Ремонт и техническое обслуживание транспортных средств и оборудования и сопутствующие услуги (Грузия - Тендер #63189533)

სსიპ ლ. საყვარელიძის სახ. დაავადებათა კონტროლისა და საზოგადოებრივი ჯანმრთელობის ეროვნული ცენტრის კუთვნილი ავტომანქანების ტექნიკური მომსახურების შესყიდვა (CPV 50100000) პრეისკურანტის შესაბამისად.

1. მისაწოდებელი ავტონაწილები უნდა იყოს ქარხნული წარმოების, ახალი. შესაძლებელია მოწოდებული იქნას პრეისკურანტით განსაზღვრული მეორადი ნაწილები, კერძოდ: დეფიციტური ავტონაწილის დაზიანების შემთხვევაში შესაძლებელია მოხდეს დაზიანებული ავტონაწილის შეკეთება ან მეორადი ავტონაწილის გამოყენება. ამ შემთხვევაში ავტონაწილის ფასი დგინდება ურთიერთშეთანხმებით საბაზრო ღირებულებიდან გამომდინარე, მხოლოდ ფასი არ უნდა აღემატებოდეს პრეისკურანტში მითითებულ ღირებულებას.
2. ავტონაწილის შეცვლა გულისხმობს არსებული დაზიანებული ავტონაწილის შეცვლას ახლით და ამისათვის საჭირო ყველა მომსახურების გაწევას (მაგ. სხვა ნაწილების მოხსნა-დაყენებას და ა.შ.). პრეტენდენტმა ,,ავტომანქანის დაზიანებული ავტონაწილის შეცვლა შესაცვლელი დეტალების გათვალისწინებით“ პოზიციებზე უნდა გაითვალისწინოს შესაცვლელი დეტალების ღირებულებაც, წინააღმდეგ შემთხვევაში ,,შემსყიდველის“ მიერ დეტალის ღირებულება არ ანაზღაურდება. პრეტენდენტის მიერ პრეისკურანტში ნულით განფასებული სათადარიგო ნაწილების და მომსახურების ღირებულება ,,შემსყიდველი“-ს მიერ არ ანაზღაურდება.
3. ,,მიმწოდებელმა“ უსასყიდლოდ უნდა უზრუნველყოს ,,შემსყიდველი“-ს ავტომანქანების კომპიუტერული დიაგნოსტიკა. კონტრაქტორი კომპანია, ხელშეკრულების მოქმედების პერიოდში ავტომანქანის შეკეთებისას და ტექნიკური მომსახურების გაწევისას, უფლებამოსილია მართოს და შეამოწმოს ცენტრის ავტომანქანები შესაბამისი მართვის მოწმობის მქონე სპეციალისტების საშუალებით.
4. მომსახურება უნდა განხორციელდეს ,,მიმწოდებლის“ სათადარიგო ავტონაწილებით, რისთვისაც მიმწოდებელს უნდა გააჩნდეს სათადარიგო ავტონაწილების გარკვეული მარაგები, რემონტების დროულად უზრუნველსაყოფად. იმ შემთხვევაში, თუ ,,მიმწოდებელი“ დროულად ვერ უზრუნველყოფს ავტომანქანის შეკეთებას რომელიმე ავტომანქანის დეტალის ვერ მოძიების გამო, ,,შემსყიდველს“ უფლება აქვს მოძებნოს და მიუთითოს ,,მიმწოდებელს“ ქვეყნის ტერიტორიაზე აღნიშნული დეტალის გაყიდვის ადგილი. ამ შემთხვევაში, ავტომანქანის დეტალის ფასის მიუხედავათ, ,,შემსყიდველი“ ნაწილის ღირებულებას გადაიხდის პრეისკურანტის მიხედვით.
5. მომსახურების გაწევის პერიოდში, ,,მიმწოდებლის“ ბრალეულობით გამოვლენილი ავტომანქანის ნებისმიერი დაზიანების გამოსწორება და ხარჯების ანაზღაურება ეკისრება ,,მიმწოდებელს“.
6. შემსყიდველი უფლებამოსილია პრეტენდენტის მიერ შედგენილ დეფექტურ აქტში მითითებული სამუშაოების სისწორის გადამოწმება მოახდინოს ავტორიზებულ სერვისცენტრში ან მხარეთა შეთანხმებით სხვა სერვისცენტრში.
7. ავტომანქანის ტექნიკური მომსახურებისას პრეტენდენტი ვალდებულია შემსყიდველის მიმართვის დღეს (სამუშაო საათებში) ჩაატაროს ავტოსატრანსპორტო საშუალების დათვალიერება, ხოლო არაუგვიანეს მეორე დღეს ჩაატაროს ავტოსატრანსპორტო საშუალების შეკეთება. ავტომანქანის დათვალიერების და შეკეთების შემდეგ მხარეები ადგენენ შესაბამისად დეფექტურ და სამუშაოების შესრულების მიღება-ჩაბარების აქტებს, რომლებშიც მითითებული უნდა იყოს გასაწევი მომსახურების ან/და სათადარიგო ნაწილების დეტალური აღწერა, მათი ღირებულებები. დეფიციტური ავტონაწილის დაზიანების შემთხვევაში პრეტენდენტს მიეცემა ვადა (არაუმეტეს 10 სამუშაო დღე) ავტომანქანის შესაკეთებლად, ხოლო ახალი ან მეორადი ძრავების და/ან გადაცემათა კოლოფების შესაცვლელად პრეტენდენტს მიეცემა ვადა არაუმეტეს (25 სამუშაო დღე) ავტომანქანის შესაკეთებლად.
8. მისაწოდებელი მეორადი ძრავი და/ან გადაცემათა კოლოფი უნდა იყოს თავსებადი აღნიშნულ ავტომანქანებთან, იმავე მოცულობის, ქარხნული წარმოების, არ უნდა იყოს გახსნილი და შეკეთებული, ძრავი არ უნდა იყოს წყალზე ნამუშევარი.
9. პრეტენდენტის მიერ გაწეულ მომსახურებას და გამოყენებულ სათადარიგო ავტონაწილებს უნდა გააჩნდეს გარანტია მინიმუმ 6 თვე. შეცვლილ ძრავზე, გადაცემათა კოლოფზე, სარიგებელ კოლოფზე, კარდანზე და ელ-მოწყობილობებზე (გენერატორი, ამძრავი, კომპიუტერი და სხვა) უნდა ვრცელდებოდეს არანაკლებ 10 თვიანი ან 50000 კმ გარბენზე საგარანტიო მომსახურება, რომელიც ადრე შესრულდება. მეორადი ძრავის და/ან გადაცემათა კოლოფის მონტაჟის შემდეგ 2 კვირის განმავლობაში ძრავის/გადაცემათა კოლოფის დაზიანების ან რაიმე დეფექტის აღმოჩენის შემთხვევაში ,,მიმწოდებელი“ კომპანია ვალდებულია 10 დღის განმავლობაში შეცვალოს ძრავი ან გადაცემათა კოლოფი, ხოლო დარჩენილ საგარანტიო პერიოდში ძრავის დაზიანების შემთხვევაში, ,,მიმწოდებე;ლი“ ვალდებულია 10 დღის განმავლობაში შეცვალოს ან შეაკეთოს ძრავი. საგარანტიო ვადის განმავლობაში პრეტენდენტი ვალდებულია დაუყოვნებლივ, შემსყიდველისათვის ზედმეტი დანახარჯების გარეშე, აღმოფხვრას აღმოჩენილი წუნი/დაზიანება.
10. ძრავის ზეთებისა და ძრავის ზეთის ფილტრების შეცვლა ავტომანქანებზე განხორციელდება საგარანტიო ვადის განმავლობაში, ავტომანქანებზე ძრავის შეცვლის ან შეკეთების შემთხვევაში პრეისკურანტში დაფიქსირებული ღირებულების შესაბამისად. ზემოაღნიშნულ შემთხვევებში ,,მიმწოდებელი“ ვალდებულია წარმოადგინოს კონკრეტულ ავტომანქანაზე ძრავის ზეთის და ძრავის ზეთის ფილტრის შეცვლის გრაფიკი. შესაცვლელი ძრავის ზეთი და ძრავის ზეთის ფილტრი მორგებული უნდა იყოს კონკრეტულ ავტომანქანაზე. ,,შემსყიდველსა’ და ,,მიმწოდებელს“ შორის ტექნიკურ მომსახურებაზე გაფორმებული ხელშეკრულების მომსახურების გაწევის ვადის დასრულებამდე, ,,მიმწოდებელი“ ვალდებულია, საგარანტიო ვადის ამოწურვამდე დარჩენილი საჭირო ძრავის ზეთების და ძრავის ზეთის ფილტრების რაოდენობები გადასცეს ,,შემსყიდველს“ პრეისკურანტში დაფიქსირებული ღირებულების შესაბამისად, ამ შემთხვევაში (მომსახურების გაწევის ვადის ამოწურვის შემდეგ) ავტომანქანებზე ძრავის ზეთებისა და ძრავის ზეთის ფილტრების შეცვლა ,,მიმწოდებელმა“ უნდა უზრუნველყოს უსასყიდლოდ.
11. ,,შემსყიდველი“-ს ავტომანქანებს ტექნიკური მომსახურება უნდა გაეწიოს ქ. თბილისის, ქ. ქუთაისის, ქ. ბათუმის, ქ. ზუგდიდის, ქ. ახალციხის და ქ. თელავის სერვისცენტრებში. იმ შემთხვევაში, როცა ავტომანქანის შეკეთება ვერ ხერხდება მითითებულ მისამართებზე, სხვა ქალაქში/სერვისცენტრში ავტომანქანის გადაყვანის ხარჯებს იხდის ,,მიმწოდებელი“.
12. ,,მიმწოდებელი“ ვალდებულია ხელშეკრულების გაფორმებიდან 2 კვირის განმავლობაში ქ. თბილისში არსებულ სერვისცენტრებში დაამონტაჟოს ვიდეოკამერები ისე, რომ ვიდეოკამერები უყურებდეს ყველა ბოქსს და აკეთებდეს 24 საათიან ჩაწერას ერთთვიანი შენახვის ფუნქციით, ხოლო ,,შემსყიდველს“ შესაძლებლობა უნდა ჰქონდეს ნებისმიერი ადგილიდან თვალი ადევნოს ავტომანქანების ტექნიკურ მომსახურებას. საჭიროების და მოთხოვნის შემთხვევაში ,,მიმწოდებელი“ ვალდებულია ,,შემსყიდველს“ მიაწოდოს ვიდეოკამერების ჩანაწერები.
13. ავტოსატრანსპორტო საშუალების ტექნიკური მომსახურების ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს „მიმწოდებლის“ მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.
14. ,,შემსყიდველი“ უფლებამოსილია ტენდერის შერჩევა-შეფასების ეტაპზე ადგილზე შეამოწმოს პრეტენდენტის მატერიალურ-ტექნიკური ბაზა.
15. პრეტენდენტის მიერ, შესყიდვების ერთიანი ელექტრონული სისტემის მეშვეობით, წარმოდგენილ პრეისკურანტში მითითებული ერთეულის ფას(ებ)ი არ უნდა აღემატებოდეს შემსყიდველის მიერ პრეისკურანტის შესაბამის გრაფაში მითითებულ ერთეულის სავარაუდო ფას(ებ)ს.
16. ელექტრონული ვაჭრობის შემთხვევაში, პრეტენდენტის მიერ პრეისკურანტში დაფიქსირებული ერთეულის ღირებულებები დაკლებულ უნდა იქნას პროპორციულად ყველა პოზიციაზე, სატენდერო დოკუმენტაციაში მოცემული პრეისკურანტის ზღვრული ერთეულის ფასებიდან, შემსყიდველი ორგანიზაციის მიერ ერთიან ელექტრონულ სისტემაში ატვირთული პრეისკურანტის თავდაპირველ ჯამურ ღირებულებასა და მიმწოდებლის მიერ დაფიქსირებულ წინადადების საბოლოო ფასს შორის არსებული სხვაობიდან გამოთვლილი (გამოყვანილი) პროცენტის შესაბამისად. პრეტენდენტმა მინიმუმ აღნიშნული პროცენტის შესაბამისად პროპორციულად უნდა შეამციროს თითოეული მომსახურების ღირებულება, ხოლო კლების შემდგომ, იმ შემთხვევაში თუ მომსახურების ერთეულის ღირებულება არ იქნება მთელი რიცხვი, უნდა დაამრგვალოს ლარის მეასედის სიზუსტით (არითმეტიკული დამრგვალების მეთოდით). ამასთანავე, გათვალისწინებული უნდა იქნას, რომ დამრგვალების შემდგომ მიღებული პრეისკურანტის ჯამური ღირებულება არ უნდა აღემატებოდეს ვაჭრობის შედეგად სისტემაში საბოლოოდ დაფიქსირებული პრეისკურანტის ჯამურ ღირებულებას.
17. პრეტენდენტის სერვისცენტრი აღჭურვილი უნდა იყოს (ძრავის, გადაცემათა კოლოფის, სავალი ნაწილის, ელექტროობის და სხვა) და თანამედროვე აპარატურითა და დანადგარებით. ქ. თბილისში საკუთრებაში ან სარგებლობაში უნდა გააჩნდეს არანაკლებ 2 სერვისცენტრი (რაც ასახული უნდა იყოს საჯარო რეესტრში), აქედან არანაკლებ ერთ სერვის-ცენტრს უნდა გააჩნდეს არანაკლებ 8 ამწე-მექანიზმი, ელ-დიაგნოსტიკისთვის საჭირო მოწყობილობა/კომპიუტერი, ძრავში და გადაცემათა კოლოფში ზეთის შეცვლის აპარატურა, თვლების ნახარის და განშლადობის გასწორების მოწყობილობა. ,,მიმწოდებელმა“ ქ. თბილისში უნდა უზრუნველყოს ერთდროულად სამ ავტომანქანაზე ტექნიკური მომსახურების გაწევა. პრეტენდენტს უნდა გააჩნდეს საჭირო ფართი ,,შემსყიდველის“ არანაკლებ 5 ავტომანქანის გასანთავსებლად.

ხელშეკრულების გაფორმებიდან 2025 წლის 31 დეკემბრის ჩათვლით.

ავტომანქანებს ტექნიკური მომსახურება უნდა გაეწიოს ქ. თბილისის, ქ. ქუთაისის, ქ. ბათუმის, ქ. ზუგდიდის, ქ. ახალციხის და ქ. თელავის სერვისცენტრებში. იმ შემთხვევაში, როცა ავტომანქანის შეკეთება ვერ ხერხდება მითითებულ მისამართებზე, სხვა ქალაქში/სერვისცენტრში ავტომანქანის გადაყვანის ხარჯებს იხდის ,,მიმწოდებელი“.

პრეტენდენტის მიერ გაწეულ მომსახურებას და გამოყენებულ სათადარიგო ავტონაწილებს უნდა გააჩნდეს გარანტია მინიმუმ 6 თვე. შეცვლილ ძრავზე, გადაცემათა კოლოფზე, სარიგებელ კოლოფზე, კარდანზე და ელ-მოწყობილობებზე (გენერატორი, ამძრავი, კომპიუტერი და სხვა) უნდა ვრცელდებოდეს არანაკლებ 10 თვიანი ან 50000 კმ გარბენზე საგარანტიო მომსახურება, რომელიც ადრე შესრულდება. მეორადი ძრავის და/ან გადაცემათა კოლოფის მონტაჟის შემდეგ 2 კვირის განმავლობაში ძრავის/გადაცემათა კოლოფის დაზიანების ან რაიმე დეფექტის აღმოჩენის შემთხვევაში ,,მიმწოდებელი“ კომპანია ვალდებულია 10 დღის განმავლობაში შეცვალოს ძრავი ან გადაცემათა კოლოფი, ხოლო დარჩენილ საგარანტიო პერიოდში ძრავის დაზიანების შემთხვევაში, ,,მიმწოდებე;ლი“ ვალდებულია 10 დღის განმავლობაში შეცვალოს ან შეაკეთოს ძრავი. საგარანტიო ვადის განმავლობაში პრეტენდენტი ვალდებულია დაუყოვნებლივ, შემსყიდველისათვის ზედმეტი დანახარჯების გარეშე, აღმოფხვრას აღმოჩენილი წუნი/დაზიანება.

2.1. პრეტენდენტს 2020 წლის 1 იანვრიდან ტენდერის გამოცხადების დღემდე უნდა გააჩნდეს ჯამურად 500 000.00 (ხუთასი ათასი) ლარის ოდენობის ანალოგიური მომსახურების გაწევის გამოცდილება. აღნშნული ინფორმაცია წარმოდგენილი უნდა იქნას დანართი #2-ის შესაბამისად. ამასთნ:
ა. იმ შემთხვევაში თუ პრეტენდენტის მიერ გაწეული ანალოგიური გამოცდილების შესახებ ინფორმაცია იძებნება სახელმწიფო შესყიდვების ერთიან ელექტორნულ სისტემაში, პრეტენდენტმა უნდა წარმოადგინოს ინფორმაცია CON, SPA, NAT ან CMR ნომრების მითითებით (დანართი N2-ის შესაბამისად).
ბ. იმ შემთხვევაში თუ შესყიდვის ხელშეკრულება და შესრულების დამადასტურებელი დოკუმენტაცია არ იძებნება სახელმწიფო შესყიდვების ერთიან ელექტრონულ სისტემაში, გამოცდილების დადასტურების მიზნით, პრეტენდენტმა უნდა წარმოადგინოს ანალოგიური გამოცდილების შესახებ ინფორმაცია (დანართი N2-ის შესაბამისად, სახელმწიფო შესყიდვის საშუალების ნომრების CON/SPA/NAT/CMR... მითითების გარეშე), მიმწოდებლისა და შემსყიდველის მიერ ორმხრივად დამოწმებული კვალიფიციური ხელმოწერით ან კვალიფიციური შტამპით.
2.2. პრეტენდენტმა უნდა წარმოადგინოს მასზე, შემსყიდველი ორგანიზაცი(ებ)ის (დამკვეთი) მიერ, გაცემული, არანაკლებ 3 (სამი) სარეკომენდაციო წერილი, მ/შ 2 (ორი) სახელმწიფო ორგანიზაციიდან.

3.1. პრეტენდენტმა უნდა წარმოადგინოს თბილისში არსებული სერვის ცენტრების (მინიმუმ ორი სერვისცენტრი), ქ. ქუთაისის, ქ. ბათუმის, ქ. ზუგდიდის, ქ. ახალციხის და ქ. თელავის რეგიონებში მის ან ქვეკონტრაქტორ(ებ)ის სარგებლობაში ან საკუთრებაში არსებული სერვისცენტრების ადგილმდებარეობების შესახებ შესაბამისი მისამართების მითითებით ინფორმაცია. ამასთან, საკუთრების შემთხევაში წარმოდგენილი უნდა იქნას ამონაწერი საჯარო რეესტრიდან ხოლო სარგებლობის (ქირავნობა, იჯარა, ლიზინგი, უზუფრუქტი და/ან სხვა) შემთხვევაში წარმოდგენილი უნდა იქნას გაფორმებული ხელშეკრულებები რომელიც ძალაში უნდა იყოს მინიმუმ 2025 წლის 31 დეკემბრის ჩათვლით.
3.2. პრეტენდეტის ან ქვეკონტრაქტორ(ებ)ის ქ. თბილისში საკუთრებაში ან სარგებლობაში არსებული არანაკლებ 2 სერვისცენტრიდან არანაკლებ ერთ სერვის-ცენტრი უნდა იყოს აღჭურვილი შემდეგი მატერიალურ-ტექნიკური აღჭურვილობით და პრეტენდენტმა უნდა წარმოადგინოს აღნიშნულის შესახებ წერილობითიინფორმაცია:
ა) არანაკლებ 8 ამწე-მექანიზმი,
ბ) ელ-დიაგნოსტიკისთვის საჭირო მოწყობილობა/კომპიუტერი,
გ) ძრავში და გადაცემათა კოლოფში ზეთის შეცვლის აპარატურა,
დ) თვლების ნახარის და განშლადობის გასწორების მოწყობილობა.
ე) პრეტენდენტმა ქ. თბილისში უნდა უზრუნველყოს ერთდროულად სამ ავტომანქანაზე ტექნიკური მომსახურების გაწევა.
ვ) პრეტენდენტს ქ. თბილისში უნდა გააჩნდეს საჭირო ფართი ,,შემსყიდველის“ არანაკლებ 5 ავტომანქანის გასანთავსებლად.

1. პრეტენდენტი ვალდებულია ქვეკონტრაქტორის არსებობის ან არ არსებობის შემთხვევაში წარმოადგინოს შესაბამისი ინფორმაცია.
2. ქვეკონტრაქტორის არსებობის შემთხვევაში, პრეტენდენტი ვალდებულია წარმოადგინოს ქვეკონტრაქტორის მიერ წერილობითი თანხმობა, სატენდერო დოკუმენტაციით მოთხოვნილი ვალდებულების შესრულების შესახებ.
3. ქვეკონტრაქტორი არ უნდა იყოს სახელმწიფო შესყიდვების სააგენტოს შავ სიაში რეგისტირებული.
4. იმ შემთხვევაში თუ პრეტენდენტს, ტენდერისათვის „წინადადებების მიღება დასრულებულია“ სტატუსის მინიჭების შემდეგ, წარმოეშობა ქვეკონტრაქტორი, ამის შესახებ წერილობით უნდა აცნობოს „შემსყიდველს“.
5. მიმწოდებელი ვალდებულია ხელშეკრულების გაფორმებიდან არაუგვიანეს 30 დღისა წარმოადგინოს ქვეკონტრაქტორთან გაფორმებული ხელშეკრულების ასლ(ებ)ი (ქვეკონტარაქტორის არსებობის შემთხვევაში).

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%‐ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია წარმოადგინოს ფასწარმოქმნის ადეკვატურობის დამადასტურებელი ინვოისი ან/და სასაქონლო ზედნადები (რომელიც გაცემულია 2022 წლის პირველი იანვრის შემდეგ) შესაძენი/შეძენილი მასალების შესახებ და დამატებითი წერილი მხოლოდ იმ შემთხვევაში თუ პრეტენდენტი საკუთარი ძალებით ახორციელებს თანმდევი მომსახურების გაწევას.

ანგარიშსწორება მოხდება უნაღდო ანგარიშსწორებით ლარში

ანგარიშსწორება მოხდება უნაღდო ანგარიშსწორებით ლარში მიღება-ჩაბარების აქტის გაფორმებიდან 10 სამუშაო დღის ვადაში.

დავით ნოზაძე, 599581520, d.nozadze@ncdc.ge ელექტრონული ტენდერისთვის ტენდერის სტატუსის „გამოცხადებულია“ მინიჭებიდან ტენდერის სტატუსის „წინადადებების მიღება დაწყებულია“ მინიჭებამდე, სისტემაში „მიმწოდებლად“ რეგისტრირებულ ნებისმიერ მომხმარებელს უფლება აქვს, სისტემაში არსებული „კითხვა-პასუხის“ მოდულის მეშვეობით, მოითხოვოს სატენდერო პირობების კონკრეტული ჩანაწერის განმარტება. სატენდერო კომისია კითხვის დასმიდან არაუგვიანეს მომდევნო სამუშაო დღისა, „კითხვა-პასუხის“ მოდულის მეშვეობით, გააკეთებს შესაბამის განმარტებას. აღნიშნულით შესაძლებელია იხელმძღვანელოს ნებისმიერმა დაინტერესებულმა პირმა.

სახელმწიფო შესყიდვების ერთიან ელექტრონულ სისტემაში სატენდერო წინადადების (ტექნიკური დოკუმენტაციისა და სატენდერო წინადადების ფასი) წარდგენით „პრეტენდენტი“ ავტომატურად გამოხატავს თანხმობას ამ პუნქტის „ა“ - „ე“ ქვეპუნქტებში განსაზღვრულ მოთხოვნებზე:
ა. პრეტენდენტის მიერ წარმოდგენილ ფასების ცრილში, ერთეულის ღირებულება (ლარი) უნდა განისაზღვროს მეასედის სიზუსტით.
ბ. სატენდერო წინადადებაში საერთო ფასი (ეროვნული ვალუტა) გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.
გ. ანგარიშსწორება მოხდება უნაღდო ანგარიშსწორებით ლარში მიღება-ჩაბარების აქტის გაფორმებიდან 10 სამუშაო დღის ვადაში.
დ. პრეტენდენტის“ მიერ სატენდერო წინადადების (დოკუმენტაცია) წარმოდგენა დასაშვებია უცხო ენაზე, ასეთ შემთხვევაში სატენდერო დოკუმენტაციას უნდა ახლდეს ქართულენოვანი და ნოტარიულად დამოწმებული თარგმანი.
ე. იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%‐ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია წარმოადგინოს ფასწარმოქმნის ადეკვატურობის დამადასტურებელი ინვოისი ან/და სასაქონლო ზედნადები (რომელიც გაცემულია 2022 წლის პირველი იანვრის შემდეგ) შესაძენი/შეძენილი მასალების შესახებ და დამატებითი წერილი მხოლოდ იმ შემთხვევაში თუ პრეტენდენტი საკუთარი ძალებით ახორციელებს თანმდევი მომსახურების გაწევას.