Полные или частичные строительные работы и публичные работы (Грузия - Тендер #62922064)

შპს „ენგურჰესი“-ს ბალანსზე რიცხული ერთი ერთეული მრავალბინიანი სამ სართულიანი საცხოვრებელი სახლის გადახურვის სამუშაოები

შპს „ენგურჰესი“-ს ბალანსზე რიცხული ერთი ერთეული მრავალბინიანი სამ სართულიანი საცხოვრებელი სახლის გადახურვის სამუშაოები უნდა განხორციელდეს თანდართული სამუშაოთა მოცულობის შესაბამისად

სამუშაოების შესრულების ვადაა: 30 (ოცდაათი) კალენდარული დღე სახელმწიფო შესყიდვების შესახებ ხელშეკრულების გაფორმების დღიდან

1. სამუშაოების შესრულების ადგილია: აფხაზეთი, გალის რ-ნი, დას. საბერიო.
2. მიმწოდებლის მიერ შესრულებული სამუშაოების მიღება შემსყიდველის მიერ ხორციელდება ერთჯერადად.
3. მიმწოდებლის მიერ საბოლოოდ შესრულებული სამუშაოები მიღებულად ჩაითვლება მხოლოდ ფაქტობრივად შესრულებულ სამუშაოებზე სსიპ „ლევან სამხარაულის სახელობის სასამართლო ექსპერტიზის ეროვნული ბიუროს“ ან სხვა აკრედიტირებული საექსპერტო ორგანიზაციის (შესაბამისი აკრედიტიციის დოკუმენტის წარმოდგენით) მიერ გაცემული დადებითი საექსპერტო დასკვნის საფუძველზე გაფორმებული მიღება-ჩაბარების აქტისა (ფაქტობრივად შესრულებული სამუშაოების მოცულობების მიღების აქტი (ფორმა №2)) და საგადასახადო ანგარიშ-ფაქტურის დადასტურების შემდეგ.
4. შემსყიდველი უფლებამოსილია, სამუშაოების წარმოების პროცესში მიმწოდებლის მიერ შემსყიდველისათვის შესრულებულ სამუშაოებს (წარდგენილი ფორმა №2) საკუთარი სახსრებით ჩაუტაროს ექსპერტიზა სსიპ „ლევან სამხარაულის სახელობის სასამართლო ექსპერტიზის ეროვნული ბიუროს“ ან შესაბამის სფეროში კრედიტებული სხვა საექსპერტო პირის მეშვეობით. იმ შემთხვევაში, თუ საექსპერტო დასკვნით შესრულებული სამუშაოები შეფასდება წუნით, მაშინ სამუშაო არ ჩაითვლება შესრულებულად წუნის აღმოფხვრამდე და შესაბამისად არ გაფორმდება მიღება-ჩაბარების აქტი. წუნის აღმოფხვრა მიმწოდებელმა უნდა უზრუნველყოს შემსყიდველის მიერ განსაზღვრულ 10 (ათი) დღის ვადაში. მიმწოდებელი ვალდებულია აღმოფხვრას ექსპერტიზის აქტში მითითებული ხარვეზები საკუთარი სახსრებით და აუნაზღაუროს შემსყიდველს დამატებით ჩასატარებელ საექსპერტო მომსახურებაზე გაწეული ხარჯები. სამუშაოების შესრულების დამთავრების შემდეგ ფორმდება საბოლოო მიღება-ჩაბარების აქტი. წუნის გამო ვადის გადაცილება ითვლება ვადის დარღვევის პერიოდად დამატებით მიცემული ვადის გასვლის დღიდან და საურავი დაერიცხება ყოველ ვადაგადაცილებულ დღეზე შესასრულებელი ვალდებულების ღირებულების 0.02%-ის ოდენობით.
5. ხელშეკრულების ფარგლებში შესრულებული სამუშაოების შემოწმებას და მიღება-ჩაბარებას ახორციელებს ინსპექტირების ჯგუფი, რომელიც ადგილზე ამოწმებს ხელშეკრულებით განსაზღვრულ ეტაპობრივად შესრულებულ სამუშაოების მოცულობას და ხარისხს.

ა) საგარანტიო ვადაა 3 წელი, დაზიანების თაობაზე შეტყობინების მიღებიდან რეაგირება 24 საათის განმავლობაში, აღდგენა: დაზიანების სირთულიდან გამომდინარე გონივრულ ვადებში მიმწოდებლის მიერ დამატებითი ანაზღაურების გარეშე.
ბ) საგარანტიო პერიოდი არ ეხება ფორსმაჟორული და მექანიკური ზემოქმედებით მომხდარ დაზიანებებს.

შესყიდვაში მონაწილე მსურველ პირს უნდა გააჩნდეს ანალოგიური ხასიათის, სირთულისა და შინაარსის (შენობის გადახურვის სამუშაოები) სამუშაოების შესრულების არანაკლებ 5 წლიანი გამოცდილება. ინფორმაცია წარმოდგენილი უნდა იყოს თანდართული ცხრილის მიხედვით, რომელსაც თან უნდა დაერთოს დამადასტურებელი ხელშეკრულებები და მიღება-ჩაბარების აქტები.

ამასთან ერთი ხელშეკრულების ფარგლებში შესრულებული უნდა ჰქონდეს არანაკლებ 100000 (ასი ათასი) ლარის სამუშაო. აღნიშნულის დასადასტურებლად ერთიან ელექტრონულ სისტემაში ატვირთულ უნდა იქნას ხელშეკრულებ(ები)ა და ამ ხელშეკრულებ(ებ)ის საფუძველზე გაფორმებული მიღება-ჩაბარების აქტ(ებ)ი ან/და შესრულების დამადასტურებელი სხვა დოკუმენტაცია.

შესყიდვაში მონაწილე პრეტენდენტს უნდა ჰყავდეს:

- არანაკლებ 1 სამუშაოთა მწარმოებელი ინჟინერ-მშენებელის სპეციალობით სამშენებლო-სარემონტო სამუშაოებზე მუშაობის არანაკლებ 5 წლიანი სტაჟით. წარმოდგენილი უნდა იქნეს შესაბამისი კვალიფიკაციის დამადასტურებელი საბუთები: დიპლომის ან/და სერთიფიკატების ან/და მოწმობის ასლები.

- შრომის უსაფრთხოების სფეროში დასახული ამოცანების შესრულების ორგანიზებისათვის შრომის უსაფრთხოების სპეციალისტი, წარმოდგენილ უნდა იქნეს შესაბამისი უფლებამოსილების დამადასტურებელი დოკუმენტი (სერტიფიკატი).

ყველა კვალიფიკაციის დამადასტურებელი დოკუმენტი ძალაში უნდა იყოს არანაკლებ ტენდერით გათვალისწინებული სამუშაოების დასრულების თარიღის ჩათვლით.

„იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სახელმწიფო შესყიდვების ერთიანი ელექტრონული სისტემის მეშვეობით დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველის მიერ განსაზღვრულ ვადაში პრეტენდენტი ვალდებული იქნება დაასაბუთოს ფასწარმოქმნის ადეკვატურობა, რომელიც უნდა დადასტურდეს სსიპ - ლევან სამხარაულის სახელობის სასამართლო ექსპერტიზის ეროვნული ბიუროს მიერ გაცემული ექსპერტიზის დასკვნით ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული დასკვნის (ასეთ შემთხვევაში წარმოდგენილი უნდა იქნას აუდიტორული საქმიანობის წარმოების უფლებამოსილების დამადასტურებელი დოკუმენტი) საფუძველზე.

ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით

დასკვნას თან უნდა ახლდეს ყველა ის დოკუმენტი, რომლის საფუძველზეც მოხდა დასკვნის შედგენა

- პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება. ფასწარმოქმნის ადეკვატურობის დამადასტურებელი დოკუმენტის წარმოუდგენლობა ან/და ისეთი დოკუმენტის წარმოდგენა, რომლითაც ვერ დადასტურდება ფასწარმოქმნის ადეკვატურობა, გამოიწვევს პრეტენდენტის დისკვალიფიკაციას.

- მხარეები ანგარიშსწორებას ახორციელებენ ლარებში, უნაღდო ანგარიშსწორებით.
- ანაგარიშსწორება განხორციელდება ფაქტიურად შესრულებული სამუშაოების მიხედვით ერთჯერადად.
- სამუშაოების დასრულებისას მიმწოდებელმა შემსყიდველს უნდა აცნობოს სამუშაოების შესრულების შესახებ.
- საბოლოო ანგარიშსწორება განხორციელდება ფაქტობრივად შესრულებულ სამუშაოებზე ინსპექტირების ჯგუფის მიერ მიღება-ჩაბარების აქტის შედგენისა და ფინანსური დოკუმენტაციის წარმოდგენის საფუძველზე.

საბოლოო ანგარიშსწორების ვადაა - შესრულებულ სამუშაოებზე ექსპერტიზის დადებითი დასკვნის, მიღება-ჩაბარების აქტისა და ფინანსური დოკუმენტაციის წარდგენიდან 5 სამუშაო დღე.

რომან ლაგვილავა, 591996699, r.lagvilava@engurhesi.ge

1) იმ პრეტენდენტებს, რომლებიც არ ეწევიან ეკონომიკურ საქმიანობას აფხაზეთის ტერიტორიაზე, "ოკუპირებული ტერიტორიების შესახებ" საქართველოს კანონის მე-6 მუხლის პირველი პუნქტის "ა" ქვეპუნქტის თანახმად, ოკოპირებულ ტერიტორიაზე ეკონომიკური საქმიანობის განხორციელებისათვის ნებართვის მისაღებად შპს „ენგურჰესი" თავისი კომპეტენციის ფარგლებში გაუწევს შუამდგომლობას შესაბამის სამინისტროში; ასევე პრეტენდენტებს ესაჭიროება აფხაზური მხარის შესაბამისი სტრუქტურის მხრიდან გაცემული ნებართვა აფხაზეთის ტერიტორიაზე შემოსვლის შესახებ, რაშიც ასევე შპს „ენგურჰესი" თავისი კომპეტენციის ფარგლებში გაუწევს შუამდგომლობას შესაბამის სამინისტროში. ამასთან, შპს "ენგურჰესი" არ იძლევა გარანტიას, რომ შეძლებს პრეტენდენტისათვის ზემოხსენებული ნებართვების მოპოვებას, რამდენადაც მიუხედავად მცდელობისა ვერ მოხერხდა რამდენიმე ტენდერის შემთხვევაში.
2) აფხაზეთის ტერიტორიაზე შემომსვლელთათვის დაწესებულია სავიზო რეჟიმი. ვიზების გაცემა ხორციელდება ქ. სოხუმში ყველა კონკრეტულ პიროვნებაზე ინდივიდუალურად, შესაბამისი დოკუმენტაციის წარდგენისა და შემოწმების გავლის შემდეგ. ვიზის აღება ფასიანია, ის მიმწოდებელმა უნდა გადაიხადოს.
3) ყველა დოკუმეტაცია, რომელიც იქნება პრეტენდენტის მიერ ატვირთული, უნდა იყოს კვალიფიციური ელექტრონული ხელმოწერით ან/და კვალიფიციური ელექტრონული შტამპით დამოწმებული;
4) ალტერნატიული სატენდერო წინადადება არ მიიღება;
5) სატენდერო წინადადება, ასევე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია, დოკუმენტაცია ან/და ინფორმაცია, წარმოდგენილი უნდა იქნეს ქართულ ენაზე. დოკუმენტების უცხოურ ენაზე წარდგენის შემთხვევაში, მას უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე. უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია;
6) ხარჯთაღრიცხვის წარმოუდგენლობა ან განუფასებლად წარმოდგენა (თუ განუფასებელი პოზიციების რაოდენობა აღემატება განსაფასებელი პოზიციების 1%-ს) დაზუსტებას არ დაექვემდებარება და გამოიწვევს პრეტენდენტის დისკვალიფიკაციას;