Фармацевтические продукты (Грузия - Тендер #63189557)

კომბინირებული ოთხმაგი სწრაფი თვისობრივი ტესტ-სისტემები

ტესტ სისტემა კომბინირებული ოთხმაგი სწრაფი თვისობრივი HIV,HCV, HBsAg, Syphilis - კომბინირებული სწრაფი, მარტივი ტესტ-ნაკრები, აივ I და II ტიპის (HIV I/II), C ჰეპატიტის (HCV) და სიფილისის (Syphilis) საწინააღმდეგო ანტისხეულების, B ჰეპატიტის ზედაპირული ანტიგენის (HBsAg) და ხარისხობრივი განსაზღვრისთვის ქრომატოგრაფიულ იმუნო-ანალიზის მეთოდით. შესაბამისი ნიმუში: თითზე ჩხვლეტის გზით შეგროვებული კაპილარული მთლიანი სისხლი, ვენური მთლიანი სისხლი, სისხლის შრატი და პლაზმა. თითოეულ შეფუთულ ტესტ-კასეტას უნდა ქონდეს ინდივიდუალური ველი ნიმუშებისათვის და შეიცავდეს ჩართულ შიდა კონტროლებს. ყველა ინფექციებზე სენსიტიურობა და სპეციფიურობა არანაკლებ 99%; სანდოობის ინტერვალი არანაკლებ 95%; შედეგის დრო - არა უმეტეს 20 წუთი. შესაძლებელია შედეგების ვიზუალური ინტერპრეტაცია და ინტერპრეტაციისთვის არ საჭიროებს დამატებით მოწყობილობებს. ტესტ-ნაკრების შენახვის მინიმალური ტემპერატურული დიაპაზონი 4-30°C. უსაფრთხო შეფუთვა.

რაოდენობა - 25 000 ცალი

ხელშეკრულების გაფორმებიდან ეტაპობრივად, შემსყიდველის წერილობითი მოთხოვნის საფუძველზე, მოთხოვნიდან არაუგვიანეს 30 (ოცდაათი) კალენდარული დღის ვადაში. საბოლოო მოწოდების ვადაა არაუგვიანეს 2025 წლის 30 ნოემბერი.

• საქონლის მოწოდება უნდა განხორციელდეს INCOTERMS-2010-ით დადგენილი წესების თანახმად, DDP საწყობის პირობით შედეგ მისამართზე: ქ.თბილისი, კახეთის გზატკ. #99;
• „საქონელი“ წარმოდგენილი უნდა იყოს მწარმოებლის შესაბამისი ორიგინალი შეფუთვით და მწარმოებლის მიერ დადგენილი შენახვის პირობების დაცვით.
• „საქონლის“ უვარგისობის შემთხვევაში „მიმწოდებელი“ სრულად და დროულად უზრუნველყოფს უვარგისი პროდუქციის შეცვლას, ამასთან აანაზღაურებს შესაძლო მიყენებულ ზარალს.
• „მიმწოდებელი“ ვალდებულია მიწოდებული „საქონლის“ წუნდების შესახებ წერილობითი შეტყობინების მიღებიდან არაუმეტეს 30 (ოცდაათი) დღეში განახორციელოს წუნდებული „საქონლის“ შეცვლა “შემსყიდველის” მხრიდან რაიმე დამატებითი დანახარჯის გაწევის გარეშე.
• მისაწოდებელი „საქონლის“ ხარისხი უნდა შეესაბამებოდეს სატენდერო წინადადებით წარმოდგენილ ინფორმაციას და გათალისწინებული უნდა იყოს ყველა ის გარემოება, რამაც შეიძლება ხარისხზე გავლენა მოახდინოს.

საქონლის ვარგისიანობის ვადა: არანაკლებ 2 წელი მოწოდებისას, მაგრამ საერთო ვარგისიანობის ვადის არანაკლებ 70% მიწოდების მომენტში.

წარმოშობის ქვეყნის, მწარმოებელი კომპანიისა და მწარმოებლის კატალოგის ნომრის შესახებ ინფორმაციის წარმოდგენა სავალდებულოა და წარმოდგენილი უნდა იყოს ფასების ცხრილის დანართი #1-ის შესაბამისად.

პრეტენდენტმა უნდა წარმოადგინოს:

1. დოკუმენტი მისაწოდებელი „საქონლის“ საქართველოში რეგისტრაციის შესახებ;

ან

წერილობითი ვალდებულება რომ მოწოდებამდე განახორციელებს „საქონლის„ რეგისტრაციას;

2. მოთხოვნილ პროდუქციასთან მიმართებაში წარმოდგენილ უნდა იქნას სრული ინფორმაცია (მაგ.: ინსტრუქცია გამოყენების შესახებ, ან კატალოგი, ან ბუკლეტი, ან ამონაბეჭდი მწარმოებლის „WEB“ გვერდიდან / ელექტრონული ფაილი და სხვ.). წარმოდგენილი ინფორმაცია უნდა იძლეოდეს შესაბამისობის დადგენის შესაძლებლობას როგორც მოთხოვნილ ტექნიკურ პარამეტრებთან, მახასიათებლებთან და სპეციფიკაციასთან, ისე პრეტენდენტის მიერ შემოთავაზებულ პროდუქციასთან.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%‐ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია წარმოადგინოს ფასწარმოქმნის ადეკვატურობის დამადასტურებელი ინვოისი ან/და სასაქონლო ზედნადები (რომელიც გაცემულია 2022 წლის 1 იანვრის შემდეგ) შესაძენი/შეძენილი მასალების შესახებ და დამატებითი წერილი მხოლოდ იმ შემთხვევაში თუ პრეტენდენტი საკუთარი ძალებით ახორციელებს თანმდევი მომსახურების გაწევას.

• ანგარიშსწორების ფორმა: იქნება უნაღდო ანგარიშსწორება.
• ანგარიშსწორება განხორციელდება, ეროვნულ ვალუტაში მიმწოდებლის საბანკო ანგარიშზე მიღება-ჩაბარების აქტის შესაბამისად 10 სამუშაო დღის ვადაში.

ფაქტიურად მიწოდებული „საქონლის“ ანგარიშსწორება განხორციელდება მიღება-ჩაბარების აქტის გაფორმებიდან 10 სამუშაო დღის ვადაში.

თამარი მანაგაძე, 592150804, Tamari.Managadze@ncdc.ge ელექტრონული ტენდერისთვის ტენდერის სტატუსის „გამოცხადებულია“ მინიჭებიდან ტენდერის სტატუსის „წინადადებების მიღება დაწყებულია“ მინიჭებამდე, სისტემაში „მიმწოდებლად“ რეგისტრირებულ ნებისმიერ მომხმარებელს უფლება აქვს, სისტემაში არსებული „კითხვა-პასუხის“ მოდულის მეშვეობით, მოითხოვოს სატენდერო პირობების კონკრეტული ჩანაწერის განმარტება. სატენდერო კომისია კითხვის დასმიდან არაუგვიანეს მომდევნო სამუშაო დღისა, „კითხვა-პასუხის“ მოდულის მეშვეობით, გააკეთებს შესაბამის განმარტებას. აღნიშნულით შესაძლებელია იხელმძღვანელოს ნებისმიერმა დაინტერესებულმა პირმა.

სახელმწიფო შესყიდვების ერთიან ელექტრონულ სისტემაში სატენდერო წინადადების ტექნიკური დოკუმენტაციისა და სატენდერო წინადადების ფასი წარდგენით „პრეტენდენტი“ ავტომატურად გამოხატავს თანხმობას და უზრუნველყოფს ამ პუნქტის „ა“-„თ“ ქვეპუნქტებში განსაზღვრულ მოთხოვნების შესრულებას:

ა. პრეტენდენტის მიერ წარმოდგენილ ფასების ცრილში, ერთეულის ღირებულება (ლარი) უნდა განისაზღვროს მეასედის სიზუსტით.
ბ. პრეტენდენტის მიერ სატენდერო წინადადების (დოკუმენტაცია) წარმოდგენა დასაშვებია უცხო ენაზე, ასეთ შემთხვევაში უცხოენოვან დოკუმენტაციას უნდა ახლდეს ქართულენოვანი და ნოტარიულად დამოწმებული თარგმანი.
გ. სატენდერო წინადადებაში საერთო ფასი (ეროვნული ვალუტა) გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით და პრეტენდენტის მიერ წარმოდგენილ ფასების ცრილში.
დ. ანგარიშსწორების ფორმა იქნება უნაღდო ანგარიშსწორება. ანგარიშსწორება განხორციელდება, ეროვნულ ვალუტაში მიმწოდებლის საბანკო ანგარიშზე თანხის გადარიცხვით.
ე. ანგარიშსწორების ფორმა - უნაღდო ანგარიშსწორება. ანგარიშსწორება განხორციელდება ლარებში. ანგარიშსწორების განხორციელდება ფაქტიურად მიწოდებული „საქონლის" შესაბამისად. მიღება-ჩაბარების აქტის შესაბამისად, 10 სამუშაო დღის განმავლობაში.
ვ. მიმწოდებელმა უნდა წარმოადგინოს შესაბამისი ხარისხის დამადასტურებელი დოკუმენტები.
ზ. მოწოდებული პროდუქციის ტრანსპორტირება უნდა განხორციელდეს ინსტრუქციით განსაზღვრული შენახვა/ტრანსპორტირების პირობების სრული დაცვით.
თ. იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%‐ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია 2 სამუშაო დღის ვადაში წარმოადგინოს ფასწარმოქმნის ადეკვატურობის დამადასტურებელი ინვოისი ან/და სასაქონლო ზედნადები (რომელიც გაცემულია 2022 წლის 1 იანვრის შემდეგ) შესაძენი/შეძენილი მასალების შესახებ და დამატებითი წერილი მხოლოდ იმ შემთხვევაში თუ პრეტენდენტი საკუთარი ძალებით ახორციელებს თანმდევი მომსახურების გაწევას.