Одежда для профессионального использования, спецодежда и аксессуары (Грузия - Тендер #63163086)

სპეც. ტანსაცმლისა და აქსესუარების (შემდგომში - საქონელი) სახელმწიფო შესყიდვა, სატენდერო დოკუმენტაციის 1.2 პუნქტის შესაბამისად.

1. თბილი შარვალი - 111 ცალი
სტანდარტი EN 342; მასალა: 60% (+/-5%) ბამბა, 40% (+/-5%) პოლიესტერი. წყალგაუმტარი მასალა. დათბუნება: 100% დატანილი პოლიესტერი. პლასტიკის სამაგრებით მიმაგრებადი და რეგულირებადი საკვალთებით მხრებზე. ერთი რეტრო რეფლექტორული ზოლი ერთ ტოტზე წინა მხარეს და ერთი ზოლი უკანა მხარეს მეორე ტოტზე. ელვა შესაკრავითა და მეტალის ჩასაკეტი ღილაკით წელზე. ელვა შესაკრავით ტოტზე. ორი ირიბი ჯიბით. საქამრეებით წელზე. ფერი ლურჯი. შემოთავაზებული შარვლით არანაკლებ 8 საათის განმავლობაში შესაძლებელი უნდა იყოს მუშაობა -1°C-დან -25°C-მდე და არანაკლებ 1 საათის განმავლობაში -20°C-დან -35°C-მდე ტემპერატურულ პირობებში. თერმული იზოლაცია არანაკლებ 0,310 მ2 კ/ვტ, ჰაერგამტარიანობა - მინიმუმ კლასი 2; შარვალს უნდა ჰქონდეს ეტიკეტი, რომელზეც დატანილი უნდა იყოს შემდეგი ინფორმაცია: მწარმოებელი კომპანია ან ბრენდი, მასალა, ზომა.

2. თბილი ქურთუკი - 112 ცალი
სტანდარტი EN 342; მასალა: 60% (+/-5%) ბამბა, 40% (+/-5%) პოლიესტერი. წყალგაუმტარი. რეფლექტორული ზოლებით. დათბუნება: 100% პოლიესტერი. გაფორმებული ფულეს მასალის საყელოთი. რკინის ჩასაკეტი ღილაკებით მიმაგრებადი კაპიშონით. კაპიშონის შიდა ნაწილში ასევე ამოკრული ფულეს მასალით, რომელიც უნდა იკვრებოდეს ელვა შესაკრავით. დაფარული უნდა იყოს ქარსაწინააღმდეგო დანამატით, რომელიც უნდა იკვრებოდეს რკინის ჩასაკეტი ღილაკებით. სახელოს დაბოლოება - ქარსაწინააღმდეგო რეზინის მანჟეტები. ორი ქვედა გვერდითა ჯიბით. ორი ჯიბით მკერდის სიმაღლეზე, რომელიც უნდა იკვრებოდეს რკინის ჩასაკეტი ღილაკით. ერთი შიდა დაფარული ჯიბე სარქველით. ფერი ლურჯი. შემოთავაზებული ქურთუკით არანაკლებ 8 საათის განმავლობაში შესაძლებელი უნდა იყოს მუშაობა -1°C-დან -25°C-მდე და არანაკლებ 1 საათის განმავლობაში -20°C-დან -35°C-მდე ტემპერატურულ პირობებში. თერმული იზოლაცია არანაკლებ 0,310 მ2 კ/ვტ, ჰაერგამტარიანობა - მინიმუმ კლასი 2; ქურთუკს უნდა ჰქონდეს ეტიკეტი, რომელზეც დატანილი უნდა იყოს შემდეგი ინფორმაცია: მწარმოებელი კომპანია ან ბრენდი, მასალა, ზომა.

3. სამუშაო შარვალი - 120 ცალი
სტანდარტი: EN ISO 13688. მასალა: 60% (+/-5%) ბამბა, 40% (+/-5%) პოლიესტერი, წონა არანაკლებ 300 გრ/მ2. ელვა შესაკრავით. ელასტიური წელის არეში. საქამრე მარყუჟებით. ჯიბეები და დამჭერები: ორი ირიბი ჯიბით, ორი გვერდითა ჯიბით, ორი უკანა ჯიბე. სამმაგი ნაკერებით მეტი სიმტკიცისთვის. არანაკლებ 5 სმ-იანი ნაწიბურით შარვლის სიგრძის დასაგრძელებლად. ფერი: ნაცრისფერი ან შავი; შარვალს უნდა ჰქონდეს ეტიკეტი, რომელზეც დატანილი უნდა იყოს შემდეგი ინფორმაცია: მწარმოებელი კომპანია ან ბრენდი, მასალა, ზომა.

4. სამუშაო ქურთუკი - 115 ცალი
სტანდარტი: EN ISO 13688; მასალა: 60% (+/-5%) ბამბა, 40% (+/-5%) პოლიესტერი, წონა არანაკლებ 300 გრ/მ2. ელასტიური და რეგულირებადი წელის არეში. სარეგულირო მეტალის ჩასაკეტი ღილაკებით ან ფხრიწებით. საყელო უნდა იკვრებოდეს ელვა შესაკრავით და დამატებითი ქარსაწინააღმდეგო დანამატით ფხრიწებზე. მანჟეტები უნდა იკვრებოდეს მეტალის ჩასაკეტი ღილაკებით ან ფხრიწებით. ორი ჯიბით მკერდის სიმაღლეზე და ორი დაბლითა ჯიბით. სამმაგი ნაკერებით მეტი სიმტკიცისთვის. ფერი: ნაცრისფერი ან შავი; ქურთუკს უნდა ჰქონდეს ეტიკეტი, რომელზეც დატანილი უნდა იყოს შემდეგი ინფორმაცია: მწარმოებელი კომპანია ან ბრენდი, მასალა, ზომა.

5. საწვიმარი ლაბადა - 113 ცალი
სტანდარტი EN ISO 13688; მასალა: პოლიესტერი დაფარული PVC-თი. წყალგაუმტარი. ამრეკლებით. სიგრძე არანაკლებ 120 სმ და არაუმეტეს 130 სმ. სისქე არანაკლებ 0,18 მმ. უნდა იკვრებოდეს ელვა შესაკრავით და ღილაკებით. მკლავებზე ჩამალული რეზინის მანჟეტებით, ქვედა ორი ჯიბით. შედუღებული ნაკერით, პატარა საჰაერო ხვრელებით, მიკერებული კაპიშონი, კაპიშონზე თასმით და თასმის სამაგრით, მუქი ფერის;

6. ჟილეტი - 32 ცალი
სტანდარტი EN ISO 20471; კლასი 2; მასალა: ფლუორესცენტული პოლიესტერი, მასა არანაკლებ 120 გრ/მ2 და არაუმეტეს 130 გრ/მ2. შესაკრავ ფხრიწებზე, სინათლის ამრეკლი ორი ჰორიზონტალური ზოლით. ფერი: ყვითელი ან/და ნარინჯისფერი;


7. უსაფრთხოების ჩაფხუტი - 40 ცალი
სტანდარტი: EN 397; წონა არანაკლებ 325 გრ. და არაუმეტეს 390 გრ. საჰაერო ხვრელებით. 20 ცალი ყვითელი ფერის და 20 ცალი თეთრი ფერის. ზომის მარეგულირებელი სარტყელით. მოწოდებულ საქონელზე დატანილი ექსპლუატაციის ვადა, რომელიც საქონლის მოწოდების დღისთვის უნდა შეადგენდეს არანაკლებ 20 თვეს.

8. დამცავი სათვალე - 7 ცალი
სტანდარტი: EN166; მინის მასალა: პოლიკარბონატი, გამჭვირვალე მინით. ნაკაწრების საწინააღმდეგო ლინზების საფარით.

შენიშვნა:
სატენდერო დოკუმენტაციის 1.2 პუნქტის
• მე-3 (სამუშაო შარვალი) და მე-4 (სამუშაო ქურთუკი) პოზიციებზე შემოთავაზებული საქონელი უნდა იყოს ერთი ფერის (ნაცრისფერი ან შავი);

საქონლის ზომები გთხოვთ იხილოთ მიმაგრებულ ფაილში.

მიწოდების ვადა: ხელშეკრულების გაფორმებიდან არაუგვიანეს 50 (ორმოცდაათი) კალენდარული დღის ვადაში.

მიწოდების ადგილი: ქ.თბილისი, კახეთის გზატკეცილი №21 (სს „საქართველოს ნავთობისა და გაზის კორპორაცია“); საქონლის მიწოდებას უზრუნველყოფს მიმწოდებელი საკუთარი ხარჯებით.

საქონელი უნდა იყოს ახალი, ექსპლუატაციაში არ მყოფი. მიწოდებულ საქონელზე უნდა ვრცელდებოდეს საგარანტიო ვადა მიღება-ჩაბარების აქტის გაფორმების თარიღიდან არანაკლებ 6 (ექვსი) თვე. საგარანტიო ვადის პერიოდში შესყიდული საქონელი სწორი მოხმარების პირობებში უნდა ინარჩუნებდეს თვისობრივ და ხარიხობრივ მაჩვენებლებს; უხარისხო, არასტანდარტული, დაზიანებების მქონე და ზომებთან შეუსაბამო საქონლის აღმოჩენის შემთხვევაში, მიმწოდებელმა ყოველგვარი წინაპირობის გარეშე, წუნის აღმოჩენის ნებისმიერ ეტაპზე, გონივრულ, მაგრამ არაუმეტეს 5 სამუშაო დღის ვადაში უნდა გამოასწოროს ნაკლოვანებები ან შეცვალოს ისინი ახალი იდენტური საქონლით (გარდა იმ შემთხვევისა, თუ წუნი/ხარვეზი გამოწვეულია მექანიკური დაზიანებით) შემსყიდველის მხრიდან დამატებითი დანახარჯების გაწევის გარეშე.

შენიშვნა: საქონლის საგარანტიო ვადის შესახებ ინფორმაცია პრეტენდენტმა უნდა მიუთითოს სატენდერო დოკუმენტაციის დანართ №1-ში (ფასების ცხრილი).

პრეტენდენტმა, მის მიერ წარმოდგენილ ფასების ცხრილში უნდა მიუთითოს ინფორმაცია შემოთავაზებული საქონლის წარმოშობის ქვეყნისა და მწარმოებლის (ან/და სასაქონლო ნიშნის) შესახებ.

შენიშვნა: პრეტენდენტის მიერ, „წინადადების მიღება დასრულებულია“ ეტაპზე, საქონლის მწარმოებლის (ან/და სასაქონლო ნიშნის) ან/და წარმოშობის ქვეყნის შესახებ ინფორმაციის სატენდერო წინადადების ფარგლებში წარმოუდგენლობა ან დანართი №1-ის (ფასების ცხრილი) წარმოუდგენლობა ან დანართი №1-ის (ფასების ცხრილი) განუფასებლად წარდგენა გამოიწვევს სატენდერო პროცედურებიდან პრეტენდენტის დისკვალიფიკაციას დაზუსტების მექანიზმის გამოყენების გარეშე. ასევე, პრეტენდენტის მიერ დაზუსტებული სატენდერო წინადადების წარმოდგენის შემდგომ (ასეთის არსებობის შემთხვევაში) შემოთავაზებული საქონლის მწარმოებელი (ან/და სასაქონლო ნიშნის) ან/და წარმოშობის ქვეყნის ცვლილება გამოიწვევს პრეტენდენტის დისკვალიფიკაციას.

სატენდერო დოკუმენტაციის 1.2 პუნქტის შესყიდვის ობიექტის თითოეული პოზიციით განსაზღვრულ საქონელზე (გარდა სატენდერო დოკუმენტაციის 1.2 პუნქტის მე-3 (სამუშაო შარვალი), მე-4 (სამუშაო ქურთუკი), მე-5 (საწვიმარი ლაბადა) პოზიციებისა) პრეტენდენტმა უნდა წარმოადგინოს, შემოთავაზებული საქონლის სატენდერო დოკუმენტაციის 1.2 პუნქტით დადგენილი შესაბამისი სტანდარტის დამადასტურებელი სერთიფიკატ(ებ)ი, გაცემული შესაბამისი უფლებამოსილი ორგანოს მიერ. აღნიშნული სერთიფიკატები მოქმედი უნდა იყოს წინამდებარე ტენდერის ,,წინადადების მიღების დასრულების“ დღისთვის.

2.9.1 პრეტენდეტმა, სატენდერო დოკუმენტაციის 1.2 პუნქტის შესყიდვის ობიექტის თითოეული პოზიციით განსაზღვრულ საქონელზე, უნდა წარმოადგინოს მწარმოებლის მიერ გაცემული/შედგენილი დოკუმენტ(ებ)ი, რომელშიც განსაზღვრული იქნება შემოთავაზებული საქონლის მახასიათებლები (სტანდარტ(ებ)ის ჩათვლით).
აღნიშნული პუნქტის დაკმაყოფილების მიზნით, პრეტენდენტს შეუძლია წარმოადგინოს:
- მწარმოებლის მიერ გაცემული/შედგენილი (ხელმოწერილი მწარმოებლის მიერ) დოკუმენტი;
ან/და
- ამონარიდი შემოთავაზებული საქონლის მწარმოებლის ოფიციალური ვებ-გვერდიდან. ამ შემთხვევაში, პრეტენდენტი ვალდებულია ასევე წარმოადგინოს მწარმოებლის ოფიციალური ვებ-გვერდის ბმული, რომლის საშუალებითაც შემსყიდველისათვის შესაძელებელი იქნება პრეტენდენტის მიერ წარმოდგენილ დოკუმენტში არსებული ინფორმაციის სრულად გადამოწმება. თუ შემოთავაზებული საქონლის მწარმოებლის ოფიციალურ ვებ-გვერდზე არ ფიქსირდება სატენდერო დოკუმენტაციით მოთხოვნილი საქონლის ყველა პარამეტრი ან/და აღმოჩნდება განსხვავება პრეტენდენტის მიერ სატენდერო წინადადებაში დაფიქსირებულ საქონლის პარამეტრებსა და მწარმოებლის ოფიციალურ ვებ-გვერდზე არსებულ საქონლის პარამეტრებს შორის, პრეტენდენტმა დამატებით უნდა წარმოადგინოს მწარმოებლის მიერ გაცემული (ხელმოწერილი მწარმოებლის მიერ) დოკუმენტი, სატენდერო წინადადებაში მითითებული განსხვავებული პარამეტრ(ებ)ის დადასტურების შესახებ, რომელშიც ასევე მითითებული იქნება წინამდებარე ტენდერის ნომერი და პრეტენდენტის დასახელება.

2.9.2 ხელშეკრულების გაფორმების შემდეგ, საქონლის მიწოდებისას, თუ კონტროლის განმახორციელებელი პირი ჩათვლის, რომ მოწოდებული საქონლის შესაბამისობის დადგენა შესყიდვის ობიექტის ტექნიკურ აღწერილობასთან მიმართებაში ვიზუალური დათვალიერების შედეგად შეუძლებელია, შემსყდველი უფლებამოსილია მიმწოდებელს მოსთხოვოს (მოთხოვნა შესაძლებელია განხროციელდეს როგორც წერილობით, ისე ელექტრონული ფოსტის საშულებით ერთიან ელექტრონულ სისტემაში მიმწოდებლის პროფილში მითითებულ ელექტრონულ ფოსტაზე, ან მიმწოდებლის მიერვე შემსყიდველისთვის მითითებულ სხვა ელექტრონულ ფოსტაზე. შეტყობინება ასევე შესაძლებელია განხორციელდეს მხარეთა მიერ შეთანხმებული სხვა ნებისმიერი ფორმით) 15 (თხუთმეტი) სამუშაო დღის განმავლობაში წარმოადგინოს ექსპერტიზის დასკვნა საქონლის წინამდებარე ტენდერით განსაზღვრულ ტექნიკურ მოთხოვნებთან შესაბამისობის დადგენის მიზნით. მიმწოდებელმა უნდა წარმოადგინოს სსიპ „ლევან სამხარაულის სახელობის სასამართლო ექსპერტიზის ეროვნული ბიუროს“ ან სხვა აკრედიტირებული პირის (ასეთ შემთხვევაში, დასკვნასთან ერთად წარმოდგენილ უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი) ან საერთაშორისო აღიარების მქონე ორგანიზაციის (მაგ: TUV, SGS და სხვა, რომელსაც აქვს არანაკლებ 5 წლიანი გამოცდილება ექსპერტიზის სფეროში) მიერ გაცემული დასკვნა.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია უზრუნველყოს ფასწარმოქმნის ადეკვატურობის დასაბუთება შემსყიდველის მიერ განსაზღვრულ ვადაში. დასაბუთება შესაძლებელია განხორციელდეს სსიპ - ლევან სამხარაულის სახელობის სასამართლო ექსპერტიზის ეროვნული ბიუროს მიერ გაცემული საექსპერტო დასკვნით ან/და შესაბამისი უფლებამოსილების მქონე აუდიტის მიერ გაცემული აუდიტორული დასკვნით ან/და აკრედიტაციის მქონე პირის მიერ გაცემული საექსპერტო დასკვნით (იმ შემთხვევაში, თუ დასკვნის გამცემი ორგანო არ იქნება სსიპ - ლევან სამხარაულის სახელობის სასამართლო ექსპერტიზის ეროვნული ბიურო, დასკვნასთან ერთად წარმოდგენილ უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ დაფიქსირებულ ფასად დასადები ხელშეკრულებით ნაკისრი ვალდებულებების შესრულების შესაძლებლობას (წარმოდგენილი დოკუმენტით შესაძლებელი უნდა იყოს პრეტენდენტის მიერ შემოთავაზებული საქონლის იდენტიფიცირება საქონლის მწარმოებლითა (ან/და სასაქონლო ნიშნით) და წარმოშობის ქვეყნით.

შენიშვნა:
- იმ შემთხვევაში, თუ პრეტენდენტის მიერ არ იქნა წარმოდგენილი ან წარმოდგენილი დასაბუთება შემსყიდველის მიერ არ ჩაითვლება დამაკმაყოფილებლად, მოხდება პრეტენდენტის დისკვალიფიკაცია;
- პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება;
- ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს, როგორც პრეტენდენტის მიერ დაფიქსირებული წინადადების ფასთან (ფასების ცხრილის ჯამურ ღირებულებასთან), ასევე ფასების ცხრილის ერთეულებთან მიმართებით.

ანგარიშსწორება მიმწოდებელთან განხორციელდება ლარში, უნაღდო ანგარიშსწორების ფორმით, ეტაპობრივად, ფაქტიურად მიწოდებული საქონლის შესაბამისად, საქონლის მიწოდებიდან და ხელშეკრულებით განსაზღვრული დოკუმენტების წარმოდგენიდან.

ანგარიშსწორება განხორციელდება ფაქტიურად მიწოდებული საქონლის შესაბამისად, მიმწოდებლის მიერ საქონლის მიწოდებიდან და ხელშეკრულებით გათვალისწინებული დოკუმენტების წარმოდგენიდან არაუგვიანეს 10 სამუშაო დღის ვადაში.

თეონა ჩხიკვაძე - გათიკაშვილი, 577627972, t.chkhikvadze@gogc.ge 9.1 სატენდერო კომისიის აპარატის საკონტაქტო წევრის ვინაობა და მონაცემები:
სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია სატენდერო კომისიის აპარატში, ქ. თბილისი, კახეთის გზატკეცილი №21, მე-2 სართული, ოთახი 205; საკონტაქტო პირი: თეონა ჩხიკვაძე-გათიკაშვილი +995 (32) 224-40-40, (შიდა - 262).

10.1.1 შესყიდვის ობიექტის სავარაუდო ღირებულებაა 43 137,00 (ორმოცდასამი ათას რვაას ორმოცდათორმეტი) ლარი, დღგ-ს გარეშე;
10.1.2 შესყიდვების ერთიან ელექტრონულ სისტემაში (შემდგომში - სისტემა) წინადადების ფასი დაფიქსირებულ უნდა იყოს ეროვნულ ვალუტაში და უნდა მოიცავდეს პრეტენდენტის/მიმწოდებლის ყველა ხარჯს დაკავშირებულს საქონლის შემსყიდველისათვის მიწოდებასთან, მათ შორის, საქართველოს კანონმდებლობით გათვალისწინებულ ყველა გადასახადს, მოსაკრებელსა და სახდელს, დღგ-ს გარდა;
10.1.3 წინადადების ფასად განიხილება სისტემის მეშვეობით შესყიდვის ელექტრონული ტენდერის შესაბამის ველში დაფიქსირებული ფასი;
10.1.4 ხარჯები, რომლებიც სატენდერო წინადადების ფასში არ იქნება გათვალისწინებული, არ დაექვემდებარება ანაზღაურებას;
10.1.5 შემსყიდველი ორგანიზაციის მიერ ხელშეკრულების ღირებულებაში გათვალისწინებული იქნება წინადადების ფასის დღგ-ს შესაბამისი ოდენობა, თუ ხელშეკრულების დადების მომენტისათვის პრეტენდენტი არის დღგ-ს გადამხდელი საქართველოს კანონმდებლობის შესაბამისად (იმ შემთხვევაში, თუ მიმწოდებელი ხელშეკრულების გაფორმების შემდგომ გახდა დღგ-ს გადამხდელი სუბიექტი, დღგ-ს თანხის დამატებით გათვალისწინება ხელშეკრულების ღირებულებაში არ განხორციელდება).
10.1.6 იმ შემთხვევაში, თუ სატენდერო დოკუმენტაციით მოთხოვნილ, ერთიან ელექტრონულ სისტემაში პრეტენდენტის მიერ წარმოდგენილ დოკუმენტში (გარდა სატენდერო დოკუმენტაციის 10.3.1 პუნქტით განსაზღვრული დოკუმენტისა, რომელიც წარმოდგენილი უნდა იქნას ლარში), განსაზღვრული იქნება უცხოური ვალუტა, სატენდერო კომისია მის შეფასებას/დადარებას სატენდერო დოკუმენტაციის მოთხოვნებთან განახორციელებს წინამდებარე ელექტრობული ტენდერის „წინადადებების მიღების დასრულების“ დღისათვის არსებული საქართველოს ეროვნული ბანკის მიერ დადგენილი ლარის ოფიციალური გაცვლითი კურსის შესაბამისად.

10.2 ზოგადი პირობები
10.2.1 პრეტენდენტს უფლება აქვს წარმოადგინოს მხოლოდ ერთი სატენდერო წინადადება;
10.2.2 სატენდერო დოკუმენტაციით მოთხოვნილი, ელექტრონულ სისტემაში ატვირთული პრეტენდენტის მიერ შექმნილი ყველა დოკუმენტი ან/და ინფორმაცია ,,ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად, სავალდებულოა დამოწმებული/დადასტურებული იყოს კვალიფიციური ხელმოწერით ან/და კვალიფიციური შტამპით (ამასთანავე, ხელმოწერა უნდა განხორციელდეს შესაბამისი უფლებამოსილი პირის მიერ (საჭიროების შემთხვევაში ატვირთული უნდა იქნეს მინდობილობა)), გარდა იმ შემთხვევისა, როდესაც სატენდერო დოკუმენტაციის 10.3.1 პუნქტით მოთხოვნილი დანართი #1 (ფასების ცხრილი) პრეტენდენტის მიერ სისტემაში წარმოდგენილი იქნება „MS Excel“-ის ფორმატში.
შენიშვნა:
,,ელექტრონული დოკუმენტისა და ელექტრონული სანდო მომსახურების შესახებ“საქართველოს კანონის მე-3 მუხლის მე-3 პუნტქით გათვალისწინებული ვალდებულება არ ვრცელდება სახელმწიფო შესყიდვების ერთიან ელექტრონულ სისტემაში „მიმწოდებლად“ რეგისტრირებულ არარეზიდენტ მომხმარებლებზე.
10.2.3 სატენდერო დოკუმენტაციით მოთხოვნილი, ერთიან ელექტრონულ სისტემაში ასატვირთი ყველა დოკუმენტი წარმოდგენილ უნდა იქნეს ქართულ ენაზე; დოკუმენტების და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი; დოკუმენტთან დაკავშირებული სადავო საკითხ(ებ)ის გადაწყვეტისას უცხოურენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
10.2.4 ტენდერში ამხანაგობის მონაწილეობის შემთხვევაში, პრეტენდენტი ვალდებულია იმოქმედოს სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული „ელექტრონული ტენდერის ჩატარების წესის“ 24-ე მუხლის მოთხოვნათა სრული დაცვით.
10.2.5 სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში (დანართი №2), რომელიც ხელშეკრულების დადების მომენტისათვის შესაძლებელია დაზუსტდეს სატენდერო წინადადების შესაბამისად;
10.2.6 შემსყიდველი ორგანიზაცია ვალდებულია, კანონმდებლობით დადგენილი წესით, ერთიანი ელექტრონული სისტემის კითხვა/პასუხის მოდულის მეშვეობით, პრეტენდენტის მოთხოვნის შემთხვევაში, განახორციელოს სატენდერო განცხადებასთან და დოკუმენტაციასთან დაკავშირებით შესაბამისი დაზუსტება/განმარტება;
10.2.7 შემსყიდველ ორგანიზაციასა და პრეტენდენტს შორის ნებისმიერი მიმოწერა/შეტყობინების გაგზავნა ხდება სისტემის შესაბამისი მოდულის მეშვეობით და სისტემის გამოყენების გარეშე მიმოწერა/შეტყობინება სავალდებულო არ არის. მიმოწერა/შეტყობინება მიღებულად ჩაითვლება მისი სისტემაში ატვირთვის მომენტიდან.

10.3 პრეტენდენტის მიერ სისტემაში ასატვირთი ტექნიკური დოკუმენტაცია/ინფორმაცია
10.3.1 ფასების ცხრილი, დანართი №1-ის შესაბამისად (პუნქტი 1.3).
შენიშვნა: პრეტენდენტის მიერ, „წინადადების მიღება დასრულებულია“ ეტაპზე, საქონლის მწარმოებლის (ან/და სასაქონლო ნიშნის) ან/და წარმოშობის ქვეყნის შესახებ ინფორმაციის სატენდერო წინადადების ფარგლებში წარმოუდგენლობა ან დანართი №1-ის (ფასების ცხრილი) წარმოუდგენლობა ან დანართი №1-ის (ფასების ცხრილი) განუფასებლად წარდგენა გამოიწვევს სატენდერო პროცედურებიდან პრეტენდენტის დისკვალიფიკაციას დაზუსტების მექანიზმის გამოყენების გარეშე.
10.3.2 სატენდერო დოკუმენტაციის 1.2 პუნქტის შესყიდვის ობიექტის თითოეული პოზიციით განსაზღვრულ საქონელზე (გარდა სატენდერო დოკუმენტაციის 1.2 პუნქტის მე-3 (სამუშაო შარვალი), მე-4 (სამუშაო ქურთუკი), მე-5 (საწვიმარი ლაბადა) პოზიციებისა) შემოთავაზებული საქონლის სატენდერო დოკუმენტაციის 1.2 პუნქტით დადგენილი შესაბამისი სტანდარტის დამადასტურებელი სერთიფიკატ(ებ)ი (პუნქტი 2.7.1);
10.3.3 სატენდერო დოკუმენტაციის 1.2 პუნქტის შესყიდვის ობიექტის თითოეული პოზიციით განსაზღვრულ საქონელზე, მწარმოებლის მიერ გაცემული/შედგენილი დოკუმენტ(ებ)ი, რომელშიც განსაზღვრული იქნება შემოთავაზებული საქონლის მახასიათებლები (სტანდარტ(ებ)ის ჩათვლით) (პუნქტი 2.9.1)