

ხელშეკრულების ძალაში შესვლიდან არაუგვიანეს 30 (ოცდაათი) სამუშაო დღის ვადაში.

1.5.1. საქონლის მიწოდების ადგილია - ქ. თბილისი, რუსთაველის გამზირი N6, ა(ა)იპ "ახალგაზრდობის ეროვნული სასახლე".
1.5.2. მიმწოდებელი ვალდებულია საკუთარი ხარჯებით უზრუნველყოს, დანართი N1-ით გათვალისწინებული საქონლის ტრანსპორტირება და ადგილზე მიწოდება (ტრანსპორტიდან ჩამოტვირთვა და შემსყიდველის მიერ მითითებულ მისამართზე დასაწყობება). მიმწოდებელი ვალდებულია განახორციელოს მისაწოდებელი საქონლის დასაწყობება შემსყიდველის მიერ მითითებულ მისამართზე შესაბამის ფართში, თუ მხარეები სხვა რამეზე არ შეთანხმდებიან.
1.5.3. მიმწოდებელი ვალდებულია მინიმუმ 2 (ორი) სამუშაო დღით ადრე შეატყობინოს შემსყიდველ ორგანიზაციას საქონლის მიწოდების ზუსტი თარიღი და დრო, თუ მხარეები სხვა რამეზე არ შეთანხმდებიან წერილობით.

1.7.1.1. პრეტენდენტმა შემოთავაზებულ საქონელზე, სწორი ექსპლუატაციის პირობებში (გარდა გარეგანი ზემოქმედებით და მესამე პირის მხრიდან მიყენებული დაზიანებისა), მიღება-ჩაბარების აქტის გაფორმების დღიდან უნდა გაავრცელოს გარანტია არანაკლებ 2 (ორი) წლის ვადით. საგარანტიო პერიოდში, მიმწოდებელი ვალდებულია საკუთარი ხარჯებით უზრუნველყოს წუნდებული/დაზიანებული საქონლის შეცვლა, შემსყიდველი ორგანიზაციის მხრიდან სათანადო შეტყობინების მიღების დღიდან არაუგვიანეს 10 (ათი) კალენდარული დღის განმავლობაში.
1.7.1.2. წინამდებარე სატენდერო დოკუმენტაციის 1.7.1.1. პუნქტით გათვალისწინებული პირობების დასტურად, მიმწოდებელმა შესყიდვის ობიექტის ჩაბარების დროს უნდა წარმოადგინოს მის მიერ გაცემული შესაბამისი წერილობითი დოკუმენტი/ინფორმაცია საგარანტიო ვადისა და პირობების შესახებ.

2.1.1.1. პრეტენდენტმა ფასების ცხრილში (დანართი N1-ში) უნდა მიუთითოს ინფორმაცია შემოთავაზებული საქონლის წარმოების ქვეყნის, მწარმოებლისა და მოდელის (ასეთის არსებობის შემთხვევაში) შესახებ. იმ შემთხვევაში, თუ შესყიდვის ობიექტს არ გააჩნია მოდელი, პრეტენდენტი ვალდებულია აღნიშნულის შესახებ მიუთითოს ფასების ცხრილის შესაბამის გრაფაში "არ გააჩნია".

პრეტენდენტს 2022 წლის 01 იანვრიდან ტენდერში მონაწილეობის დღემდე უნდა გააჩნდეს ჯამურად არანაკლებ 45 000.00 (ორმოცდახუთი ათასი ლარი და 00 თეთრი) ლარის ღირებულების ავეჯის მიწოდების გამოცდილება. აღნიშნულის დასტურად, პრეტენდენტმა სახელმწიფო შესყიდვების ერთიან ელექტრონულ სისტემაში უნდა ატვირთოს ავეჯის მიწოდების დამადასტურებელი დოკუმენტები: - ხელშეკრულებ(ები)ა და ამ ხელშეკრულების საფუძველზე გაფორმებული მიღება-ჩაბარების აქტ(ებ)ი და სასაქონლო ზედნადებები ან/და სახელმწიფო შესყიდვების ერთიანი ელექტრონული სისტემის მონაცემები (SPA/NAT/CON/CMR… ნომრები, რომელშიც ატვირთული იქნება შესაბამისი დოკუმენტები ან/და ინფორმაცია) ან/და - საგადასახადო დოკუმენტები, სასაქონლო ზედნადები ან საგადასახადო ანგარიშფაქტურა ან/და - აუდიტორული ფირმების ან/და აუდიტორების სახელმწიფო რეესტრში რეგისტრირებული პირის მიერ გაცემული შესაბამისი დასკვნა (დასკვნაში მითითებული უნდა იყოს დასკვნის გამცემი პირის სახელმწიფო რეესტრში რეგისტრაციის ნომერი და აღნიშნული უნდა იძებნებოდეს https://www.saras.gov.ge ვებ-გვერდზე შესაბამის რეესტრში), რომლითაც უნდა დასტურდებოდეს, რომ პრეტენდენტს ზემოაღნიშნული პერიოდის განმავლობაში გააჩნია მოთხოვნილი ღირებულების ავეჯის მიწოდების გამოცდილება.

პრეტენდენტმა უნდა წარმოადგინოს შემოთავაზებული შესყიდვის ობიექტის მწარმოებლის ხარისხის დამადასტურებელი ISO 9001 სერტიფიკატი, რომელიც მოქმედი უნდა იყოს საქონლის მიწოდების ვადის ჩათვლით.

2.9.1. პრეტენდენტის მიერ სატენდერო წინადადების სახით ერთიან ელექტრონულ სისტემაში ასატვირთი დოკუმენტაცია/ინფორმაცია:
2.9.1.1. რეკვიზიტები იმ ინფორმაციის შემცველობით, რომელიც არ აქვს ასახული სისტემაში არსებულ პრეტენდენტის პროფილში;
2.9.1.2. დანართი №1 (ფასების ცხრილი, სატენდერო დოკუმენტაციის პუნქტი 1.3.);
2.9.1.3. შემოთავაზებული საქონლის ვიზუალი (სატენდერო დოკუმენტაციის პუნქტი 1.2.6.);
2.9.1.4. ინფორმაცია პრეტენდენტის გამოცდილების შესახებ (სატენდერო დოკუმენტაციის პუნქტი 2.2.1.);
2.9.1.5. ხარისხის დამადასტურებელი ISO 9001 სერტიფიკატი (სატენდერო დოკუმენტაციის პუნქტი 2.7.1.).

3.1.1.1. პრეტენდენტი ვალდებულია შერჩევა/შეფასების ეტაპზე, შემსყიდველის მოთხოვნის შესაბამისად, წარმოადგინოს შესყიდვის ობიექტის შემოთავაზებული საქონლის ნიმუში, იმ შემთხვევაში თუ წარმოდგენილი ნიმუში არ დააკმაყოფილებს სატენდერო დოკუმენტაციით განსაზღვრულ ტექნიკურ მოთხოვნებს, მოხდება პრეტენდენტის დისკვალიფიკაცია.
3.1.1.2. პრეტენდენტის მიერ წარდგენილი შესყიდვის ობიექტის ნიმუში დაზუსტებას არ ექვემდებარება.
3.1.1.3. ტენდერში მონაწილე „დისკვალიფიცირებულ“ პრეტენდენტს ნიმუშის დაბრუნების მოთხოვნა შეუძლია წინამდებარე ტენდერისთვის „ხელშეკრულება დადებულია“ ან „დასრულებულია უარყოფითი შედეგით“ ან „შეწყვეტილია“ სტატუსის მინიჭების შემდეგ 30 დღის განმავლობაში, ხოლო მიმწოდებელს საბოლოო მიღება-ჩაბარების აქტის გაფორმების შემდეგ 30 დღის განმავლობაში. აღნიშნული ვადის გასვლის შემდეგ, შემსყიდველი ორგანიზაცია იხსნის ყოველგვარ პასუხისმგებლობას პრეტენდენტ(ებ)ის მიერ წარმოდგენილი ნიმუშის დაბრუნებაზე.

ქ. თბილისი, რუსთაველის გამზირი N6 - ა(ა)იპ ახალგაზრდობის ეროვნული სასახლე.

4.1.1.1. იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტის ასლი) ან/და შესყიდვის ობიექტის მიწოდებასთან დაკავშირებით პრეტენდენტის მიერ გაფორმებული ხელშეკრულება ან/და ანგარიშფაქტურა ან/და ინვოისი, რომლებშიც უნდა დასტურდებოდეს ტენდერში პრეტენდენტის მიერ ატვირთულ საბოლოო ფასების ცხრილში დაფიქსირებული ერთეულის ფასების და ჯამური ღირებულების ადეკვატურობა. ექსპერტიზის ან/და აუდიტის დასკვნის წარმოდგენის შემთხვევაში უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული შესყიდვის ობიექტის მიწოდების შესაძლებლობა.
4.1.1.2. პრეტენდენტმა, აღნიშნული დასკვნის ღირებულება უნდა დაფაროს საკუთარი ხარჯებით და უნდა უზრუნველყოს მისი წარმოდგენა ერთიანი ელექტრონული სისტემის მეშვეობით.
4.1.1.3. იმ შემთხვევაში, თუ პრეტენდენტის მიერ არ იქნა წარმოდგენილი ან წარმოდგენილი დასაბუთება შემსყიდველის მიერ არ ჩაითვლება დამაკმაყოფილებლად, მოხდება პრეტენდენტის დისკვალიფიკაცია; პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება.

7.2.1. ანგარიშსწორება განხორციელდება უნაღდო ანგარიშსწორებით, ეროვნულ ვალუტაში – ლარში, მხარეთა შორის გაფორმებული მიღება-ჩაბარების აქტ(ებ)ის საფუძველზე.
7.2.2. მიღება-ჩაბარების აქტ(ებ)ი მხარეთა შორის გაფორმდება შესყიდვის ობიექტის მოწოდების შემდეგ, მიმწოდებლის შესაბამისი საგადასახადო დოკუმენტისა და შემსყიდველის მხრიდან ხელშეკრულების შესრულებაზე კონტროლის განმახორციელებელი პირ(ებ)ის მიერ შედგენილი დასკვნის საფუძველზე.

ანგარიშსწორება განხორციელდება მხარეთა შორის მიღება-ჩაბარების აქტ(ებ)ის გაფორმებიდან 10 (ათი) სამუშაო დღის ვადაში.

ქეთევან ყიფშიძე, 599716851, k.kipshidze@nationalpalace.ge

10.1.1. „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე სახელმწიფო შესყიდვების ერთიან ელექტრონულ სისტემაში ატვირთულ ელექტრონულ დოკუმენტებზე შესრულებული უნდა იყოს კვალიფიციური ელექტრონული ხელმოწერა ან/და ეს დოკუმენტები დამოწმებული უნდა იყოს კვალიფიციური ელექტრონული შტამპით, ან/და მოქმედი კანონმდებლობით დადგენილი წესის შესაბამისად (საჭიროების შემთხვევაში, წარმოდგენილი უნდა იქნას წარმომადგენლობაზე უფლებამოსილების დამადასტურებელი დოკუმენტი).
10.1.2. ტენდერთან დაკავშირებული ყველა დოკუმენტი ან/და ინფორმაცია (გარდა მწარმოებლის ოფიციალური ვებ-გვერდიდან წარმოდგენილი ლინკის სახით) წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3. ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.