Инженерные услуги (Грузия - Тендер #63729901)

ავტოსადგომის მოწყობის საპროექტო მომსახურება.

საქართველოს გენერალური პროკურატურის ადმინისტრაციული შენობის მიმდებარედ არსებულ ტერიტორიაზე ავტოსადგომის მოწყობის საპროექტო სამუშაოები უნდა განხორციელდეს ტექნიკური დავალების შესაბამისად.
პროექტირება მოიცავს შემდეგ ძირითად მახასიათებლებს;
1. ავტოსადგომი უნდა მოეწყოს ტერიტორიაზე საკადასტრო კოდით 01.18.05.002.125, 01.18.05.002.130, 01.18.05.002.129 და ასევე საკადასტრო კოდით 01.18.05.002.078 კოდის მიწის ფართის ნაწილზე, ჯამში საპროექტო არეალი არანაკლებ 3 100 კვ.მ; (იხ. ფოტო).
2. საინჟინრო მოთხოვნები:
მიმწოდებელი ახორციელებს შემდეგ კვლევებს:
ა. საინჟინრო და გეოდეზიური კვლევები;
ბ. საინჟინრო და გეოლოგიური კვლევები;
გ. მიწისქვეშა კომუნიკაციების კვლევა
დ. მიწისზედა კომუნიკაციების კვლევა
3. შესაბამისი საფარის მოწყობა თანმდევი სამუშაოებით ( საფარის პარამეტრები შეთანხმდეს დამკვეთთან)
4. რკინა-ბეტონის კონსტრუქციების მოწყობა ტერიტორიის წითელი ხაზებით გამიჯვნის გასწვრივ
5. ავტოსადგომის შემოღობვის მოწყობა
6. ზედაპირული წყლების გადამყვანი სისტემის მოწყობა
7. ტერიტორიის განათების, ელექტროხაზების მოწყობა
8. ტერიტორიის ვიდეო სამეთვალყურეო სისტემის მოწყობა
9. ხანძარსაწინააღმდეგო სისტემის მოწყობა
10. შშმ პირთათვის განკუთვნილი ადგილების გამოყოფა
11. ელექტრო მობილების დენით დამუხტვის 10 წერტის და 10 წერტის როზეტის დამიწებით მოწყობა;
12. მანქანის ცალმხრივი პარკირების ბარიერის მოწყობა
13. შლაგბაუმის მოწყობა, გაღება პულტით და სამსახურებრივი ბარათით (შლაგბაუმის პარამეტრები შეთანხმდეს დამკვეთთან)
14. ავტოსადგომის დახაზვის სქემა უნდა ასახავდეს გზის ორგანიზაციას მანქანების და ფეხით მოსიარულეთა გადაადგილებას, განაწილება მთელ ტერიტორიაზე, პარკინგის ადგილებს.
15. შემშვები და გამომშვები პუნქტების დადგენა, მიმდებარე ქუჩების მოძრაობის მიმართულებების, მარშრუტებისა და დატვირთვის შესწავლის გათვალისწინებით.
16. საჭიროების შემთხვევაში საგზაო ნიშნების მოწყობა
17. საჭიროების შემთხვევაში მოძრაობის რეგულირების სხვა საშუალებების მოწყობა
18. პროექტის შემუშავება. მათ შორის კონსტრუქციული და არქიტექტორული ნაწილის
19. რესურსული ხარჯთაღრიცხვის შემუშავება
პროექტი უნდა შეესაბამებოდეს 41-ე დადგენილების მოთხოვნებს.
საპროექტო დოკუმენტაციას, კერძოდ გეოლოგიურ კვლევას, კონსტრუქციულ ნაწილს და ხარჯთაღრიცხვას უნდა ახლდეს შესაბამისი ინსპექტირების დასკვნები. ინსპექტირება შესაძლებელია ჩატარებული იყოს სსიპ ლევან სამხარაულის სახელობის სასამართლო ექსპერტიზის ეროვნული ბიუროს ან სხვა, საქართველოს კანონმდებლობის შესაბამისად აკრედიტირებული ინსპექტირების ორგანოს მიერ.
პროექტირების პროცესში საკადასტრო მონაცემების ცვლილების შემთხვევაში, საბოლოო მონაცემები ასახული უნდა იქნეს პროექტში.

მიწოდების ვადა:
მიწოდება უნდა განხორციელდეს ორი ეტაპად:
1. პირველი ეტაპი: ტერიტორიის მოძრაობის ორგანიზების სქემა - ხელშეკრულების გაფორმების თარიღიდან 20 დღე.
2. მეორე ეტაპი: ტექნიკური დავალებით გათვალისწინებული სხვა დანარჩენი სამუშაოები - პირველი ეტაპის მიწოდების შემდეგ, მიმწოდებლის მიმართვიდან 45 დღე.
პირველი ეტაპით განსაზღვრული სამუშაოების ჩაბარების შემდგომ, შემსყიდველი წერილობით აცნობებს მიმწოდებელს მეორე ეტაპით გათვალისწინებული სამუშაოების დაწყების შესახებ, საიდანაც დაიწყება ზემოთ მითითებული ვადების ათვლა. ამასთან, შემსყიდველი იტოვებს უფლებამოსილებას, აღარ დაუკვეთოს მიმწოდებელს მეორე ეტაპით განსაზღვრული სამუშაოები.

მიწოდება უნდა განხორციელდეს სატენდერო დოკუმენტაციით გათვალისწინებული ვადის შესაბამისად. შესასრულებელი სამუშაოები ჩაითვლება დასრულებულად მიმწოდებლის მიერ წარმოდგენილი: საპროექტო დოკუმენტაცია ალბომის სახით ნაბეჭდი ვერსია, PDF ფაილების სახით, 1 ეგზემპლარი და CD - ვერსია (ელექტრონული) 3 ეგზემპლიარი.
მიწოდება უნდა განხორციელდეს საქართველოს გენერალური პროკურატურის ადმინისტრაციულ შენობაში, მის: ქ. თბილისი, გორგასლის ქ. N24.

პრეტენდენტს ბოლო სრული სამი წლის (08.05.2022-08.05.2025 წ.) განმავლობაში უნდა გააჩნდეს, ამ ტენდერის გამოცხადების თარიღამდე დასრულებული ანალოგიური ხასიათის, სირთულისა და შინაარსის მომსახურების (ავტოსადგომის მოწყობის საპროექტო მომსახურება) გამოცდილება, რომლის ღირებულებაც ჯამში უნდა შეადგენდეს არანაკლებ ამ ტენდერის სავარაუდო ღირებულების 100%, საქართველოს კანონმდებლობით დადგენილი ყველა გადასახადის ჩათვლით, ხოლო შესრულებული საპროექტო სამუშაოების არეალი, უნდა შეადგენდეს არანაკლებ ამ ტენდერში მოცემული საპროექტო არეალის 100%-ს, რისთვისაც პრეტენდენტმა შესყიდვების ერთიან ელექტრონულ სისტემის საშუალებით უნდა წარმოადგინოს ინფორმაცია შესყიდვების ელექტრონულ სისტემაში მოცემული შესყიდვის განცხადებისა და/ან ხელშეკრულების რეგისტრაციის ნომრების მითითებით, ან/და შესაბამისი ხელშეკრულებები, მიღება-ჩაბარების აქტები და შესრულებასთან დაკავშირებული სხვა დოკუმენტები სრულად, ან/და ამ ტენდერისთვის შემსყიდველი სახელმწიფო ორგანიზაციის მიერ გაცემული დოკუმენტი, საიდანაც შესაძლებელი იქნება შესაბამისი გამოცდილების შინაარსის და ღირებულების იდენტიფიცირება.

ვინაიდან მომსახურების ძირითად კომპონენტს წარმოადგენს ინტელექტუალური მომსახურება, რაც პოტენციურად შესაძლებელს ხდის აღნიშნული მომსახურების მიწოდება განხორციელდეს სავარაუდო ღირებულებაზე 20%-ით ან, მეტით ნაკლებ ფასად, არ მოითხოვება ფასწარმოქმნის ადეკვატურობის დასაბუთება.

სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.

ანგარიშსწორება მოხდება უნაღდო ანგარიშსწორებით ეროვნულ ვალუტაში.

ანგარიშსწორება განხორციელდება ეტაპობრივად, ფაქტიურად გაწეული მომსახურების შესაბამისი მიღება–ჩაბარების აქტის და საქართველოს კანონმდებლობით დადგენილი შესაბამისი დოკუმენტაციის წარმოდგენის შემდეგ. ყველა დოკუმენტი ხელმოწერილი უნდა იყოს მხარეთა უფლებამოსილი წარმომადგენლების მიერ.

ანგარიშსწორება განხორციელდება მიღება–ჩაბარების აქტის და საქართველოს კანონმდებლობით დადგენილი შესაბამისი დოკუმენტაციის წარმოდგენის შემდეგ 10 (ათი) სამუშაო დღის განმავლობაში.

ქეთევანი მეტრეველი, 577169903, kemetreveli@pog.gov.ge