Техническое обслуживание и ремонт (Грузия - Тендер #63163071)

რიგის მართვის აპარატურის (მოწყობილობის) ტექნიკური მომსახურება

გასაწევი მომსახურების ჩამონათვალი (ტექნიკური დავალება დანართი N2) იხილეთ ატვირთულ ფაილში.

რიგის მართვის აპარატურის (მოწყობილობის) ტექნიკური მომსახურება უნდა განხორციელდეს ყოველთვიურად, 2025 წლის 1 მაისიდან 2025 წლის 31 დეკემბრის ჩათვლით პერიოდში.

1.5.1 მომსახურების გაწევა უნდა განხორციელდეს 2025 წლის 1 მაისიდან 2025 წლის 31 დეკემბრის ჩათვლით ყოველთვიურად საქართველოს იუსტიციის სამინისტროს სისტემაში შემავალი სახელმწიფო საქვეუწყებო დაწესებულება-სპეციალური პენიტენციური სამსახურის N8 და N18 პენიტენციური დაწესებულებებში არსებულ საზოგადოებრივ მისაღებში შემდეგ მისამართზე: ქ. თბილისი, ო.ხიზანიშვილის ქ. #141.

1.5.2 მიმწოდებელი ვალდებულია აღმოფხვრას ტექნიკური პრობლემები ხელშეკრულების გაფორმების შემდგომ, შემსყიდველის მოთხოვნის შესაბამისად 10 (ათი) სამუშაო დღის მანძილზე და რაიმე დაზიანების შემთხვევაში გამოძახებაზე მოახდინოს რეაგირება თბილისში არაუგვიანეს 24 (ოცდაოთხი) საათიისა.

1.5.3 მიმწოდებელმა უნდა უზრუნველყოს რიგის მართვის აპარატურის (მოწყობილობის) ტექნიკური მომსახურების უზრუნველყოფა, როგორც პროგრამული ასევე დეტალური დაზიანების შემთხვევაში. მიმწოდებელი იქნება სრულად პასუხისმგებელი აღნიშნულ ტექნიკაზე და ვალდებული იქნება შეაკეთოს ან შეცვალოს დაზიანებული დეტალი 10 (ათი) სამუშაო დღეში.

პრეტენდენტს უნდა გააჩნდეს რიგის მართვის აპარატურის ტექნიკური მომსახურების გაწევის გამოცდილება 2021 ან/და 2022 ან/და 2023 ან/და 2024 წლების განმავლობაში (კონკრეტულ წელს მნიშვნელობა არ ენიჭება) 6 000.00 (ექვსი ათასი) ლარზე.

აღნიშნულის დასადასტურებლად მიმწოდებელმა უნდა წარმოადგინოს ხელშეკრულებ(ები)ა და მიღება-ჩაბარების აქტ(ებ)ი, რომლითაც დადასტურდება მიმწოდებლის მიერ ზემოაღნიშნული მომსახურების გაწევის ფაქტი. (იმ შემთხვევაში, თუ ხელშეკრულებ(ები)ა და მიღება-ჩაბარების აქტ(ებ)ი სრულად არის ატვირთული სახელმწიფო შესყიდვების სააგენტოს ვებგვერდზე, ამასთან მითითებულია ინფორმაცია საბოლოო ანგარიშსწორების შესახებ (ფაქტობრივი გადახდები) საკმარისია შესაბამისი SPA/NAT/CMR მითითება).

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, ფასწარმოქმნის ადეკვატურობა უნდა დასაბუთდეს სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის დამტკიცების შესახებ“ წესის 28-ე მუხლის მე-5 პუნქტის მოთხოვნათა გათვალისწინებით, საშემფასებლო დასკვნით (ამასთან,ბუღალტრული აღრიცხვის,ანგარიშგებისა და აუდიტის შესახებ საქართველოს კანონის 28-ე მუხლის მე-8 პუნქტის ,,გ“ ქვეპუნქტის შესაბამისად, საშემფასებლო მომსახურების გაწევის უფლება ეძლევა მხოლოდ იმ პირს, რომელშიც დასაქმებულია აკრედიტებული შემფასებელთა სერტიფიკაციის ორგანოს მიერ სერტიფიცირებული შემფასებელი. შეფასების განხორციელების და შეფასების ანგარიშზე/დასკვნაზე ხელის მოწერის უფლება ენიჭება აკრედიტებული შემფასებელთა სერტიფიკაციის ორგანოს მიერ სერტიფიცირებულ შემფასებელს) საშემფასებლო დასკვნასთან ერთად ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი.

ანგარიშსწორება მოხდება უნაღდო ანგარიშსწორებით ლარში.

მიმწოდებელთან ანგარიშსწორება განხორციელდება ფაქტობრივად გაწეული მომსახურების მიხედვით. მიღება–ჩაბარების აქტის ხელმოწერის, ინსპექტირების აქტის, შესაბამისი სასაქონლო ზედნადების (კანონით გათვალისწინებულ შემთხვევაში), საგადასახადო ანგარიშ-ფაქტურის გამოწერისა და წარმოდგენის შემდეგ არაუგვიანეს 10 (ათი) სამუშაო დღის ვადაში.

თათია ყურაშვილი, 595075289, tkurashvili@sps.gov.ge ტექნიკურ საკითხებთან დაკავშირებით დაუკავშირდით ნონა კაპანაძეს 577 250 447

10.1.1 შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე, რომელშიც, თარგმანის სისწორე ან/და მთარგმნელის ხელმოწერის ნამდვილობა დამოწმებული უნდა იყოს ნოტარიული წესით.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
10.1.3 სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნეს ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა. გარდა, სატენდერო დოკუმენტაციის კითხვარის 1.3 პუნქტით გათვალისწინებული დანართისა (ფასების ცხრილი/ხარჯთაღრიცხვა) რომელიც წარმოდგენილი იქნება Excel-ის ფორმატის სახით.
10.1.4 „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების თანახმად, პრეტენდენტის მიერ Excel-ის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს).
10.1.5 იმ შემთხვევაში, თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება.
10.1.6 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.7 პრეტენდენტს არ აქვს უფლება წარმოადგინოს ალტერნატიული სატენდერო წინადადება.
10.1.8 მიმწოდებელი ვალდებულია გადასცეს შემსყიდველს უფლებრივად და ნივთობრივად უნაკლო და ახალი საქონელი.
10.1.9 სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული ,,ელექტრონული ტენდერის ჩატარების წესის“ მე-8 მუხლის შესაბამისად.