Компьютерное оборудование и принадлежности (Грузия - Тендер #63498712)

კომპიუტერები

1. სისტემური ბლოკი აქსესუარებით
პროცესორი: ბირთვების რაოდენობა არანაკლებ 14; აქედან არანაკლებ 6 ბირთვის მაქსიმალური სიხშირე არანაკლებ 5 GHz; ნაკადების რაოდენობა: არანაკლებ 20, Cache მეხსიერება: არანაკლებ 24 MB; არაუმეტეს 10 nm ტექნოლოგიის.
ინტეგრირებული ვიდეო დაფა: მაქსიმალური დინამიური გრაფიკული სიხშირე: არანაკლებ 1,55 GHz; DirectX მხარდაჭერა: არანაკლებ 12; OpenGL მხარდაჭერა: არანაკლებ 4.5.
დედა დაფა: w680 ჩიპსეტი ან უკეთესი; არანაკლებ 1x PCIE არანაკლებ 4.0, PCIe x16; ინტეგრირებული აუდიო დაფა; ქსელის ინტერფეისი: ინტეგრირებული RJ-45 10/100/1000.
ინტერფეისები: USB არანაკლებ 3.2 არანაკლებ 4 ცალი პორტი; USB არანაკლებ 3.2 Gen 2 Type-C არანაკლებ 1 ცალი პორტი; N1 აუდიო არანაკლებ 1 ცალი 3.5მმ; N2 აუდიო არანაკლებ 1 მიკროფონის და 1 ყურსასმენის პორტებით ან 1 კომბინირებული ყურსასმენები/მიკროფონი (კომბინირებული პორტის შემთხვევაში უნდა მოყვებოდეს ე. წ Audio/Mic Spliter განმაცალკავებელი ადაპტერი).
ციფრული ვიდეო ინტეგრირებული გამოსასვლელი: არანაკლებ 2 ცალი DP ან/და Mini DP ან/და HDMI.
ოპერატიული მეხსიერების სლოტი: არანაკლებ 4; ოპერატიული მეხსიერება: არანაკლებ 32GB არანაკლებ DDR5, სიხშირე: არანაკლებ 4400 MHz.
SSD დისკი: არანაკლებ 512 GB მოცულობის; ტიპი - PCIe 4.0 NVMe;
CD/DVD წამკითხველი: DVD/RW,
კვების ბლოკი: არანაკლებ 500 WATT, და სრულად თავსებადი დაკომპლექტებულ ვიდეო დაფასთან და სხვა კომპონენტებთან;
დამატებით ვიდეო დაფა: არანაკლებ PCIE 4.0, PCIe x8, GDDR6 არანაკლებ 8GB მეხსიერება, არანაკლებ128 ბიტიანი მეხსიერების ინტერფეისი, არანაკლებ 192 GB/s გამტარუნარიანობით, არანაკლებ 4 Mini DP პორტით (4 მონიტორის მხარდაჭერა). ტექნოლოგიების მხარდაჭერა: HDCP 2.2, NVIDIA Mosaic technology, OpenGL, Vulkan, DirectX, შემოთავაზებულ სისტემას კომპლექტში უნდა მოყვებოდეს მინიმუმ 2 ცალი Mini DP to DP გადამყვანი;
დაკომპლექტებული აქსესუარებით: USB მაუსი scroll-ის ფუნქციით; USB კლავიატურა; ქეისი სრულად დაკომპლექტებული გაგრილების სისტემით.
ოპერაციული სისტემა: შემოთავაზებული სამუშაო სადგურებიდან 111 ცალს უნდა მოყვებოდეს ლიცენზირებული OEM Windows 11 Pro 64 Bit.

2. მონიტორი
მაგიდაზე სადგამით, რომელიც იძლევა ეკრანის ზემოთ/ქვემოთ არანაკლებ 100მმ მოძრაობის საშუალებას; ეკრანის დიაგონალი არანაკლებ 23.8"; უკანა LED ან WLED განათებით; სიკაშკაშე: არანაკლებ 250 cd/m2 (typical/static); თანაფარდობა: 16:9; გაფართოება: FHD 1920 X 1080 at 60 Hz; კონტრასტი: არანაკლებ 1000: 1 (typical); რეაქციის დრო: არაუმეტეს 6 მწ.; ვიდეოსიგნალის ინტერფეისები: DP 1.2 სავალდებულო, დამატებით კიდევ 2 ვიდეო შემსვლელი პორტი; ვერტიკალური/ჰორიზონტალური ხედვის კუთხე 178; ფერთა რაოდენობა: არანაკლებ 16.7 მლნ.; უნდა მოყვებოდეს DP კაბელი (საჭიროების შემთხვევაში Mini DP to Display Port ადაპტერი/გადამყვანით); მონიტორის გვერდების ჩარჩოს სისქე: არაუმეტეს 5.8მმ, (სტანდარტებთან შესაბამისობა: TCO, Low Blue Light (Hardware Solution))

3. ლეპტოპი
პროცესორი: ბირთვების რაოდენობა: არანაკლებ 12; პროცესორის სიხშირე: არანაკლებ 4.3 GHz;
ოპერატიული მეხსიერება: მოცულობა: არანაკლებ 32 GB ( 64GB_მდე გაზრდის შესაძლებლობით); ტიპი: არანაკლებ DDR5 5200 MT/s;
მყარი დისკი/SSD: SSD; ინტერფეისი: M.2; SSD მოცულობა: არანაკლებ 512 GB;
უსადენო კავშირი: WIFI: არანაკლებ 6E/ 802.11 ax; Bluetooth: არანაკლებ 5.0;
ინტერფეისები: HDMI: არანაკლებ 1 ცალი USB 3.2, არანაკლებ 2 ცალი; RJ45: არანაკლებ 1 ცალი; USB 4 Type-C არანაკლებ 1 ცალი; კომბინირებული 3.5მმ აუდიო ჯეკი: არანაკლებ 1 ცალი;
ეკრანი: დიაგონალი: არანაკლებ 15.6 ინჩი; გარჩევადობა: არანაკლებ 1920x1080; ფორმატი: 16:9 ან 16:10 ; ეკრანის ნათება: 250 nits ან მეტი;
ვიდეო ბარათი: ინტეგრირებული;
უსაფრთხოება: ინტეგრირებული TPM მოდული; ინტერგირებული ვიდეო თვალი, მექანიკური ჩამკეტით;
ელემენტი: არანაკლებ 45Wh
კლავიატურა: მანათობელი. გამოყოფილი Num PAD.
საგარანტიო პერიოდი: 3 წელი (ელემენტის ჩათვლით)
აქსესუარი: უნდა მოყვებოდეს შესაბამისი ზომის, მუქი ფერის, სატარებელი ჩანთა

ხელშეკრულების გაფორმებიდან არაუგვიანეს 120 (ას ოცი) კალენდარული დღის განმავლობაში.

შემსყიდველის ადგილსამყოფელი; ქ. თბილისი, ლისის ქ. N1ა.

1.7.1.1. შემოთავაზებულ საქონელზე (შემადგენელ ყველა კომპონენტზე) უნდა ვრცელდებოდეს მინიმუმ 3 (სამი) წლიანი მწარმოებლის ქარხნული გარანტია მიღება-ჩაბარების აქტის გაფორმებიდან.
1.7.1.2. საგარანტიო პერიოდში მიმწოდებელმა საკუთარი ხარჯებით უნდა უზრუნველყოს საქონელზე გამოვლენილი ნაკლის აღმოფხვრა შეტყობინების მიღებიდან (სატელეფონო შეტყობინება და/ან ელ. ფოსტა) 5 (ხუთი) სამუშაო დღის განმავლობაში, მწარმოებლის მიერ საქართველოში მდებარე ავტორიზებულ სერვის ცენტრში. შესასყიდი ობიექტის შეცვლა კი განახორციელოს შეტყობინების მიღებიდან (სატელეფონო შეტყობინება და/ან ელ. ფოსტა) 30 (ოცდაათი) კალენდარული დღის ვადაში.
1.7.1.3 ყველა პოზიციაზე შემოთავაზებულ ბრენდს საქართველოს ტერიტორიაზე, უნდა გააჩნდეს მწარმოებლის მიერ ავტორიზებული მინიმუმ 2 (ორი) სერვის ცენტრი, რომელიც უნდა იძებნებოდეს მწარმოებლის ვებ-გვერდზე ან დასტურდებოდეს მწარმოებლის წერილით.
1.7.1.4. შესაკეთებელი კომპიუტერების ტრანსპორტირებას მიმწოდებლის სერვის ცენტრამდე და შეკეთებული ტექნიკის უკან შემსყიდველის ობიექტზე დაბრუნების ხარჯებს გაწევს მიმწოდებელი.

1) ინფორმაცია შესყიდვის ობიექტის მწარმოებელი ქვეყნის შესახებ
2) ინფორმაცია მწარმოებელი ფირმის/ბრენდისა და მოდელის/დასახელების შესახებ
3) პრეტენდენტმა უნდა წარმოადგინოს ყველა აპარატურული ან პროგრამული მაკომპლექტებელის Part Number-ები

შემოთავაზებული კომპანიის/ბრენდის წარმოებული პროდუქცია მსოფლიო ბაზარზე უნდა იყიდებოდეს არანაკლებ 10 (ათი) წელი, რომლის დასადასტურებლად პრეტენდენტმა უნდა წარმოადგინოს შესაბამისი ინფორმაცია წერილის, ან ინტერნეტ ბმულის (ლინკი) საშუალებით.

პრეტენდენტმა ერთიანი ელექტრონული სისტემის მეშვეობით უნდა წარმოადგინოს მწარმოებლის ავტორიზაციის ფორმა (ე.წ. MAF), სადაც მითითებული უნდა იყოს წინამდებარე ტენდერის ნომერი, შემოთავაზებული პროდუქტის მოდელი და საგარანტიო ვადები.

სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
სატენდერო წინადადებაში საერთო ფასი (ეროვნული ვალუტა) გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით, დღგ-ს ჩათვლით.
პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალური ინფორმაცია, საქართველოს შინაგან საქმეთა სამინისტროს მიერ, „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების შესაძლებლობა.
ექსპერტიზის ან/და აუდიტის მიერ გაცემული შესაბამისი დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

5 Процентов

10 Процентов

ხელშეკრულების უზრუნველყოფის საბანკო გარანტიის მოქმედების ვადა 30 კალენდარული დღით უნდა აღემატებოდეს ხელშეკრულების მოქმედების ვადას.

ხელშეკრულების უზრუნველყოფის გარანტია წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახური“-ს მიერ ლიცენზირებული სადაზღვევო კომპანიიდან, ეროვნულ ვალუტაში - ლარში. გარანტია უნდა იყოს უპირობო და გამოუთხოვადი რაც გულისხმობს, გარანტი იღებს ვალდებულებას, ყოველგვარი უარყოფისა და გასაჩივრების უფლების გარეშე, წერილობითი მოთხოვნის წარდგენიდან მომდევნო 5 (ხუთი) სამუშაო დღის ვადაში, გადაუხადოს ბენეფიციარს თანხა თუ პრინციპალმა არ შეასრულა ბენეფიციართან გაფორმებული სახელმწიფო შესყიდვების შესახებ ხელშეკრულებით ნაკისრი ვალდებულებები, ასევე, გარანტიის თანხა არ უნდა მცირდებოდეს შესრულებული სამუშაოების პროპორციულად.

7.1.1.1 მოთხოვნის შემთხვევაში შესაძლებელია განხორციელდეს წინასწარი (საავანსო) ანგარიშსწორება, ხელშეკრულების ღირებულების არაუმეტეს 30%-ის ოდენობით, რაზეც წარმოდგენილი უნდა იქნეს სსიპ - საქართველოს ეროვნული ბანკის ან სსიპ - საქართველოს დაზღვევის სახელმწიფო ზედამხედველობის სამსახურის მიერ ლიცენზირებული საბანკო დაწესებულების ან სადაზღვევო ორგანიზაციის მიერ გაცემული წინასწარ გადასახდელი თანხის იდენტური ოდენობის გარანტია.
7.1.1.2 წარმოდგენილი გარანტიის მოქმედების ვადა 30 (ოცდაათი) კალენდარული დღით უნდა აღემატებოდეს ხელშეკრულების მოქმედების ვადას.
7.1.1.3 გარანტია უნდა იყოს უპირობო, გამოუხმობადი რაც გულისხმობს, გარანტი იღებს ვალდებულებას, ყოველგვარი უარყოფისა და გასაჩივრების უფლების გარეშე, წერილობითი მოთხოვნის წარდგენიდან მომდევნო 5 (ხუთი) სამუშაო დღის ვადაში, გადაუხადოს ბენეფიციარს თანხა თუ პრინციპალმა არ შეასრულა ბენეფიციართან გაფორმებული სახელმწიფო შესყიდვების შესახებ ხელშეკრულებით ნაკისრი ვალდებულებები.
7.1.1.4 დარჩენილი ღირებულების გადახდა მოხდება ავანსად მიღებული თანხის სრულად გამოქვითვის შემდეგ.
7.1.1.5 საბანკო გარანტიის დაბრუნება მოხდება მომსახურების ხელშეკრულების გაფორმებიდან 30 კალენდარული დღის შემდგომ.

სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.
ანგარიშსწორება მოხდება უნაღდო ანგარიშსწორებით ლარში.

საქონლის მიწოდებიდან კანონმდებლობის შესაბამისად, ანაზღაურებისათვის საჭირო დოკუმენტაციის წარმოდგენიდან 10 (ათი) სამუშაო დღეში.

ნათია ღიბრაძე, 598454599, n.ghibradze@112.ge

10.1.1 სახელმწიფო შესყიდვების ერთიან ელექტრონულ სისტემაში (შემდგომში – სისტემა) შესყიდვის პროცედურები ხორციელდება „სახელმწიფო შესყიდვების შესახებ“ საქართველოს კანონისა და „ელექტრონული ტენდერის ჩატარების წესის დამტკიცების შესახებ“ - სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების შესაბამისად.

10.1.2 ელექტრონულ ტენდერთან დაკავშირებული დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.

10.1.3 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია. ამასთან, ქართულენოვან ტექსტში უცხოენოვანი სიტყვ(ებ)ის გამოყენების შემთხვევაში კომისია უფლებამოსილია იმსჯელოს აღნიშნული სიტყვ(ებ)ის ტექნიკურ დოკუმენტაციასთან შესაბამისობის თაობაზე.

10.1.4 სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი ან/და ინფორმაცია უნდა იყოს კვალიფიციური ხელმოწერით ან კვალიფიციური ბეჭედით დამოწმებული უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა ან რწმუნებულება).

10.1.5 პრეტენდენტს არა აქვს უფლება წარმოადგინოს ალტერნატიული სატენდერო წინადადება.

10.1.6 ვინაიდან პრეტენდენტებისათვის სატენდერო წინადადების წარმოდგენა დასაშვებია მხოლოდ ეროვნულ ვალუტაში - ლარში, ხელშეკრულება გაფორმდება ლარში.

10.1.7 სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.