Отделочные строительные работы (Грузия - Тендер #63472307)

საქართველოს სასაზღვრო პოლიციის ბალანსზე რიცხული შენობების სარემონტო-სამუშაოები დეფექტური აქტის შესაბამისად (საქართველოს მთელ ტერიტორიაზე).

1.2.1. საქართველოს სასაზღვრო პოლიციის ბალანსზე რიცხული შენობების სარემონტო-სამუშაოები დეფექტური აქტის შესაბამისად.
1.2.2.
ა) შესასრულებელი სამუშაოების ჩამონათვალი და მოცულობები განსაზღვრულია სატენდერო დოკუმენტაციის დეფექტურ აქტში.
ბ) ხარჯთაღრიცხვა წარმოდგენილი უნდა იქნეს დეფექტური აქტის მიხედვით, ხარჯთაღრიცხვის წარმოუდგენლობა ან განუფასებლად წარმოდგენა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას.
გ) პრეტენდენტის მიერ წარმოდგენილი ხარჯთაღრიცხვის ღირებულება არ უნდა აღემატებოდეს სატენდერო დოკუმენტაციით განსაზღვრულ სავარაუდო ღირებულებას.
1.2.3. მიმწოდებელმა სამუშაოების განხორციელების განმავლობაში საქართველოს მოქმედი კანონმდებლობის და არსებული ნორმების შესაბამისად, უნდა მიიღოს აუცილებელი ზომები ტექნიკური უსაფრთხოების და გარემოს დაცვის უზრუნველსაყოფად.
1.2.4. მიმწოდებელმა უნდა უზრუნველყოს სამუშაო ადგილის ფარგლებში გარემოზე ეკოლოგიური ზემოქმედების, სამუშაოებით გამოწვეული ხმაურის, ვიბრაციის და მტვრის გავლენის მინიმუმადე დაყვანა.
1.2.5. მიმწოდებელი საქართველოში ტექნიკური უსაფრთხოების და გარემოს დაცვასთან დაკავშირებით მოქმედი კანონების და ნორმების შესაბამისად ვალდებულია მიიღოს უსაფრთხოების აუცილებელი ზომები მშენებლობის ზონაში ხანძრის გაჩენის და აფეთქების თავიდან ასაცილებლად.
1.2.6. მიმწოდებელი ვალდებულია სამუშაოები შეასრულოს საქართველოში მოქმედი სამშენებლო ნორმებით და წესებით, აგრეთვე პროექტით გათვალისწინებული უსაფრთხოების წესების დაცვით. აღნიშნულ ნორმათა დარღვევის შემთხვევაში, მიმწოდებელს ყოველ კონკრეტულ დარღვევაზე დაეკისრება შესაბამისი კანონმდებლობით გათვალისწინებული ჯარიმა.
1.2.7. ჯარიმის გადახდა მიმწოდებელს არ ათავისუფლებს დარღვევის აღმოფხვრისაგან.

ხელშეკრულების გაფორმებიდან ეტაპობრივად, შემსყიდველის მოთხოვნის შესაბამისად 2025 წლის 10 დეკემბრის ჩათვლით.
აღნიშნული ინფორმაცის წარმოდგენა სავალდებულა.

შეტყობინების გაგზავნა განხორციელდება საქართველოს სასაზღვრო პოლიციის უფლებამოსილი პირ(ებ)ის მიერ ელ. ფოსტაზე ან ოფიციალური წერილით.

მიმწოდებელს სამშენებლო ობიექტის კონკრეტული მისამართი, შესაბამისი შესასრულებელი დავალება ან/და დეფექტური აქტი და სამუშაოების განსაზღვრული ვადები მიეცემა წერილობით;

მიმწოდებელი ვალდებულია სამუშაოები დაიწყოს წერილობითი დავალების მიცემიდან 5 (ხუთი) კალენდარულ დღეში;

მიმწოდებელი ვალდებულია შემსყიდველის მიერ წერილობითი დავალების შემთხვევაში სამუშაოები აწარმოოს არანაკლებ 3 (სამი) მისამართზე;

საქართველოს სასაზღვრო პოლიციის სახმელეთო საზღვრი დაცვის დეპარტამენტის N1 სამმართველოს (ბათუმი), N2 სამმართველოს (ახალციხე), N3 სამმართველოს (წითელი ხიდი), N4 სამმართველოს (დედოფლისწყარო), N5 სამმართველოს (ლაგოდეხი), N6 სამმართველოს (ბარისახო), N7 სამმართველოს (ყაზბეგი), N8 სამმართველოს (ჯავა ონი), N9 სამმართველოს (მესტია) და სანაპირო დაცვის დეპარტამენტის (ქ. ფოთი, ქ. ბათუმი) არეალში განთავსებულ შენობებში.

გარდა ბეტონის ფილისა და სახურავისა, შესრულებულ სამუშაოებზე, გამოყენებულ მასალებზე დანადგარებზე და აგრეგატებზე საგარანტიო ვადა უნდა ვრცელდებოდეს საბოლოო მიღება-ჩაბარების აქტის გაფორმებიდან არანაკლებ 2 (ორი) წელი, ხოლო ბეტონის ფილაზე და სახურავის ვარგისიანობაზე საბოლოო მიღება-ჩაბარების აქტის გაფორმებიდან არანაკლებ 5 (ხუთი) წელი.
აღნიშნული ინფორმაციის წარმოდგენა სავალდებულოა.

ტენდერში გამარჯვებული ორგანიზაცია ვალდებულია შემსყიდველის მხრიდან შეტყობინების მიღებიდან 2 (ორი) სამუშაო დღის განმავლობაში შემსყიდველი ორგანიზაციის მიერ გამოყოფილი უფლებამოსილი პირის მეთვალყურეობით, თითოეულ მისამართზე აღმოჩენილი დაზიანებ(ებ)ის შესახებ შეადგინოს დეფექტური აქტი. დეფექტურ აქტში უნდა მიუთითოს გასარემონტებელი ობიექტის კონკრეტული დასახელება და მისამართი, შესასრულებელი სამუშაოების ჩამონათვალი (გამოსაყენებელი მასალების გათვალისწინებით), სამუშაოების შესრულების ვადები და აღნიშნულ ვადებში, სატენდერო პირობების 1.3 პუნქტით გათვალისწინებულ ხარჯთაღრიცხვაში (დანართი N1) მითითებული ღირებულებების შესაბამისად განახორციელოს სარემონტო სამუშაოები.

შეტყობინების გაგზავნა შესაძლებელია განხროციელდეს როგორც წერილობით, ისე ელექტრონული ფოსტის საშულებით ერთიან ელექტრონულ სისტემაში მიმწოდებლის პროფილში მითითებულ ელექტრონულ ფოსტაზე ან მიმწოდებლის მიერვე შემსყიდველისთვის მითითებულ სხვა ელექტრონულ ფოსტაზე. შეტყობინება ასევე, შესაძლებელია განხორციელდეს მხარეთა მიერ შეთანხმებული სხვა ნებისმიერი ფორმით.

მიმწოდებელი ვალდებულია გარანტიის მოქმედების პერიოდში განახორციელოს ხარვეზების აღმოფხვრა შეტყობინების მიღებიდან 15 სამუშაო დღის განმავლობაში.

სამუშაოების მიმდინარეობის პერიოდში, მიმწოდებლის მიერ შემსყიდველის ქონების დაზიანების შემთხვევაში, მიმწოდებელი ვალდებულია საკუთარი ხარჯებით აღმოფხვრას აღნიშნული დაზიანება/მიყენებული ზიანი.

2.2.1.1 პრეტენდენტს 2022 წლის 01 იანვრიდან უნდა გააჩნდეს შენობ(ებ)ის სამშენებლო ან/და შენობ(ებ)ის სარემონტო სამუშაოების გამოცდილება ჯამური ღირებულებით არანაკლებ 200 000 ლარის ოდენობით, აღნიშნულის დასტურად, პრეტენდენტმა ელექტრონულ სისტემაში უნდა ატვირთოს სამუშაოების შესრულების დამადასტურებელი დოკუმენტების ასლები (ხელშეკრულების ასლები ხარჯთაღრიცხვით, შესრულებული სამუშაოების მიღება-ჩაბარების აქტები ან/და ფორმა N2).

2.2.1.2. იმ შემთხვევაში, თუ პრეტენდენტი გამოცდილების სახით წარმოადგენს არასახელმწიფო შესყიდვის ხელშეკრულებებსა და მათი შესრულების დოკუმენტაციას, გარდა 2.2.1.1 ქვეპუნქტით მოთხოვნილი დოკუმენტაციისა, პრეტენდენტი ვალდებულია დამატებით წარმოადგინოს აღნიშნულ სამუშაოებზე დადასტურებული საგადასახადო ანგარიშ-ფაქტურების ელექტრონული ვერსიები.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, პრეტენდენტს მოეთხოვება ფასწარმოქმნის ადეკვატურობის დასაბუთება, რისთვისაც შემსყიდველის მიერ განესაზღვრება არაუმეტეს 3 (სამი) სამუშაო დღე. ფასწარმოქმნის ადეკვატურობის დასასაბუთებლად პრეტენდენტის მიერ წარმოდგენილი უნდა იქნას სსიპ "ლევან სამხარაულის ექსპერტიზის ეროვნული ბიუროს" ან/და სხვა აკრედიტირებული პირის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ხარჯთაღრიცხვაში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ხარჯთაღრიცხვით განსაზღვრული შესყიდვის ობიექტის მიწოდების შესაძლებლობა.

ექსპერტიზის დასკვნის წარმოუდგენლობა ან/და უარყოფითი დასვნის წარმოდგენა გამოიწვევს შესაბამისი პრეტენდენტის დისკვალიფიკაციას.

ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.დამოუკიდებელი სერთიფიცირებული აუდიტის დასკვნის საფუძველზე.

5 Процентов

10 Процентов

ხელშეკრულების უზრუნველყოფის საბანკო გარანტიის მოქმედების ვადა მინიმუმ 90 (ოთხმოცდაათი) კალენდარული დღით უნდა აღემატებოდეს წინამდებარე ტენდერის საფუძველზე გაფორმებული ხელშეკრულებით გათვალისწინებული სამუშაოების შესრულების ვადას.

ხელშეკრულების უზრუნველყოფის გარანტია წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახური“-ს მიერ ლიცენზირებული სადაზღვევო კომპანიიდან, ეროვნულ ვალუტაში - ლარში. გარანტია უნდა იყოს უპირობო და გამოუთხოვადი რაც გულისხმობს, გარანტი იღებს ვალდებულებას, ყოველგვარი უარყოფისა და გასაჩივრების უფლების გარეშე, წერილობითი მოთხოვნის წარდგენიდან მომდევნო 5 (ხუთი) სამუშაო დღის ვადაში, გადაუხადოს ბენეფიციარს თანხა თუ პრინციპალმა არ შეასრულა ბენეფიციართან გაფორმებული სახელმწიფო შესყიდვების შესახებ ხელშეკრულებით ნაკისრი ვალდებულებები, ასევე, გარანტიის თანხა არ უნდა მცირდებოდეს შესრულებული სამუშაოების პროპორციულად.

ანგარიშსწორება განხორციელდება 2025 წლის ბიუჯეტის სახსრებით.
ანგარიშსწორება განხორციელდება უნაღდო ანგარიშსწორებით ლარში, მიმწოდებლის საბანკო ანგარიშზე.

ანგარიშსწორება განხორციელდება ფაქტობრივად შესრულებული სამუშაოების შესახებ შედგენილი შესაბამისი მიღება-ჩაბარების აქტ(ებ)ის გაფორმების, ფორმა N2-ის წარმოდგენისა და საქართველოს კანონმდებლობით დადაგენილი შესაბამისი დოკუმენტების წარმოდგენიდან 10 (ათი) სამუშაო დღის განმავლობაში, შემდეგი პირობებით:

ეტაპობრივად შესრულებული სამუშაოების ანგარიშსწორება განხორციელდება ეტაპობრივად, „მიმწოდებლის“ მხრიდან, ორივე მხარის მიერ დადასტურებული, სამუშაოს შესრულების აქტის (ფორმა N3) და შესაბამისი ანგარიშფაქტურის წარმოდგენიდან 10 (ათი) სამუშაო დღის ვადაში. შემსყიდველი უფლებამოსილია ეტაპობრივად შესრულებული სამუშაოების ანგარიშსწორება განახორციელოს ხელშეკრულების მთლიანი ღირებულების არაუმეტეს 80%-ის ოდენობით.

შესრულებულ სამუშაოზე საბოლოო ანგარიშსწორება განხორციელდება ფაქტიურად შესრულებული სამუშაოების მოცულობის დამადასტურებელი დოკუმენტის (ფორმა N2) შესაბამისად, სსიპ ლევან სამხარაულის სახელობის სასამართლო ექსპერტიზის ეროვნული ბიუროს ან სხვა აკრედიტებული პირის (ორგანიზაციის) მიერ გაცემული დასკვნის საფუძველზე. მხარეთა შორის მიღება-ჩაბარების აქტის და შესაბამისი ანგარიშფაქტურის წარმოდგენიდან არაუგვიანეს 10 (ათი) სამუშაო დღის ვადაში (დასკვნის წარმოდგენის ვალდებულება ეკისრება მიმწოდებელს).

სამუშაოების (ან მისი ნაწილის) დასრულების თარიღად ჩაითვლება სსიპ ლევან სამხარაულის სახელობის სასამართლო ექსპერტიზის ეროვნული ბიუროს ან სხვა აკრედიტებული პირის (ორგანიზაციის) მიერ დადასტურებული ფორმა N2-ით შესრულებული სამუშაოებზე გაცემული დადებითი დასკვნის თარიღი (დასკვნის წარმოდგენის ვალდებულება ეკისრება მიმწოდებელს).

თეა ჯიბღაშვილი, 591201199, t.jibghashvili@mia.gov.ge

10.1.1 სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი წარმოდგენილი უნდა იქნას მოქმედი კანონმდებლობის შესაბამისად.
10.1.2 ტექნიკური დოკუმენტაციის უცხოურ ენაზე წარმოდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე.
10.1.3 პრეტენდენტს არა აქვს უფლება წარმოადგინოს ალტერნატიული სატენდერო წინადადება.
10.1.4 პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალური ინფორმაცია, საქართველოს შინაგან საქმეთა სამინისტროს მიერ „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის.
10.1.5 სამუშაოების წარმოების პროცესში, სამუშაოს ახალი პოზიცი(ებ)ის წარმოქმნის შემთხვევაში, შემსყიდევლის მხრიდან ცვლილება (ახალი პოზიციის დამატება) განხორციელდება სსიპ - ლევან სამხარაულის სახელობის სასამართლო ექსპერტიზის ეროვნული ბიუროს ან სხვა აკრედიტებული პირის მიერ გაცემული დასკვნით ან მშენებლობის შემფასებელთა კავშირის „სამშენებლო რესურსების ფასებით“ განსაზღვრული ფასის ფარგლებში, ხოლო ანაზღაურება განხორციელდება ექსპერტიზის დასკვნის შესაბამისად, ფაქტობრივი დანახარჯების მიხედვით, მაგრამ არაუმეტეს ხარჯთაღრიცხვაში მოცემული ერთეულის ღირებულებებისა.
დასკვნის წარმოდგენის ვალდებულება ეკისრება მიმწოდებელს.