Тракторы (Грузия - Тендер #63408270)

შპს „საქართველოს აეროპორტების გაერთიანების" მიერ, თამარ მეფის სახელობის მესტიის აეროპორტისათვის თვლიანი ტრაქტორის შესყიდვა.

•გამოშვების წელი: არაუადრეს 2020 (ახალი);
•კატეგორია: ბორბლებიანი;
•ბორბლების სახეობა: ყველგან მავალი;
•საწვავის ტიპი: დიზელი;
•ძრავის ნომინალური (rated / boost power) სიმძლავრე: არანაკლებ 132კვტ-180 ცხენის ძალა;
•გადაცემათა კოლოფი: ავტომატიკა/ნახევრად ავტომატიკა ან/და ვარიატორი;
•წამყვანი თვლები: 4x4;
•წინა საკიდი მკლავები ჰიდრავლიკური დგუშებით 2ც;
•წინა კარდნის აღმძრავი ლილვი;
•დატვირთვა წინა ღერძზე: არანაკლებ - 3000 კგ;
•დატვირთვა უკანა ღერძზე: არანაკლებ - 3600 კგ;
•ძრავის მოცულობა: არანაკლებ 6000 კბ/ სმ;
•კონდენციონერი, კლიმატკონტროლი (გათბობა გაგრილება);
•ჩასაბმელის ჰიდრო მუხრუჭი;
•ბატარეა 12 ვოლტი;
•საჭე ჰიდრო გამაძლიერებლით;
•აღჭურვილი უნდა იყოს უკანა ჰიდრავლიკური სარქველით არანაკლებ 2 წყვილი;
•აღჭურვილი უნდა იყოს წინა ჰიდრავლიკური სარქველით არანაკლებ 1 წყვილი;
•წინა დაკიდების ტვირთამწეობა: არანაკლებ - 3700კგ;
•უკანა დაკიდების ტვირთამწეობა: არანაკლებ - 8500 კგ.


შენიშვნა:
შესყიდვის ობიექტი უნდა იყოს ქარხნული, ახალი, ექსპლუატაციაში არნამყოფი.

შესყიდვის ობიექტის მიწოდება უნდა განხორციელდეს ხელშეკრულების გაფორმებიდან არაუმეტეს 180 (ასოთხმოცი) კალენდარული დღის ვადაში,

შესყიდვის ობიექტის მიწოდების ადგილია: მესტიის თამარ მეფის სახელობის აეროპორტი.

მიმწოდებელი საქონლის მიწოდებას უზრუნველყოფს საკუთარი ხარჯებით საქართველოს კანონმდებლობით განსაზღვრული ყველა სახის გადასახადის, მოსაკრებლის ჩათვლით, მათ შორის, შემსყიდველზე გადაფორმების ხარჯების ჩათვლით.

1.7.1.1 შესყიდვის ობიექტის საგარანტიო ვადა უნდა შეადგენდეს არანაკლებ 2000 მოტო (სამუშაო) საათს ან არანაკლებ 2 წელს (რომელიც უფრო ადრე დადგება). ამასთან, საგარანტიო მომსახურება უნდა განხორციელდეს მწარმოებლის მიერ გაცემული ქარხნული გარანტიის პირობების შესაბამისად. საგარანტიო მომსახურების ვადის ათვლა დაიწყება შესასყიდი საქონლის მიღება-ჩაბარების აქტის გაფორმებიდან.
1.7.1.2 ,,მიმწოდებლის“ მიერ საქონელი მოწოდებული უნდა იქნეს იმ გარანტიით, რომ შესყიდვის ობიექტი საგარანტიო ვადის პერიოდში, სწორი მოხმარების პირობებში არ გახდება უვარგისი ექსპლუატაციისათვის და შეინარჩუნებს კარგ საექსპლუატაციო თვისებებს. შესყიდვის ობიექტს არ უნდა გააჩნდეს ნივთობრივი ნაკლი.
1.7.1.3 მიწოდებული შესყიდვის ობიექტის საგარანტიო ვადის მოქმედების პერიოდში ხარვეზის, არაშემსყიდველის ბრალეულობით დაზიანების და დეფექტის მქონე საქონლის, მათ შორის საექსპლუატაციო თვისებების ვადაზე ადრე გაუარესების დაფიქსირების შემთხვევაში, შემსყიდველი უფლებამოსილია, მოითხოვოს გამოვლენილი ნაკლის ან ხარვეზის გამოსწორება (თუ ეს შესაძლებელია) ან საქონლის შეცვლა ახლით. აღნიშნულის შესახებ ,,შემსყიდველი“ ატყობინებს ,,მიმწოდებელს” წერილობით ან/და კომუნიკაციის ელექტრონული საშუალებებით (ელექტრონული ფოსტის მეშვეობით), მომწოდებლის ელექტრონულ სისტემაში მითითებულ რეკვიზიტებში მითითებულ ელ. ფოსტის მისამართზე.
1.7.1.4 საგარანტიო მომსახურების გაწევა უნდა განხორციელდეს საგარანტიო პერიოდის განმავლობაში, მობილური სერვის ჯგუფის მეშვეობით, ხოლო, აუცილებლობის შემთხვევაში, მიმწოდებელმა თავად უზრუნველყოს ტექნიკის შესაბამის სერვის ცენტრში ტრანსპორტირება და შეკეთების შემდეგ დაბრუნება.
1.7.1.5 გარანტია უნდა მოიცავდეს შესასყიდი საქონლის, როგორც დაზიანებული ნაწილის ახლით შეცვლას, ისე სერვისს.
1.7.1.6 მიმწოდებელმა საგარანტიო მომსახურების საჭიროების შემთხვევაში, პირველადი დიაგნოსტიკური შემოწმება და შეკეთება უნდა განახორციელოს შეტყობინებიდან არაუგვიანეს 3 (სამი) სამუშაო დღის ვადაში, ხოლო, დეტალის იმპორტის აუცილებლობის შემთხვევაში შეკეთება უნდა განხორციელდეს შემსყიდველთან შეთანხმებით გონივრულ ვადაში, მაგრამ არაუმეტეს 30 კალენდარული დღისა.
1.7.1.7 მხარეთა შეთანხმების გაგზავნის მომდევნო დღიდან აითვლება წუნდებული საქონლის ხარვეზის გამოსწორების ან შეცვლის შემსყიდველთან შეთანხმებული გონივრული ვადა

2.1.1.1 შემოთავაზებული ტექნიკა უნდა იწარმოებოდეს ევროკავშირის ან/და ეკონომიკური თანამშრომლობისა და განვითარების ორგანიზაციის (OECD) წევრ ქვეყანაში.
2.1.1.2 პრეტენდენტმა სატენდერო წინადადებასთან ერთად, სისტემის მეშვეობით უნდა წარმოადგინოს მწარმოებლის მიერ გაცემული წერილობითი ინფორმაცია ან ვებბმული (ლინკი), რომელიც დაადასტურებს, რომ შემოთავაზებული ტექნიკის (ტრაქტორი) სავაჭრო ნიშანი (ბრენდი) საერთაშორისო ბაზარზე, შესაბამის სფეროში (ტრაქტორების წარმოება), ოპერირებს არანაკლებ 5 წელი.
2.1.1.3 პრეტენდენტის მიერ წარმოდგენილ უნდა იქნეს მწარმოებლის მიერ გაცემული ინფორმაცია/დოკუმენტი ან/და ვებ-ბმული შემოთავაზებული საქონლის მწარმოებლის ოფიციალური ვებ- გვერდიდან, ან კატალოგიდან, რომელიც დაადასტურებს ტექნიკური დავალების შესაბამისად შემოთავაზებული საქონლის შესაბამისობას სატენდერო დოკუმენტაციით განსაზღვრულ მოთხოვნებთან.

შ ე ნ ი შ ვ ნ ა: იმ შემთხვევაში, თუ პრეტენდენტის მიერ მწარმოებლის ოფიციალური ვებ-გვერდიდან წარმოდგენილ ლინკზე მოცემული ინფორმაცია იქნება ინგლისურ ენოვანი, მისი თარგმნა არ არის აუცილებელი. უცხოენოვანი დოკუმენტ(ებ)ის წარმოდგენის შემთხვევაში, მას უნდა დაერთოს საქართველოს მოქმედი კანონმდებლობის შესაბამისად დამოწმებული თარგმანი ქართულ ენაზე, გარდა შენიშვნით გათვალისწინებული შემთხვევებისა.


2.1.1.4 პრეტენდენტმა სატენდერო დოკუმენტაციის ფასების ცხრილის საშუალებით უნდა წარმოადგინოს ინფორმაცია შემოთავაზებული საქონლის წარმოშობის ქვეყნის, მწარმოებლის ან/და ბრენდის და მოდელის შესახებ.
2.1.1.5 წარმოშობის ქვეყნის, მწარმოებლის ან/და ბრენდის და მოდელის შესახებ ინფორმაციის წარმოუდგენლობა გამოიწვევს პრეტენდენტის დისკვალიფიკაციას ყოველგვარი დაზუსტების გარეშე, გარდა იმ შემთხვევისა თუ სატენდერო დოკუმენტაციის მოთხოვნ(ებ)ის შესაბამისად, წარდგენილი ინფორმაცია არასრულყოფილია ან შეიცავს უზუსტობებს, თუმცა პრეტენდენტის მიერ სატენდერო წინადადების სახით წარდგენილი დოკუმენტ(ებ)ის/ინფორმაციის ერთობლიობით, მათი შეფასების ანალიზისა და ურთიერთშეჯერების საფუძველზე შესაძლებელია შესყიდვის ობიექტის სასაქონლო ნიშნის, პატენტის, მოდელის, წარმოშობის წყაროს ან მწარმოებლის იდენტიფიკაცია.

2.2.1.1 პრეტენდენტს, 2019 წლიდან წინამდებარე ელექტრონული ტენდერის გამოცხადების თარიღამდე უნდა გააჩნდეს მსგავსი ტიპის (ტრაქტორების) ახალი ტექნიკის მიწოდების გამოცდილება, არანაკლებ ტენდერით გათვალისწინებული შესყიდვის ობიექტის სავარაუდო ღირებულებისა. ინფორმაციის დადასტურების მიზნით, სისტემაში უნდა აიტვირთოს ხელშეკრულებები და ამ ხელშეკრულებების ფარგლებში შესყიდვის ობიექტის ჩაბარების დამკვეთის მხრიდან დადასტურებელი დოკუმენტები. იმ შემთხვევაში, თუ აღნიშნულის დამადასტურებელი დოკუმენტები სრულად ატვირთულია ერთიან ელექტრონულ სისტემაში საკმარისია მხოლოდ მითითება შესაბამის რეგისტრაციის ნომრებზე (მაგ: NAT/CMR/SPA და ა.შ).

4.1.1.1 იმ შემთხვევაში, თუ პრეტენდენტის მიერ სისტემაში დაფიქსირებული საბოლოო ფასი 20%- ით ან მეტით არის დაბალი შესყიდვის ობიექტის სავარაუდო ღირებულებაზე, პრეტენდენტმა უნდა წარმოადგინოს საშემფასებლო ან აუდიტის ან ექსპერტიზის დასკვნა. დასკვნასთან ერთად ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტ(ებ)ი.

4.1.1.2 სსიპ „ლევან სამხარაულის სახელობის ექსპერტიზის ეროვნული ბიუროს" მიერ გაცემული დასკვნის შემთხევაში, დასკვნის გამცემი პირის (როგორც დასკვნის გამცემი კომპანია ასევე დასკვნაზე ხელმომწერი პირები) შესაბამისი უფლებამოსილების/აკრედიტაციის დამადასტურებელი დოკუმენტის წარმოდგენა არ მოითხოვება.

4.1.1.3 ექსპერტიზის დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.

5 Процентов

10 Процентов

საბანკო გარანტიის მოქმედების ვადა სულ მცირე 30 კალენდარული დღით უნდა აღემატებოდეს ხელშეკრულების მოქმედების ვადას.

ხელშეკრულების შესრულების უზრუნველყოფის გარანტია წარმოდგენილი უნდა იქნას საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან შემსყიდველთან შეთანხმებული ფორმის მიხედვით ეროვნულ ვალუტაში - ლარში (ან უცხო ქვეყნის საბანკო დაწესებულებიდან, რომელიც გადაზღვეული იქნება საქართველოს ეროვნული ბანკის მიერ ლიცენზირებული საბანკო დაწესებულების მიერ). გარანტია უნდა იყოს უპირობო და გამოუთხოვადი.

პრეტენდენტის მიერ წარმოდგენილ ხელშეკრულების შესრულების უზრუნველყოფის გარანტიაში არ უნდა იყოს მითითებული, რომ გარანტია მცირდება შესრულების პროპორციულად.

იმ შემთხვევაში, თუ ხელშეკრულების ღირებულება არ აღემატება 200 000 ლარს, საბანკო გარანტია არ მოითხოვება.

ანგარიშსწორების საფუძველია მხარეების უფლებამოსილი პირების მიერ გაწეულ მომსახურებაზე გაფორმებული მიღება-ჩაბარების აქტი და კანონმდებლობით გათვალისწინებული საგადასახადო დოკუმენტაცია (არსებობის შემთხვევაში).

ანგარიშსწორება განხორციელდება მხარეთა შორის მიღება–ჩაბარების აქტის გაფორმებისა და კანონმდებლობით გათვალისწინებული საგადასახადო დოკუმენტაციის (არსებობის შემთხვევაში) წარმოდგენიდან 10 (ათი) სამუშაო დღის ვადაში.

ანნა გენელიძე, 577343332, a.genelidze@airports.ge

დამატებითი ინფორმაცია ელექტრონულ ტენდერში მონაწილეთათვის:
• ელექტრონულ ტენდერთან დაკავშირებული ყველა დოკუმენტი და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე.
• სახელმწიფო შესყიდვების ერთიან ელექტრონულ სისტემაში ატვირთული დოკუმენტი ან/და ინფორმაცია დადასტურებული უნდა იყოს უფლებამოსილი პირის მიერ კვალიფიციურად, ელექტრონული ხელმოწერით.
• პრეტენდენტს არა აქვს უფლება წარმოადგინოს ალტერნატიული სატენდერო წინადადება.
• სატენდერო წინადადებაში საერთო და ერთეულის ფასი გამოსახულ უნდა იყოს ყველა ხარჯის გათვალისწინებით (დღგ-ს გარეშე).
• სატენდერო წინადადების საერთო და ერთეულის ფასების წარმოდგენა დასაშვებია მხოლოდ ეროვნულ ვალუტაში - ლარი.