Инженерные услуги (Грузия - Тендер #62922032)

რუსთავის საქალაქო სასამართლოს შენობაზე ფართის მიშენებისა და არსებული შენობის რეაბილიტაციის საინჟინრო-საპროექტო-სახარჯთაღრიცხვო დოკუმენტაციის მომზადების სახელმწიფო შესყიდვა

საინჟინრო-საპროექტო-სახარჯთაღრციხვო დოკუმენტაციის მომზადებისას გათვალისწინებულ უნდა იყოს:

1. საქართველოს მთავრობის 2014 წლის 6 იანვრის N41 დადგენილება:„შეზღუდული შესაძლებლობის მქონე პირებისათვის სივრცის მოწყობისა და არქიტექტურული და გეგმარებითი ელემენტების ტექნიკური რეგლამენტის დამტკიცების თაობაზე“.
2. საქართველოს მთავრობის 2014 წლის 14 იანვარის №52 დადგენილება:„საქართველოს ტერიტორიაზე სამშენებლო სფეროს მარეგულირებელი ტექნიკური რეგლამენტების აღიარებისა და სამოქმედოდ დაშვების შესახებ“.
3. საქართველოს მთავრობის 2016 წლის 28 იანვარის №41 დადგენილება:„ტექნიკური რეგლამენტის „შენობა-ნაგებობის უსაფრთხოების წესების“ დამტკიცების თაობაზე“.
4. მშენებლობის უსაფრთხოების წესების დამტკიცების შესახებ” საქართველოს მთავრობის 2007წ. 28 მარტის N62 დადგენილება.
5. მშენებლობის უსაფრთხოების შესახებ ტექნიკური რეგლამენტის დამტკიცების თაობაზე“ საქართველოს მთავრობის 2014წ. 27 მაისის N361 დადგენილების მოთხოვნებს.
6. საქართველოს მთავრობის 2019 წლის 31 მაისი №255 დადგენილება: მშენებლობის ნებართვის გაცემისა და შენობა-ნაგებობის ექსპლუატაციაში მიღების წესისა პირობების შესახებ.
7. ,,სამშენებლო სამუშაოების სახელმწიფო შესყიდვისას ზედნადები ხარჯების და გეგმიური მოგების განსაზღვრის წესის დამტკიცების შესახებ“ საქართველოს მთავრობის 2014 წლის 14 იანვრის #55-ე დადგენილების შესაბამისად.
8. საქართველოს კანონმდებლობით მოქმედი რეგულაციები, რომელიც უკავშირდება საინჟინრო საპროექტო-სახარჯთაღრიცხვო-სამშენებლო რეგულირების სფეროებს, ასევე საინჟინრო-საპროექტო სახარჯთაღრიცხვო-სამშენებლო დოკუმენტაციის მომზადების მიმდინარეობისას ახალი რეგულაციების წარმოშობის შემთხვევაში, აუცილებელია მათი გათვალისწინება (ასეთის არსებობის შემთხვევაში).
9. საინჟინრო ქსელების/ელექტრო ნაწილის პროექტირებისას გათვალისწინებული უნდა იყოს არანაკლებ: СнИП სამშენებლო ნორმები HVAC და EN სტანდარტები.

ტექნიკური დავალების შესაბამისად მომზადებული ნებისმიერი შესწავლა, ანგარიში, გრაფიკული ან სხვა სახის მასალი ეკუთვნის შემსყიდველს და რჩება მის საკუთრებაში.შესრულებულ სრულ საპროექტო დოკუმენტაციაზე შემსყიდველი იძენს საავტორო უფლებას.

წარმოდგენილ საპროექტო-სახარჯთაღრიცხვო დოკუმენტაციას თან უნდა ერთვოდეს სსიპ „ლევან სამხარაულის სახელობის სასამართლო ექსპერტიზის ეროვნული ბიუროს“ ან/და შესაბამის სფეროში საქართველოს კანონმდებლობით განსაზღვრული აკრედიტაციის მქონე იურდიული პირის/ფიზიკური პირის მიერ მომზადებული საექსპერტო დადებითი დასკვნები შემდეგ ნაწილებზე:

1.კონსტრუქციული ნაწილი;
2.საინჟინრო-გეოლოგიური დასკვნა;
3. "შენობა-ნაგებობის უსაფრთხოების წესების დამტკიცების თაობაზე“ საქართველოს მთავრობის 2016 წლის 28 იანვრის №41 დადგენილებით დამტკიცებულ რეგლამენტთან შესაბამისობის თაობაზე (ამ უკანასკნელ პუნქტზე საექსპერტო შეფასება ასევე შესაძლებელია შედგენილი იყოს სპეციალისტის მიერ, რომელსაც აქვს არქიტექტორის აკადემიური ხარისხი);
4. არსებულ შენობის ახალ ფართთან მიერთების მდგრადობა;
5. პროექტში წარმოდგენილი შესასრულებელი სამუშაოების მოცულობებისა და აღნიშნული პროექტის ხარჯთაღრიცხვაში წარმოდგენილი მოცულობებისა და ღირებულებების ადეკვატურობისა და შესაბამისობის დადგენის მიზნით; წარმოდგენილ საპროექტო დოკუმენტაციას თანდართული უნდა ჰქონდეს სარეაბილიტაციო სამუშაოების პროექტის, ხარჯთაღრიცხვის და პროექტის შესაბამისობა ხარჯთაღრიცხვასთან. საექსპერტო დასკვნა, რომელიც დაადასტურებს საპროექტო სახარჯთაღრიცხვო დოკუმენტაციის შესაბამისობას მოქმედ კანონმდებლობასთან.
6. რუსთავის მუნიციპალიტეტის მოთხოვნის შემთხვევაში, მოამზადოს საპროექტო შენობის ენერგოეფექტურობის პროექტი და შესაბამისი ექსპერტის/ექსპერტიზის დასკვნა.
ექსპერტიზის განმახორციელებელი ორგანო უნდა იყოს სსიპ სასამართლო ექსპერტიზის ეროვნული ბიურო ან სხვა აკრედიტებული პირი. იმ შემთხვევაში, თუ დასკვნის გამცემი ორგანო არ იქნება სსიპ სასამართლო ექსპერტიზის ეროვნული ბიურო, პრეტენდენტმა დამატებით უნდა წარმოადგინოს ექსპერტიზის განმახორციელებელი ორგანოს/პირის შესაბამისი აკრედიტაციის სერთიფიკატი. აკრედიტაციის სფერო უნდა ფარავდეს მოთხოვნილ მომსახურება გარდა შენობის ენერგოეფექტურობის პროექტისა, (ამ უკანასკნელ პუნქტზე საექსპერტო შეფასება ასევე შესაძლებელია შედგენილი იყოს სპეციალისტის მიერ, რომელსაც აქვს შესაბამისი აკადემიური ხარისხი).

ექსპერტიზას განახორციელებს მიმწოდებელი საკუთარი ხარჯებით, ექსპერტიზის მიერ რაიმე ხარვეზის დაფიქსირების შემთხვევაში, მომწოდებელი ვალდებულია გამოასწოროს ხარვეზი შემსყიდველის მიმართვიდან 7 კალენდარულ დღეში.
განმეორებითი ექსპერტიზის ხარჯს (ასეთი განმეორებითი ექსპერტიზის ჩატარების აუცილებლობის შემთხვევაში) გაიღებს მიმწოდებელი.

1. არაუმეტეს 14 კალენდარულ დღეში მიმწოდებელმა მიწის ნაკვეთის სამშენებლოდ გამოყენების პირობების (შემდგომში - გაპ) დადგენისათვის საჭირო დოკუმენტაცია, შემსყიდველის სახელით/მინდობილობით ატვირთოს MS.GOV.GE-ზე.
2. არაუმეტეს 21 კალენდარულ დღეში, მიმწოდებელმა, დეპარტამენტში უნდა წარმაოდგინოს მისაშენებელი ფართის დაზუსტებული ზომები, რენდერები, ასევე საპროექტო შენობის პარამეტრები.
3. დეპარტამენტიდან წერილობითი თანხმობის მიღების შემდგომ, 21 კალენდარულ დღეში, მშენებლობის ნებართვის მიღების მიზნით, შემსყიდველის სახელით/მინდობილობით უნდა ატვირთოს MS.GOV.GE- ზე საპროექტო დოკუმენტაცია ნებართვის (მშენებლობის ნებართვა) მისაღებად (ნორმატიული აქტებით დადგენილი გადასახდელების გადახდას უზრუნველყოფს შემსყიდველი).
4. არაუმეტეს 28 კალენდარულ დღეში, მიმწოდებელმა, დეპარტამენტში უნდა წარმოადგინოს სახაძრო საავარიო სისტემების მოწყობის პროექტი, დეპარტამენტიდან წერილობითი თანხმობის მიღების შემდგომ, ნებართვის მიღების მიზნით, აღნიშნული პროექტი უნდა შეათანხმოს საქართველოს შინაგან საქმეთა სამინისტროს მმართველობის სფეროში მოქმედი საჯარო სამართლის იურიდიული პირი საგანგებო სიტუაციების მართვის სააგენტოსთან.
5. რუსთავის მერიის არქიტექტურის სამსახურიდან მშენებლობის ნებართვის, ადმინისტრაციული ან/და სხვა კომუნალური ორგანოებიდან ნებართვების მიღების შემდგომ, 21 კალენდარულ დღეში, უნდა წარმოადგინოს სრული საპროექტო-სახარჯთაღრიცხვო დოკუმენტაცია, პროექტზე ექსპერტიზის დადებითი დასკვნების ჩათვლით.

შენიშვნა:
ა) მიმწოდებლის მიერ დეპარტამენტისთვის რაიმე საკითხის შეთანხმების აუცილებლობის შემთხვევაში, წერილობითი მიმართვის შემთხვევაში, ზემოაღნიშნული ვადები ჩერდება და განახლდება დეპარტამენტის მიმწოდებლისთვის წერილობითი პასუხიდან მეორე კალენდარულ დღეს; ზემოაღნიშნული ვადები არ მოიცავს შემსყიდველის მიერ ადმინისტრაციული ორგანოებიდან ნებართვების მიღების ვადას.
ბ) რუსთავის მუნიციპალიტეტის მერიის მიერ პროექტის შეთანხმების ეტაპზე, ადმინისტრაციული ან/და სხვა კომუნალური ორგანოებიდან, რაიმე დოკუმენტაციის მოთხოვნის შემთხვევაში, ზემოაღნიშნული ვადები ჩერდება და განახლდება დეპარტამენტის მიერ შესაბამისი წერილობით დოკუმენტის მოპოვებიდან და მიმწოდებლისთვის წერილობით მიწოდებიდან მეორე კალენდარული დღიდან.

შესყიდვის ობიექტი წარმოდგენილი უნდა იყოს ალბომის სახით ნაბეჭდი ვერსია შესაბამის მასშტაბში არანაკლებ A3 ფორმატი, 3 ეგზემპლიარად. ხელმოწერილი და ბეჭედდასმული საპროექტო დოკუმენტაცია ქართულ ენაზე. წარმოდგენილ მასალას თან უნდა დაერთოს მათი ელექტრონული ვერსიები CD დისკზე ჩაწერილი. PDF, PLA (ARCHICAD) ან AUTOCAD - ფაილის სახით 4 ეგზემპლარად. აგრეთვე მშენებლობის ასაღებად საჭირო სრული დოკუმენტაციის ელექტრონული ვერსია.

საპროექტო დოკუმენტაციის მიწოდების ადგილი: ქ. თბილისი, ძმები ზუბალაშვილების ქ. #6 (სსიპ საერთო სასამართლოების დეპარტამენტი.

2020 წლის 1 იანვრიდან ტენდერის გამოცხადების დღემდე პრეტენდენტს ან მასთან დასაქმებულ პირს* უნდა გააჩნდეს საპროექტო ან/და საინჟინრო მომსახურების გამოცდილება, მომსახურების ჯამური ღირებულებით არანაკლებ 50 000 ლარის ოდენობით.
ამ ქვეპუნქტით მოთხოვნილი გამოცდილების დასადასტურებლად წარმოდგენილი უნდა იყოს მითითება სახელმწიფო შესყიდვების ერთიანი ელექტრონული სისტემის შესაბამის ნომერზე ან/და დამკვეთის/შემსყიდველის მიერ გაცემული წერილობითი დოკუმენტი შესყიდვის ობიექტის, მისი დასრულების და ღირებულების აღნიშვნით ან/და ხელშეკრულებები და მათი საბოლოო მიღება-ჩაბარების აქტები (ხელშეკრულების დანართების წარმოდგენა არ არის აუცილებელი, თუ შესყიდვის ობიექტის და ღირებულების დადგენა შესაძლებელია უკვე არსებული დოკუმენტებით).

შენიშვნა:
* თუ პრეტენდენტი ტენდერში მონაწილეობს მასთან დასაქმებული პირის გამოცდილებით, დამატებით წარმოდგენილი უნდა იყოს ამ პირის პრეტენდენტთან დასაქმების დამადასტურებელი დოკუმენტი ვადით არანაკლებ 2025 წლიდან 31 დეკემბრისა.

ვინაიდან აღნიშნული ტენდერით განსაზღვრული მომსახურება არის ინტელექტუალური მომსახურება, რომლის შეფასების კრიტერიუმები და ფასწარმოქმნის დასაბუთების სტანდარტი რთული დასადგენია - მას აფასებს და განსაზღვრავს თავად შემსრულებელი, სატენდერო კომისიამ მიზანშეწონილად მიიჩნია, არ მოითხოვოს ფასწარმოქმნის ადეკვატურობის დასაბუთების დოკუმენტი, თუ ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე.

ანგარიშსწორება განხორციელება მიმწოდებლის მიერ მომზადებული დოკუმენტაციის საფუძველზე, შესაბამისი ადმინისტრაციული ორგანოებიდან ნებართვების სრულად მიღებისა და ექსპერტიზის შესაბამისი დადებითი დასკვნების წარმოდგენის შემდგომ, მხარეთა შორის საბოლოო მიღება-ჩაბარების აქტის შედგენიდან არაუგვიანეს 10 სამუშაო დღისა.

არაუგვიანეს 10 სამუშაო დღისა

ნაილი კბილაძე, 577284262, nkbiladze@court.ge

10.1.1 სატენდერო დოკუმენტაციით მოთხოვნილი ყველა დოკუმენტი წარმოდგენილ უნდა იქნეს ქართულ ენაზე. დოკუმენტების უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით.ხარჯები, რომელიც სატენდერო წინადადებაში არ არის გათვალისწინებული არ ანაზღაურდება.
10.1.3 სატენდერო დოკუმენტაციის შესახებ დამატებითი ინფორმაციისა და განმარტებების მიღება პრეტენდენტს შეუძლია სისტემის მოდულის-,,კითხვა/პასუხის“ მეშვეობით.