Ремонт и техническое обслуживание насосов, вентилей, кранов и металлических емкостей и оборудования (Грузия - Тендер #63163106)

სსიპ ივანე ჯავახიშვილის სახელობის თბილისის სახელმწიფო უნივერსიტეტის საკუთრებაში არსებული ფერადი ბეჭდვის დანადგარის Konica Minolta bizhub Pro C1060L-ის შეკეთება და ტექნიკური მომსახურება

შეკეთება და ტექნიკური მომსახურება გულისხმობს:
მიმწოდებლის მიერ საკუთარი ხარჯებით თსუ სტამბის პოლიგრაფიული დანადგარის Konica Minolta bizhub Pro C1060L-ის პროფილაქტიკური და დიაგნოსტიკური (მოსალოდნელი გაუმართაობის თავიდან აცილების მიზნით) სამუშაოების ჩატარებას, დაზიანების აღმოფხვრას/დეტალის შეცვლა.

სამუშაოების დასახელება და აღწერილობა მოცემულია პრეისკურანტში იხ.თანდართული ფაილი
1. მიმწოდებელი ვალდებულია შემსყიდველის შეტყობინებიდან (ზეპირი, წერილობით ან/და ელექტრონული ფოსტის მეშვეობით) დაუყოვნებლივ (მაგრამ არაუგვიანეს ორი სამუშაო დღის ვადაში) მოახდინოს დანადგარის წინასწარი დათვალიერება და რეაგირება მისი წარმომადგენლის მიერ (ტრანსპორტირების ჩათვლით), რის შემდეგაც მხარეები ადგენენ დეფექტურ აქტს, რომელშიც მითითებული უნდა იქნას აღმოჩენილი ხარვეზი და გასაწევი მომსახურების ჩამონათვალი, მომსახურების დაწყებისა და დასრულების ვადები. სრულყოფილად შევსებული აქტის მიწოდებას შემსყიდველისათვის უზრუნველყოფს მიმწოდებელი, რის შემდეგაც შემსყიდველი თანხმობის შემთხვევაში დაამოწმებს დეფექტურ აქტს.
2. პრეტენდენტმა თითოეულ შემთხვევაზე უნდა უზრუნველყოს მომსახურების გაწევა შემსყიდველის მხრიდან დეფექტური აქტის დამოწმებიდან 2 სამუშაო დღის განმავლობაში. განსაკუთრებულ შემთხვევაში შესაძლებელია მომსახურების ვადა განისაზღვროს შემსყიდველთან შეთანხმებით არაუმეტეს 30 კალენდარეული დღისა, რაც აუცილებლად უნდა დაფიქსირდეს დეფექტურ აქტში.
3. ტენდერში მონაწილე პრეტენდენტმა ასევე უნდა გაითვალისწინოს შემდეგი:
3.1. ტენდერში გამარჯვებულ პრეტენდენტთან ხელშეკრულება გაფორმდება 50 000.00 (ორმოცდაათი ათასი) ლარზე, სატენდერო წინადადების ფასი კი წარმოდგენილი უნდა იყოს სატენდერო დოკუმენტაციის დანართი N1-ში მოცემულ გრაფებში: „დეტალის სავარაუდო ღირებულება“ და „მომსახურების სავარაუდო ღირებულება“ ერთეულის ფასების შესაბამისად , მაგრამ არაუმეტეს ტენდერის ჩატარების შესახებ განცხადებაში მითითებული მთლიანი სავარაუდო ღირებულებისა და დანართი N1-ში (პრეისკურანტი) განსაზღვრული ერთეულების ფასებისა. წინააღმდეგ შემთხვევაში მოხდება პრეტენდენტის უპირობო დისკვალიფიკაცია.
3.2. პრეტენდენტის მიერ წარმოდგენილ საბოლოო ფასსა და შემსყიდველის მიერ წარმოდგენილი პრეისკურანტის საწყის ფასს (პრეისკურანტის სავარაუდო ღირებულება) შორის სხვაობა შემსყიდველის მიერ გამოანგარიშდება პროცენტულად, რომლის მიხედვითაც დაევალება პრეტენდენტს, წარმოადგინოს კორექტირებული დანართი N1 ზემოაღნიშნული პროცენტული მაჩვენებლის პროპორციულად, კლებადობის პრინციპით, თითოეული დეტალისა და მომსახურებისათვის.

შესყიდვის ობიექტის მიწოდების ვადაა: ეტაპობრივად, შემსყიდველის მოთხოვნის შესაბამისად ხელშეკრულების გაფორმების შემდეგ 2025 წლის 20 დეკემბრამდე.

მიმწოდებელმა შესყიდვის ობიექტის მიწოდება უნდა განახორციელოს სსიპ ივანე ჯავახიშვილის სახელობის თბილისის სახელმწიფო უნივერსიტეტში, შემდეგ მისამართზე: ქ.თბილისი, ი.ჭავჭავაძის გამზ. #1, თსუ სტამბა.

პრეისკურანტში მომსახურების რომელიმე ერთეულის არარსებობისას, აღნიშნული ერთეულის ფასი მისი შესყიდვის აუცილებლობისას, დგინდება შემსყიდველი ორგანიზაციისა და მიმწოდებლის შეთანხმებით, შემსყიდველი ორგანიზაციის მიერ მოკვლეული საბაზრო ფასის გათვალისწინებით. ასეთ შემთხვევაში პრეისკურანტში შესაბამისი მომსახურების ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.

მომსახურების დასახელება და აღწერილობა მოცემულია პრეისკურანტში

1.დანადგარის შეკეთება და ტექნიკური მომსახურება უნდა აკაყოფილებდეს შემსყიდველის მოთხოვნებს, მომსახურება შესრულებული უნდა იყოს სრულყოფილად, მაღალკვალიფიციურ დონეზე. გამოცვლილი სათადარიგო ნაწილი/დეტალი უნდა იყოს ახალი, არა მეორადი ქარხნულად აღდგენილი და არ უნდა გამოიწვიოს შეკეთებული დანადგარის მუშაობის ხარისხის გაუარესება. მიმწოდებელმა უნდა გაავრცელოს მის მიერ გამოცვლილ სათადარიგო ნაწილზე და გაწეულ მომსახურებაზე საგარანტიო პერიოდი, რომელიც ითვლება რესურსის ამოწურვამდე;
2. იმ შემთხვევაში, თუ აღმოჩნდება რომ მიმწოდებლის მიერ არ არის სრულყოფილად შესრულებული მომსახურება და/ან შეცვლილი ნაწილი/დეტალი აღმოჩნდება მეორადი ან/და წუნდებული, მიმწოდებელი ვალდებულია აღმოჩენილი ხარვეზი აღმოფხვრას საკუთარი ხარჯებით, ტრანსპორტირების ჩათვლით, 5 (ხუთი) კალენდარული დღის ვადაში.

ტენდერში მონაწილე პრეტენდენტს კომპანიაში დასაქმებული უნდა ყავდეს შესაბამისი კვალიფიკაციისა და გამოცდილების მქონე ტექნიკური პერსონალი, რომელიც უშუალოდ განახორციელებს მომსახურებას. პრეტენდენტის წარმოდგენილ სპეციალისტებს უნდა გააჩნდეთ ტენდერით გათვალისწინებული ანალოგიური ხასიათის, სირთულისა და შინაარსის მომსახურების გაწევის არანაკლებ 1 (ერთი) წლიანი გამოცდილება. სავალდებულოა პრეტენდენტის პერსონალის კვალიფიკაცია და გამოცდილება დადასტურებული იქნას სერთიფიკატის წარმოდგენით და კომპანიასთან გაფორმებული ხელშეკრულებებით (რომლითაც დასტურდება მასთან თანამშრომლობა). პერსონალის გამოცდილების შესახებ ინფორმაცია ასევე წარმოდგენილი უნდა იქნას დანართი #2-ის ფორმით

სერთიფიკატ(ებ)ის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.

2.9.1.პრეტენდენტის მიერ ერთიან ელექტრონულ სისტემაში ატვირთული დოკუმენტაცია „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე საჭიროებს კვალიფიციურ ელექტრონულ ხელმოწერას ან/და კვალიფიციურ ელექტრონულ შტამპის დასმას.
2.9.2. ტენდერთან დაკავშირებული დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც წარმოდგენილი უნდა იქნას ექსპერტიზის ან/და აუდიტის დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტის ასლი).
ექსპერტიზის ან/და აუდიტის დასკვნაში უნდა დასტურდებოდეს ტენდერში პრეტენდენტის მიერ ატვირთულ საბოლოო ფასების ცხრილში დაფიქსირებული ერთეული ფასების და ჯამური ღირებულების ადეკვატურობა/ფასების ცხრილით განსაზღვრული მომსახურების მიწოდების შესაძლებლობა.
დასკვნა უნდა მოიცავდეს (ტექსტობრივად მკაფიოდ უნდა იკვეთებოდეს) ტენდერის უნიკალური ნომერი, მომსახურების შეძენის შესახებ/შესაძლო რისკების მონაცემების შეფასება, პრეტენდენტის მიერ შემოთავაზებული შესყიდვის ობიექტის/კომპონენტების შესყიდვის შესახებ მიმწოდებლებთან/მწარმოებელთან გაფორმებული ხელშეკრულებებს ან/და ანგარიშფაქტურებს.

ანგარიშსწორება ,,შემსყიდველსა’’ და ,,მიმწოდებელს’’ შორის განხორციელდება ეტაპობრივად, ფაქტობრივად გაწეული მომსახურების მიხედვით, დეფექტური აქტის, მიღება-ჩაბარების აქტის, შესაბამისი ანგარიშ-ფაქტურის და/ან ინვოისის, სასაქონლო ზედნადების, ინსპექტირების დადებითი დასკვნის ს აფუძველზე.

ანაზღაურება მიმწოდებელთან განხორციელდება ფაქტობრივად გაწეული მომსახურების მიხედვით, შესაბამისად ხელშეკრულების საერთო ღირებულებიდან გამოუყენებელი თანხა დარჩება შემსყიდველთან და იგი არ წარმოშობს მხარეებს შორის რაიმე დამატებით ვალდებულებებს.

7.2 პუნქტით გათვალისწინებული დოკუმენტაციის სრულყოფილად წარმოდგენის შემდეგ 10 სამუშაო დღის განმავლობაში

ანეტა მერკვილიშვილი, 577595839, i.merkvilishvili@tsu.ge

პრეტენდენტებმა ტექნიკური დოკუმენტაციის სახით სისტემაში უნდა ატვირთონ შემდეგი დოკუმენტები და ინფორმაცია:
1. შესყიდვის ობიექტის ,,ფასების ცხრილი’’ (პრეისკურანტი) დანართი #1-ის შესაბამისად
2. პერსონალის კვალიფიკაციისა და გამოცდილების დამადასტურებელი დოკუმენტები - სატენდერო დოკუმენტაციის კითხვარის 2.4.1 პუნქტის შესაბამისად - დანართი #2, სერთიფიკატ(ებ)ი და კომპანიასთან გაფორმებული ხელშეკრულებები.