Услуги в области тестирования, анализа и технических консультаций (Грузия - Тендер #63670865)

ქ. გარდაბანში 230 მგვტ სიმძლავრის კომბინირებული ციკლის თბოლოექტროსადგურის ტერიტორიაზე განლაგებული ამამაღლებელი და საკუთარი მოხმარების ტრანსფორმატორებში გამოყენებული ზეთის ელექტრო-ფიზიკური და ქიმიური, ასევე, ზეთის ქრომატოგრაფიული ანალიზის ჩატარების მომსახურების (შემდგომში - მომსახურება) სახელმწიფო შესყიდვა.

1.2.1 მომსახურება გულისხმობს ქ. გარდაბანში 230 მგვტ სიმძლავრის კომბინირებული ციკლის თბოლოექტროსადგურის ტერიტორიაზე განლაგებული ამამაღლებელი და საკუთარი მოხმარების ტრანსფორმატორებში გამოყენებულ ზეთის ელექტრო-ფიზიკური და ქიმიურ, ასევე ზეთის ქრომატოგრაფიულ ანალიზის განხორციელებას.
1.2.2 თბოელექტროსადგურის ტერიტორიაზე არსებულ ტრანსფორმატორებიდან ზეთის ნიმუშების აღება და შესაბამის ლაბორატორიაში გაგზავნა ანალიზისთვის, სრულად უნდა უზრუნველყოს მიმწოდებელმა.
1.2.3 ანალიზების დასახელება და სტანდარტი იხილეთ დანართი N2-ში.

1.4.1 მომსახურების გაწევის პერიოდი: ხელშეკრულების გაფორმებიდან, მაგრამ არაუადრეს 2025 წლის 5 ივლისიდან და 24 კალენდარული თვის განმავლობაში.
1.4.2 დანადგარიდან ზეთის ნიმუშების აღება უნდა განხორციელდეს შემსყიდველის წერილობითი შეტყობინებიდან არაუგვიანეს 5 (ხუთი) სამუშაო დღის ვადაში.
1.4.3 მიმწოდებელმა ანალიზის პასუხები/ანგარიში და ლაბორატორიული დასკვნა სატრანსფორმატორო ზეთის შემდგომი საექსპლუატაციოდ ვარგისიანობის შესახებ უნდა წარმოადგინოს, ტრანსფორმატორიდან ზეთის ანალიზის აღებიდან არაუგვიანეს 10 (ათი) სამუშაო დღის ვადაში.

ანალიზების სინჯების აღება და ანალიზების პასუხების დაბრუნება უნდა განხორციელდეს მისამართზე: ქ. გარდაბანი, დ. აღმაშენებლის 2ბ, შპს „გარდაბნის თბოსადგური 2“ - ს ტერიტორიაზე.

პრეტენდენტმა უნდა წარმოადგინოს საქართველოში აღიარებული სტანდარტ(ებ)ის და ნორმების შესაბამისად აკრედიტაციის სერთიფიკატი, რომელიც აკმაყოფილებს ISO/IEC 17025-ის (საერთო მოთხოვნები გამოსაცდელი და საკალიბრაციო ლაბორატორიის კომპეტენტურობისთვის) მოთხოვნებს.

პრეტენდენტის მიერ სისტემაში ასატვირთი ტექნიკური დოკუმენტაცია:

- ფასების ცხრილი - დანართი №1 (1.3 პუნქტის შესაბამისად);
- აკრედიტაციის სერთიფიკატი (პუნქტი 2.7.1).

შენიშვნა:
- პრეტენდენტის მიერ, „წინადადების მიღება დასრულებულია“ ეტაპზე, ფასების ცხრილის წარმოუდგენლობა გამოიწვევს პრეტენდენტის დისკვალიფიკაციას აღნიშნული ტენდერიდან.

4.1.1.1. იმ შემთხვევაში, თუ ელექტრონულ ტენდერში პრეტენდენტის მიერ დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტმა უნდა დაასაბუთოს ფასწარმოქმნის ადეკვატურობა. ფასწარმოქმნის ადეკვატურობა, შესაძლებელია დასაბუთდეს სსიპ "ლევან სამხარაულის სასამართლო ექსპერტიზის ეროვნული ბიუროს" ან/და საქართველოს კანონმდებლობით განსაზღვრული უფლებამოსილების/აკრედიტაციის მქონე პირის/ორგანოს მიერ გაცემული საექსპერტო ან/და აუდიტორული დასკვნით;

4.1.1.2. ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებულ წინადადების ფასთან (ფასების ცხრილის ჯამურ ღირებულებასთან), ასევე, ფასების ცხრილის ერთეულებთან მიმართებით;

4.1.1.3. პრეტენდენტის მიერ დასკვნასთან ერთად დამატებით წარმოდგენილი უნდა იქნას დასკვნის გამცემი პირის/ორგანოს შესაბამისი უფლებამოსილების/აკრედიტაციის დამადასტურებელი დოკუმენტ(ებ)ი.

ანგარიშსწორება მიმწოდებელთან განხორციელდება ლარში, უნაღდო ანგარიშსწორების ფორმით, ეტაპობრივად, მიღება-ჩაბარების აქტის და ხელშეკრულებით განსაზღვრული დოკუმენტების წარმოდგენიდან.

ანგარიშსწორება განხორციელდება ეტაპობრივად, მიმწოდებლის მიერ შესრულებული მომსახურების შესაბამისად, ხელშეკრულებით გათვალისწინებული დოკუმენტების საფუძველზე, მათი წარმოდგენიდან არაუგვიანეს 10 სამუშაო დღის ვადაში.

ირაკლი ნონიკაშვილი, 599767679, i.nonikashvili@tpp.ge

10.1 დამატებითი ინფორმაცია

10.1.1. პრეტენდენტს არა აქვს უფლება წარმოადგინოს ალტერნატიული წინადადება;
10.1.2. მომსახურების გაწევას უზრუნველყოფს მიმწოდებელი საკუთარი ხარჯებით;
10.1.3. შესყიდვების ერთიან ელექტრონულ სისტემაში (შემდგომში - სისტემა) წინადადების ფასი დაფიქსირებულ უნდა იყოს ეროვნულ ვალუტაში, საქართველოს კანონმდებლობით განსაზღვრული ყველა გადასახადის გათვალისწინებით დღგ-ს გარდა;
10.1.4. წინადადების ფასად განიხილება სისტემის მეშვეობით შესყიდვის ელექტრონული ტენდერის შესაბამის ველში დაფიქსირებული ფასი;
10.1.5. ხარჯები, რომლებიც სატენდერო წინადადების ფასში არ იქნება გათვალისწინებული, არ დაექვემდებარება ანაზღაურებას;
10.1.6. შემსყიდველი ორგანიზაციის მიერ ხელშეკრულების ღირებულებაში გათვალისწინებული იქნება წინადადების ფასის დღგ-ს შესაბამისი ოდენობა, თუ ხელშეკრულების დადების მომენტისათვის პრეტენდენტი არის დღგ-ს გადამხდელი საქართველოს კანონმდებლობის შესაბამისად;
10.1.7. პრეტენდენტის მიერ მექანიკური შეცდომის დაშვების შემთხვევაში, როგორიცაა არასწორი ჯამის ან ნამრავლის მითითება, სიტყვიერი და ციფრობრივი გამოსახულების შეუსაბამობა, შემსყიდველის მიერ ფასის განსაზღვრა შესაძლებელია ერთეულის ფასის უპირატესობის პრინციპის გათვალისწინებით. იმ შემთხვევაში, თუ აღნიშნული არ აღემატება სისტემის შესაბამის ველში დაფიქსირებულ ფასს;
10.1.8. გამარჯვებულ პრეტენდენტთან ხელშეკრულება გაფორმდება ლარში;
10.1.9. პრეტენდენტს უფლება აქვს წარმოადგინოს მხოლოდ ერთი სატენდერო წინადადება;
10.1.10. ელექტრონულ სისტემაში ატვირთული პრეტენდენტის მიერ შექმნილი ყველა დოკუმენტი ან/და ინფორმაცია ,,ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად, სავალდებულოა დამოწმებული/დადასტურებული იყოს კვალიფიციური ხელმოწერით ან/და კვალიფიციური შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
10.1.11. ,, ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნტქით გათვალისწინებული ვალდებულება არ ვრცელდება სახელმწიფო შესყიდვების ერთიან ელექტრონულ სისტემაში „მიმწოდებლად“ რეგისტრირებულ არარეზიდენტ მომხმარებლებზე.
10.1.12. სატენდერო დოკუმენტაციით მოთხოვნილი, სისტემაში ასატვირთი ყველა დოკუმენტ(ებ)ი წარმოდგენილ უნდა იქნეს ქართულ ენაზე; დოკუმენტების და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი;
10.1.13. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული „ელექტრონული ტენდერის ჩატარების წესის“ მე-8 მუხლით დადგენილი წესის შესაბამისად;
10.1.14. შემსყიდველ ორგანიზაციასა და პრეტენდენტს შორის ნებისმიერი მიმოწერა/შეტყობინების გაგზავნა ხდება სისტემის შესაბამისი მოდულის მეშვეობით და სისტემის გამოყენების გარეშე მიმოწერა/შეტყობინება სავალდებულო არ არის. მიმოწერა/შეტყობინება მიღებულად ჩაითვლება მისი სისტემაში ატვირთვის მომენტიდან.
10.1.15 ტენდერში მონაწილეობის მიღებით, პრეტენდენტი ადასტურებს მის თანხმობას ამ სატენდერო დოკუმენტაციაში მოცემული პირობების შესრულებაზე, იმის მიუხედავად, შეიცავს თუ არა მისი სატენდერო წინადადება ასეთ თანხმობას/დადასტურებას. ამის საწინააღმდეგო ნებისმიერი დათქმა თუ ჩანაწერი პრეტენდენტის სატენდერო წინადადებაში ბათილია.