Отделочные строительные работы (Грузия - Тендер #62922060)

სსიპ ივანე ჯავახიშვილის სახელობის თბილისის სახელმწიფო უნივერსიტეტის პირველი სასწავლო კორპუსის ეზოში მდებარე კაფეტერიის სარემონტო-სარეაბილიტაციო სამუშაოები

ტექნიკური პარამეტრები, სრული აღწერილობა და ჩამონათვალი იხ. დანართი #1 (სატენდერო დოკუმენტაციის კითხვარის პუნქტი 1.3).
* იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება/სამუშაო;
* პრეტენდენტის მიერ წარმოდგენილ ხარჯთაღრიცხვაში დაუშვებელია: განსაზღვრული სამუშაოების დასახელების, განზომილებისა და რაოდენობების ცვლილება;
*ერთნაირი დასახელების სამუშაოზე გათვალისწინებული უნდა იყოს ერთნაირი ფასი;
* სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარებში;
*გაუთვალიწინებელი ხარჯებისათვის განსაზღვრული პროცენტული მაჩვენებლის შეცვლა დაუშვებელია;
* ფარული სამუშაოების წარმოების შემთხვევაში, მიმწოდებელი ვალდებულია შეადგინოს ფარული სამუშაოების დამადასტურებელი წერილობითი აქტები, ამასთან ფარული სამუშაოები წარმოებულ უნდა იქნეს შემსყიდველის მიერ განსაზღვრულ ინსპექტირების განმახორციელებელ პირთან/პირებთან ერთად;
* მიმწოდებელმა საკუთარი ხარჯებით უნდა უზრუნველყოს სამუშაო ფართის დასუფთავება, ნარჩენების, სამშენებლო ნაგვის მოგროვება და ტერიტორიიდან გატანა;
* სამუშაოები უნდა განხორციელდეს ,,შრომის უსაფრთხოების შესახებ" საქართველოს ორგანული კანონის (2019 წლის 19 თებერვალი) მოთხოვნათა სრული დაცვით;

* პრეტენდენტმა ხარჯთაღრიცხვა უნდა შეადგინოს და მასში მოცემული პუნქტები განაფასოს საქართველოს ეკონომიკისა და მდგრადი განვითარების მინისტრის 2011 წლის 18 თებერვლის N11/251 ბრძანებით დამტკიცებული ,,საქართველოს ტერიტორიაზე ტექნიკური ზედამხედველობისა და სამშენებლოს სფეროში 1992 წლამდე მოქმედი ნორმების წესების და ტექნიკური რეგულირების სხვა დოკუმენტების გამოყენების შესახებ’’ და საქართველოს მთავრობის 2014 წლის 14 იანვრის N55 დადგენილებით დამტკიცებული ,,ტექნიკური რეგლამენტის ,,სამშენებლო სამუშაოების სახელმწიფო შესყიდვისას ზედნადები ხარჯებისა და გეგმიური მოგების განსაზღვრის წესის’’ შესაბამისად.

შენიშვნა: პრეტენდენტის მიერ ერთიანი ელექტრონული სისტემის მეშვეობით (ტენდერის სტატუსი-,,წინადადებების მიღება დაწყებულია’’-ეტაპზე) ხარჯთაღრიცხვის წარმოუდგენლობა ან განუფასებლად წარმოდგენა გამოიწვევს მის დისკვალიფიკაციას

სამუშაოების დასრულების სავალდებულო ვადაა: ხელშეკრულების გაფორმების შემდეგ 90 კალენდარული დღე.

1.5.1. მიმწოდებელმა სამუშაოები უნდა განახორციელოს შემდეგ მისამართზე:
ქ.თბილისის, ილ.ჭავჭავაძის გამზ.#1 -თსუ პირველი სასწავლო კორპუსის ეზო
*მიმწოდებელი ვალდებულია სამუშაოები აწარმოოს კალენდარული გეგმა-გრაფიკის შესაბამისად.
1.5.2. მიმწოდებელი ვალდებულია შესრულებული სამუშაოს მიღება-ჩაბარების აქტის გაფორმებამდე შემსყიდველს წერილობით წარმოუდგინოს შესრულებული სამუშაოს აქტი და ფორმა #2 დამოწმებული უფლებამოსილი პირის მიერ.
1.5.3. დასრულებული სარემონტო სამუშაოების მიღება-ჩაბარება ფორმდება შესრულებული სარემონტო სამუშაოების ფორმა #2-ზე თსუ ტექნიკური ზედამხედველის და ინსპექტირების დადებითი დასკვნის საფუძველზე;
1.5.4. ხელშეკრულების შესრულების მთელ პერიოდში, მიმწოდებელმა უნდა უზრუნველყოს საქართველოში მოქმედი სამშენებლო და გარემოსდაცვითი ნორმების განუხრელი შესრულება;
1.5.5. მიმწოდებელი ვალდებულია სამუშაოების შესრულების დროს შეათანხმოს შემსყიდველთან და გამოიყენოს მხოლოდ ის მასალები, რომელთა ხარისხი შეესაბამება საქართველოში აღიარებულ სტანდარტებსა და ნორმებს, წინააღმდეგ შემთხვევაში შემსყიდველი უფლებამოსილია არ ჩაიბაროს ჩატარებული სამუშაოები;
1.5.6. მიმწოდებელი ვალდებულია სამუშაოს დასრულებისთანავე გაათავისუფლოს სამუშაო ადგილი სამშენებლო მოწყობილობა-დანადგარებისაგან და სამუშაოების წარმოების პროცესში წარმოქმნილი ნარჩენებისაგან;
1.5.7. მიმწოდებელი ვალდებულია აღადგინოს სამუშაოების წარმოების პროცესში მისი მიზეზით დაზიანებული ინფრასტრუქტურა.

შესრულებული სამუშაოების საგარანტიო ვადების შესახებ ინფორმაცია წარმოადგენს მხარეთა შორის გაფორმებული ხელშეკრულების დანართს და შესაბამისად მის განუყოფელ ნაწილს (იხ.დანართი #2).
1. სახურავი - 10 წელი ქანობიანი გადახურვა, 5 წელი რბილი გადახურვა (ასეთის არსებობის შემთხვევაში);
2. კარ-ფანჯრები, ვიტრაჟები -5 წელი, საკეტები-1 წელი (ასეთის არსებობის შემთხვევაში);
3. გამაგრება-გაძლიერების სამუშაოები -10 წელი (ასეთის არსებობის შემთხვევაში);
4. შენობის შიდა მოპირკეთება - 5 წელი (ასეთის არსებობის შემთხვევაში);
5. ფასადის და სარინელის სამუშოები -10 წელი (ასეთის არსებობის შემთხვევაში);
6. სამღებრო სამუშაოები - 5 წელი (ასეთის არსებობის შემთხვევაში);
7. სანტექნიკა და ელექტროობა - 5 წელი (ასეთის არსებობის შემთხვევაში);
8. გათბობის სისტემა - 5 წელი (ასეთის არსებობის შემთხვევაში);
9. საქვაბე მეურნეობის აგრეგატები - 1 წელი (ასეთის არსებობის შემთხვევაში);
10. იატაკი -5 წელი (ასეთის არსებობის შემთხვევაში);
11. კონსტრუქციები (ახალი შენობის მშენებლობის შემთხვევაში) - 10 წელი (ასეთის არსებობის შემთხვევაში);
12. წყალსადენისა და კანალიზაციის გარე ქსელი - 5 წელი (ასეთის არსებობის შემთხვევაში);
13. ღობე - 5 წელი (ასეთის არსებობის შემთხვევაში);
14. სხვა დან არჩენი - 1 წელი (ასეთის არსებობის შემთხვევაში);
15. ლიფტი - 3 წელი (ასეთის არსებობის შემთხვევაში);
16. ლიფტის საექსპლოატაციო ვადა- 5 წელი (ასეთის არსებობის შემთხვევაში);
17. ამწე მოწყობილობა 2 წელი (ასეთის არსებობის შემთხვევაში).
18. ვენტილაცია-კონდიცირება 5 წელი (ასეთის არსებობის შემთხვევაში).
19. სახანძრო და დაცვითი სიგნალიზაცია 3 წელი (ასეთის არსებობის შემთხვევაში).
20. ჭერი 5 წელი (ასეთის არსებობის შემთხვევაში).

პრეტენდენტმა ცხრილი #1 -ში უნდა მიუთითოს შესასრულებელი სამუშაოებისას გამოსაყენებელი მოწყობილობის
1. მწარმოებელი - მწარმოებელი კომპანია/ბრენდი;
2. მოდელი - შემოთავაზებული შესყიდვის ობიექტის მოდელი ან/და სერიული ნომერიან/და მაიდენტიფიცირებელი ნიშანი, რომლითაც მოხდება ტექნიკური პარამეტრების იდენტიფიცირება

ზემოაღნიშნული ინფორმაცია უნდა მიუთითოს ხარჯთაღრიცხვის - დანართი N1-ის ,,შიდა სარემონტო სამუშაოების გათბობა-გაგრილების მოწყობა 1-ლი პოზიციაზე:
კედლის ქვაბი 24 კვტ სიმძლავრის საკვამურით; ტუმბოთი; საფართოებლით; დამცავი სარქველით (გაზზე მომუშავე)

იხ.ცხრილი #1
მწარმოებლისა და მოდელის შესახებ ინფორმაციის წარმოუდგენლობა გამოიწვევს პრეტენდენტის დისკვალიფიკაციას ყოველგვარი დაზუსტების გარეშე.

ტენდერში მონაწილეობის მისაღებად პრეტენდენტს 2022 წლის 1 იანვრიდან მოცემულ ტენდერში წინადადებების მიღების დასრულების დღემდე შესრულებული უნდა ჰქონდეს შემსყიდველის სატენდერო დოკუმენტაციით გათვალისწინებული ანალოგიური ხასიათის, სირთულისა და შინაარსის (შენობის სარემონტო-სარეაბილიტაციო სამუშაოები, იხ.დანართი 1) სამუშაოები მოცულობით არანაკლებ 600 000 ლარის ოდენობისა (ჯამურად).
აღნიშნულის დასტურად პრეტენდენტმა ერთიან ელექტრონულ სისტემაში ტექნიკურ დოკუმენტაციასთან ერთად უნდა ატვირთოს თითოეულ შესრულებულ სამუშაოზე დამკვეთთან გაფორმებული ხელშეკრულებების და ამ სამუშაოების დასრულების დამადასტურებელი დოკუმენტების ასლები (შესრულებული სამუშაოების მიღება-ჩაბარების აქტი, სამუშაოს შესრულების აქტი-ფორმა #2 და/ან ,,დეფექტური აქტები, საგადასახადო ანგარიშფაქტურ(ები)ა (არსებობის შემთხვევაში)). სახელმწიფო შესყიდვის შესახებ ხელშეკრულებ(ებ)ის არსებობის შემთხვევაში თუ მოცემული დოკუმენტები ატვირთულია სახელმწიფო შესყიდვების ერთიან ელექტრონულ სისტემაში საკმარისია შესაბამისი განცხადების ნომრ(ებ)ის SPA /NAT/DAP/CMR წარმოდგენა.
(იხ.დანართი #3)

2.7.1.1.სამუშაოები შესრულებული უნდა იყოს საპროექტო-სახარჯთაღრიცხვო და საქართველოში მოქმედი ნორმატიულ-ტექნიკური დოკუმენტების მოთხოვნების შესაბამისად, სამუშაოს შესრულების პროცესში ყველა გამოყენებული მასალა და მოწყობილობა უნდა იყოს ხარისხიანი და აკმაყოფილებდეს პროექტის მოთხოვნებს და საქართველოში მოქმედ ყველა სამშენებლო ნორმასა და სტანდარტს.
2.7.1.2. შემსყიდველის მოთხოვნის შემთხვევაში მიმწოდებელი ვალდებულია უზრუნველყოს გამოყენებული მასალების ხარისხის დამადასტურებელი სერტიფიკატების წარმოდგენა.

2.9.1.პრეტენდენტის მიერ ერთიან ელექტრონულ სისტემაში ატვირთული დოკუმენტაცია „ელექტრონული
დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე საჭიროებს კვალიფიციურ ელექტრონულ ხელმოწერას ან/და კვალიფიციურ ელექტრონულ შტამპის დასმას.
2.9.2. ტენდერთან დაკავშირებული დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭ ების საკითხს წყვეტს სატენდერო კომისია.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველის მიერ წერილობითი მიმართვით განსაზღვრულ გონივრულ ვადაში, პრეტენდენტი ვალდებულია სისტემაში ატვირთოს ფასწარმოქმნის ადეკვატურობის დამადასტურებელი დოკუმენტი. დასაბუთება შესაძლებელია განხორციელდეს სსიპ „ლევან სამხარაულის სახელობის ექსპერტიზის ეროვნული ბიუროს“ ან სხვა აკრედიტირებული პირის მიერ გაცემული შესაბამისი დადებითი დასკვნით (იმ შემთხვევაში, თუ დასკვნის გამცემი ორგანო არ იქნება სსიპ - ლევან სამხარაულის სახელობის სასამართლო ექსპერტიზის ეროვნული ბიურო, დასკვნასთან ერთად წარმოდგენილ უნდა იქნას დასკვნის გამცემი პირის შესაბამისი აკრედიტაციის დამადასტურებელი დოკუმენტი), რომლიც შედგენილი იქნება საქართველოს მთავრობის 2017 წლის 26 სექტემბრის №439 დადგენილებით დამტკიცებული "ტექნიკური რეგლამენტის - სამშენებლო სამუშაოების ხარჯთაღრიცხვის ფასწარმოქმნის ადეკვატურობის დადგენის მეთოდიკის" შესაბამისად.
ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

5 Процентов

10 Процентов

ხელშეკრულების შესრულების უზრუნველყოფის საბანკო გარანტიის მოქმედების ვადა 30 კალენდარული დღით უნდა აღემატებოდეს ხელშეკრულების მოქმედების ვადას.

6.4.1. ტენდერში გამოიყენება ხელშეკრულების შესრულების უზრუნველყოფის საბანკო გარანტია, სახელშეკრულებო ღირებულების 5%-ის ფარგლებში, ხოლო თეთრ სიაში რეგისტრირებული მიმწოდებლებისათვის საბანკო გარანტიის მოცულობა განისაზღვრება სახელშეკრულებო ღირებულების 2.5%-ის ფარგლებში.
პრეტენდენტის მიერ სისტემაში დაფიქსირებულ საბოლოო ფასსა და სავარაუდო ღირებულებას შორის 20%-ით ან მეტი ოდენობით სხვაობისას, ხელშეკრულების შესრულების უზრუნველყოფის საბანკო გარანტიის ოდენობა განისაზღვრება სახელშეკრულებო ღირებულების 10%-ის ოდენობით, ხოლო თეთრ სიაში რეგისტრირებული მიმწოდებლებისათვის საბანკო გარანტიის მოცულობა განახევრდება.
6.4.2 ხელშეკრულების შესრულების უპირობო და გამოუთხოვადი გარანტია წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან ს.ს.ი.პ. „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან, ეროვნულ ვალუტაში - ლარში.
6.4.3. უცხოური ბანკიდან ან/და სადაზღვევო კომპანიიდან საბანკო გარანტიის წარმოდგენის შემთხვევაში მასთან ერთად მიმწოდებელმა უნდა წარმოადგინოს ზემოაღნიშნული საბანკო გარანტიის საფუძველზე საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ საქართველოს დაზღვევის სახელმწიფო ზედამხედველობის სამსახურის მიერ ლიცენზირებული სადაზღვევო კომპანიიდან გაცემული „კონტრგარანტია“ (ლარში). საბანკო გარანტია და მასთან დაკავშირებული დოკუმენტაცია წარმოდგენილი უნდა იქნას ქართულ ენაზე (დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი).

7.2.1 ,,ხელშეკრულების ფარგლებში შეიძლება განხორციელდეს ეტაპობრივი ანგარიშსწორება;
7.2.2. ანგარიშსწორება ,,შემსყიდველსა’’ და ,,მიმწოდებელს’’ შორის განხორციელდება შესრულებული სარემონტო სამუშაოების ფორმა #2-ზე თსუ ტექნიკური ზედამხედველის და ინსპექტირების დადებითი დასკვნის საფუძველზე შედგენილი მიღება ჩაბარების აქტის შესაბამისად.

7.3.1. ანგარიშსწორება განხორციელდება 7.2.2. პუნქტით გათვალისწინებული დოკუმენტაციის სრულყოფილად წარმოდგენიდან 10 (ათი) სამუშაო დღის ვადაში. გარდა წინამდებარე მუხლის „ 7.3.2“ პუნქტის შემთხვევისა;
7.3.2 იმ შემთხვევაში, თუ ჯარიმის/პირგასამტეხლოს გამოყენებასთან დაკავშირებით შეტყობინების მიღებიდან 7.3.1 პუნქტით გათვალისწინებულ ანგარიშსწორებამდე მიმწოდებლის მიერ არ იქნა წარმოდგენილი საჯარიმო სანქციით დაკისრებული თანხის გადახდის დამადასტურებელი დოკუმენტი, შემსყიდველი უფლებამოსილია მიღება-ჩაბარების აქტით განსაზღვრული მოწოდებული შესყიდვის ობიექტის ღირებულების ანაზღაურებისას, ხელშეკრულების პირობების დარღვევის გამო ჯარიმის/პირგასამტეხლოს თანხა დაუქვითოს მიმწოდებელს, რის შემდეგაც მიმწოდებელს ჩაერიცხება დარჩენილი თანხა.

ანეტა მერკვილიშვილი, 577595839, i.merkvilishvili@tsu.ge ტექნიკურ საკითხებზე საკონტაქტო პირი: თსუ მატერიალური რესურსების მართვის დეპარტამენტის უფროსი იოსებ სოფრომაძე, ტელ.: 557 95 53 88; ინფრასტრუქტურის განვითარების განყოფილების უფროსი ზურაბ კილასონია, ტელ. 577 50 54 58

10.1.1. შესყიდვაში მონაწილე პირებმა (პრეტენდენტებმა) ერთიან ელექტრონულ სისტემაში უნდა ატვირთონ შემდეგი ტექნიკური ინფორმაცია/დოკუმენტები:
1. შესასრულებელი სამუშაოების ,,ხარჯთაღრიცხვა’’ დანართი #1-ისა და სატენდერო დოკუმენტაციის კითხვარის 1.2 და 1.3 პუნქტების შესაბამისად
2. ინფორმაცია შესრულებული სამუშაოების საგარანტიო პერიოდის შესახებ სატენდერო დოკუმენტაციის კითხვარის 1.6. პუნქტის შესაბამისად (იხ.დანართი #2)
3. ინფორმაცია გამოცდილების შესახებ: სატენდერო დოკუმენტაციის კითხვარის 2.2.1. პუნქტის შესაბამისად.
4. ინფორმაცია მწარმოებელისა და მოდელის შესახებ, ცხრილი #1- სატენდერო დოკუმენტაციის კითხვარის 2.1.1. პუნქტის შესაბამისად.