Оборудование, применяемое при чрезвычайных обстоятельствах, и средства защиты (Грузия - Тендер #63189529)

დასწრების აღმრიცხველი სისტემის შესყიდვა თანმდევი მომსახურებით (მონტაჟით და ინსტალაციით)

შესყიდვის ობიექტის ტექნიკური პარამეტრები (ტექნიკური დავალება):
1. სამი ცალი ტურნიკეტი:
ტურნიკეტი უნდა იყოს ორ ფეხზე მდგომი, 304 ტიპი უჟანგავი,მიმართულების
ინტეგრირებული ინდიკატორებით, შემავალი ძაბვა 220 VAC, სამუშაო ძაბვა არაუმეტეს 24 VDC, 304 ტიპის უჟანგავი ფოლადის მკლავები 500მმ ; კორპუსის სიღრმე არანაკლებ 280მმ; სიგანე - არანაკლებ 1200მმ; სიმაღლე - არანაკლებ 980მმ; ტურნიკეტი აღჭურვილი უნდა იყოს გასვლის აკრძალვის და დაშვების მანათობელი იდენტიფიკაციის მაჩვენებლებით. ელექტრო ენერგიის შეწყვეტისას ტურნიკეტის ძელი ავტომატურად უნდა ეშვებოდეს და გადადიოდეს ვერტიკალურ მდგომარეობაში ისე, რომ შესაძლებელი იყოს ტურნიკეტზე შეუფერხებელი გასვლა. ტურნიკეტზე მიმაგრებული უნდა იყოს ბარათის ამომცნობები. ბარათის ამომცნობზე რეგისტრირებული ბარათის ამოცნობისას ტურნიკეტის ძელი ავტომატურად უნდა გადავიდეს გასვლის მიმართულებით და ბიძგის შემთხვევაში უნდა დატრიალდეს ავტომატურად, იმ შემთხვევაში, თუ არ განხორციელდა მომხმარებლის გასვლა, გარკვეული დროის შემდეგ ტურნიკეტის ძელი ავტომატურად უნდა დაუბრუნდეს საწყის მდგომარეობას
მუშაობის ტემპერატურა -28 °C + 60 °C .

2. ექვსი ცალი დაშვების სისტემა:
დაშვების სისტემის კონტროლერი მიმიმუმ 1 ცალი რელეს კონტროლის საშუალებით;
კომუნიკაცია: უნდა გააჩნდეს TCP/IP და RS-485 პროტოკოლები;
ბარათის წამკითხველს უნდა უერთდებოდეს wiegand-ის საშუალებით;
ბარათების მეხსიერება: არანაკლებ 60 000 თანამშრომელი;
მოვლენების მეხსიერება: არანაკლებ 100000;
უნდა მუშაობდეს არსებულ პროგრამულ უზრუნველყოფაზე ZKaccess 3.5 (ან უფრო ახალი) მინიმუმ 2 წლიანი ლიცენზიით
მუშაობის ტემპერატურა -20 °C - 60 °C. IP 67 დაცვის ფუნქციით.

3. პროგრამული უზრუნვეყოფა:

პროგრამულ უზრუნველყოფას უნდა გააჩნდეს შემდეგი მხარდაჭერა:
მოქნილი ცვლის დაგეგმვა; აღრიცხვა ლოკაციის ან სხვა პირის მიხედვით;
ვებ-ზე დაფუძნებული დასწრების მოდული, რომელიც შესაფერისია მრავალი
კომპიუტერისთვის; ბარათის ამოცნობის ჩანაწერები, როგორც დასწრების მონაცემები ასევე ბარათის დაფიქსირების დროს;
დასწრების ავტომატური ანგარიში უნდა ეგზავნებოდეს ადმინისტრატორს.
შეთავაზება უნდა ითვალისწინებდეს ქ. ბათუმში, სამ ლოკაციაზე, მემედ აბაშიძის გამზირი N41, მემედ აბაშიძის გამზირი N57, მემედ აბაშიძის გამზირი N16-18 ტურნიკეტებისა და დაშვების სისტემის კონტროლერების მონტაჟსა და ინსტალაციას.

მოსაწოდებელი საქონელი უნდა იყოს ზემოთ მითითებული პარამეტრების მსგავსი ან არანაკლები.

გამარჯვებულმა პრეტენდენტმა საქონლის მოწოდება უნდა განახორციელოს შესაბამისი ხელშეკრულების გაფორმებიდან 35 (ოცდათხუთმეტი) სამუშაო დღის განმავლობაში.

საქონლის მიწოდებას მიმწოდებელი უზრუნველყოფს საკუთარი ხარჯებით.
საქონლის მიწოდების და მონტაჟის ადგილია:
- ქალაქი ბათუმი, მემედ აბაშიძის გამზირი #16-18;
- ქალაქი ბათუმი, მემედ აბაშიძის გამზირი #41;
- ქალაქი ბათუმი, მემედ აბაშიძის გამზირი # 57;

1.7.1.1 მიმწოდებელი იღებს ვალდებულებას, რომ მიწოდებული საქონლის ხარისხი უპასუხებს ხელშეკრულებით გათვალისწინებულ პირობებს და დააკმაყოფილებს შემსყიდველის მოთხოვნებს.
1.7.1.2 შემოთავაზებული საქონელი უნდა იყოს ახალი და უნაკლო.
1.7.1.3 შესყიდვის ობიექტის საგარანტიო ვადა შეადგენს მიღება-ჩაბარების აქტის ან/და შესაბამისი საგადასახადო დოკუმენტაციის გაფორმებიდან არანაკლებ 2 (ორი) წელს.
1.7.1.4 საგარანტიო ვადის განმავლობაში შესყიდვის ობიექტის დაზიანების შემთხვევაში შემსყიდველის მოთხოვნიდან არაუგვიანეს 10 კალენდარულ დღეში უნდა შეკეთდეს, ხოლო თუ შეკეთებას არ ექვემდებარება - შეიცვალოს ახლით არაუგვიანეს 30 კალენდარულ დღეში. თუ ქარხნული დეფექტი გამოვლინდა საგარანტიო ვადის დაწყებიდან 30 კალენდარული დღის ვადაში ნივთი უნდა შეიცვალოს ახლით.
1.7.1.5 წუნის/დეფექტის/ხარვეზის გამო შეკეთების ან ახლით შეცვლის შემთხვევაში, შესყიდვის ობიექტის ტრანსპორტირება უნდა უზრუნველყოს მიმწოდებელმა.

- პრეტენდენტმა უნდა წარმოადგინოს ინფორმაცია შემოთავაზებული საქონლის სასაქონლო ნიშნის ან/და პატენტის ან/და მოდელის შესახებ.
- პრეტენდენტი ვალდებულია მოთხოვნილი ინფორმაცია მიუთითოს ფასების ცხრილის შესაბამის ველში.
- ინფორმაციის წარმოუდგენლობის ან არასწორად წარმოდგენის შემთხვევაში მოხდება პრეტენდენტის დისკვალიფიკაცია.
- შერჩევა-შეფასების ეტაპზე, იმ შემთხვევაში თუ შემსყიდველი ორგანიზაცია ვერ მოიპოვებს/ვერ გადაამოწმებს ინფორმაციას პრეტენდენტის მიერ შემოთავაზებულ საქონლის შესახებ, მოთხოვნის შემთხვევაში პრეტენდენტი ვალდებულია წარმოადგინოს შესყიდვის ობიექტის მწარმოებელი კომპანიის მიერ გაცემული ცნობა/წერილი ან/და სხვა ინფორმაცია (მოთხოვნის შესაბამისად), რომელიც დაადასტურებს წინამდებარე სატენდერო დოკუმენტაციით მოთხოვნილი შესყიდვის ობიექტის მახახსითებლების თანხვედრას პრეტენდენტის მიერ "ფასების ცხრილში" მითითებულ ობიექტთან. იმ შემთხვევაში თუ დოკუმენტი წარმოდგენილი იქნება უცხოურ ენაზე თან უნდა ახლდეს თარგმანი ქართულ ენაზე, რომელიც კანონით დადგენილი წესით უნდა იყოს ნოტარიულად დამოწმებული. აღნიშნული ინფორმაციის წარმოუდგენლობა გამოიწვევს პრეტენდენტის დისკვალიფიკაციას.

პრეტენდენტს, 2022 წლიდან ტენდერის გამოცხადების დღემდე, აუცილებელია ჰქონდეს არანაკლებ 17000 ლარის (დღგ-ს გარეშე) შესრულებული ანალოგიური სირთულის და ხასიათის (დასწრების აღმრიცხველი სისტემის მონტაჟი და ინსტალაცია). აღნიშნულის დასადასტურებლად პრეტენდენტის მიერ ერთიან ელექტრონულ სისტემაში ატვირთული უნდა იქნას ხელშეკრულებ(ები)ა და ამ ხელშეკრულებ(ებ)ის საფუძველზე გაფორმებული მიღება-ჩაბარების აქტ(ებ)ი ან შესრულების დამადასტურებელი სხვა დოკუმენტაცია.

იმ შემთხვევაში, თუ აღნიშნულის დამადასტურებელი დოკუმენტები ატვირთულია ერთიან ელექტრონულ სისტემაში (შესყიდვების ოფიციალური პორტალი https://tenders.procurement.gov.ge), საკმარისია მხოლოდ მითითება შესაბამის რეგისტრაციის ნომრებზე (მაგ: NAT/CMR/SPA და ა.შ).

1. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის საფუძველზე ვალდებულია, სახელმწიფო შესყიდვების ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
2. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე.
3. პრეტენდენტს არ აქვს უფლება წარმოადგინოს ალტერნატიული წინადადება;
4. ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო;
5. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის" მე-8 მუხლით დადგენილი წესის შესაბამისად;
6. სატენდერო წინადადების ფასი გამოსახული უნდა იყოს ეროვნულ ვალუტაში - ლარში, სატენდერო წინადადების ფასი მოიცავს შესყიდვის ობიექტის მიწოდებასთან დაკავშირებით მიმწოდებლის ყველა ხარჯს და საქართველოს კანონმდებლობით გათვალისწინებულ გადასახადებს;
7. პრეტენდენტი დაექვემდებარება დისკვალიფიკაციას, თუ მის მიერ, არ იქნება წარმოდგენილი ფასების ცხრილი ან წარდგენილ ფასების ცხრილში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტის ასლი) ან/და შესყიდვის ობიექტის მიწოდებასთან დაკავშირებით პრეტენდენტის მიერ გაფორმებული ხელშეკრულება ან/და ანგარიშფაქტურა ან/და ინვოისი, რომლებშიც უნდა დასტურდებოდეს ტენდერში პრეტენდენტის მიერ ატვირთულ საბოლოო ფასების ცხრილში დაფიქსირებული ერთეულის ფასის და ჯამური ღირებულების ადეკვატურობა. ექსპერტიზის ან/და აუდიტის დასკვნის წარმოდგენის შემთხვევაში უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასით და აგრეთვე ჯამური ღირებულებით ამავე ფასების ცხრილით განსაზღვრული შესყიდვის ობიექტის მიწოდების შესაძლებლობა.
ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული წესის მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

ანგარიშსწორება მოხდება მხარეთა შორის შესაბამისი მიღება-ჩაბარების აქტის ან სხვა საგადასახადო დოკუმენტის გაფორმების შემდეგ.
-გამომდინარე იქედან, რომ სატენდერო განცხადებით გათვალისწინებულია წინადადების ფასის დღგ-ის გარეშე წარდგენა, პრეტენდენტმა წინადადების ფასში არ უნდა გაითვალისწინოს დღგ, მიუხედავად იმისა, არის თუ არა იგი დღგ-ის გადამხდელი საქართველოს კანონმდებლობის შესაბამისად. ასეთ შემთხვევაში შერჩევა-შეფასება განხორციელდება წარმოდგენილი წინადადების ფასების მიხედვით. ხელშეკრულების ღირებულებაში გათვალისწინებული იქნება სატენდერო წინადადების ფასის შესაბამისი დღგ-ის ოდენობა, თუ ხელშეკრულების დადების მომენტისთვის პრეტენდენტი იქნება დღგ-ის გადამხდელი საქართველოს კანონმდებლობის მოთხოვნათა შესაბამისად.
-შესყიდვის ობიექტის საერთო და ერთეულის ფასი უნდა მოიცავდეს პრეტენდენტის ყველა სავარაუდო ხარჯს (მათ შორის ტრანსპორტირების ხარჯს) და საქართველოს კანონმდებლობით გათვალისწინებულ ყველა გადასახადს, გარდა დღგ-სა, რომლის დამატებაც მოხდება კანონმდებლობით დადგენილი წესით.

ანგარიშსწორება შემსყიდველის მიერ მოხდება ფაქტობრივად მიწოდებული შესყიდვის ობიექტის მიხედვით. მიღება–ჩაბარების აქტისა ან შესაბამისი საგადასახადო დოკუმენტაციის (კანონმდებლობით დადგენილ შემთხვევაში) წარმოდგენის შემდეგ არაუგვიანეს 10 სამუშაო დღის ვადაში. თუ ანგარიშსწორების განხორციელების ვადის ბოლო დღე ემთხვევა არასამუშაო დღეს, მაშინ ანგარიშსწორება განხორციელდება მომდევნო სამუშაო დღეს.

ია გოგოლაშვილი, 595028001, gogolashvili.iako.tv@gmail.com