Мотоциклы, велосипеды и мотоциклы с коляской (Грузия - Тендер #63408264)

ქალაქ თბილისის მუნიციპალიტეტის მერიის უსაფრთხოების საქალაქო სამსახურისთვის ელექტრო ტრიციკლების სახელმწიფო შესყიდვა.

1.2.1 შესყიდვის ობიექტის ტექნიკური მახასიათებლები:
1.2.1.1 სიმძლავრე: არანაკლებ 800W;
1.2.1.2 ბატარეა: არანაკლებ 72V/20Ah (ლითიუმი);
1.2.1.3 გამავლობა: არანაკლებ 50კმ;
1.2.1.4 მაქსიმალური სიჩქარე: არანაკლებ 25 კმ/სთ და არაუმეტეს 45 კმ/სთ;
1.2.1.5 ადგილების რაოდენობა: არანაკლებ 2;
1.2.1.6 ბორბლების რაოდენობა: წინ 1 და უკან 2;
1.2.1.7 ტვირთამწეობა: არანაკლებ 200კგ;
1.2.1.8 ბატარეის დატენვის დრო: არაუმეტეს 10 სთ;
1.2.1.9 დისტანციური დასაქოქი პულტი - კი;
1.2.1.10 ციმციმა - კი;
1.2.1.11 სიგნალიზაცია - კი;
1.2.1.12 სასიგნალო ღილაკი - კი;
1.2.1.13 შორი და ახლო განათება - კი;
1.2.1.14 საქარე მინის საწმენდი - კი;
1.2.1.15 მარჯვენა და მარცხენა გვერდითა ხედვის სარკეები - კი;
1.2.1.16 სიჩქარე: არანაკლებ 3;
1.2.1.17 ტრიციკლი უნდა იყოს გადახურული.

1.2.2 რაოდენობა: 4 (ოთხი) ცალი.
1.2.3 ელექტრო ტრიციკლს კომპლექტში უნდა მოყვებოდეს დამტენი.
1.2.4 ელექტრო ტრიციკლს დამატებით უნდა მოყვებოდეს 1 (ერთი) ცალი შემოთავაზებულ შესყიდვის ობიექტთან თავსებადი ბატარეა.
1.2.5 თითოეულ შესყიდვის ობიექტზე გაკეთებული უნდა იყოს მანათობელი წარწერა „უსაფრთხოების სამსახური" და ქალაქ თბილისის ლოგო. წარწერის და ლოგოს ესკიზი, საერთო ზომები, ფერი, შრიფტის სიმაღლე უნდა დაზუსტდეს შემსყიდველთან.
1.2.6 შემოთავაზებული პროდუქციის ტექნიკური მახასიათებლების შესახებ ინფორმაციის გადამოწმების უზრუნველსაყოფად, პრეტენდენტის მიერ წარმოდგენილ უნდა იქნას შემოთავაზებული პროდუქციის მწარმოებლის მიერ გაცემული წერილი.

ხელშეკრულების ძალაში შესვლიდან არაუგვიანეს 120 (ას ოცი) კალენდარული დღისა.

ქ. თბილისი, ჟ. შარტავას ქ. N7.

1.7.1.1 მიმწოდებელი იღებს ვალდებულებას, რომ მიწოდებული საქონლის ხარისხი უპასუხებს ხელშეკრულებით გათვალისწინებულ პირობებს და დააკმაყოფილებს შემსყიდველის მოთხოვნებს.
1.7.1.2 შემოთავაზებული საქონელი უნდა იყოს ახალი და უნაკლო.
1.7.1.3 საგარანტიო ვადა შეადგენს:
1.7.1.3.1 ელექტრო ტრიციკლზე - მიღება-ჩაბარების აქტის გაფორმებიდან 1 (ერთი) წელს, გარდა ბატარეისა;
1.7.1.3.2 ბატარეაზე - მიღება-ჩაბარების აქტის გაფორმებიდან 6 (ექვსი) თვეს.
1.7.1.4 საგარანტიო პერიოდში, მიწოდებული საქონლის მიერ წუნის/დეფექტის/ხარვეზის გამოვლენის შემთხვევაში, მიმწოდებელი ვალდებულია შემსყიდველის დავალებიდან არაუგვიანეს 10 (ათი) სამუშაო დღის განმავლობაში საკუთარი ხარჯებით შეაკეთოს ან შეცვალოს ახლით წუნის/დეფექტის/ხარვეზის მქონე საქონელი. მიმწოდებელი უფლებამოსილია შესაბამისი დადასტურებული ობიექტური გარემოების შემთხვევაში, გაახანგრძლივოს აღნიშნული ვადა გონივრული ოდენობით, რის შესახებაც უნდა აცნობოს შემსყიდველს.
1.7.1.5 თუ შესყიდვის ობიექტს მიწოდებიდან 30 (ოცდაათი) კალენდარული დღის განმავლობაში აღმოაჩნდება საწარმოო დეფექტი ძირითად აგრეგატზე (ძრავა, რედუქტორი, კონტროლერი, ბატარეა) მიმწოდებელი ვალდებულია დაზიანებული დეტალი შეცვალოს ახლით ან ჩაანაცვლოს ახალი ტრიციკლით, საწარმოო დეფექტის დადგენიდან 90 (ოთხმოცდაათი) კალენდარული დღის განმავლობაში, თუ აღნიშნულ ტრიციკლს არ გააჩნია საწარმოო დეფექტის გარდა სხვა დაზიანება.
1.7.1.6 წუნის/დეფექტის/ხარვეზის გამო შეკეთების ან ახლით შეცვლის შემთხვევაში, შესყიდვის ობიექტის ტრანსპორტირება უნდა უზრუნველყოს მიმწოდებელმა.

2.1.1.1 პრეტენდენტი ვალდებულია ფასების ცხრილში (დანართი N1) მიუთითოს შემოთავაზებული შესყიდვის ობიექტის მწარმოებელი ან/და სავაჭრო ნიშანი და მარკა ან/და მოდელი.
2.1.1.2 პრეტენდენტის მიერ 2.1.1.1 პუნქტით გათვალისწინებული ინფორმაციის წარმოუდგენლობა დაზუსტებას არ დაექვემდებარება და გამოიწვევს მის დისკვალიფიკაციას.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის (საშემფასებლო) დასკვნა (დასკვნასთან ერთად წარმოდგენილ უნდა იქნას შესაბამისი უფლებამოსილების დამადასტურებელი დოკუმენტი), რომლებშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული შესყიდვის ობიექტის მიწოდების შესაძლებლობა.
დასკვნის წარმოუდგენლობა ან უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული წესის მე-18 მუხლის მე-6, მე-7 პუნქტებისა და 28-ე მუხლის 1-ელი, მე-2, მე-3, მე-5, მე-6 და მე-7 პუნქტებით განსაზღვრული წესები.

ანგარიშსწორება მოხდება უნაღდო ანგარიშსწორებით ლარში, 2025 წლის ადგილობრივი ბიუჯეტის სახსრებით.

ფაქტიურად მიწოდებული შესყიდვის ობიექტის შესაბამისად, მიღება–ჩაბარების აქტის გაფორმებიდან 10 (ათი) სამუშაო დღის განმავლობაში.

სოფიკო ცუხიშვილი, 598340929, s.tsukhishvili@tbilisi.gov.ge , ტექნიკურ საკითხებთან დაკავშირებით საკონტაქტო პირი - დავით კუტალაძე; მობ: 577157547; ელ-ფოსტა: d.kutaladze@tbilisi.gov.ge.

10.1.1 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3 სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი ან/და ინფორმაცია ხელმოწერილი უნდა იყოს უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა ან რწმუნებულება). პრეტენდენტის მიერ სახელმწიფო შესყიდვების ერთიან ელექტრონულ სისტემაში ატვირთული სატენდერო დოკუმენტაციის დანართ N1-ის (ფასების ცხრილი/მომსახურების ხარჯთაღრიცხვა/პრეისკურანტი) შესაბამისი ინფორმაცია წარმოდგენილ უნდა იქნეს MS Excel-ის ფორმატის ფაილის სახით, რომელიც არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს), ხოლო პრეტენდენტის მიერ ტენდერის ფარგლებში შედგენილ სხვა დოკუმენტაციაზე სავალდებულოა კვალიფიციური ელექტრონული ხელმოწერის შესრულება ან კვალიფიციური ელექტრონული შტამპის დასმა.
10.1.4 იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება. ამასთან, ტექნიკურ დავალებაში მოცემული პარამეტრები არის შემსყიდველის მიერ დადგენილი მინიმალური მოთხოვნები, რომელსაც უნდა აკმაყოფილებდეს პრეტენდენტის მიერ შემოთავაზებული შესყიდვის ობიექტი.
10.1.5 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.6 პრეტენდენტს არ აქვს უფლება წარმოადგინოს ალტერნატიული სატენდერო წინადადება.

10.1.7 პრეტენდენტის მიერ ერთიან ელექტრონულ სისტემაში ასატვირთი მონაცემები:
10.1.7.1 ფასების ცხრილი (დანართი N1) MS Excel-ის ფორმატის ფაილის სახით, სატენდერო დოკუმენტაციის 2.1.1.1 პუნქტით მოთხოვნილი ინფორმაციის გათვალისწინებით;
10.1.7.2 მწარმოებლის მიერ გაცემული წერილი სატენდერო დოკუმენტაციის 1.2.6 პუნქტის შესაბამისად.