Следственные услуги и услуги по обеспечению безопасности (Грузия - Тендер #62861458)

შპს „მარაბდა-კარწახის რკინიგზის“ ოფისის დაცვის მომსახურება

ტექნიკური დავალება / დაცვის მომსახურება
- დასაცავი ობიექტი: შპს „მარაბდა-კარწახის რკინიგზის“ ოფისი.
- მისამართი: ქ. თბილისი, დ.აღმაშენებლის გამზ 150, V, VI სართული:
- V სართული - 770 მ2 (18 ოთახი)
- VI სართული - 756 მ2 (23 ოთახი)
- დასაცავი ობიექტი მდებარეობს 11 სართულიანი შენობაში და უკავია შენობის V-VI სართულების მთლიანი ფართი.
- ობიექტზე შესვლა ხორციელდება ცალკე დამოუკიდებელი ლიფტის მეშვეობით, რომელიც უკავშირდება მხოლოდ, V და VI სართულებს. V სართულს გააჩნია კიბის უჯრედის სათადარიგო შესასვლელი სადარბაზოს მხრიდან, სადაც დამონტაჟებულია რკინის კარი, რომლიც დაკეტილ მდგომარეობაშია და იხსნება მხოლოდ საჭიროების შემთხვევაში. V სართულზე განლაგებულია ლიფტი, სასერვერო, დაცვის სამსახურის საგუშაგო, ელექტროტურნიკეტი, ჰოლი, აივნები, სველი წერტილები და თანამშრომელთა ოთახები. VI სართულზე განთავსებულია აივნები, ჰოლი, საკონფერენციო ოთახი, სველი წერტილები, დირექტორის, დირექტორის მოადგილის და სხვა თანამშრომელთა ოთახები.
- ოფისის V და VI სართულების დერეფნებში, ასევე გარე პერიმეტრის გრძივ კედლებზე დამონტაჟებულია რვა ერთეული ვიდეო კამერა, რომელთა ვიდეომონიტორინგიც ხორციელდება დაცვის სამსახურის სამორიგეო ოთახში, ჩაწერის რეჟიმით. ობიექტზე თანამშრომელთა შესვლა-გამოსვლა ხორციელდება ტურნიკეტული დაშვების სისტემის მეშვეობით.

დაცვის მომსახურება გულისხმობს შემდეგს:

1. დაცვის ობიექტში ადამიანების შესვლა-გასვლისა და მატერიალურ ფასეულობათა შეტანა-გატანის კონტროლი;
2. დაცვის ობიექტის, მისი ცალკეული ნაწილების, დაცვის ობიექტში განთავსებულ მატერიალურ ფასეულობათა დაზიანების ან/და დანაშაულებრივი ხელყოფისაგან დაცვა;
3. ოფისში საზოგადოებრივი წესრიგის, მათ შორის ადამიანების სიცოცხლისა და ჯანმრთელობის ხელყოფისაგან დაცვა;
4. საზოგადოებრივი წესრიგის დაცვას და აღმოჩენილი მართლსაწინააღმდეგო ქმედებების დაფიქსირების შემთხვევაში, როგორც შემსყიდველის, ისე მიმწოდებლის წარმომადგენლისა და საჭიროებისამებრ, შესაბამისი ორგანოების ინფორმირებას და ოპერატიული ჯგუფის გამოძახებას. ამ პუნქტით გათვალისწინებული შემთხვევის არსებობისას ოპერატიული ჯგუფის და/ან შესაბამისი ორგანოების წარმომადგენლების გამოცხადებამდე მიმწოდებელმა უნდა უზრუნველყოს შემთხვევის ადგილის ხელშეუხებლობა და შესაბამისი ოქმის შედგენა მომხდარი შემთხვევის შესახებ დაზიანებული, დაკარგული, განადგურებული ქონების მითითებით;
5. შპს „მარაბდა-კარწახის რკინიგზის“ სამუშაო საათების დასრულების შემდეგ ჩაიბაროს ობიექტი და უზრუნველყოს დასაცავი ობიექტის ყველა ოთახის გადამოწმება, აუცილებლობის შემთხვევაში მათი დაკეტვა, ელექტრო და სხვა ტიპი მოწყობილობების გამორთვა;
6. ყველა სხვა ღონისძიების გატარება, რომელიც დაკავშირებული იქნება მომსახურების სრულფასოვანი გაწევის მიზნით;
7. მიმწოდებელი ვალდებულია, უზრუნველყოს სამორიგეო ოთახში ჰიგიენური ნორმების დაცვა.
მიმწოდებელი ფინანსურ პასუხისმგებლობას იღებს შემსყიდველის უძრავი ქონებისა და მატერიალური ფასეულობების დაკარგვა, დაზიანებაზე და განადგურებაზე;
8. 24 საათიან დაცვის მომსახურებას. ყოველდღიურად 24 საათიან სამუშაო რეჟიმში ობიექტზე უწყვეტად (მუდმივად) უნდა იმყოფებოდეს არანაკლებ ერთი დაცვის თანამშრომელი; ამასთან სამუშაო დღეებში (ორშაბათი-პარასკევი), 10:00 სთ-დან 18:00 სთ-მდე დამატებით (24 საათიან მორიგე მცველთან ერთად) უნდა იმყოფებოდეს დღის დაცვის თანამშრომელი. მორიგეების მუშაობის განრიგს და ცვლების გრაფიკს განსაზღვრავს მიმწოდებელი მოქმედი კანონმდებლობების შესაბამისად.
9. მომსახურების გაწევისას დასაქმებული პერსონალი:
9.1. უნდა იყოს დაკომპლექტებული მაღალკვალიფიციური კადრებით, არაუმეტეს 60 წლისა (აღნიშნულთან დაკავშირებით, მთლიანი პასუხისმგებლობა ეკისრება მიმწოდებელს);
9.2. არ უნდა იყოს ნარკოლოგიური საშუალებების მომხმარებელი ან/და აყვანილი შესაბამის აღიცხვაზე, რაზედაც წარმოდგენილ უნდა იქნას შესაბამისი ცნობა ნარკოლოგიური შემოწმების შესახებ;
9.3. არ უნდა იყოს ნასამართლევი, რაზედაც წარმოდგენილ უნდა იქნას შესაბამისი ცნობა ნასამართლევობის შესახებ;
შენიშვნა:
• მიმწოდებელი სრულად არის პასუხისმდებელი მისი თანამშრომლების მოქმედი კანონმდებლობის საწინააღმდეგო ან/და არამართლზომიერ ან/და არაეთიკურ ქმედბაზე/ქცევაზე;
• მე-9 პუნქტით გათვალისწინებული ცნობები შესყიდველს წარედიგება უშუალოდ მომსახურების დაწყების მომენტში.
• წინამდებარე პუნქტით გათვალისწინებული პირობების შეუსრულებლობის შემთხვევაში, „შემსყიდველს’’ უფლება აქვს მოსთხოვოს „მიმწოდებელს“ დაცვის თანამშრომლის შეცვლა, რომელიც თავის მხრივ ვალდებულია შეცვალოს დაცვის თანამშრომელი 2 (ორი) სამუშაო დღის განმავლობაში
10. მიმწოდებელი ვალდებულია უზრუნველყოს თანამშრომელთა აღჭურვა დაცვისთვის საჭირო და დადგენილი ფორმის ტანსაცმლით, რადიოკავშირის საშუალებებით (რაცია), მობილური კავშირის საშუალებით, და სხვა საჭირო სპეციალური საშუალებებით, რომელიც განსაზღვრულია „კერძო დაცვითი საქმიანობის შესახებ’’ საქართველოს კანონის შესაბამისად.
11. გაწეული დაცვის მომსახურება სრულად უნდა შეესაბამებოდეს „კერძო დაცვითი საქმიანობის შესახებ“ საქართველოს კანონით განსაზღვრულ მოთხოვნებს.

2025 წლის 1 მაისიდან 2026 წლის 1 მაისამდე.

შპს „მარაბდა-კარწახის რკინიგზის ოფისის“, მისამართი: დ.აღმაშენებლის გამზ. 150 (V, VI სართული) 24 საათიანი ცოცხალი დაცვა.

1. პრეტენდენტს 2020 წლის 1 იანვრიდან, წინამდებარე ტენდერის სატენდერო წინადადების მიღების დაწყების თარიღამდე პერიოდში, გაწეული უნდა ჰქონდეს ჯამურად, არანაკლებ 400 000 (ოთხასი ათასი) ლარის ღირებულების, კერძო დაცვითი საქმიანობის განხორციელების გამოცდილება.

ამასთან 2020-2024 წლებში, ყოველწლიურად უნდა უფიქსირდებოდეს დაცვის მომსახურების გაწევის გამოცდილება, არანაკლებ 10 თვიანი უწყვეტი პერიოდით.

2. პრეტენდენტმა უნდა წარმოადგინოს მომსახურების გაწევის დამადასტურებელი დოკუმენტების ასლები, კერძოდ: ხელშეკრულებ(ებ)ის/მიღება-ჩაბარების აქტ(ებ)ის ან/და სხვა ექვივალენტური დოკუმენტების ასლები.

3. იმ პრეტენდენტებისთვის, რომლებსაც ზემოაღნიშნული მომსახურება გაწეული აქვთ სახელმწიფო შესყიდვის ფარგლებში და შესყიდვების ერთიან ელექტრონულ სისტემაში ატვირთულია ყველა ის დოკუმენტაცია სრულყოფილად, რაც მოთხოვნილია, მომსახურების გაწევის დამადასტურებელი დოკუმენტაციის წარმოდგენა არ არის სავალდებულო და საკმარისია შესაბამისი რეგისტრაციის ნომრების წარმოდგენა (SPA, NAT, CMR ან სხვა ასეთის არსებობის შემთხვევაში).

მიმწოდებელს უნდა გააჩნდეს შესაბამისი უფლებამოსილი ორგანოს მიერ გაცემული, კერძო დაცვითი საქმიანობის განხორციელების ლიცენზია, „კერძო დაცვითი საქმიანობის შესახებ“ საქართველოს კანონის მოთხოვნის შესაბამისად.

სატენდერო წინადადებასთან ერთად წარმოდგენილ უნდა იქნას აღნიშნული დოკუმენტი (ლიცენზია).

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, მიმწოდებელი ვალდებულია დაასაბუთოს ფასწარმოქმნის ადეკვატურობა.

ფასწარმოქმნის ადეკვატურობა, შესაძლებელია დასაბუთდეს ექსპერტიზის დასკვნით, ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას, როგორც მის მიერ დაფიქსირებულ წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებაში.

ანგარიშსწორება განხორციელდება ყოველთვიურად, ფაქტიურად გაწეულ მომსახურებაზე, საგადასახადო ანგარიშფაქტურის საფუძველზე, უნაღდო ანგარიშსწორების ფორმით ლარში.

წინასწარი ანგარიშსწორება არ გამოიყენება.

ანგარიშსწორება განხორციელდება ყოველთვიურად, ფაქტიურად გაწეულ მომსახურებაზე საგადასახადო ანფარიშფაქტურის წარმოდგენიდან 7(შვიდი) სამუშაო დღის განმავლობაში.

მაკა ჟუჟუნაშვილი, 591199191, mzhuzhunashvili@mkr.ge

პრეტენდენტმა ტექნიკური დოკუმენტაციის სახით სისტემაში უნდა ატვირთოს შემდეგი დოკუმენტები და ინფორმაცია:

10.1.1 ფასების ცხრილი 1.3 პუნქტის შესაბამისად (დადასტურებული კვალიფიციური ელექტრონული ხელმოწერით ან/და კვალიფიციური ელექტრონული შტამპით);

10.1.2 „კერძო დაცვითი საქმიანობის შესახებ“ საქართველოს კანონის მოთხოვნის შესაბამისად უფლებამოსილი ორგანოს მიერ გაცემული, კერძო დაცვითი საქმიანობის განხორციელების ლიცენზია.

10.1.3 სატენდერო პირობების 2.2.1 პუნქტით გათვალისწინებული გამოცდილების დამადასტურებელი ინფორმაცია/დოკუმენტები.


შენიშვნა:
- სახელმწიფო შესყიდვების ერთიან ელექტრონულ სისტემაში სატენდერო წინადადების (ტექნიკური დოკუმენტაციისა და სატენდერო წინადადების ფასი) წარდგენით პრეტენდენტი ავტომატურად გამოხატავს თანხმობას შეასრულოს სატენდერო განცხადებითა და სატენდერო დოკუმენტაციით განსაზღვრული მოთხოვნები.