Строительно-монтажные работы (Грузия - Тендер #62922016)

შესყიდვის ობიექტს წარმოადგენს ერთი ხელშეკრულების ფარგლებში, Design-Build მეთოდით, პრომეთეს მღვიმის სპეციფიკური განათების სისტემის მე-4 უბანზე (მე-3 და მე-4 კარადებს შორის) დაახლოებით 110 გრძივი მეტრი ძალოვანი კაბელის შეცვლისა და ვიზიტორთა ცენტრის მიმდებარედ არსებული ცენტრალური გამანაწილებელი კარადის მოსაწესრიგებლად საჭირო საპროექტო-სახარჯთაღრიცხვო დოკუმენტაციის მომზადების მომსახურების და შემდგომ აღნიშნული დოკუმენტაციის საფუძველზე ელექტრო-სამონტაჟო სამუშაოების განხორციელება.

1. პრომეთეს მღვიმე - ბუნების ეს ულამაზესი ძეგლი მდებარეობს წყალტუბოს მუნიციპალიტეტის სოფელ ყუმისთავში, ზღვის დონიდან 175 მეტრის სიმაღლეზე. პრომეთეს მღვიმე წარამოადგენს ერთ-ერთ ყველაზე მონახულებად ტურისტულ ობიექტს და იგი გამოირჩევა თავისი ღირშესანიშნაობით, კერძოდ ბარემული ასაკის სქელშრეებრივ კირქვებში გამომუშავებული მღვიმე, ულამაზესი ნაღვენთი ფორმებით გამოირჩევა, აქ ნახავთ განსაკუთრებული ფორმის სტალაქტიტებს, სტალაგმიტებს, სტალაგნატებს, ჰელიქტიტებს, გაქვავებულ ჩანჩქერებსა და ჩამოკიდებულ ქვის ფარდებს. მღვიმის ფართობია 46,6 ჰა. „პრომეთეს მღვიმე“ სხვა მღვიმეებისგან განსხვავებით განიერი კორიდორებით ხასიათდება. მაქსიმალური სიგანე 25-30 მ-ია, ჭერის სიმაღლე 20-25 მ, ზოგიერთი დარბაზის სიგრძე 80-100 მ-ს აღწევს. აქ 17 სხვადასხვა ზომის დარბაზია. მღვიმეში არსებული ბილიკის სიგრძე 1,420 მეტრია, ხოლო ჯამური სიგრძე 20,000 მეტრს შეადგენს. მღვიმეს აქვს ორი გასასვლელი: ერთი ბოლოვდება მდინარით, რომელზეც ნავით გასეირნებაა შესაძლებელი, მეორე გასასვლელი კი საფეხმავლოა და მღვიმის დარბაზიდან გარეთ გამოვყავართ. პრომეთეს მღვიმის ტურისტული ობიექტი წარამოადგენს ერთ-ერთ ყველაზე მონახულებად ტურისტულ ობიექტს და თავისი სპეციფიკურობიდან გამომდინარე ტურისტებისათვის აქტუალურია მთელი წლის განმავლობაში.
თავდაპირველ ეტაპზე, კერძოდ 2009 წელს მღვიმეში განათების პროექტის მომზადების მიზნით (GermTec GmbH & Co KG) მოწვეული იყო უცხოური კომპანია პროექტის შესაფასებლად და წინასწარი ბიუჯეტის შესამუშავებლად. მას შემდეგ, რაც 2009 წლის დეკემბერში მღვიმეში ჩატარდა დეტალური საპროექტო სამუშაოები, მათ შორის სანათების ტესტირება და საექსკურსიო მარშრუტის ზონების განსაზღვრა, რის შემდგომაც გაფორმდა ხელშეკრულება Cave Lighting (GermTec GmbH & Co KG), რომელმაც 2010-2012 წლებში განახორციელა შესაბამისი სპეციფიკური აღჭურვილობის მოწოდება და საექსკურსიო მარშრუტისთვის განათების სისტემის მოწყობა. 2016 წელს დამატებით მოეწყო მხატვრული სპეციფიკური განათების სისტემა მღვიმის სანაოსნო მონაკვეთზე, რომლის სიგრძეც შეადგენს დაახლოებით 300 მეტრს. გარდა ზემოაღნიშნულისა მღვიმეში არსებული სისტემის გარკვეული ნაწილის მასშტაბური რეაბილიტაცია/განახლება განხორციელდა 2019 წელს, რომლის დროსაც განახლდა მხატვრული განათების აღჭურვილობის ნაწილი, დაიშალა Anolis სისტემა საკონტროლო განყოფილებების და სანათების გაუმართაობის გამო, ასევე განახლდა სისტემა და მოეწყო ოპტიკურ-ბოჭკოვანი ქსელი სიგრძით დაახლოებით 1400 მეტრი (ოპტიკური კაბელის საერთო სიგრძე დაახლოებით 5000 მეტრი).
ყოველივე ზემოაღნიშნულიდან გამომდინარე არსებობს საჭიროება განხორციელდეს მღვიმეში არსებული სპეციფიკური მხატვრული განათების, აკუსტიკური და სატელეკომუნიკაციო სისტემების რეაბილიტაცია და განათების სისტემის გამრავალფეროვნების მიზნით ახალი კომპონენტების (სანათების) დამატება.

2. პრომეთეს მღვიმის სპეციფიკური მხატვრული განათების სისტემის მე-4 უბანზე (მე-3 და მე-4 ელ. გამანაწილებელი კარადებს შორის) დაახლოებით 110 გრძივი მეტრი ძალოვანი კაბელის შეცვლის და ვიზიტორთა ცენტრის მიმდებარედ არსებული ცენტრალური გამანაწილებელი კარადების სრული რეაბილიტაციის საპროექტო-სახარჯთაღრიცხვო დოკუმენტაციის აღწერილობა:
პროექტში იგულისხმება:
ა) მღვიმეში არსებული სპეციფიკური განათების სისტემის მე-4 უბანზე (მე-3 და მე-4 კარადებს შორის) დაახლოებით 110 გრძივი მეტრი ძალოვანი კაბელის შეცვლისათვის საჭირო საპროექტო-სახარჯთაღრიცხვო დოკუმენტაციის მომზადება და შემდგომ აღნიშნული დოკუმენტაციის საფუძველზე ელექტრო-სამონტაჟო სამუშაოების წარმოება.
ბ) პრომეთეს მღვიმის ვიზიტორთა ცენტრის მიმდებარედ საგენერატორო შენობაში არსებული ცენტრალური გამანაწილებელი კარადების სრული რეაბილიტაცია/შეცვლისათვის საჭირო საპროექტო-სახარჯთაღრიცხვო დოკუმენტაციის მომზადება და შემდგომ აღნიშნული დოკუმენტაციის საფუზველზე ელექტრო-სამონტაჟო სამუშაოების წარმოება. აღნიშნულისას კარადები უნდა აღიჭურვოს მინიმუმ შემდეგუი სახის კომპონენტებით: ელვისგან დამცავი მოწყობილობა, ფაზური დაცვის რელე- ფაზების გადანაცვლების შემთხვევისათვის, დიფერენცირებული დაცვის რელეები;

აუცილებელი პირობა 1: ელექტრო-სამონტაჟო სამუშაოების ძირითადი ნაწილი (აღნიშნული არ ეხება ძალოვანი კაბელების და ცენტრალური გამანაწილებელი კარადების გადართვა/სისტემაში ჩართვის პროცესს) უნდა დაიგეგმოს და განხორციელდეს იმგვარად რომ არ გამოიწვიოს ტურისტული ობიექტის ფუნქციონირების შეფერხება;
აუცილებელი პირობა 2: საპროექტო-სახარჯთაღრიცხვო დოკუმენტაციის მომზადებისას და შემდგომ აღნიშნულის საფუძველზე სამუშაოების წარმოებისას სრულად უნდა იქნას გათვალისწინებული მღვიმეში არსებული სპეციფიკური გარემო (მაღალი ტენიანობა და სხვა), შესაბამისად შერჩეული მასალები სრულად უნდა აკმაყოფილებდნენ აღნიშნულ გარემოში ფუნქციონირებისათვის საჭირო მოთხოვნებს. ასევე პირველ ეტაპით განსაზღვრული შეფასებისას მიმწოდებელმა დეტალურად უნდა დაათვალიეროს არსებული სისტემები და მის მიერ შემოთავაზებული მასალები თავსებადი უნდა იყოს უკვე არსებულ სისტემებთან და არ უნდა გამოიწვიოს მათი ხარისხის გაუარესება და არ უნდა შეუქმნას საფრთხე არსებული სისტემის მუშაობას;
აუცილებელი პირობა 3. სამონტაჟო სამუშაოების დასრულების შემდგომ, საბოლოო მიღება-ჩაბარების აქტის გაფორმებამდე მიმწოდებელი ვალდებულია შემსყიდველს წარმოუდგინოს მოწყობილი სისტემის საშემსრულებლო ნახაზი (გენგეგმა და ქსელების მოწყობის სქემატური ნახაზები);

3. ენერგეტიკული ნაწილი
საპროექტო-სახარჯთაღრიცხვო დოკუმენტაციის მომზადებისას მაქსიმალური ყურადღება უნდა მიექცეს უკვე არსებული სისტემების სიმძლავრეებს და გამოყენებულ მასალებს, რის მიხედვითაც უნდა მოხდეს ენერგეტიკული ნაწილის გაანგარიშება და გამოსაყენებელი მასალების იდენტიფიცირება/შერჩევა. ამასთან, შემსყიდველის მითითების შემთხვევაში მიმწოდებელმა უნდა უზრუნველყოს ძველი სისტემის დემონტაჟი და დასაწყობება. გამოყენებული საკაბელო პროდუქცია უნდა შეესაბამებოდეს საერთაშორისო სტანდარტებს. გამოყენებული უნდა იქნეს მღვიმეში არსებულ აგრესიულ ტენიან გარემოსთან თავსებადი და არაალებადი კაბელები, შესაბამის უწვად გოფრირებული მილებით. მონტაჟის კუთხით, აღსანიშნავია, რომ ქსელის მოწყობა უნდა განხორციელდეს სპეციფიკურ მაღალი ტენიანობის მქონე გარემოში დაბალი განათების პირობებში, შესაბამისად აღნიშნული სამუშაოების წარმოებისას მაქსიმალურად უნდა იქნეს გათვალისწინებული შრომის უსაფრთხოების წესები და ნორმები, რომელთა დაცვაზე პასუხისმგებლობა სრულად ეკისრება მიმწოდებელს. მიმწოდებელმა თავად უნდა უზრუნველყოს მის მიერ მოწყობილი სისტემის არსებულ ენერგო გამანაწილებელ ქსელზე დაერთება ყველა საჭირო მასალა-მოწყობილობების გათვალისწინებით.

4. გარემოს დაცვა და ბუნება
გამომდინარე იქედან, რომ ობიექტი წარმოადგენს ბუნების ძეგლს სამუსაოთა წარმოების პროცესი უნდა დაიგეგმოს და წარიმართოს იმგვარად რომ არ დაზიანდეს მღვიმეში არსბეული ბუნებრივი წარმონაქმნები;

5. საპროექტო დოკუმენტაცია უნდა მოიცავდეს:
5.1. მშენებლობის ორგანიზაციის ნაწილს, რომელშიც დამუშავდება მინიმუმ შემდეგი დოკუმენტაცია;
- მშენებლობის ორგანიზაციის პროექტის განმატებითი ბარათი, რომელიც უნდა მოიცავდეს ინფორმაციას, პროექტში მოცემული ობიექტების მოწყობის ხანგრძლივობის, ენერგო-მატერიალურ-შრომით რესურსებზე მშენებლობის მოთხოვნილების, სასაწყობო და საყოფაცხოვრობო ფართზე მშენებლობის მოთხოვნის შესახებ. განმარტებით ბარათში ასევე უნდა მიეთითოს საჭირო უსაფრთხოების ტექნიკის და გარემოს დაცვითი ღონისძიებანი. ორგანიზაციის პროექტი უნდა მოიცავდეს ელექტრო-სამონტაჟო სამუშაოთა პროცესების ტექნილოგიური თანმიმდევრობით დეტალური აღწერას და ინფორმაციას სამუშაოების შესრულების საერთო ვადის შესახებ. მშენებლობის ორგანიზაციის პროექტში გათვალისწინებული უნდა იყოს არსებული სისტემის სადემონტაჟო სამუშაოების წარმოების ყველა საჭირო ეტაპები და ღონისძიებები.

5.2. ელექტროტექნიკური ნაწილი, რომელშიც დამუშავდება მინიმუმ შემდეგი დოკუმენტაცია:
- საერთო განმარტებითი ბარათი.
- სისტემის ძალოვანი ქსელის ნახაზები (მხოლოდ წინამდებარე ტექნიკური დავალებით განსაზღვრული სამუშაოების ნაწილში).
- - ელ.ფარის სქემები.
- დანადგარების სქემა.
- სამუშაოთა ჩამონათვალი და სპეციფიკაციები, რომელიც უნდა მოიცავდეს პროექტით გათვალისწინებული მასალების და შემსყიდველის მიერ დამატებით სხვა, მის მიერ განსაზღვრულ საქონელზე ინფორმაციას, მათი წარმოშობის ქვეყნის, მწარმოებელი ფირმისა და მოდელის შესახებ.

აუცილებელი პირობა 4: მიმწოდებლის მიერ საპროექტო დოკუმენტაციის ტექნიკური ნაწილი წარმოდგენილი უნდა იყოს სსიპ ლევან სამხარაულის სახელობის სასამართლო ექსპერტიზის ეროვნული ბიუროს ან შესაბამისი აკრედიტაციის მქონე ორგანოს/პირის მიერ გაცემულ დადებით დასკვნასტან ერთად, რომელიც დაადასტურებს პროექტის ტექნიკური ნაწილის გამართულობას და ქვეყანაში მოქმედ სტანდარტებთან და ნორმებთან შესაბამისობას.

5.3. სახარჯთაღრიცხვო ნაწილი, რომელშიც დამუშავდება მინიმუმ შემდეგი დოკუმენტაცია:
- სახარჯთაღრიცხვო ნაწილის საერთო განმარტებითი ბარათი, რომელიც უნდა მოიცავდეს სამშენებლო ობიექტების სატიტულო სიას და ინფორმაციას დანარიცხების გაანგარიშების წესის შესახებ (გაუთვალისწინებელი ხარჯები, ზედნადები ხარჯები, გეგმიური დაგროვება და სხვა. )
- მშენებლობის შენაკრები ხარჯთაღრიცხვა. (მინიმალური სასიცოცხლო ციკლის ხარჯების მეთოდი/მიდგომა)-საობიექტო ხარჯთარიცხვები.
- ლოკალური ხარჯთაღრიცხვები შესრულებული რესურსული მეთოდით.
- როგორც ლოკალურ, ასევე კრებსით და საობიექტი ხარჯთაღიცხვებში ცალ-ცალკე გამოყოფილი უნდა იყოს სამშენებლო მასალების ღირებულება, მუშათა ხელფასი, ზედნადებები ხარჯები და გეგმიური დაგროვება.
აუცილებელი პირობა 5: მიმწოდებლის მიერ საპროექტო დოკუმენტაციის სახარჯთაღრიცხვო ნაწილი წარმოდგენილი უნდა იყოს სსიპ ლევან სამხარაულის სახელობის სასამართლო ექსპერტიზის ეროვნული ბიუროს ან შესაბამისი აკრედიტაციის მქონე ორგანოს/პირის მიერ გაცემულ დადებით დასკვნასთან ერთად, რომელიც დაადასტურებს პროექტის ტექნიკურ ნაწილსა და სახარჯთაღრიცხვო დოკუმენტაციაში ასახული მოცულობების შესაბამისობას;
აუცილებელი პირობა 6: მიმწოდებლის მიერ საპროექტო დოკუმენტაციის სახარჯტაღრიცხვო ნაწილი წარმოდგენილი უნდა იყოს სსიპ ლევან სამხარაულის სახელობის სასამართლო ექსპერტიზის ეროვნული ბიუროს ან შესაბამისი აკრედიტაციის მქონე ორგანოს/პირის მიერ გაცემულ დადებით დასკვნასთან ერთად;
შენიშვნა : სახარჯთაღრიცხვო ნაწილი შედგენილი უნდა იყოს საქართველოს ეკონომიკისა და მდგრადი განვითარების მინისტრის 2012 წლის 12 ივლისის #1-1/1463 ბრძანებისა და დაქართელოს მთავრობის 2014 წლის 14 იანვრის #55 დადგენილების გათვალიწინებით.

5.4. სპეციფიკაციების ნაწილი, რომელშიც დამუშავდება მინიმუმ შემდეგი დოკუმენტაცია:
- გამოყენებული მასალების, ნაკეთობების და მოწყობილობების ხარისხობრივი მახასიათებლების დეტალური აღწერა. ასევე შერჩეული მასალები უნდა იყოს თავსებადი მღვიმეში არსებულ გარემოსთან (აღნიშნულის შესახებ ინფორმაცია წარმოდგენილია ტექნიკური დავალების მე-7 პუნქტში);
- სამონტაჟო სამუშაოთა პროცესების ტექნოლოგიური თანმიმდევრობითი დეტალური აღწერა მათი შესრულების ხარისხობრივი კონტროლის განხორციელების მიზნით.
- ტესტირებას დაქვემდებარებული მასალების, პროცესების და მოწყობილობა-დანადგარების გამოსაცდელი რეჟიმის და თანმიმდევრობის დეტალური აღწერა.

6. პრომეთეს მღვიმეში არსებული გარემო პირობები:
• ტენიანობა მღვიმეში 100%-ს აღწევს
• გარემოს ტემპერატურა: 18 - 21 გრადუსი
• კედლის სტატიკა: დიდი რაოდენობის რღვევებისა და ტექტონიკური დარღვევების არსებობის გამო, მღვიმის ნაწილები ძალზე არასტაბილურია, მღვიმის ნაწილებში შესაძლებელია კლდეების ჩამოვარდნა.
• მდინარე და წყალდიდობა. წყალდიდობა მღვიმეში რეგულარულია და ზოგჯერ იწვევს დამონტაჟებული აღჭურვილობის მნიშვნელოვან დაზიანებას და განადგურებას.
• ჭექა-ქუხილი და ელვა. რეგიონში ხშირია ჭექა-ქუხილი, განსაკუთრებით გაზაფხულზე და შემოდგომაზე. იმის გამო, რომ ელექტრომომარაგება და განათების სისტემა აღჭურვილი იყო მხოლოდ ელემენტარული ელვისებური დაცვით, ჭექა-ქუხილი ასევე მნიშვნელოვანი ფაქტორია, რომელიც იწვევს განათების სისტემის ბლოკებს.

აუცილებელი პირობა 7: დეტალური საპროექტო-სახარჯთაღრიცხვო დოკუმენტაციის მომზადების ეტაპზე გამოსაყენებელი მასალების შერჩევისას აუცილებლად უნდა იქნას გათვალისწინებული წინამდებარე პუნქტში (მე-7 პუნქტი) წარმოდგენილი ინფორმაცია.

აუცილებელი პირობა 8: სამშენებლო/ელექტრო სამონტაჟო სამუშაოების დასრულების შემდგომ მიმწოდებელმა უნდა წარმოადგინოს სსიპ ლევან სამხარაულის სახელობის სასამართლო ექსპერტიზის ბიუროს ან შესაბამისი აკრედიტაციის მქონე ორგანოს/პირის მიერ გაცემული დადებითი დასკვნა საპროექტო-სახარჯთაღრიცხვო დოკუმენტაციით განსაზღვრული მოთხოვნებისა და ფაქტობრივად შესრულებული სამუშაოების ურთიერთშესაბამისობის შესახებ. აღნიშნული დოკუმენტი წარმოადგენს მიღება-ჩაბარების აქტის გაფორმების ერთ-ერთ ძირითად საფუძველს; აღნიშნული დოკუმენტის მომზადებასთან დაკავშირებულ ხარჯებს ანაზღაურებს მიმწოდებელი.

1.4.1 საპროექტო-სახარჯთაღრიცხვო დოკუმენტაციის მიწოდება უნდა განხორციელდეს ხელშეკრულების გაფორმებიდან 30 კალენდარული დღის ვადაში, ხოლო სამონტაჟო სამუშაოები შესრულება, საპროექტო-სახარჯთაღრიცხვო დოკუმენტაციის საფუძველზე, არაუმეტეს პროექტის ჩაბარებიდან 45 კალენდარული დღის ვადაში.

1.საპროექტო დოკუმენტაციის მიწოდების ფორმა და ადგილი:
1.1. მოსახურების ყველა ეტაპის ანგარიში წარდგენილი უნდა იყოს წერილობითი სახით.
1.2.დეტალური საპროექტო დოკუმენტაცია და დანართით N2 მოთხოვნილი მასალები წარმოდგენილი უნდა იყოს, როგორც ელექტრონულ ფორმატში (ტექსტური ნაწილი Word და Excel ფაილების სახით, ხოლო ნახაზები - AutoCAD/ ArchiCad და PDF ფორმატებში) კომპაქტური დისკებით (CD ან DVD), ასევე ბეჭდური ვერსიით მყარი ასლების (A4 და A3 ფორმატში) სახით დაბეჭდილი 4 ეგზემპლარად.
1.3.საპროექტო მომსახურების ყველა ეტაპის ანგარიში, საბოლოო საპროექტო-სახარჯთაღრიცხვო დოკუმენტაცია, შეთანხმების დოკუმენტები, საექსპერტო დასკვნები წარდგენილ უნდა იყოს შემდეგ მისამართზე: ქ. თბილისი, ვლ. წითლანაძის პირველი შესახვევი N1, სსიპ დაცული ტერიტორიების სააგენტო.
2. ელექტრო-სამონტაჟო სამუშაოების მიწოდების ფორმა და ადგილი
2.1. მიმწოდებელი ვალდებულია სამუშაოები შეასრულოს დანართით N2 (ტექნიკური დავალება), შემსყიდველთან შეთანხმებული დეტალური პროექტის, ასევე საქართველოს კანონმდებლობით გათვალისწინებული შესაბამისი სამშენებლო და გარემოსდაცვითი ნორმებისა და წესების მიხედვით.
2.2. სამუშაოს შესრულების ადგილია: პრომეთეს მღვიმე, წყალტუბოს მუნიციპალიტეტი, სოფ. ყუმისთავი.
2.3. მიწოდებული სამუშაოების მიღება განხორციელდება ფაქტიურად შესრულებული სამუშაოების მიხედვით, მიღება-ჩაბარების აქტის საფუძველზე.
3. სახარჯთაღრიცხვო დოკუმენტი შედგენილი უნდა იყოს ლოკალურ-რესურსული მეთოდით.

1.6.1 შესრულებული სამუშაოების საგარანტიო ვადა შეადგენს 3 (სამი) წელს, საბოლოო მიღება-ჩაბარების აქტით გათვალისწინებული სამუშაოების დასრულების თარიღიდან.
1.6.2 სამუშაოების დასრულების შემდეგ საგარანტიო ვადის განმავლობაში რაიმე წუნის (ნაკლოვანებები, დეფექტი) აღმოჩენის შემთხვევაში, თუ დადგინდება რომ აღნიშნული წუნი (ნაკლოვანებები, დეფექტი) გამოწვეულია უხარისხო ან/და არაჯეროვანი შესრულებით, მიმწოდებელი ვალდებულია აღმოფხვრას უხარისხოდ შესრულებული სამუშაოები საკუთარი ხარჯებით.
1.6.3 სამუშაოს ხარისხის დაცვის უზრუნველსაყოფად მიწოდებული სამუშაოს ღირებულებიდან დაკავებული იქნება 5%. დაკავებული 5%-დან 2,5%-ის გადახდა განხორციელდება სამუშაოს სრულად დასრულებისა და საბოლოო მიღება-ჩაბარების აქტის გაფორმების შემდეგ, ხოლო დარჩენილი 2,5%-ის გადახდა მოხდება ხარვეზების აღმოფხვრის და საგარანტიო ვადის გასვლის შემდეგ.
1.6.4 მიმწოდებლის მხრიდან, საგარანტიო პერიოდის სრული ვადის ამოწურვამდე, დარჩენილ 2,5 %-ზე უპირობო, გამოუთხოვადი საბანკო გარანტიის წარმოდგენის შემთხვევაში, შესაძლებლია განხორციელდეს თანხის გადახდა. გარანტია წარმოდგენილი უნდა იქნას საქართველოს ეროვნული ბანკის მიერ ლიცენზირებული საბანკო დაწესებულებიდან, ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან, ეროვნულ ვალუტაში - ლარში, რომლის მოქმედების ვადა არანაკლებ 30 კალენდარული დღით უნდა აღემატებოდეს სამუშაოების ხარისხის საგარანტიო ვადას.
1.6.5 თუ მიმწოდებელი არ ასრულებს სატენდერო პირობების 1.6.2 პუნქტის მოთხოვნებს მაშინ 1.6.3 პუნქტით განსაზღვრული დარჩენილი 2,5 % არ ანაზღაურდება.
1.6.6 თუკი ხელშეკრულების საგარანტიო პერიოდის ვადის გასვლამდე გამოვლენილი ხარვეზების შედეგად შემსყიდველს მიადგა ზარალი დარჩენილ 2,5 %-ზე მეტი ოდნობით, მიმწოდბელი იღებს ვალდებულებას გადაუხადოს შემსყიდველს შესაბამისი ნარჩენი ღირებულება ან აღმოფხვრას წუნი საკუთარი ხარჯებით.

1. შესყიდვაში მონაწილეობის მსურველ პირს, 2022 წლის 1 იანვრიდან წინამდებარე ტენდერის გამოცხადების დღემდე პერიოდში შესრულებული უნდა ჰქონდეს ჯამში არანაკლებ 100 000.00 ლარის ოდენობის გარე განათების ქსელის მოწყობის სამუშაოები ან გარე ტერიტორიაზე ელექტრო-სამონტაჟო სამუშაოები.
2. გამოცდილების დადასტურების მიზნით პრეტენდენტი ვალდებულია წარმოადგინოს მხარეთა მიერ ხელმოწერილი ხელშეკრულების (სრულყოფილი, ყველა დანართის ჩათვლით) ასლი და საანგარიშო პერიოდში გაფორმებული, დამკვეთის მიერ დადასტურებული, საბოლოო მიღება-ჩაბარების დამადასტურებელი დოკუმენტი (თუკი არ არის გაფორმებული საბოლოო მიღება-ჩაბარების აქტი, ასეთ შემთხვევაში ხელშეკრულების საფუძველზე გაფორმებული ყველა მიღება-ჩაბარების აქტი, სრულად თანდართული ფორმა N2-ის ჩათვლით), რითიც უნდა დასტურდებოდეს საანგარიშო პერიოდში სამუშაოების დასრულება, შინაარსი და მითითებული უნდა იყოს შესრულებული სამუშაოების ჯამური ღირებულება. სახელმწიფო შესყიდვის შესახებ ხელშეკრულებ(ებ)ის არსებობის შემთხვევაში თუ მოცემული დოკუმენტები ატვირთულია სახელმწიფო შესყიდვების ერთიან ელექტრონულ სისტემაში საკმარისია შესაბამისი განცხადების ნომრ(ებ)ის (SPA, NAT, DAP, CMR) წარმოდგენა.
3. იმ შემთხვევაში, თუკი პირველი პუნქტის მიხედვით წარმოდგენილი სამუშაოები შესრულებულია საქართველოს ტერიტორიაზე და დამკვეთს წარმოადგენს კერძო სამართლის სუბიექტი (არა შესყიდველი ორგანიზაციები), პრეტენდენტმა დამატებით უნდა წარმოადგინოს შესაბამისი დადასტურებული საგადასახადო ანგარიშ-ფაქტურა, რომელიც უნდა ედრებოდეს მიღება-ჩაბარების დამადასტურებელ დოკუმენტში დაფიქსირებულ ფაქტობრივად შესრულებული სამუშაოების ჯამურ ღირებულებას.

პრეტენდენტის მიერ დამატებით სისტემაში ასატვირთი დოკუმენტია სატენდერო წინადადების ხელისმომწერისათვის უფლებამოსილი პირის მიერ გაცემული მინდობილობა (საჭიროების შემთხვევაში).

პრეტენდენტის სატენდერო წინადადების საბოლოო ფასსა და შესყიდვის სავარაუდო ღირებულებას შორის 20%-ით, ან მეტით სხვაობის შემთხვევაში, არ არის განსაზღვრული პრეტენდენტის მიერ ფასწარმოქმნის ადეკვატურობის დამადასტურებელი დოკუმენტაციის წარმოდგენის ვალდებულება, რადგან შესყიდვა ხორციელდება Design-Build მეთოდით, შესასყიდი მომსახურება თავისი შინაარსიდან გამომდინარე არ მოიცავს საწარმოო პროცესს და გასაწევი მომსახურების ღირებულების ძირითადი ნაწილი შეადგენს პერსონალის ხელფასს, ამავე დროს, ერთი ხელშეკრულების ფარგლებში, როგორც საპროექტო დოკუმენტაციის შედგენის მომსახურების, ასევე სამუშაოების შესრულების შესყიდვის მრავალწლიანმა პრაქტიკამ აჩვენა, რომ სსიპ დაცული ტერიტორიების სააგენტოს მიერ გამოცხადებული ელექტრონული ტენდერების საფუძველზე გაფორმებული ხელშეკრულებების ფარგლებში წარმატებით არის განხორციელებული არაერთი Design-Build პროექტი.

1. ხელშეკრულების ფარგლებში ანგარიშსწორება იწარმოებს უნაღდო ანგარიშსწორების ფორმით, საქართველოს ეროვნულ ვალუტაში, ხელშეკრულებით გათვალისწინებულ რეკვიზიტებზე.
2. საპროექტო მომსახურებაზე ანგარიშსწორება განხორციელდება მხარეთა უფლებამოსილ წარმომადგენლებს შორის დეტალური პროექტის მიწოდებაზე გაფორმებული მიღება-ჩაბარების აქტის და მიმწოდებლის მიერ დადგენილი წესით საგადასახადო ანგარიშ-ფაქტურის წარდგენის საფუძველზე.
3. ელექტრო-სამონტაჟო სამუშაოებზე ანგარიშსწორება ხორციელდება ფაქტობრივად შესრულებული სამუშაოების მოცულობების მიხედვით, ეტაპობრივად, მიღება-ჩაბარების აქტის გაფორმების და საგადასახადო ანგარიშ-ფაქტურის საფუძველზე.
4. ანგარიშსწორების დეტალური პირობები მოცემულია ხელშეკრულების პროექტში.

ანგარიშსწორებისთვის განსაზღვრული დოკუმენტების სრულყოფილად გაფორმებიდან 10 (ათი) სამუშაო დღის განმავლობაში.

გიგა მენაბდიშვილი, 577925757, giga.menabdishvili@gmail.com

10.1.1 ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.

10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.

10.1.3 სატენდერო დოკუმენტაციაში განსაზღვრულ შესასყიდ საქონელზე, სადაც მითითებული იქნება კონკრეტული სასაქონლო ნიშანი, მოდელი, წარმოშობის წყარო ან მწარმოებელი (ასეთის არსებობის შემთხვევაში) იგულისხმება „მსგავსი“ ან „ეკვივალენტური“.

10.1.4 სატ