Структурные продукты (Грузия - Тендер #62787484)

შპს „გარდაბნის თბოსადგური 2“-ის კუთვნილ თბოელექტროსადგურის ორთქლის ტურბინის შენობაში დასამონტაჟებელი, ბარაბანზე დასახვევი რულონური ტიპის კარის თანმდევი მომსახურებით (მონტაჟი და ექსპლუატაციაში გაშვება) სახელმწიფო შესყიდვა სატენდერო დოკუმენტაციის 1.2 პუნქტის (საქონლის ტექნიკური და ხარისხობრივი მახასიათებლები) შესაბამისად.

1.2.1 ბარაბანზე დასახვევი რულონური ტიპის კარი მონტაჟით და ექსპლუატაციაში გაშვებით - 1 ცალი;
1.2.2 კარის სამონტაჟო ზომები - 5 400 მმ (დასაშვებია +50მმ)* 4 240 მმ (დასაშვებია -40მმ);
1.2.3 კარის გაღება /დაკეტვის მექანიზმი - შესაბამისი სიმძლავრის ელექტრო ძრავით;
1.2.4 კარის გაღება /დაკეტვის მექანიზმის მართვა - მართვის ღილაკით და დისტანციური
მართვის პულტით (1 ცალი პულტი).
1.2.5 კარის პროფილი - ალუმინი, დამათბუნებელი/საიზოლაციო შიგთავსით ან/და
ლითონი;
1.2.6 კარის პროფილის ფერი - ვერცხლისფერი (იხ. ფოტოსურათი N1 და N2);
1.2.7 კარის პროფილის ფორმა (ვიზუალი) - იხ. ფოტოსურათი N1 და N2;
1.2.8 კარის პროფილის ზომები - შერჩეული იქნას შემოთავაზებული პროფილისა და
დასამონტაჟებელი კარის სამონტაჟო ზომების გათვალისწინებით, მისი უსაფრთხო და
შეუფერხებელი ექსპლუატაციის უზრუნველსაყოფად.
1.2.9 სამონტაჟო კონსტრუქცია - შერჩეული მოდელის შესაბამისად, რომელიც შესაბამისი
იქნება კარის უსაფრთხო ექსპლუატაციის უზრუნველსაყოფად;
1.2.10 სამუშაო ტემპერატურა – -20°C /+55°C;
1.2.11 კარის სამონტაჟო განლაგება/მდგომარეობა - შენობის შიდა მხარე.
1.2.12 კარის შემდგომი ექსპლუატაციის უზრუნველსაყოფად საჭირო ელექტრო კვებას
უზრუნველყოფს შემსყიდველი.

დამატებითი მოთხოვნები:
• მიმწოდებელი ვალდებულია განახორციელოს შესყიდვის ობიექტის მონტაჟი და ექსპლუატაციაში გაშვება.
• მიმწოდებელი ვალდებულია დაიცვას საქართველოს კანონმდებლობით გათვალისწინებული შრომის უსაფრთხოების დაცვასთან დაკავშირებული მოთხოვნები.
• მიმწოდებელი ვალდებულია დაემორჩილოს თბოელექტროსადგურის ტერიტორიაზე დაშვების და სამუშაოს განხორციელებისათვის შემსყიდველის მიერ შემუშავებულ წესებსა და მოთხოვნებს (მათ შორის შრომის უსაფრთოხების კუთხით), რომლებიც თავის მხრივ შესაბამისობაშია საქართველოს კანონმდებლობასთან.
• მიმწოდებელი ვალდებულია დაიცვას შემსყიდველის ქონება მის მიერ განხორციელებული მომსახურების ფარგლებში და დაზიანების შემთხვევაში აანაზღაუროს მიყენებული ზიანი.
• მიმწოდებელი ვალდებულია სამუშაოების დაწყებამდე შესათანხმებლად წარმოადგინოს მომსახურე პერსონალის სია სახელი, გვარი და პირადი ნომრების მითითებით.
• მიმწოდებელი ვალდებულია აღჭურვოს მომსახურე პერსონალი ყველა საჭირო ინდივიდუალური დაცვის საშუალებებით და მათი შრომის უსაფრთხოების დაცვით მუშაობისთვის საჭირო აღჭურვილობით.
• თბოელექტროსადგურის ტერიტორიაზე ტექნიკურად გაუმართავი (ზეთის, ანტიფრიზის ან/და აგრესიული სითხების გაჟონვა, დაზიანებული საბურავები, სავალი ნაწილი ა.შ.) სპეცტექნიკა არ დაიშვება.

- მოცემული პარამეტრები წარმოადგენს შემსყიდველის მიერ დადგენილ მინიმალურ მოთხოვნებს;
- პრეტენდენტს უფლება აქვს შემსყიდველს შეთავაზოს უკეთესი/გაუმჯობესებული პარამეტრების მქონე საქონელი, მაგრამ აღნიშნული ქმედება არ წარმოადგენს პრეტენდენტის უპირატესობას.

მიმწოდებელი ვალდებულია ბარაბანზე დასახვევი რულონური ტიპის კარის მოწოდება და თანმდევი მომსახურება (მონტაჟი და ექსპლუატაციაში გაშვება) განახორციელოს ხელშეკრულების გაფორმებიდან 40 კალენდარული დღის ვადაში.

საქონლის მოწოდების და თანმდევი მომსახურების (მონტაჟი და ექსპლუატაციაში გაშვება) განხორციელების ადგილია: ქ. გარდაბანი, დ. აღმაშენებლის 2ბ.

საქონლის მექანიზმზე და გაწეულ თანმდევ მომსახურებაზე უნდა ვრცელდებოდეს მიღება-ჩაბარების აქტის გაფორმებიდან არანაკლებ 1 (ერთი) წლიანი საგარანტიო ვადა პრეტენდენტი ვალდებულია დანართი 1- ფასების ცხრილში მიუთითოს ინფორმაცია საგარანტიო ვადის შესახებ.

პრეტენდენტმა, მის მიერ წარმოდგენილ ფასების ცხრილში უნდა მიუთითოს ინფორმაცია შემოთავაზებული საქონლის წარმოშობის ქვეყნის და მწარმოებლის (ან/და სასაქონლო ნიშნის) შესახებ.
შენიშვნა:
პრეტენდენტის მიერ, „წინადადების მიღება დასრულებულია“ ეტაპზე, საქონლის მწარმოებლის (ან/და სასაქონლო ნიშნის) და წარმოშობის ქვეყნის შესახებ ინფორმაციის წარმოუდგენლობა, ან ფასების ცხრილის წარმოუდგენლობა ან ფასების ცხრილის განუფასებლად წარდგენა გამოიწვევს სატენდერო პროცედურებიდან პრეტენდენტის დისკვალიფიკაციას დაზუსტების მექანიზმის გამოყენების გარეშე. ასევე, პრეტენდენტის მიერ დაზუსტებული სატენდერო წინადადების წარმოდგენის შემდგომ (ასეთის არსებობის შემთხვევაში) შემოთავაზებული საქონლის მწარმოებლის (ან/და სასაქონლო ნიშნის) ან/და წარმოშობის ქვეყნის ცვლილება გამოიწვევს პრეტენდენტის დისკვალიფიკაციას.

პრეტენდენტის მიერ სისტემაში ასატვირთი ტექნიკური დოკუმენტაცია:

ფასების ცხრილი - დანართი №1 (1.3 პუნქტის შესაბამისად).

შენიშვნა:
- პრეტენდენტის მიერ, „წინადადების მიღება დასრულებულია“ ეტაპზე, ფასების ცხრილის წარმოუდგენლობა გამოიწვევს პრეტენდენტის დისკვალიფიკაციას აღნიშნული ტენდერიდან.

3.1.1.1 პრეტენდენტი ვალდებულია შემსყიდველის წერილობითი მოთხოვნის შემდეგ უზრუნველყოს სატენდერო დოკუმენტაციის 1.2 პუნქტით გათვალისწინებული შემოთავაზებული შესყიდვის ობიექტის მასალის ნიმუშის წარმოდგენა.
3.1.1.2 იმ შემთხვევაში, თუ პრეტენდენტის მიერ წარმოდგენილი ნიმუში არ დააკმაყოფილებს შემსყიდველის მოთხოვნებს, სატენდერო კომისია მოახდენს პრეტედენტის დისკვალიფიკაციას სატენდერო პროცედურებიდან.
3.1.1.3 პრეტენდენტის მიერ წარმოდგენილი ნიმუში დაზუსტებას არ ექვემდებარება.

ნიმუშის მიწოდების ადგილი: ქ. გარდაბანი, დ. აღმაშენებლის 2ბ.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია უზრუნველყოს ფასწარმოქმნის ადეკვატურობის დასაბუთება შემსყიდველის მიერ განსაზღვრულ ვადაში. დასაბუთება შესაძლებელია განხორციელდეს სსიპ - ლევან სამხარაულის სახელობის სასამართლო ექსპერტიზის ეროვნული ბიუროს მიერ გაცემული საექსპერტო დასკვნით ან/და შესაბამისი უფლებამოსილების მქონე აუდიტის მიერ გაცემული აუდიტორული დასკვნით ან/და აკრედიტაციის მქონე პირის მიერ გაცემული საექსპერტო დასკვნით (იმ შემთხვევაში, თუ დასკვნის გამცემი ორგანო არ იქნება სსიპ - ლევან სამხარაულის სახელობის სასამართლო ექსპერტიზის ეროვნული ბიურო, დასკვნასთან ერთად წარმოდგენილ უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი) ან/და შესყიდვის ობიექტის მიწოდებასთან დაკავშირებით პრეტენდენტის მიერ გაფორმებული ხელშეკრულებით ან/და ანგარიშ-ფაქტურით ან/და ინვოისით ან/და სასაქონლო ზედნადებით ან/და საბაჟო დეკლარაციით, რომელიც ადასტურებს პრეტენდენტის მიერ დაფიქსირებულ ფასად დასადები ხელშეკრულებით ნაკისრი ვალდებულებების შესრულების შესაძლებლობას (წარმოდგენილი დოკუმენტით შესაძლებელი უნდა იყოს პრეტენდენტის მიერ შემოთავაზებული საქონლის იდენტიფიცირება მწარმოებლითა (ან/და სასაქონლო ნიშნით) და წარმოშობის ქვეყნით).
- იმ შემთხვევაში, თუ პრეტენდენტის მიერ არ იქნა წარმოდგენილი ან წარმოდგენილი დასაბუთება შემსყიდველის მიერ არ ჩაითვლება დამაკმაყოფილებლად, მოხდება პრეტენდენტის დისკვალიფიკაცია;
- ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს პრეტენდენტის მიერ დაფიქსირებული წინადადების ფასთან (ჯამურ ღირებულებასთან) მიმართებით;
- პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება.

7.1.1.1 მიმწოდებლის მოთხოვნის შესაბამისად, წინასწარი ანგარიშსწორება შესაძლებელია განხორციელდეს შემდეგი ფორმით: შემსყიდველის მიერ მოხდება მთლიანი სახელშეკრულებო ღირებულების არაუმეტეს 50%-ის წინასწარ (ავანსი) გადარიცხვა მიმწოდებლის მიერ წარმოდგენილი საავანსოდ გადასარიცხი თანხის იდენტური ოდენობის, საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახური“-ს მიერ ლიცენზირებული სადაზღვევო კომპანიიდან გაცემული, უპირობო და გამოუთხოვადი საბანკო გარანტიის საფუძველზე. აღნიშნული საბანკო გარანტიის მოქმედების ვადა არანაკლებ 30 (ოცდაათი) კალენდარული დღით უნდა აღემატებოდეს შესყიდვის ობიექტის მოწოდების საბოლოო ვადას. საბანკო გარანტია წარმოდგენილ უნდა იქნას დანართი №3-ის (საავანსო გადახდის საგარანტიო უზრუნველყოფა/ნიმუში) არსებითი პირობების დაცვით.

7.1.1.2 შესყიდვებში მონაწილე კვალიფიციურ მიმწოდებელთა რეესტრში (თეთრი სია) რეგისტრირებული მიმწოდებელი უფლებამოსილია წარმოადგინოს საავანსო გადახდის უზრუნველყოფის გარანტიის მოთხოვნილი ოდენობის ნახევარი.

7.1.1.3 იმ შემთხვევაში, თუ მომწოდებელი მოითხოვს წინასწარ (საავანსო) ანგარიშსწორებას, შემსყიდველი მიმწოდებელს ავანსის სახით გადაუხდის ხელშეკრულების ჯამური ღირებულების არაუმეტეს 50%-ს მიმწოდებლის მიერ შემსყიდველისათვის შესაბამისი საბანკო გარანტიის წარდგენიდან 5 სამუშაო დღის განმავლობაში.

ანგარიშსწორება მიმწოდებელთან განხორციელდება უნაღდო ანგარიშსწორების ფორმით, მოწოდებული საქონლის და მასზე განხორციელებული თანმდევი მომსახურების გაწევის შესაბამისად და ხელშეკრულებით განსაზღვრული დოკუმენტების წარმოდგენის შემდეგ.

ანგარიშსწორება განხორციელდება მიმწოდებლის მიერ მოწოდებული საქონლის და მასზე განხორციელებული თანმდევი მომსახურების გაწევის შემდგომ, ხელშეკრულებით გათვალისწინებული დოკუმენტების საფუძველზე, მათი წარმოდგენიდან არაუგვიანეს 10 სამუშაო დღის ვადაში.

ელგუჯა გოდერძიშვილი, 555559599, e.goderdzishvili@tpp.ge

10.1 დამატებითი ინფორმაცია/დოკუმენტები

10.1.1 შესყიდვის ობიექტის სავარაუდო ღირებულებაა 8117 ლარი, დღგ-ს გარეშე;

10.1.2 შესყიდვების ერთიან ელექტრონულ სისტემაში (შემდგომში - სისტემა) წინადადების ფასი დაფიქსირებულ უნდა იყოს ეროვნულ ვალუტაში და უნდა მოიცავდეს პრეტენდენტის/მიმწოდებლის ყველა ხარჯს დაკავშირებულს საქონლის შემსყიდველისათვის მიწოდებასთან, მათ შორის, საქართველოს კანონმდებლობით გათვალისწინებულ ყველა გადასახადს, მოსაკრებელსა და სახდელს, დღგ-ს გარდა;

10.1.3 წინადადების ფასად განიხილება სისტემის მეშვეობით შესყიდვის ელექტრონული ტენდერის შესაბამის ველში დაფიქსირებული ფასი;

10.1.4 ხარჯები, რომლებიც სატენდერო წინადადების ფასში არ იქნება გათვალისწინებული, არ დაექვემდებარება ანაზღაურებას;

10.1.5 შემსყიდველი ორგანიზაციის მიერ ხელშეკრულების ღირებულებაში გათვალისწინებული იქნება წინადადების ფასის დღგ-ს შესაბამისი ოდენობა, თუ ხელშეკრულების დადების მომენტისათვის პრეტენდენტი არის დღგ-ს გადამხდელი საქართველოს კანონმდებლობის შესაბამისად (იმ შემთხვევაში, თუ მიმწოდებელი ხელშეკრულების გაფორმების შემდგომ გახდა დღგ-ს გადამხდელი სუბიექტი, დღგ-ს თანხის დამატებით გათვალისწინება ხელშეკრულების ღირებულებაში არ განხორციელდება).
10.1.6 იმ შემთხვევაში, თუ სატენდერო დოკუმენტაციით მოთხოვნილ, ერთიან ელექტრონულ სისტემაში პრეტენდენტის მიერ წარმოდგენილ დოკუმენტში (გარდა სატენდერო დოკუმენტაციის 10.3.1 პუნქტით განსაზღვრული დოკუმენტისა, რომელიც წარმოდგენილი უნდა იქნას ლარში), განსაზღვრული იქნება უცხოური ვალუტა, სატენდერო კომისია მის შეფასებას/დადარებას სატენდერო დოკუმენტაციის მოთხოვნებთან განახორციელებს წარმოდგენილი დოკუმენტში მითითებული თარიღისათვის/დღისათვის არსებული საქართველოს ეროვნული ბანკის მიერ დადგენილი ლარის ოფიციალური გაცვლითი კურსის შესაბამისად.

10.2 ზოგადი პირობები

10.2.1 პრეტენდენტს უფლება აქვს წარმოადგინოს მხოლოდ ერთი სატენდერო წინადადება;
10.2.2 სატენდერო დოკუმენტაციით მოთხოვნილი, ელექტრონულ სისტემაში ატვირთული პრეტენდენტის მიერ შექმნილი ყველა დოკუმენტი ან/და ინფორმაცია ,,ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად, სავალდებულოა დამოწმებული/დადასტურებული იყოს კვალიფიციური ხელმოწერით ან/და კვალიფიციური შტამპით. ამასთანავე, ხელმოწერა უნდა განხორციელდეს შესაბამისი უფლებამოსილი პირის მიერ (საჭიროების შემთხვევაში ატვირთული უნდა იქნეს მინდობილობა);
შენიშვნა:
,,ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნტქით გათვალისწინებული ვალდებულება არ ვრცელდება სახელმწიფო შესყიდვების ერთიან ელექტრონულ სისტემაში „მიმწოდებლად“ რეგისტრირებულ არარეზიდენტ მომხმარებლებზე.

10.2.3 სატენდერო დოკუმენტაციით მოთხოვნილი, ერთიან ელექტრონულ სისტემაში ასატვირთი ყველა დოკუმენტი წარმოდგენილ უნდა იქნეს ქართულ ენაზე; დოკუმენტების და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი; დოკუმენტთან დაკავშირებული სადავო საკითხ(ებ)ის გადაწყვეტისას უცხოურენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.

10.2.4 ტენდერში ამხანაგობის მონაწილეობის შემთხვევაში, პრეტენდენტი ვალდებულია იმოქმედოს სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული „ელექტრონული ტენდერის ჩატარების წესის“ 24-ე მუხლის მოთხოვნათა სრული დაცვით.

10.2.5 სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში (დანართი №2), რომელიც ხელშეკრულების დადების მომენტისათვის შესაძლებელია დაზუსტდეს სატენდერო წინადადების შესაბამისად.

10.2.6 შემსყიდველი ორგანიზაცია ვალდებულია, კანონმდებლობით დადგენილი წესით, ერთიანი ელექტრონული სისტემის კითხვა/პასუხის მოდულის მეშვეობით, პრეტენდენტის მოთხოვნის შემთხვევაში, განახორციელოს სატენდერო განცხადებასთან და დოკუმენტაციასთან დაკავშირებით შესაბამისი დაზუსტება/განმარტება.

10.2.7 შემსყიდველ ორგანიზაციასა და პრეტენდენტს შორის ნებისმიერი მიმოწერა/შეტყობინების გაგზავნა ხდება სისტემის შესაბამისი მოდულის მეშვეობით და სისტემის გამოყენების გარეშე მიმოწერა/შეტყობინება სავალდებულო არ არის. მიმოწერა/შეტყობინება მიღებულად ჩაითვლება მისი სისტემაში ატვირთვის მომენტიდან.
10.2.8 ტენდერში მონაწილეობის მიღებით, პრეტენდენტი ადასტურებს მის თანხმობას ამ სატენდერო დოკუმენტაციაში მოცემული პირობების შესრულებაზე, იმის მიუხედავად, შეიცავს თუ არა მისი სატენდერო წინადადება ასეთ თანხმობას/დადასტურებას. ამის საწინააღმდეგო ნებისმიერი დათქმა თუ ჩანაწერი პრეტენდენტის სატენდერო წინადადებაში ბათილია.