Утилиты для пакетов программного обеспечения (Грузия - Тендер #62922027)

პერსონალურ მონაცემთა დაცვის სამსახურის მიერ ელექტრონული სერვისების უტყუარობისა და სანდოობის დამოწმების ოფიციალური საერთაშორისო სერტიფიკატების (ე.წ. SSL სერტიფიკატი)

ტექნიკური პარამეტრები

შესყიდვის ობიექტია პერსონალურ მონაცემთა დაცვის სამსახურის ელექტრონული სერვისების უტყუარობისა და სანდოობის დამოწმების უზრუნველმყოფი 1 ერთეული მულტი დომენური (Multi-Domain) კრიპტოგრაფიული უსაფრთხოების (SSL) სერტიფიკატი 3 (სამი) დომეინის/ქვედომენის (SAN) მხარდაჭერით, ასევე, 2 (ორი) ერთეული, კრიპტოგრაფიული უსაფრთხოების wildcard ტიპის SSL სერტიფიკატი.
სერტიფიკატების ხანგრძლივობა უნდა იყოს 1 წელი.
ყველა SSL სერტიფიკატი უნდა იყოს ერთი და იმავე მწარმოებლის.

• Wildcard ტიპის SSL სერტიფიკატი უნდა იცავდეს pdp.ge -ს და pdps.ge -ს, მათ შორის www.pdp.ge -სა და www.pdps.ge -ს, ასევე, მათ ყველა მრავალდონიან ქვედომენს;
• ორივე სერტიფიკატი თავსებადი უნდა იყოს Microsoft Exchange-თან.

მოთხოვნები ყველა SSL სერტიფიკატის მიმართ:
• სიმეტრიული 256-ბიტიანი შიფრაციის მხარდაჭერა;
• 2048-ბიტიანი გასაღებების მხარდაჭერა;
• SHA2-ის ალგორითმი (256, 384, 512 ჰეშის ფუნქციის მხარდაჭერა)
• სერვერების რაოდენობა - შეუზღუდავი (სერტიფიკატების დუბლიკატების ულიმიტოდ გაცემის შესაძლებლობა);
• თავსებადი ვებ-ბრაუზერები Chrome, Opera, Safari და Firefox. ასევე, თავსებადი უნდა იყოს Android და iOS სისტემების ძირითად ბრაუზერებთან;
• CA-ს მხრიდან დომენის მფლობელისა და ორგანიზაციის იდენტურობის შემოწმება;
• ონლაინ დახმარების სერვისი შემდეგი არხებით: ვებ ჩეთი, ელ-ფოსტა, ტელეფონი;
• სერტიფიკატის ადმინისტრირების შესაძლებლობა მწარმოებლის ვებ გვერდზე;
• სერტიფიკატის მოქმედების ვადა მისი გააქტიურებიდან 1 წელი.
• მწარმოებლის გარანტია - არანაკლებ 1.000.000$;

დომენური სახელები:
NS Name=pdp.ge სამსახურის ვებგვერდი
DNS Name=www.pdp.ge სამსახურის ვებგვერდი
DNS Name=pdps.ge სამსახურის ვებგვერდი
DNS Name=www.pdps.ge სამსახურის ვებგვერდი
DNS Name=catalog.pdps.ge კატალოგების პორტალის ვებგვერდი
DNS Name=casemanagement.pdps.ge ქეისმენეჯმენტის პორტალის ვებგვერდი
DNS Name=springconference2019.pdps.ge კონფერენციის ვებგვერდი
DNS Name=mail.pdps.ge ელ. ფოსტის სერვერი
DNS Name=www.personaldata.ge სამსახურის ვებგვერდი
DNS Name=autodiscover.pdps.ge ელ. ფოსტის სერვისი
DNS Name=inspect2.ge მობილური აპლიკაციის სერვისი
DNS Name=www.inspect2.ge მობილური აპლიკაციის სერვისი
DNS Name=portal.personaldata.ge სამსახურის ვებგვერდის დამატებითი აპლიკაციები
DNS Name=eflow.pdps.ge ელ. დოკუმენტბრუნვის სერვერი
DNS Name=blog.pdps.ge სამსახურის ვებგვერდის დამატებითი აპლიკაცია
DNS Name=app.pdps.ge სამსახურის ვებგვერდის დამატებითი აპლიკაციები
DNS Name=personaldata.ge სამსახურის ვებგვერდი
DNS Name=app.inspect2.ge მობილური აპლიკაციის სერვისის დამატებითი აპლიკაცია
DNS Name=elearning.pdps.ge - Online სწავლების პორტალი
DNS Name=journal.pdps.ge ჟურნალის ვებგვერდი
DNS Name=events.pdps.ge ღონისძიებების ვებგვერდი

სერტიფიკატების მიწოდება უნდა განხორციელდეს შემსყიდველის მოთხოვნიდან 10 (ათი) სამუშაო დღეში, მაგრამ არაუგვიანეს 2025 წლის 30 მაისისა.

SSL სერტიფიკატის სამართავად ვებ მენეჯმენტის საშუალებით შემსყიდველს უნდა გადაეცეს აღნიშნული SSL სერტიფიკატი მის ე.წ. account-ში, რომელიც დარეგისტრირებული იქნება SSL სერტიფიკატის მწარმოებლის ვებ გვერდზე. SSL სერტიფიკატი გაცემული უნდა იყოს პერსონალურ მონაცემთა დაცვის სახელზე და მასში მფლობელად რეგისტრირებული უნდა იყოს პერსონალურ მონაცემთა დაცვის სამსახური.

შესყიდვის ობიექტის მიწოდების/გააქტიურების ადგილია ქ. თბილისი, ნ. ვაჩნაძის ქ. N7, შემსყიდველის ადმინისტრაციული შენობა.

პრეტენდენტმა უნდა წარმოადგინოს ინფორმაცია სერტიფიკატის მწარმოებლის შესახებ ფასების ცხრილის შესაბამის გრაფაში მითითებით.

2.2.1.1 პრეტენდენტს 2023 და 2024 წელს უნდა გააჩნდეს ანალოგიური SSL სერტიფიკატების მიწოდების გამოცდილება (თითო წელზე არანაკლებ 3 მიწოდება). აღნიშნულის დასადასტურებლად, პრეტენდენტის მიერ ერთიან ელექტრონულ სისტემაში ატვირთულ უნდა იქნეს ხელშეკრულება/ები და ამ ხელშეკრულებ(ებ)ის შესრულების დამადასტურებელი დოკუმენტები (მიღება-ჩაბარების აქტ(ებ)ი ან/და სხვა მსგავსი შინაარსის დოკუმენტი);

2.2.1.2 იმ შემთხვევაში, თუ მომსახურება გაწეულია კერძო სამართლის იურიდიული პირის ან ფიზიკური პირის დაკვეთით (არა სახელმწიფო შემსყიდველი ორგანიზაცია), პრეტენდენტმა ზემოაღნიშნული დოკუმენტებთან ერთად უნდა წარმოადგინოს ანგარიშსწორების დამადასტურებელი ფინანსური დოკუმენტაცია: დადასტურებული საგადასახადო ანგარიშ-ფაქტურები, ხოლო აღნიშნულის არარსებობის შემთხვევაში, ამონაწერი საბანკო ანგარიშიდან ან/და ჩეკი ან/და ჩეკთან გათანაბრებული სხვა დოკუმენტი.

2.2.1.3 იმ შემთხვევაში, თუ სატენდერო დოკუმენტაციის 2.2.1.1 პუნქტით მოთხოვნილი გამოცდილების დამადასტურებელი დოკუმენტაცია ატვირთულია შესყიდვების ერთიან ელექტრონულ სისტემაში, პრეტენდენტს შეუძლია, გამოცდილების შესახებ ინფორმაცია წარმოადგინოს CMR, SPA, NAT ნომრების სახით და არ ატვირთოს ზემოაღნიშნული დოკუმენტაცია. თუ პრეტენდენტის მიერ წარმოდგენილ 2.2.1 პუნქტში მითითებულ დოკუმენტაციასა და სისტემაში (CMR, SPA, NAT ნომრების შესაბამისად) ატვირთულ დოკუმენტებს შორის აღმოჩნდება უზუსტობა, უპირატესობის მინიჭების საკითხს გადაწყვტეს სატენდერო კომისია.

პრეტენდენტი უნდა იყოს SSL სერტიფიკატის მწარმოებლის ოფიციალური/ავტორიზებული პარტნიორი და წარმოდგენილ უნდა იქნეს მწარმოებლის პარტნიორობის/ავტორიზაციის დამადასტურებელი წერილი, ნათარგმნი ქართულად და დამოწმებული ნოტარიულად.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნეს ექსპერტიზის ან/და აუდიტის დასკვნა (დასკვნასთან ერთად წარმოდგენილ უნდა იქნეს დასკვნის გამცემი პირის უფლებამოსილების დამადასტურებელი დოკუმენტის ასლი), რომლებშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული შესყიდვის ობიექტის მიწოდების შესაძლებლობა.
ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

ანგარიშსწორება განხორციელდება უნაღდო ანგარიშსწორებით ლარში, შესყიდვის ობიექტის მიწოდების შესახებ გაფორმებული მიღება-ჩაბარების აქტის და შესაბამისი საგადასახადო დოკუმენტაციის საფუძველზე.

ფაქტობრივად მიწოდებული შესყიდვის ობიექტის შესაბამისად, მიღება–ჩაბარების აქტის გაფორმებიდან 10 სამუშაო დღის განმავლობაში.

გვანცა სისოშვილი, 595331403, gsisoshvili@pdps.ge

10.1.1 სახელმწიფო შესყიდვების ერთიან ელექტრონულ სისტემაში (შემდგომში – სისტემა) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული წესის შესაბამისად.
10.1.2 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.3 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.4 პრეტენდენტის მიერ სახელმწიფო შესყიდვების ერთიან ელექტრონულ სისტემაში ატვირთულ ფასების ცხრილზე (დანართი N1) სავალდებულოა უფლებამოსილი პირის კვალიფიციური ელექტრონული ხელმოწერის შესრულება ან კვალიფიციური ელექტრონული შტამპის დასმა (საჭიროების შემთხვევაში ატვირთულ უნდა იქნეს მინდობილობა ან რწმუნებულება). ფასების ცხრილის (დანართი N1) წარმოუდგენლობა ან განუფასებელი ფასების ცხრილის წარმოდგენა დაზუსტებას არ დაექვემდებარება და გამოიწვევს პრეტენდეტის დისკვალიფიკაციას.
10.1.5 სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
10.1.6 სატენდერო დოკუმენტაციაში განსაზღვრულ შესასყიდ საქონელზე, სადაც მითითებული იქნება კონკრეტული სასაქონლო ნიშანი, მოდელი, წარმოშობის წყარო ან მწარმოებელი (ასეთის არსებობის შემთხვევაში) იგულისხმება „მსგავსი“ ან „ეკვივალენტური“.
10.1.7 სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.8 პრეტენდენტს არა აქვს უფლება, წარმოადგინოს ალტერნატიული სატენდერო წინადადება.
10.1.9 სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია სისტემის მოდულის - "კითხვა/პასუხის" მეშვეობით ან/და სატენდერო კომისიის აპარატში, ქ. თბილისი, ნ.ვაჩნაძის N7.