Полные или частичные строительные работы и публичные работы (Грузия - Тендер #62922071)

1.1.1 ქ. ბათუმში, ასფალტირებული ქუჩების მიმდინარე სარემონტო სამუშაოები.

1.2.1. ასფალტ-ბეტონის საფარით ორმოული შეკეთების დროს დაცული უნდა იყოს შემდეგი ტექნოლოგიური პირობები:
ა) ღრმა ორმოს შესაკეთებლად გამოყენებული უნდა იქნეს 5-20 ფრაქციის ღორღი, ღორღი უნდა იყოს გარეცხილი;
ბ) შესაკეთებელი ორმოს ასფალტის კიდეები დამუშავებული უნდა იყოს ფრეზით ან კომპრესორის მეშვეობით, ორმოს ძირი კარგად უნდა იყოს ამოწმენდილი და შემდგომ ცხელი ბიტუმის მასით მოსხმული. შეივსოს ორმო ასფალტის მასით და დაიტკეპნოს მექანიკური სატკეპნით;
ბ.ა) ცივი ასფალტის დაგების დროს შესაკეთებელი ორმოს ასფალტის კიდეები დამუშავებული უნდა იყოს ფრეზით ან კომპრესორის მეშვეობით, ორმოს ძირი კარგად უნდა იყოს ამოწმენდილი. ცივი ასფალტი უნდა აკმაყოფილებდეს БДС EN 12697-1 ევროსტანდარტებს (ხსნადი შემკვრელი ნივთიერების შემცველობა (შემვსების 3,5%-5.5%), რაზეც წარმოდგენილი უნდა იყოს ტექნიკური პასპორტი.
გ) გზის ორფენოვანი ასფალტის საფარის დაზიანების შემთხვევაში აღდგენილ უნდა იქნეს ორივე ფენა ყველა ტექნოლოგიური პროცესის დაცვით;
დ) მიმწოდებელმა სისტემატიურად უნდა განახორციელოს ქალაქის ქუჩებსა და ტროტუარებზე არსებული მდგომარეობის მონიტორინგი (ქუჩების, დაზიანებული და სარემონტო მონაკვეთების აღწერა და შემდგომში მისი აღდგენა, მოწესრიგება გასუფთავება, რემონტი და სხვა ხარვეზის გამოსასწორებელი სამუშაოები);
ე) ასევე, ადგილმდებარეობის დაზუსტების მიზნით გამოყენებული იქნეს გლობალური ადგილმდებარეობის განმსაზღვრელი სისტემა (GPS), რომლითაც მოხდება ქუჩაზე შეკეთებული ორმოების კოორდინატების დაზუსტება, რაც შემდგომ წარმოდგენილი იქნება ყოველ გაფორმებულ მიღება-ჩაბარების აქტთან ერთად
ვ) შემსრულებელმა ა(ა)იპ „საქალაქო ინფრასტრუქტურისა და კეთილმოწყობის სამმართველო“-ს წერილობითი მითითების საფუძველზე უნდა უზრუნველყოს სამუშაოების ჩატარება წერილში მითითებულ მისამართებზე, სადაც ასევე განსაზღვრული იქნება სამუშაოების შესრულების გონივრული ვადა. ცივი ასფალტის შემთხვევაში 2 დღის განმავლობაში უნდა უზრუნველყოს ორმული შეკეთების სამუშაოების ჩატარება და შეუსრულებლობის შემთხვევაში ყოველ ვადაგაცილებულ დღეზე შემსყიდველის მიერ მიმწოდებლის მიმართ გამოიყენება ხელშეკრულებით გათვალისწინებული საჯარიმო სანქციები;

1.2.2. სამუშაო ადგილის მომზადება, გარემოს დაცვა:
მიმწოდებელი პასუხისმგებელია:
ა) შეასრულოს სამუშაოები შრომის უსაფრთხოების პირობების დაცვით.
ბ) უზრუნველყოს სამუშაო ადგილის ფარგლებში გარემოზე ეკოლოგიური ზემოქმედების მინიმუმამდე დაყვანა;
გ) მინიმუმამდე დაიყვანოს სამუშაოებთან დაკავშირებული ხმაურის, ვიბრაციის და მტვრის გავლენა გარემოზე;
დ) შესაკეთებელი ქუჩებში ყველა სახის მოსამზადებელი სამუშაოების დაწყება შეთანხმებული უნდაიყოს ქ. ბათუმის ა(ა)იპ „საქალაქო ინფრასტრუქტურისა და კეთილმოწყობის სამმართველოსთან“.

1.2.3. ნორმატიული დოკუმენტები
ა) მუშაობისას შემსრულებელი ვალდებულია იხელმძღვანელოს კანონით „საავტომობილო გზების შესახებ“ და მოქმედი სამშენებლო ნორმებისა და წესების შესაბამისად.

1.2.4. პრეტენდენტმა სამუშაოები უნდა შეასრულოს 2 (ორი) ბრიგადით, თითოეულში 7 (შვიდი) კაცის შემადგენლობით. ამასთან, ერთი ბრიგადა უნდა იყოს უშუალოდ საკუთ-რივ პრეტენდენტის, რისთვისაც პრეტენდენტმა უნდა წარმოადგინოს ბრიგადის წევრების შრომითი ხელშეკრულებების ასლები, რომელთა ვადა ერთი თვით უნდა აღემატებოდეს სამუშაოების შესრულების ვადას.

1.4.1 სამუშაოს შესრულების ვადაა ხელშეკრულების გაფორმებიდან 2025 წლის 25 დეკემბრის ჩათვლით.

1.5.1 სამუშაოების შესრულების ფორმა მოცემულია ტექნიკურ პირობებში და ფასების ცხრილში.
1.5.2 სამუშაოს შესრულების ადგილია ქ. ბათუმი, ხოლო კონკრეტული ობიექტი მითითებული იქნება ხელშეკრულების გაფორმების შემდეგ, შემსყიდველის მიერ გაგზავნილ წერილობით შეტყობინებაში.

1.6.1 შესასრულებელი სამუშაოს საგარანტიო პერიოდი შეადგენს საბოლოო მიღება-ჩაბარების აქტის გაფორმებიდან 12 თვეს.

2.2.1.1. ტენდერში მონაწილე პრეტენდენტს 2022 წლის 1 იანვრიდან ტენდერის გამოცხადების დღემდე შესრულებული უნდა ჰქონდეს ტენდერით გათვალისწინებული ანალოგიური ხასიათის, სირთულისა და შინაარსის (ქუ­ჩე­­ბის მიმდინარე სარემონტო სა­მუ­შა­­ოები, ასფალტის საფარის აღდგენის სამუშაოები) სამუშაოები საერთო ღირებულებით არანაკლებ 4 000 000 (ოთხი მილიონი) ლარის ოდენობით;
2.2.1.2. პრეტენდენტმა უნდა წარმოადგინოს ტენდერით გათვალისწინებული ანალოგიური ხასიათის, სირთულისა და შინაარსის სამუშაოს შესრულების დამადასტურებელი დოკუმენტების ასლები (ხელშეკრულების ასლები, მიღება-ჩაბარების აქტის ასლები, ფორმა №2 ან/და ანალოგიური ტიპის დოკუმენტები, საიდანაც შესაძლებელია სამუშაოების შინაარსისა და ღირებულებების იდენტიფიცირება).
2.2.1.3. იმ შემთხვევაში, თუ პრეტენდენტი გამოცდილების სახით წარმოადგენს არასახელმწიფო შესყიდვის ხელშეკრულებებსა და მათი შესრულების დოკუმენტაციას, გარდა მე-2 ქვეპუნქტით მოთხოვნილი დოკუმენტაციისა, პრეტენდენტი ვალდებულია დამატებით წარმოადგინოს აღნიშნულ სამუშაოებზე დადასტურებული საგადასახადო ანგარიშ-ფაქტურების ქსეროასლები. ამასთან, სახელმწიფო შესყიდვის ხელშეკრულების ქვეკონტრაქტორობის შემთხვევაში, პრეტედენდენტმა დამატებით უნდა წარმოადგინოს ძირითადი ხელშეკრულება (რის საფუძველზეც დაიდო ქვეკონტრაქტი) და ამ ხელშეკრულებაში მითითებული ქვეკონტრაქტორთან დაკავშირებული მოთხოვნების შესაბამისი დოკუმენტები (შეტყობინება, ან/და თანხმობა, ან/და % შეზღუდვა და სხვა (ხელშეკრულებაში ასეთი მოთხოვნის არსებობის შემთხვევაში).
2.2.1.4. სატენდერო დოკუმენტაციის მოთხოვნებთან შესაბამისობის დადასტურების მიზნით, უცხოური საწარმოს/უცხოური საწარმოს ფილიალის/წარმომადგენლობის მიერ ან სახელმწიფო შესყიდვების ერთიან ელექტრონულ სისტემაში სხვა პრეტენდენტის მიერ წარმოგენილ უცხო ქვეყანაში შედგენილ გამოცდილების შესახებ დოკუმენტზე ხელმოწერები დამოწმებული უნდა იყოს ნოტარიუსის ან შესაბამისი საჯარო სამართლებრივი უფლება-მოსილების მქონე პირის მიერ და მას თან უნდა ერთვოდეს ნოტარიულად დამოწმებული ქართული თარგმანი.
2.2.1.5. სახელმწიფო შეყიდვის შემთხვევაში თუ პრეტენდენტის მიერ მითითებული იქნება NAT/SPA/CMR... ნომრები და ხელშეკრულების შესრულების მიმდინარეობის ანგარიშში ატვირთული იქნება ყველა ის შესრულების დამადასტურებელი დოკუმენტი, რაც გათვალისწინებულია სატენდერო დოკუმენტაციით, დამატებით სხვა დოკუმენტების წარმოდგენის საჭიროება არ არსებობს.
2.2.1.6. ინფორმაცია წარმოდგენილი უნდა იქნეს დანართის სახით.

2.3.1.1 პრეტენდენტს საკუთრებაში ან საქართველოს სამოქალაქო კოდექსით ნებადართული ფორმით უნდა გააჩნდეს მინიმუმ:
- ორი ერთეული ტრაქტორი;
- ორი ერთეული თვლიანი სატვირთველი;
- ორი ერთეული თვითმცლელი;
- ორი ერთეული ასფალტის დამგები;
- ორი ერთეული ასფალტის სატკეპნი;
- ორი ერთეული კომპრესორი;
- სამი ერთეული ასფალტის საჭრელი აპარატი;
2.3.1.2 საკუთრების შემთხვევაში წარმოდგენილი უნდა იქნას საკუთრების დამადასტურებელი დოკუმენტების ასლები, სხვა შემთხვევაში შესაბამისი დამადასტურებელი დოკუმენტების ასლები (ხელშეკრულების ასლ(ებ)ი, რომელიც ერთი თვით უნდა აღემატებოდეს სამუშაოების დასრულების ვადას და თან ახლდეს შესაბამისი საკუთრების დამადასტურებელი დოკუმენტი) კომპრესორისა და ასფალტის საჭრელი აპარატის გარდა. ამასთან, უშუალოდ პრეტენდენტ პირს საკუთრებაში უნდა გააჩნდეს მოთხოვნილი ყველა მანქანა-მექანიზმის არანაკლებ 50%.
2.3.1.3 ინფორმაცია წარმოდგენილი უნდა იქნეს დანართის შესაბამისად.

2.8.1.1 მიმწოდებელი ვალდებულია შემსყიდველს წერილობითი ფორმით მიაწოდოს ინფორმაცია შესყიდვის ობიექტზე მომუშავე ყველა ქვეკონტრაქტორი ორგანიზაციის შესახებ ამ ორანიზაციათა გამოცდლების შესახებ ინფორმაციაზე მითითებით არაუგვიანეს 5 დღით ადრე სანამ ქვეკონტრაქტორი შეუდგება საქმიანობას.
2.8.1.2 აღნიშნულ ვადაში შესაბამისი ინფორმაციის წარმოუდგენლობის ან/და არასრულად წარმოდგენის შემთხვევაში, მიმწოდებელს დაეკისრება ერთჯერადი ჯარიმა 1000 (ათასი) ლარის ოდენობით, ხოლო აღნიშნული პუნქტით განსაზღვრული ვადის 10 (ათი) კალენდარულ დღეზე მეტით დარღვევის შემთხვევაში, შემსყიდველი უფლებამოსილია ცალმხრივად შეწყვიტოს ხელშეკრულება და მოითხოვოს ზიანის ანაზღაურება.
2.8.1.3 მიმწოდებელი ვალდებულია, შემსყიდველის დასაბუთებული მოთხოვნის შემთხვევაში, შეცვალოს ქვეკონტრაქტორი კომპანია, რომელიც არაჯეროვნად (უხარისხოდ/დაგვიანებით) ასრულებს სამუშაოებს. აღნიშნული მოთხოვნა უნდა დაკმაყოფილდეს არაუგვიანეს 15 (თხუთმეტი) კალენდარული დღისა. ხსენებული ვადის დარღვევის შემთხვევაში, მიმწოდებელს დაეკისრება ჯარიმა 1000 (ათასი) ლარის ოდენობით. ამასთან, აღნიშნული ვადის 10 (ათი) კალენდარულ დღეზე მეტით გადაცილების შემთხვევაში. მიმწოდებელს დამატებით დაეკისრება პირგასამტეხლო ხელშეკრულების საერთო ღირებულების 0.05 (ნული მთელი ხუთი მეასედი) %-ის ოდენობით ყოველ ვადაგადაცილებულ დღეზე ან შემსყიდველი ისარგებლებს ხელშეკრულების ცალმხრივად მოშლის უფლებით და მოითხოვს ზიანის ანაზღაურებას.

4.1.1.1 სავარაუდო ღირებულებასთან შედარებით საბოლოო ფასის 20%-ით ან მეტით კლების შემთხვევაში ფასწარმოქმნის ადეკვატურობის დასადასტურებლად პრეტენდენტმა უნდა წარმოადგინოს: სსიპ „ლევან სამხარაულის სახელობის სასამართლო ექსპერტიზის ეროვნული ბიუროს“ ან სხვა აკრედიტებული პირის დასკვნა (აკრედიტებული პირის მიერ გაცემულ დასკვნასთან ერთად წარმოდგენილ უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი);
4.1.1.2 ფასწარმოქმნის ადეკვატურობის დამადასტურებელი დოკუმენტი შედგენილი და გაცემული უნდა იყოს საქართველოს მთავრობის 2017 წლის 26 სექტემბრის N439 დადენილებით დამტკიცებული "სამშენებლო სამუშაოების ხარჯთაღრიცხვის ფასწარმოქმნის ადეკვატურობის დადგენის მეთოდის" მოთხოვნების შესაბამისად;
4.1.1.3 პრეტენდენტის მიერ წარმოდგენილი ექსპერტიზის დასკვნა უნდა პასუხობდეს კონკრეტულად დასმულ კითხვას: პრეტენდენტის მიერ წარმოდგენილი ხარჯთაღრიცხვით შესაძლებელია თუ არა საპროექტო-სახარჯთარრიცხვო დოკუმენტაციით გათვალისწინებული სამუშაოების შესრულება.

5 Процентов

10 Процентов

6.3.1 ხელშეკრულების უზრუნველყოფის საბანკო გარანტიის მოქმედების ვადა 60 (სამოცი) კალენდარული დღით უნდა აღემატებოდეს ხელშეკრულებით გათვალისწინებული სამუშაოების შესრულების ვადა.

6.4.1 უპირობო, გამოუთხოვადი ხელშეკრულების შესრულების გარანტია წარმოდგენილი უნდა იქნას საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან, ეროვნულ ვალუტაში - ლარში. შემდეგი ფორმის დაცვით: დაბეჭდილი გარანტიის გამცემი დაწესებულების ტიტულიან ფურცელზე (ბლანკი), ხელმოწერილი უფლებამოსილი პირის მიერ და ბეჭედდასმული.

7.2.1 ანგარიშსწორების ფორმა - უნაღდო, ვალუტა - ლარი.
7.2.2 ანგარიშსწორება მიმწოდებელთან განხორციელდება ეტაპობრივად, მიღება-ჩაბარების აქტის გაფორმების, გადახდის სერთიფიკატის და დღგ-ს ანგარიშ-ფაქტურის წარმოდგენის შემდეგ;
7.2.3 თუ შემსყიდველის მიერ ხელშეკრულებით განსაზღვრული შესასრულებელი სამუშაოების ღირებულებამ არ შეადგინა გამარჯვებულ ორგანიზაციასთან დადებული ხელშეკრულებით გათვალისწინებული თანხა, ასეთ შემთხვევაში შემსყიდველი გადაუხდის მიმწოდებელს ფაქტიურად შესრულებული სამუშაოების მოცულობების ღირებულებას. აღნიშნულიდან გამომდინარე მიმწოდებელს პრეტენზია არ უნდა გააჩნდეს აუთვისებელ სამუშაოთა მოცულობების ღირებულების ანაზღაურებაზე.
7.2.4 საავანსო ანგარშსწორება არ გამოიყენება.

7.3.1. ანგარიშსწორებისთვის აუცილებელი დოკუმენტების სრულყოფილად გაფორმებიდან არაუგვიანეს 10 (ათი) სამუშაო დღის განმავლობაში.

სალომე ბოლქვაძე, 577032660, ketilmotskobaspa@gmail.com ტექნიკურ საკითხებთან დაკავშირებით მიმართეთ არჩილ სურმანიძეს 511 148 302

10.1.1 ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე, რომელშიც, თარგმანის სისწორე ან/და მთარგმნელის ხელმოწერის ნამდვილობა დამოწმებული უნდა იყოს ნოტარიული წესით;
10.1.2 სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა.