Техническое обслуживание и ремонт (Грузия - Тендер #62861465)

სხვადასხვა სახის რადიოსადგურების შეკეთების და ტექნიკური მომსახურების შესყიდვა.

1.2.1 შესყიდვის ობიექტია: საავტომობილო რადიო სადგურის - MOTOROLA MTM5400, ხელის რადიო სადგურების - MOTOROLA MTP3550; MOTOROLA MTP3500 და MOTOROLA ST7000 (სენსორული) (ჯამურად 865 ერთეული) შეკეთება/ტექნიკური მომსახურება, პრეისკურანტის შესაბამისად.
1.2.2 შესყიდვის ობიექტის შეკეთება/ტექნიკური მომსახურება უნდა განხორციელდეს მიმწოდებლისა და შემსყიდველის წარმომადგენლების მიერ თითოეულ კონკრეტულ შემთხვევაში რადიოსადგურის დათვალიერების აქტის შედგენის შემდეგ. შესყიდვის ობიექტის შეკეთება/ტექნიკური მომსახურეობის შესყიდვისას გასაწევი მომსახურების დეტალური აღწერა უნდა იყოს მოცემული შემსყიდველისა და მიმწოდებლის მიერ შედგენილი დათვალიერების აქტში, აგრეთვე მომსახურების დაწყებისა და დასრულების სავალდებულო ან სასურველი ვადები.
1.2.3 რადიოსადგურების შეკეთება/ტექნიკური მომსახურება უნდა განხორციელდეს ორიგინალი/თავსებადი სათადარიგო ნაწილებით. მიმწოდებელი ვალდებულია მომსახურების გაწევისას გამოიყენოს ახალი (არამეორადი) სათადარიგო ნაწილები. მეორადი ნაწილების გამოყენება დასაშვებია მხოლოდ შემსყიდველთან შეთანხმებით, მოცემულ შემთხვევაში მეორადი სათადარიგო ნაწილის ფასი უნდა იყოს განსხვავებული და ის უნდა განისაზღვროს საბაზრო ფასის გათვალისწინებით, ურთეირთშეთანხმების საფუძველზე.
1.2.4 მიმწოდებელი ვალდებულია დაუყოვნებლივ ჩაატაროს დაზიანებული რადიოსადგურის დათვალიერება და წარუდგინოს შემსყიდველს დეფექტური აქტი ხელმოსაწერად, რომელშიც აღნიშნული იქნება გასაწევი მომსახურების ან/და ასეთი მომსახურებისათვის სათადარიგო ნაწილების დეტალური აღწერა. „მიმწოდებელი“ პასუხისმგებელია დაყენებული/შეცვლილი დეტალის, მასალის, მომსახურების ხარისხზე.
1.2.5 იმ შემთხვევაში, თუ აღმოჩნდება, რომ მიმწოდებლის მიერ არ არის სრულყოფილად შესრულებული მომსახურება და/ან შეცვლილი ნაწილი აღმოჩნდა წუნდებული, მიმწოდებელი ვალდებულია აღმოჩენილი ხარვეზი აღმოფხვრას საკუთარი სახსრებით.
1.2.6 მიმწოდებელი ვალდებულია ხელშეკრულების მოქმედების პერიოდში, სათადარიგო ნაწილის საქართველოს ფარგლებს გარეთ შეკვეთისას, დაზიანებული რადიოსადგურის დეფექტური აქტის შედგენიდან 2 კალენდარული დღის ვადაში, მოთხოვნის შემთხვევაში, წარუდგინოს შემსყიდველს შეკვეთის დამადასტურებელი დოკუმენტი, სადაც მითითებული იქნება შეკვეთილი ნაწილი, თარიღი და ჩამოსვლის დრო.
1.2.7 მიმწოდებელი ვალდებულია საანგარიშო თვის დასრულებიდან 10 სამუშაო დღის ვადაში შემსყიდველს წარუდგინოს არანაკლებ ერთი თვის განმავლობაში გაწეული მომსახურების შესახებ შესაბამისი შესრულების დამადასტურებელი დოკუმენტაცია, ხოლო აღნიშნული დოკუმენტაციის წარდგენიდან 5 სამუშაო დღის ვადაში შემსყიდველთან გააფორმოს თვის განმავლობაში გაწეული მომსახურების შესაბამისი მიღება-ჩაბარების აქტი.

მომსახურების გაწევის ვადა: ხელშეკრულების გაფორმებიდან 2025 წლის 31 დეკემბრის ჩათვლით, ეტაპობრივად, შესაკეთებელი რადიოსადგურის სერვის ცენტრში მიტანიდან არაუგვიანეს 10 სამუშაო დღის განმავლობაში (დეფექტური აქტი შედგენილი უნდა იქნას აღნიშნულ ვადაშივე).

1.5.1 მომსახურების გაწევა უნდა განხორციელდეს ქ. თბილისში, მიმწოდებლის სერვის ცენტრ(ებ)ში.

1.5.2 პრეტენდენტი ვალდებულია წარმოადგინოს ინფორმაცია მომსახურების გაწევის ადგილმდებარეობის შესახებ - სერვის-ცენტრ(ებ)ის მისამართ(ებ)ის მითითებით.

1.5.3 შესაკეთებელი ტექნიკის მიმწოდებლის სერვის-ცენტრ(ებ)ში მიწოდებას და შეკეთების შემდგომ უკან ტრანსპორტირებას უზრუნველყოფს შემსყიდველი.

1.7.1.1 შესყიდვის ობიექტზე ვრცელდება საგარანტიო ვადა არანაკლებ 6 თვის განმავლობაში, მიღება-ჩაბარების აქტის გაფორმების თარიღიდან.

1.7.1.2 საგარანტიო პერიოდში გარანტიაზე მყოფი შესყიდვის ობიექტის მიერ დეფექტის/წუნის/ხარვეზის გამოვლენის შემთხვევაში, მიმწოდებელმა საკუთარი ხარჯებით (მათ შორის საქონლის ტრანსპორტირება) უნდა აღმოფხვრას გამოვლენილი ნებისმიერი ხარვეზი/წუნი/დეფექტი და უზრუნველყოს ხარვეზინი/წუნდებული/დეფექტიანი საქონლის შეცვლა ახლით, შემსყიდველის მოთხოვნიდან 10 (ათი) სამუშაო დღის ვადაში.

1.7.1.3 გარანტიასთან დაკავშირებით ინფორმაცია წარმოდგენილი უნდა იყოს ფასების ცხრილის საშუალებით.

2.2.1.1 პრეტენდენტს 2022 წლიდან მიმდინარე ტენდერის გამოცხადებამდე შესრულებული უნდა ჰქონდეს ანალოგიური მომსახურების გაწევის გამოცდილება, რომლის ჯამური ღირებულება უნდა იყოს არანაკლებ 15000.00 (თხუთმეტი ათასი ლარი და 00 თეთრი) ლარი.

2.2.1.2 პრეტენდენტმა გამოცდილების დადასტურების მიზნით უნდა წარმოადგინოს გაფორმებული ხელშეკრულებ(ები)ა და ამ ხელშეკრულების შესაბამისი მიღება-ჩაბარების აქტ(ებ)ი ან/და ანგარიშ-ფაქტურ(ები)ა ან/და ზედნადებ(ებ)ი (თუ მხოლოდ მიღება-ჩაბარების დამადასტურებელი დოკუმენტიდან ირკვევა ანალოგიური მომსახურების გაწევის შესახებ ინფორმაცია, მაშინ აუცილებელი არ არის ხელშეკრულების წარმოდგენა).

2.2.1.3 იმ შემთხვევაში, თუ სატენდერო დოკუმენტაციის 2.2.1 მუხლით მოთხოვნილი დოკუმენტაცია ატვირთულია შესყიდვების ერთიან ელექტრონულ სისტემაში, პრეტენდენტს შეუძლია გამოცდილების შესახებ დანართშ N2-ში მიუთითოს შესაბამისი CMR ან/და SPA ან/და NAT ან/და სხვა შესყიდვის საშუალების ნომრები და არ წარმოადგინოს მოთხოვნილი დოკუმენტაცია.

2.7.1.1 პრეტენდენტმა უნდა წარმოადგინოს მწარმოებლის ავტორიზაციის ფორმა (MAF) წინამდებარე ტენდერის უნიკალური ნომრის მითითებით, რომელშიც მითითებული იქნება, რომ პრეტენდენტი წარმოადგენს სატენდერო დოკუმენტაციით განსაზღვრული რადიოსადგურების (MTM5400; MTP3550; MTP3500; ST7000) მწარმოებელი კომპანიის პარტნიორს/დილერს/ოფიციალურ წარმომადგენელს და აქვს უფლება მოახდინოს აღნიშნული რადიოსადგურების შეკეთება/ტექნიკური მომსახურება.

2.9.1 შესყიდვა ხორციელდება პრეისკურანტის საფუძველზე. პრეტენდენტის მიერ მომსახურების პრეისკურანტი წარმოდგენილი უნდა იქნას დანართი N1-ის (პრეისკურანტი) შესაბამისად.
2.9.2 პრეტენდენტის მიერ სისტემის მეშვეობით წარმოდგენილ პრეისკურანტში ერთეულის ღირებულებები არ უნდა აღემატებოდეს დანართ N1-ში (პრეისკურანტი) შესაბამის პოზიციებზე მითითებული ერთეულის ზღვრულ ღირებულებებს. წინადადების ფასი არ უნდა აღემატებოდეს პრეისკურანტის სავარაუდო ღირებულებას და ელექტრონული ვაჭრობის შედეგად წინადადების ფასის კლება შესაძლებელია განხორციელდეს მხოლოდ პრეისკურანტის სავარაუდო ღირებულებასთან მიმართებაში.
2.9.3 თუ პრეტენდენტის მიერ სისტემის მეშვეობით წარმოდგენილი პირველადი წინადადების ფასი, ნაკლები იქნება პრეისკურანტის სავარაუდო ღირებულებაზე, მაშინ პრეტენდენტმა ფასების კლება პროცენტულად და პროპორციულად უნდა ასახოს პრეისკურანტის ჩამონათვალის თითოეული პოზიციის ერთეულის ფასებზე. თუ ერთეულის ფასები გამოვიდა მრავალნიშნა ათწილადის სახით, პრეტენდენტი ვალდებულია აღნიშნული ფასები შეამციროს და დაამრგვალოს მეასედამდე, შესაბამისად შეამციროს პრეისკურანტის ჯამური ღირებულებაც.
2.9.4 სატენდერო წინადადება, რომელშიც თითოეული პოზიციის ფასი გადააჭარბებს შემსყიდველის მიერ განფასების ცხრილში დაფიქსირებულ პოზიციების სავარაუდო ფასს, არ ჩაითვლება მისაღებად. ვაჭრობის შედეგად დაფიქსირებული ფასის დაზუსტების შემთხვევაში, დაუშვებელია თავდაპირველ პრეისკურანტში დაფიქსირებული ფასების გაზრდა რომელიმე პოზიციაზე.
2.9.5 განფასების ცხრილში არ არსებული დეტალის ან/და მომსახურების არსებობის შემთხვევაში, დეტალის და მომსახურების ფასი დგინდება მხარეთა შორის შეთანხმებით საბაზრო ფასის გათვალისწინებით. ასეთ შემთხვევაში, ნაწილის/მომსახურების არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონულ სისტემაში დაფიქსირებული პრეისკურანტის საბოლოო ჯამური ღირებულების 10%-ს.
2.9.6 პრეტენდენტის მიერ პრეისკურანტის ცხრილის რომელიმე პოზიციის შეუვსებლობის (ცარიელი უჯრა ან/და უჯრა დეფისით) შემთხვევაში, აღნიშნულ პოზიციაში მოცემული სათადარიგო ნაწილის/მომსახურების გაწევის საჭიროების დადგომისას მიმწოდებელი ვალდებულია მომსახურება განახორციელოს ანაზღაურების გარეშე.
2.9.7 პრეტენდენტის მიერ პრეისკურანტი ,,ფასების ცხრილი“ წარმოდგენილი უნდა იქნას Excel-ის ფორმატში.

4.1.1.1 იმ შემთხვევაში, თუ პრეტენდენტის მიერ სისტემაში დაფიქსირებული საბოლოო ფასი 20%- ით ან მეტით არის დაბალი შესყიდვის ობიექტის სავარაუდო ღირებულებაზე, პრეტენდენტმა უნდა დაასაბუთოს ფასწარმოქმნის ადეკვატურობა, რომელიც შესაძლებელია დასაბუთდეს სერთიფიცირებული ექსპერტის/აუდიტორის/საშემფასებლო კომპანიის მიერ გაცემული დასკვნით (დასკვნას თან უნდა ახლდეს დასკვნის გამცემი პირის შესაბამისი უფლებამოსილების/სერთიფიცირების დამადასტურებელი დოკუმენტი), რომელიც დაადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას.
4.1.1.2 ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

7.2.1 ანგარიშსწორების საფუძველია მხარეების უფლებამოსილი პირების მიერ ფაქტობრივად მიწოდებულ შესყიდვის ობიექტზე გაფორმებული მიღება-ჩაბარების აქტ(ებ)ი.
7.2 2 შესყიდვის ობიექტის ღირებულების ანაზღაურება განხორციელდება, უნაღდო ანგარიშსწორებით, ეროვნულ ვალუტა - ლარში.

ანგარიშსწორება „შემსყიდველის” მიერ განხორციელდება „საქონლის” მიწოდების თაობაზე მხარეთა შორის შესაბამისი მიღება-ჩაბარების აქტ(ებ)ის გაფორმებიდან და „მიმწოდებლის“ მიერ საქართველოს კანონმდებლობით გათვალისწინებული შესაბამისი საგადასახადო დოკუმენტაციის წარდგენიდან არაუგვიანეს 10 (ათი) სამუშაო დღის განმავლობაში.

საბა კახიანი, 598725007, skakhiani@moh.gov.ge

10.1.1. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და ინფორმაცია ხელმოწერილი უნდა იყოს პრეტენდენტის შესაბამისად უფლებამოსილი პირის მიერ;
10.1.2.ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;
10.1.3. ალტერნატიული სატენდერო წინადადება არ განიხილება;
10.1.4 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით;
10.1.5 სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.