Структурные продукты (Грузия - Тендер #63189568)

ხარაჩოს ასაგები მასალების სახელმწიფო შესყიდვა

შესყიდვის ობიექტის დასახელება, სპეციფიკაცია, განზომილების ერთეული და რაოდენობა განისაზღვრება სატენდერო დოკუმენტაციის დანართი N2-ის (ტექნიკური დავალება) შესაბამისად.

ხელშეკრულების გაფორმებიდან არაუგვიანეს 2025 წლის 30 მაისის ჩათვლით.

საქონლის მიწოდებას უზრუნველყოფს მიმწოდებელი საკუთარი ხარჯებით (საქართველოს კანონდმებლობით განსაზღვრული ყველა სახის გადასახადის, მოსაკრებლის ჩათვლით, მათ შორის, განბაჟების ხარჯების ჩათვლით).
მიწოდების ადგილი: ქ. გარდაბანი, დ. აღმაშენებლის ქ. N2ბ, შპს „გარდაბნის თბოსადგური“.

2.1.1.1. პრეტენდენტმა მის მიერ წარმოდგენილ ფასების ცხრილში (დანართი N1) უნდა მიუთითოს ინფორმაცია შემოთავაზებული საქონლის წარმოშობის ქვეყნისა და მწარმოებლის (ან/და სასაქონლო ნიშნის) შესახებ.
2.1.1.2. პრეტენდენტის მიერ ფასების ცხრილში (დანართი N1) შემოთავაზებული საქონლის წარმოშობის ქვეყნის ან/და მწარმოებლის (ან სასაქონლო ნიშნის) შესახებ ინფორმაციის წარმოუდგენლობა გამოიწვევს მის დისკვალიფიკაციას.

2.7.1.1. პრეტენდენტმა სატენდერო წინადადებასთან ერთად უნდა წარმოადგინოს დანართი N1-ის ყველა პოზიციაზე შემოთავაზებული საქონლის მწარმოებლის მიერ ოფიციალურად დეკლარირებული ინფორმაცია (მაგ: ტექნიკურ მონაცემთა ფურცელი (Technical Data Sheet (TDS)) ან/და მწარმოებლის წერილი ან/და მისაწოდებელი საქონლის კატალოგი (დასაშვებია ამონარიდი კატალოგიდან) ან/და პასპორტი ან/და ბმული მწარმოებლის ოფიციალური საიტიდან, ამობეჭდილი და ნათარგმნი ქართულ ენაზე), რომელშიც განსაზღვრული იქნება სატენდერო დოკუმენტაციის დანართი N2-ით განსაზღვრული საქონლის ტექნიკური მახასიათებლები. არ არის აუცილებელი აღნიშნული დოკუმენტ(ებ)ი მოიცავდეს ინფორმაციას სტანდარტების შესახებ.

მოწოდებულ საქონელს თან უნდა ახლდეს ტესტირების სერტიფიკატი, რომელიც ტესტირების შედეგებთან ერთად უნდა მოიცავდეს სტანდარტებთან დაკავშირებულ ინფორმაციას.

4.1.1.1. იმ შემთხვევაში, თუ ელექტრონულ ტენდერში პრეტენდენტის მიერ დაფიქსირებული წინადადების საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტმა უნდა დაასაბუთოს ფასწარმოქმნის ადეკვატურობა. ფასწარმოქმნის ადეკვატურობა, შესაძლებელია დასაბუთდეს სსიპ "ლევან სამხარაულის სახელობის სასამართლო ექსპერტიზის ეროვნული ბიუროს" ან/და საქართველოს კანონმდებლობით განსაზღვრული უფლებამოსილების/აკრედიტაციის მქონე პირის/ორგანოს მიერ გაცემული საექსპერტო ან/და აუდიტორული დასკვნით;
4.1.1.2. ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებულ წინადადების ფასთან (ფასების ცხრილის ჯამურ ღირებულებასთან), ასევე, ფასების ცხრილის ერთეულებთან მიმართებით;
4.1.1.3. პრეტენდენტის მიერ დასკვნასთან ერთად დამატებით წარმოდგენილი უნდა იქნას დასკვნის გამცემი პირის/ორგანოს შესაბამისი უფლებამოსილების/აკრედიტაციის დამადასტურებელი დოკუმენტ(ებ)ი.

შესაძლებელია განხორციელდეს წინასწარი ანგარიშსწორება (ავანსი) მთლიანი სახელშეკრულებო ღირებულების არაუმეტეს 60%-ის ოდენობით, მიმწოდებლის მიერ წარმოდგენილი საავანსოდ გადასარიცხი თანხის იდენტური ოდენობის, საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიის მიერ გაცემული, უპირობო და გამოუთხოვადი საბანკო გარანტიის საფუძველზე. აღნიშნული საბანკო გარანტია წარმოდგენილ უნდა იყოს ლარში და მოქმედების ვადა არანაკლებ 30 (ოცდაათი) კალენდარული დღით უნდა აღემატებოდეს ხელშეკრულების მოქმედების ვადას.

საბანკო გარანტია წარმოდგენილ უნდა იქნას დანართი №4.1-ის (საავანსო გადახდის საგარანტიო უზრუნველყოფა/ნიმუში) არსებითი პირობების დაცვით.

საბოლოო ანგარიშსწორებისას, მიმწოდებლისთვის გადასახდელი თანხიდან შემსყიდველი გამოქვითავს გადახდილი საავანსო თანხის მთლიან მოცულობას.

ანგარიშსწორება მიმწოდებელთან განხორციელდება ეროვნულ ვალუტაში - ლარში, უნაღდო ანგარიშსწორების ფორმით, საქონლის მიწოდებიდან და ხელშეკრულებით განსაზღვრული დოკუმენტების წარმოდგენიდან.

ანგარიშსწორება განხორციელდება მიმწოდებლის მიერ ფაქტობრივად მიწოდებული საქონლის შესაბამისად, ხელშეკრულებით გათვალისწინებული დოკუმენტების საფუძველზე, მათი წარმოდგენიდან არაუგვიანეს 10 (ათი) სამუშაო დღის ვადაში.

ლევან ფულარიანი, 577585544, l.pulariani@gardabanitpp.ge

დამატებითი ინფორმაცია (10.1)
10.1.1. პრეტენდენტს არა აქვს უფლება წარმოადგინოს ალტერნატიული წინადადება;
10.1.2. საქონლის მიწოდებას უზრუნველყოფს მიმწოდებელი საკუთარი ხარჯებით;
10.1.3. შესყიდვების ერთიან ელექტრონულ სისტემაში (შემდგომში - სისტემა) წინადადების ფასი დაფიქსირებულ უნდა იყოს ეროვნულ ვალუტაში, საქართველოს კანონმდებლობით განსაზღვრული ყველა გადასახადის გათვალისწინებით დღგ-ს გარდა;
10.1.4. წინადადების ფასად განიხილება სისტემის მეშვეობით შესყიდვის ელექტრონული ტენდერის შესაბამის ველში დაფიქსირებული ფასი;
10.1.5. ხარჯები, რომლებიც სატენდერო წინადადების ფასში არ იქნება გათვალისწინებული, არ დაექვემდებარება ანაზღაურებას;
10.1.6. შემსყიდველი ორგანიზაციის მიერ ხელშეკრულების ღირებულებაში გათვალისწინებული იქნება წინადადების ფასის დღგ-ს შესაბამისი ოდენობა, თუ ხელშეკრულების დადების მომენტისათვის პრეტენდენტი არის დღგ-ს გადამხდელი საქართველოს კანონმდებლობის შესაბამისად;
10.1.7. პრეტენდენტის მიერ დაშვებული მექანიკური შეცდომა (არასწორი ჯამის ან ნამრავლის მითითება, სიტყვიერი და ციფრობრივი გამოსახულების შეუსაბამობა) შესაძლებელია გასწორდეს დაზუსტების გარეშე, ერთეულის ფასის უპირატესობის პრინციპის გათვალისწინებით, იმ შემთხვევაში თუ აღნიშნული არ აღემატება სისტემის შესაბამის ველში დაფიქსირებულ ფასს;
10.1.8. გამარჯვებულ პრეტენდენტთან ხელშეკრულება გაფორმდება ლარში;
10.1.9. პრეტენდენტს უფლება აქვს წარმოადგინოს მხოლოდ ერთი სატენდერო წინადადება;
10.1.10. ელექტრონულ სისტემაში ატვირთული პრეტენდენტის მიერ შექმნილი ყველა დოკუმენტი ან/და ინფორმაცია ,,ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად, სავალდებულოა დამოწმებული/დადასტურებული იყოს კვალიფიციური ხელმოწერით ან/და კვალიფიციური შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
10.1.11. ,, ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნტქით გათვალისწინებული ვალდებულება არ ვრცელდება სახელმწიფო შესყიდვების ერთიან ელექტრონულ სისტემაში „მიმწოდებლად“ რეგისტრირებულ არარეზიდენტ მომხმარებლებზე.
10.1.12. სატენდერო დოკუმენტაციაში განსაზღვრულ შესასყიდ საქონელზე, სადაც მითითებული იქნება კონკრეტული სასაქონლო ნიშანი, მოდელი, წარმოშობის წყარო ან მწარმოებელი (ასეთის არსებობის შემთხვევაში) იგულისხმება „მსგავსი,“ „ანალოგი“ ან „ეკვივალენტური“.
10.1.13. სატენდერო დოკუმენტაციით მოთხოვნილი, სისტემაში ასატვირთი ყველა დოკუმენტ(ებ)ი წარმოდგენილ უნდა იქნეს ქართულ ენაზე; დოკუმენტების და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი;
10.1.14. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული „ელექტრონული ტენდერის ჩატარების წესის“ მე-8 მუხლით დადგენილი წესის შესაბამისად;
10.1.15. შემსყიდველ ორგანიზაციასა და პრეტენდენტს შორის ნებისმიერი მიმოწერა/შეტყობინების გაგზავნა ხდება სისტემის შესაბამისი მოდულის მეშვეობით და სისტემის გამოყენების გარეშე მიმოწერა/შეტყობინება სავალდებულო არ არის. მიმოწერა/შეტყობინება მიღებულად ჩაითვლება მისი სისტემაში ატვირთვის მომენტიდან;