Полные или частичные строительные работы и публичные работы (Грузия - Тендер #63729906)

სსიპ „საზოგადოებრივი მაუწყებლის“ ახალი შენობის (ქ. თბილისი ანა პოლიტკოვსკაიას ქ. N31) A და B ბლოკების დამაკავშირებელი ხიდის მოწყობის სამუშაოების სახელმწიფო შესყიდვა.

სამუშაოს აღწერა, რაოდენობა, მოცულობა და სხვა შესაბამისი მონაცემები მითითებულია ხარჯთაღრიცხვაში და საპროექტო დოკუმენტაციაში;

საპროექტო და მასთან დაკავშირებული დოკუმენტაცია PDF ფორმატში ატვირთულია შესყიდვების ერთიან ელექტრონულ სისტემაში (იხ. ტექნიკური მოთხოვნების 1.2 პუნქტი), ხოლო სამუშაო DWG ფორმატის ფაილები მიმწოდებელს გადაეცემა ხელშეკრულების გაფორებისთანავე.

იხილეთ მიმაგრებული ფაილები

შესასრულებელი სამუშაოს ვადა: ხელშეკრულების გაფორმებიდან - 150 (ასორმოცდაათი) კალენდარული დღე - ხარვეზების გამოსწორების პერიოდი - 12 თვე* (რაზეც გამოყენებული იქნება ხარისხის გარანტია).

* - ხარისხის გარანტიასთან დაკავშირებული დეტალური პირობები იხილეთ ხელშეკრულების პროექტში (იხ. პუნქტი 8).

ქ. თბილისი ანა პოლიტკოვსკაიას ქ. N31.

საგარანტიო ვადების და პირობების შესახებ დეტალური ინფორმაცია იხილეთ ხელშეკრულების პროექტში (იხ. პუნქტი 9)

9. გარანტია
9.1. მიმწოდებლის მიერ ხელშეკრულებით განსაზღვრული შესრულებული სამუშაოების ხარისხი, სტანდარტები, ტექნიკური პარამეტრები და ძირითადი მახასიათებლები უნდა შეესაბამებოდეს ხელშეკრულებით და მისი დანართებით განსაზღვრულ პირობებს და საქართველოში არსებულ სამშენებლო წესებსა და ნორმებს;
9.2. საგარანტიო ვადის განმავლობაში მიმწოდებელი ვალდებულია, შემსყიდველის მიერ განსაზღვრულ ვადაში, საკუთარი ხარჯებით უზრუნველყოს ექსპლუატაციის პროცესში გამოვლენილი ისეთი ხარვეზის/წუნის სრული მოცულობით აღმოფხვრა, რომელიც არ არის გამოწვეული ექსპლუატაციის ნორმების დარღვევით, არასათანადო მოპყრობით ან ნორმალური ცვეთით, სრული მოცულობით აანაზღაუროს, როგორც შესაბამისი ხარჯები, ასევე, ხარვეზის/წუნის შედეგად შემსყიდველისათვის მიყენებული ზიანი;
9.3. მიმწოდებელი ვალდებულია, სამუშაოს დასრულებისათვის ხელშეკრულების 7.1. პუნქტით განსაზღვრულ ვადამდე სულ მცირე 2 (ორი) თვით ადრე, გადასცეს შემსყიდველს ყველა ინფორმაცია შესრულებული სამუშაოების, მოწყობილი საინჟინრო ქსელების, დამონტაჟებული დანადგარების და მოწყობილობების ექსპლუატაციის და მოვლა-პატრონობის შესახებ. აღნიშნული ინფორმაციის წარუდგენლობის შემთხვევაში, მიმწოდებელი არ იქნება უფლებამოსილი უარი განაცხადოს საგარანტიო მომსახურებაზე ექსპლუატაციის პირობების დაუცველობის მოტივით;
9.4. შესრულებული სამუშაოს სრულფასოვანი ფუნქციონირების საგარანტიო ვადა (საგარანტიო პირობები რომლის განმავლობაშიც მიმწოდებელი ვალდებულია საკუთარი ხარჯებით უზრუნველყოს ექსპლუატაციის პროცესში წარმოქმნილი ხარვეზების აღმოფხვრა) განისაზღვრება სატენდერო დოკუმენტაციით და ხელშეკრულებით.
9.4.1. ყველა სახის შესრულებულ სამუშაოზე სწორი ექსპლუატაციის პირობებში საგარანტიო ვადაა განისაზღვრება 3 (სამი) წლით, ამასთანავე ჩამოთვლილ სამუშაოებზე დამატებით განსაზღვრულია შემდეგი საგარანტიო ვადები:
1. ძირითადი კონსტრუქციული სისტემა – 70 წელი;
2. სახურავი - 15 წელი;
3. ვიტრაჟი - 20 წელი;
4. შენობის შიდა მოპირკეთება - 5 წელი;
9.4.2 საგარანტიო ვადის ათვლა იწყება მხარეთა შორის სამშენებლო სამუშაოებზე გაფორმებული საბოლოო მიღება-ჩაბარების აქტის დღიდან;
9.4.3. საგარანტიო ვადის განმავლობაში, მიმწოდებელი ვალდებულია, საკუთარი ხარჯებით უზრუნველყოს (იმ შემთხვევაში, თუ შესრულებულ სამუშაოს სწორი ექსპლუატაციის პირობებში აღმოაჩნდება ხარვეზები) გამოვლენილი დეფექტის/ნაკლის აღმოფხვრა, შეკეთება და/ან შეცვლა შემსყიდველის შეტყობინების მიღებიდან 10 (ათი) - 30 (ოცდაათი) დღის (შესაბამისი სირთულიდან გამომდინარე) განმავლობაში.

იხილეთ (მიმაგრებული ფაილი) სატენდერო დოკუმენტაცია - ტექნიკური მოთხოვნების 2.1 პუნქტის „ბ“ ქვეპუნქტი:

ბ) პრეტენდეტის გამოცდილებასთან დაკავშირებული მოთხოვნები
1. ზოგადი გამოცდილება
• პრეტენდენტს 2020 წლის 1 იანვრიდან - ტენდერის გამოცხადების თარიღამდე პერიოდში, შესრულებული (დასრულებული) უნდა ჰქონდეს დღგ-ს ჩათვლით არანაკლებ 500 000 (ხუთასი ათასი) ლარის ღირებულების ანალოგიური (ანალოგიური ტიპის სამშენებლო პროექტებად ჩაითვლება საზოგადოებრივი დანიშნულების შენობებების - საოფისე შენობები, ბიზნეს და სავაჭრო ცენტრები, სასტუმროები და ა.შ.) სამუშაოები (აღნიშნულ სამშენებლო სამუშაოებში არ იგულისხმება შენობა-ნაგებობების რეკონსტრუქციის, რეაბილიტაციისა და შეკეთების სამუშაოები).

2. სპეციალური გამოცდილება
• პრეტენდენტს 2020 წლის 1 იანვრიდან - ტენდერის გამოცხადების თარიღამდე პერიოდში, უნდა გააჩნდეს: ერთი ხელშეკრულების ფარგლებში საზოგადოებრივი დანიშნულების შენობის სამშენებლო სამუშაოების შესრულების გამოცდილება რომლის ღირებულება უნდა იყოს სულ მცირე 300 000 (სამასიათასი) ლარი დღგ-ს ჩათვლით. აღნიშნული ხელშეკრულების ფარგლებში შესრულებული (დასრულებული) სამშენებლო სამუშაოები უნდა მოიცავდეს საძირკვლისა და რკინა-ბეტონის მოწყობის და გადახურვის სამუშაოებს.

პრეტენდენტის გამოცდილების დამადასტურებელი დოკუმენტაციის წარმოდგენის პირობები:
პრეტენდენტმა სახელმწიფო შესყიდვების ერთიანი ელექტრონული სისტემის მეშვეობით უნდა წარმოადგინოს სამუშაოების წარმოების შესახებ გაფორმებული ხელშეკრულება და ამ ხელშეკრულების ფარგლებში სამუშაოების შესრულების დამადასტურებელი დოკუმენტ(ებ)ი (შესრულებული სამუშაოების უწყისი ე.წ. ფორმა N2, მიღება-ჩაბარების აქტები, ა/ფაქტურები).
1. იმ შემთხვევაში, თუ სამუშაოების შესყიდვა განხორციელებული არის სახელმწიფო შესყიდვების ერთიანი ელექტრონული სისტემის გამოყენებით და სამუშაოების შესყიდვისა და მიწოდების დამადასტურებელი დოკუმენტები ატვირთული არის სახელმწიფო შესყიდვების ერთიან ელექტრონულ სისტემაში, შესაძლებელია წარმოდგენილი იყოს ინფორმაცია სახელმწიფო შესყიდვების ერთიან ელექტრონულ სისტემაში შესყიდვის ნომრის (SPA, DAP; NAT, DEP; MEP; TEP; GEO: CMR ან სხვა არსებობის შემთხვევაში) შესახებ.

2. იმ შემთხვევაში, თუ სამუშაოების შესყიდვა განხორციელებული არის სახელმწიფო შესყიდვების ერთიანი ელექტრონული სისტემის გამოყენების გარეშე, წარმოდგენილი უნდა იყო სამუშაოების შესრულების შესახებ გაფორმებული ხელშეკრულება და სამუშაოების მიწოდების დამადასტურებელი დოკუმენტი:
2.1. ხელშეკრულება წარმოდგენილი უნდა იყოს შესასრულებელი სამუშაოების უწყისთან (ხარჯთაღრიცხვა) ერთად;
2.2. შესასრულებელი სამუშაოების უწყისის (ხარჯთაღრიცხვა) ცვლილების შემთხვევაში, წარმოდგენლი უნდა იყოს საბოლოო სახის (კორექტირებული) ხარჯთაღრიცხვა, დამკვეთის მიერ დამოწმებული შესაბამისი ცვლილების (შეთანხმების აქტი) დოკუმენტთან ერთად;
2.3. წარმოდგენილი უნდა იყოს ხელშეკრულების ფარგლებში შესრულებული სამუშაოების უწყის(ებ)ი (ე.წ. ფორმა N2);
2.4. ფორმა N2 არის პირობითი დოკუმენტი, შესაბამისად ფორმა N2-ის ნაცვლად შესაძლებელია წარმოდგენილი იყოს მოთხოვნილი ინფორმაციის მომცველი და შესრულების დამადასტურებელი ნებისმიერი დოკუმენტი (მიღება-ჩაბარების აქტები, ა/ფაქტურები).
2.5. ხელშეკრულებითა და მისი დანართით (შესასრულებელი სამუშაოების საბოლოო სახის უწყისი (ხარჯთაღრიცხვა) და წარმოდგენილი ხელშეკრულების ფარგლებში შესრულებული სამუშაოების უწყისებით (ე.წ. ფორმა N2) უნდა იყოს შესაძლებელი ობიექტის დასახელებისა და შესრულებული სამუშაოების ურთიერთკავშირის დადგენა, ამასთანავე შესრულებული სამუშაოების უწყისებით (ე.წ. ფორმა N2) გათვალისწინებული სამუშაოების დასახელება, მოცულობა და ფასები არსებითად არ უნდა განსხვავდებოდეს ხელშეკრულებითა და მისი დანართით (შესასრულებელი სამუშაოების საბოლოო სახის უწყისი (ხარჯთაღრიცხვა) გათვალისწინებული შესაბამისი მონაცემებისგან;
2.6. საზღვარგარეთ შესრულებული სამუშაოების გამოცდილების დამადასტურებელი დოკუმენტების წარმოდგენის შემთხვევაში, აღნიშნული დოკუმენტები დამოწმებული უნდა იყოს სათანადო წესით: ლეგალიზებული და/ან აპოსტილით დამოწმებული.
2.7. გამოცდილების დამადასტურებელი დოკუმენტების შეფასებისას მხედველობაში მიიღება უშუალოდ პრეტენდენტის გამოცდილება, ქვეკონტრაქტი და ქვეკონტრაქტორის გამოცდილების შეფასება პრეტენდენტის გამოცდილებასთან ერთად არ განხორციელდება.
წარმოდგენილი ხელშეკრულებით გათვალისწინებული დამკვეთის მიერ გაცემული წერილობითი ინფორმაცია ან სარეკომენდაციო წერილი, რომლითაც უნდა დგინდებოდეს, რომ შემსრულებელს წარმოდგენილი ხელშეკრულების ფარგლებში ნაკისრი ვალდებულებები მიწოდებული აქვს ხელშეკრულების პირობების არსებითი დარღვევის გარეშე (შემსრულებლის მხრიდან ხელშეკრულებით ნაკისრი ვალდებულების დარღვევის შემთხვევაში წერილობითი ინფორმაცია უნდა მოიცავდეს ცნობებს ხელშეკრულებით გათვალისწინებული თითოული დარღვეული ვალდებულების შესახებ და ინფორმაციას თუ რატომ მიიჩნევს დამკვეთი ვალდებულების დარღვევას არაარსებითად).
იმ შემთხვევაში თუ წარმოდგენილი ხელშეკრულების ფარგლებში სამუშაოების მიწოდება განხორციელდა ქვეკონტრაქტის საფუძველზე, ასეთ შემთხვევაში ქვეკონტრაქტთან ერთად წარმოდგენილი უნდა იყოს ძირითადი ხელშეკრულება, რომლის საფუძველზეც გაფორმდა ქვეკონტრაქტი. ხოლო, დამკვეთის წერილი სავალდებულოდ გაცემული უნდა იყოს ძირითადი ხელშეკრულებით გათვალისწინებული დამკვეთის მიერ, რომელიც ასევე გარდა ზემოთ მოცემული ინფორმაციისა დამატებით უნდა მოიცავდეს ინფორმაციას, რომ ქვეკონტრაქტი შეთანხმებული იყო ობიექტის დამკვეთთან.
შენიშვნა:
* - მიმდინარე ან/და დაუსრულებელი პროექტები გამოცდილებაში არ ჩაითვლება.
შესრულებულ/დასრულებულ ხელშეკრულებაში იგულისხმება, რომ აღნიშნული ხელშეკრულების ფარგლებში პრეტენდენტს ან ამხანაგობის წევრს სრულად აქვს შესრულებული ხელშეკრულებით გათვალისწინებული სამუშაოები და აღნიშნული დადასტურებულია დამკვეთის მიერ.
პრეტენდენტმა მოთხოვნილი გამოცდილების დადასტურების მიზნით უნდა წარმოადგინოს სამშენებლო სამუშაოების მიწოდებაზე გაფორმებული ხელშეკრულებები;

პრეტენდენტის მიერ წარმოდგენილი უნდა იქნას გაფორმებული ხელშეკრულებების ასლები, წარმოდგენილი ხელშეკრულებების ფარგლებში შესრულებული სამუშაოების დამადასტურებელი დოკუმენტის ასლები (მიღება-ჩაბარების აქტი ან შესრულებული სამუშაოს აქტი (ფორმაN2) ან სამუშაოს შესრულების დამადასტურებელი სხვა დოკუმენტი), რომელსაც უნდა დაერთოს შესაბამისი საგადასახადო ანგარიშ-ფაქტურა;

პრეტენდენტის მიერ წარმოდგენილი უნდა იყოს ხელმძღვანელის და საკონტაქტო პირის სახელი და გვარი და საბანკო რეკვიზიტები - აღნიშნული ინფორმაცია წარმოდგენილი უნდა იყოს იმ შემთხვევაში, თუ პრეტენდენტის მიერ შესყიდვების ერთიან ელექტრონულ სისტემაში პრეტენდენტის პროფილში არ არის და/ან არასრულად არის შევსებული შესაბამისი ინფორმაცია.

• ფასწარმოქმნის ადეკვატურობის დადასტურება. ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის 6-7 პუნქტების საფუძველზე. იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, მიმწოდებელი ვალდებულია დაასაბუთოს ფასწარმოქმნის ადეკვატურობა, რაზეც პრეტენდენტის მიერ წარმოდგენილი უნდა იქნას სსიპ „ლევან სამხარაულის სახელობის ექსპერტიზის ეროვნული ბიუროს" ან სხვა აკრედიტირებული პირის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი), რომელშიც ტექსტობრივად მკაფიოდ უნდა იკვეთებოდეს, 2017 წლის 26 სექტემბრის საქართველოს მთავრობის N439 დადგენილებით განსაზღვრული ტექნიკური რეგლამენტის - „სამშენებლო სამუშაოების ხარჯთაღრიცხვის ფასწარმოქმნის ადეკვატურობის დადგენის მეთოდიკის“ მოთხოვნებთან დასკვნის შესაბამისობა. წარმოდგენილი დასკვნით უნდა დასტურდებოდეს პრეტენდენტის მიერ ატვირთულ სატენდერო ხარჯთაღრიცხვაში (სატენდერო წინადადების საბოლოო ფასის შესაბამისი ხარჯთაღრიცხვა) დაფიქსირებული ერთეულის ფასებით (თითოეულ ერთეულთან მიმართებით) და აგრეთვე ჯამური ღირებულებით ამავე ხარჯთაღრიცხვით განსაზღვრული სამუშაოების შესრულების შესაძლებლობა. ექსპერტიზის დასკვნას თან უნდა ერთვოდეს სატენდერო ხარჯთაღრიცხვა ექსპერტიზის დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.
• სატენდერო დოკუმენტაციასთან დაკავშირებული განმარტებებისა და დამატებითი ინფორმაციის მოთხოვნა ნებისმიერ დაინტერესებულ პირს შეუძლია სახელმწიფო შესყიდვების ერთიანი ელექტრონული სისტემის მოდულის „კითხვა/პასუხის“ მეშვეობით შესაბამის ტენდერში „ტენდერი გამოცხადებულია“ სტატუსის მინიჭებიდან „წინადადების მიღება დასრულებულია“ სტატუსის მინიჭებამდე არაუგვიანეს 24 საათისა.
• ტენდერთან დაკავშირებული განმარტებისა და დამატებითი ინფორმაციის დაზუსტება/განმარტება განხორციელდება გონივრულ ვადაში, მაგრამ არაუგვიანეს 2 საათისა შესაბამის ტენდერში „წინადადების მიღება დასრულებულია“ სტატუსის მინიჭებამდე.
• ყველაზე დაბალი ფასის წინადადების მქონე მიმწოდებლის მოთხოვნის შემთხვევაში პუნქტით გათვალისწინებული შესაბამისი დაზუსტება/განმარტება განხორციელდება გონივრულ ვადაში, შესაბამის ტენდერში „შერჩევა/შეფასების“ სტატუსის მინიჭებიდან „ხელშეკრულება დადებულია“ სტატუსის მინიჭებამდე.

5.1.2 იურიდიული პირისთვის
პრეტენდენტის მიერ წარმოდგენილი უნდა იქნას:
(1) ამონაწერი მეწარმეთა და არასამეწარმეო (არაკომერციული) იურიდიული პირების რეესტრიდან, რომელშიც, პრეტენდენტის მიმართ, არ უნდა იყოს რეგისტრირებული ყადაღა/აკრძალვა ან/და საგადასახადო გირავნობა/იპოთეკის უფლება ან/და პრეტენდენტი არ უნდა იყოს რეგისტრირებული მოვალეთა რეესტრში.
(2) ცნობა ბიუჯეტის მიმართ დავალიანების არარსებობის შესახებ, საიდანაც უნდა იკვეთებოდეს, რომ პრეტენდენტს არ გააჩნია აღიარებული დავალიანება ბიუჯეტის მიმართ (გარდა იმ შემთხვევისა თუ პირს გაფორმებული აქვს საქართველოს საგადასახადო კოდექსის 292-ე მუხლით განსაზღვრული საგადასახადო შეთანხმება, სრულად იმ თანხის გადახდაზე, რომელიც უფიქსირდება აღიარებულ საგადასახადო დავალიანებაში, რაზედაც პრეტენდენტმა უნდა წარმოადგინოს შესაბამისი საგადასახადო შეთანხმების დამადასტურებელი დოკუმენტი).
(3) იმ შემთხვევაში, თუ პრეტენდენტის მიერ წარდგენილ სარეგისტრაციო-უფლებრივი მონაცემების ამსახველ დოკუმენტებში რეგისტრირებულია სატენდერო დოკუმენტაციის 5.1.2 პუნქტის 1-ელ და მე-2 ქვეპუნქტებში მითითებული რომელიმე უფლებრივი შეზღუდვა, პრეტენდენტი ექვემდებარება დისკვალიფიკაციას.

5.1.3 ინდივიდუალური მეწარმისთვის
პრეტენდენტის მიერ წარმოდგენილი უნდა იქნას:
(1) ამონაწერი მეწარმეთა და არასამეწარმეო (არაკომერციული) იურიდიული პირების რეესტრიდან, რომელშიც, პრეტენდენტის მიმართ, არ უნდა იყოს რეგისტრირებული ყადაღა/აკრძალვა ან/და საგადასახადო გირავნობა/იპოთეკის უფლება ან/და პრეტენდენტი არ უნდა იყოს რეგისტრირებული მოვალეთა რეესტრში.
(2) ცნობა ბიუჯეტის მიმართ დავალიანების არარსებობის შესახებ, საიდანაც უნდა იკვეთებოდეს, რომ პრეტენდენტს არ გააჩნია აღიარებული დავალიანება ბიუჯეტის მიმართ (გარდა იმ შემთხვევისა თუ პირს გაფორმებული აქვს საქართველოს საგადასახადო კოდექსის 292-ე მუხლით განსაზღვრული საგადასახადო შეთანხმება, სრულად იმ თანხის გადახდაზე, რომელიც უფიქსირდება აღიარებულ საგადასახადო დავალიანებაში, რაზედაც პრეტენდენტმა უნდა წარმოადგინოს შესაბამისი საგადასახადო შეთანხმების დამადასტურებელი დოკუმენტი).
(3) იმ შემთხვევაში, თუ პრეტენდენტის მიერ წარდგენილ სარეგისტრაციო-უფლებრივი მონაცემების ამსახველ დოკუმენტებში რეგისტრირებულია სატენდერო დოკუმენტაციის 5.1.3 პუნქტის 1-ელ და მე-2 ქვეპუნქტებში მითითებული რომელიმე უფლებრივი შეზღუდვა, პრეტენდენტი ექვემდებარება დისკვალიფიკაციას.

5.1.4 ფიზიკური პირისთვის
პრეტენდენტის მიერ წარმოდგენილი უნდა იქნას:
(1) პირადობის დამადასტურებელი დოკუმენტის ასლი;
(2) ცნობა შესაბამისი ადმინისტრაციული დაწესებულებიდან მოვალეთა რეესტრში პირის რეგისტრაციის არარსებობის შესახებ.
(3) იმ შემთხვევაში, თუ პრეტენდენტის მიერ წარდგენილ სარეგისტრაციო-უფლებრივი მონაცემების ამსახველ დოკუმენტში რეგისტრირებულია 5.1.4 პუნქტის მე-2 ქვეპუნქტში მითითებული უფლებრივი შეზღუდვა, პრეტენდენტი ექვემდებარება დისკვალიფიკაციას.

5.1.5 ამხანაგობისთვის
(1) სატენდერო დოკუმენტაციის 5.1.5. პუნქტით გათვალისწინებული სარეგისტრაციო/უფლებრივი მონაცემების ამსახველი დოკუმენტები შემსყიდველ ორგანიზაციას წარედგინება, როგორც ამხანაგობის, ასევე მისი თითოეული წევრის შესახებ, კერძოდ:
უშუალოდ ამხანაგობისთვის:
ა) შესაბამისად უფლებამოსილი ადმინისტრაციული ორგანოდან გაცემული დოკუმენტ(ებ)ი რომლითაც უნდა დასტურდებოდეს, რომ პრეტენდენტის მიმართ, არ არის რეგისტრირებული ყადაღა/აკრძალვა ან/და საგადასახადო გირავნობა/იპოთეკის უფლება ან/და პრეტენდენტი არ არის რეგისტრირებული მოვალეთა რეესტრში.
ბ) ცნობა ბიუჯეტის მიმართ დავალიანების არარსებობის შესახებ, საიდანაც უნდა იკვეთებოდეს, რომ პრეტენდენტს არ გააჩნია აღიარებული დავალიანება ბიუჯეტის მიმართ (გარდა იმ შემთხვევისა, თუ პირს გაფორმებული აქვს საქართველოს საგადასახადო კოდექსის 292-ე მუხლით განსაზღვრული საგადასახადო შეთანხმება, სრულად იმ თანხის გადახდაზე, რომელიც უფიქსირდება აღიარებულ საგადასახადო დავალიანებაში, რაზედაც პრეტენდენტმა უნდა წარმოადგინოს შესაბამისი საგადასახადო შეთანხმების დამადასტურებელი დოკუმენტი).
ამხანაგობის წევრებისთვის:
ა) ამონაწერები მეწარმეთა და არასამეწარმეო (არაკომერციული) იურიდიული პირების რეესტრიდან; საიდანაც უნდა იკვეთებოდეს, რომ ამხანაგობის წევრების მიმართ არ არის რეგისტრირებული ყადაღა/აკრძალვა ან/და საგადასახადო გირავნობა/იპოთეკის უფლება ან/და აღნიშნული პირები არ არიან რეგისტრირებული მოვალეთა რეესტრში.
ბ) ცნობები ბიუჯეტის მიმართ დავალიანების არარსებობის შესახებ, საიდანაც უნდა იკვეთებოდეს, რომ ამხანაგობის მონაწილეებს არ გააჩნიათ აღიარებული დავალიანება ბიუჯეტის მიმართ (გარდა იმ შემთხვევისა თუ პირს გაფორმებული აქვს საქართველოს საგადასახადო კოდექსის 292-ე მუხლით განსაზღვრული საგადასახადო შეთანხმება, სრულად იმ თანხის გადახდაზე, რომელიც უფიქსირდება აღიარებულ საგადასახადო დავალიანებაში, რაზედაც წარმოდგენილი უნდა იქნას შესაბამისი საგადასახადო შეთანხმების დამადასტურებელი დოკუმენტი).
გ) იმ შემთხვევაში, თუ ამხანაგობის მონაწილე წარმოადგენს არარეზიდენტ პირს, მისი სარეგისტრაციო უფლებრივი მონაცემების ამსახველი დოკუმენტები წარმოდგენილი უნდა იქნას სატენდერო დოკუმე