Техническое обслуживание и ремонт (Грузия - Тендер #63670849)

საოფისე აპარატურის, კომპიუტერების, ვიდეო სამეთვალყურეო სისტემის, კომპიუტერული აქსესუარების შეკეთება და ტექნიკური მომსახურება

საოფისე აპარატურის, კომპიუტერების, ვიდეო სამეთვალყურეო სისტემის, კომპიუტერული აქსესუარების შეკეთება და ტექნიკური მომსახურება. შეკეთება და ტექნიკური მომსახურება გულისხმობს საოფისე აპარატურის - პერსონალური და პორტატული(ნოუთბუქი) კომპიუტერების, სერვერების, კომუტატორების, როუტერების, პროექტორების, ვიდეო სამეთვალყურეო სისტემის, უწყვეტი კვების წყაროების(UPS) დროულ და სრულყოფილ შეკეთებას; პროფილაქტიკური და დიაგნოსტიკური მომსახურების გაწევას; ტექნიკის ნაწილების (დეტალების) შეკეთებას ან/და გამოცვლას.
საოფისე აპარატურის, კომპიუტერების, ვიდეო სამეთვალყურეო სისტემის, კომპიუტერული აქსესუარების შეკეთება და ტექნიკური მომსახურება უნდა განხორციელდეს პრეისკურანტში მითითებული საქონლის შესყიდვა თანმდევი მომსახურებით.
პრეტენდენტის მიერ წარმოდგენილ პრეისკურანტში შემოთავაზებული ღირებულებები არ უნდა აღემატებოდეს სატენდერო დოკუმენტაციაში მომსახურების პრეისკურანტში შესაბამის პოზიციებზე მითითებულ ერთეულის ზღვრულ ღირებულებებს.
პრეტენდენტის მიერ წარმოდგენილ პრეისკურანტში ერთეულის ფასების კლება უნდა განხორციელდეს სატენდერო დოკუმენტაციაში მოცემული პრეისკურანტის ზღვრული ერთეულის ფასებიდან, სატენდერო დოკუმენტაციასა და სატენდერო განცხადებაში მოცემული პრეისკურანტის ჯამურ სავარაუდო ღირებულებასა და პრეტენდენტის მიერ სისტემაში დაფიქსირებულ საბოლოო ფასს შორის არსებული პროცენტული სხვაობით, რომელიც დამრგვალებული უნდა იყოს მეასედის სიზუსტით, ე.წ კლების პრინციპით
მიმწოდებელი ვალდებულია შეცვლითი მომსახურების გაწევისას გამოიყენოს ახალი (ექსპლუატაციაში არ მყოფი) სათადარიგო ნაწილები, გარდა პრეისკურანტის ცალკეულ პოზიციაში მითითებული ნაწილებისა.

მომსახურების გაწევის ვადაა ხელშეკრულების გაფორმებიდან 2025 წლის 31 დეკემბრამდე ეტაპობრივად, შემსყიდველის მოთხოვნის შესაბამისად. მიმწოდებელმა მოთხოვნიდან 5 სამუშაო დღის ვადაში უნდა უზრუნველყოს პრეისკურანტით განსაზღვრული მომსახურება. იმ შემთხვევაში, თუ ტექნიკის შეკეთების პროცესში აღმოჩნდება, რომ დაზიანებული დეტალი დეფიციტურია ქვეყნის მასშტაბით და რომელიც შესაკვეთი იქნება ქვეყნის ფარგლებს გარეთ, მომსახურების გაწევის ვადა განისაზღვროს გონივრული ვადით, მაგრამ არაუგვიანეს 40 კალენდარული დღით (ასეთის არსებობის შემთხვევაში, მიმწოდებელმა, შესყიდვის ობიექტის შეკვეთის დამადასტურებელი დოკუმენტი უნდა წარუდგინოს შემსყიდველს)

თბილისი, სტუ-ს სასწავლო კორპუსები: კოსტავას ქ. №77, კოსტავას ქ. №75, კოსტავას ქ. №68, კოსტავას ქ. №69, გურამიშვილის გამზ. №17

შეცვლილი დეტალ(ებ)ის (ნაწილ(ებ)ის) ან/და გაწეული მომსახურების საგარანტიო ვადა უნდა შეადგენდეს მიღება-ჩაბარების აქტის გაფორმებიდან 6 (ექვსი) თვეს.
საგარანტიო პერიოდში გაწეული მომსახურების ან/და შეცვლილი დეტალ(ებ)ის (ნაწილ(ებ)ის) მიერ წუნის/დეფექტის/ხარვეზის გამოვლენის შემთხვევაში, მიმწოდებელი ვალდებულია შემსყიდველის დავალებიდან არაუგვიანეს 5 (ხუთი) სამუშაო დღის ვადაში შეაკეთოს ან შეცვალოს ახლით წუნის/დეფექტის/ხარვეზის მქონე საქონელი ან/და თავიდან გასწიოს მომსახურება.
წუნის/დეფექტის/ხარვეზის გამო შეკეთების ან ახლით შეცვლის ან/და მომსახურების თავიდან გაწევის შემთხვევაში, საქონლის ტრანსპორტირება უნდა უზრუნველყოს მიმწოდებელმა

ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტი ენიჭება ქართულ თარგმანს.სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი ან/და ინფორმაცია, ხელმოწერილი უნდა იყოს უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა ან რწმუნებულება).
იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება. ამასთან, ტექნიკურ დავალებაში მოცემული პარამეტრები არის შემსყიდველის მიერ დადგენილი მინიმალური მოთხოვნები, რომელსაც უნდა აკმაყოფილებდეს პრეტენდენტის მიერ შემოთავაზებული შესყიდვის ობიექტი.
სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
პრეტენდენტს არ აქვს უფლება წარმოადგინოს ალტერნატიული სატენდერო წინადადება.

იმ შემთხვევაში თუ დაზიანებულ ტექნიკაზე მომსახურების გაწევა შეუძლებელი გახდება ადგილზე (შემსყიდველის მისამართზე), ამ შემთხვევაში მიმწოდებელი საკუთარი ხარჯებით ახდენს დაზიანებული ტექნიკის თავის სახელოსნოში წაღებას და მომსახურების გაწევას, შემდგომ კვლავ საკუთარი ხარჯებით ახდენს მის ტრანსპორტირებას შემსყიდველის ადგილსამყოფელზე.
მომსახურება უნდა განხორციელდეს მიმწოდებლის ან შემსყიდველის მისამართზე, დაზიანების სპეციფიკიდან გამომდინარე.
გამოცვლილი დეტალები რჩება შემსყიდველთან.
პრეტენდენტმა სასწავლო პროცესის შეუფერხებლობის და ხელშეწყობის მიზნით უნდა უზრუნველყოს კომპიუტერული ტექნიკის პროფილაქტიკური სამუშაოების ჩატარება ადგილზე არასამუშაო დღეებშიც.
პრეტენდენტმა შემსყიდველის მოთხოვნის შემთხვევაში უნდა წარმოადგინოს დეფექტურობის აქტი.
საჭიროების შემთხვევაში მიმწოდებელმა საკუთარი სახსრებით უნდა უზრუნველყოს ვიდეო-სამეთვალყურეო კამერის, მაკავშირებელი კაბელების და ჩამწერი მოწყობილობების დემონტაჟი, დიაგნოსტირება, შეკეთება და პირვანდელ ადგილზე მონტაჟი.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია თავდაპირველ ჯამურ სავარაუდო ღირებულებაზე, პრეტენდენტი ვალდებული იქნება დაასაბუთოს ფასწარმოქმნის ადეკვატურობა. ფასწარმოქმნის ადეკვატურობის დასაბუთება უნდა მოხდეს ექპერტიზის დასკვნით ან/და საშემფასებლო დასკვნით, ან/და დამოუკიდებელი აუდიტორის მიერ გაცემული დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას (იმ შემთხვევაში, თუ დასკვნის გამცემი ორგანო არ იქნება სსიპ - ლევან სამხარაულის სახელობის სასამართლო ექსპერტიზის ეროვნული ბიურო, დასკვნასთან ერთად წარმოდგენილ უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი)

ანგარიშსწორება განხორციელდება უნაღდო ანგარიშსწორებით ეროვნულ ვალუტაში

ანგარიშსწორება მოხდება ეტაპობრივად, ფაქტობრივად გაწეული მომსახურების შესაბამისად, შესყიდვის ობიექტის მიწოდების შემდეგ, მიღება-ჩაბარების აქტის გაფორმებიდან 10 სამუშაო დღის ვადაში

ეკაივანიშვილი, 599287911, ekaivanishvili@yahoo.com 577770494 სოფიო გაბიცინაშვილი