Типографские услуги и связанные с ними услуги (Грузия - Тендер #62774004)

სსიპ - ახალგაზრდობის სააგენტოს მიერ, „ახალგაზრდული ღონისძიებების ხელშეწყობის“ პროგრამის ფარგლებში დაგეგმილი სხვადასხვა აქტივობის ეფექტიანად და შეუფერხებლად განხორციელების მიზნით, ბეჭდვითი მომსახურების სახელმწიფო შესყიდვა.

1. სერტიფიკატი - A4 ფორმატის, არანაკლებ 300 გრ. ტილოს ფაქტურის ქაღალდი გლუვი ზედაპირით. სხვადასხვა დიზაინის (შემსყიდველთან შეთანხმებით) - 500 ცალი;

2. სერტიფიკატი ჩარჩოთი - სერტიფიკატი A4 ფორმატის, არანაკლებ 300 გრ. ტილოს ფაქტურის ქაღალდი გლუვი ზედაპირით. შესაბამისი მინიანი ჩარჩოთი. ჩარჩო უნდა იყოს თხელი, ხის მასალისგან დამზადებული, სადა ფერის. სერტიფიკატის სხვადასხვა დიზაინის და ჩარჩოს ფერი შემსყიდველთან შეთანხმებით - 50 ცალი;

3. ბანერი - უმაღლესი ხარისხის. ტექნიკური მახასიათებლებით: მასალა: 400 გრ. ნახევრადგლუვი ბანერი, გამძლეობით 1000 კგ - 1კვ. მეტრზე ორივე მხარეს. ბეჭდვა: სრულფერიანი CMYK, 300 dpi, მყარი სოლვენტი. მასალაც და საღებავიც უნდა იყოს წყალგამძლე და განკუთვნილი გარე გამოყენებისთვის. რულონის განი: უწყვეტი საბეჭდი განი უნდა იყოს არანაკლებ 150 სმ-ისა (150სმ-ზე მეტი განის გაზრდის მოთხოვნის შემთხვევაში, შესაძლებელია გადაწებება). სამაგრები: ადგილზე მონტაჟისთვის საჭირო დასამაგრებელი საშუალებების გათვალისწინება: გარე და შიდა გაკერილი ან გადაწებებული ჯიბეები (შემსყიდველის მოთხოვნით), საჭიროების შემთხვევაში ჯიბეებში გასაყრელი თოკი. ცარიელი ადგილი და ლუვერსები (ზომა, სამაგრის ტიპი და დიზაინი შემსყიდველთან შეთანხმებით) - 218 კვ.მ;

4. წებოვანი სტიკერი - A 4 ფორმატის წებვადი სტიკერი, წყალგამძლე, დასერილი, დაბეჭდილი ნაჭრის ან ლოგოს ამოღების შესაძლებლობით. დიზაინი შემსყიდველთან შეთანხმებით, ტირაჟი მინიმუმ 1ც - 67 ცალი;

5. ფლაერები - არანაკლებ 160 გრ ცარცის ქაღალდი; მაღალი ხარისხის ფერადი ბეჭდვა; ზომა: არანაკლებ 21x10 სმ; დაფასოება მოთხოვნისამებრ; ორმხრივი ბეჭდვა; დიზაინი შემსყიდველთან შეთანხმებით - 1000 ცალი;

6. პოსტერი A3 - არანაკლებ 170 გრ. ცარცის ქაღალდი, დიზაინის შესახებ ინფორმაციის მიმწოდებლისათვის მიწოდება განხორციელდება შემსყიდველის მიერ საქონლის მიწოდების მოთხოვნასთან ერთად, აუცილებელია სხვადასხვა დიზაინით ბეჭდვა - 50 ცალი;

7. პოსტერი A3, ქაფმუყაო - არაუმეტეს 5 მმ - არანაკლებ 3 მმ სისქის ქაფ მუყაო, ზომა: A3, ცალმხრივი ფერადი ბეჭდვა - 100 ცალი;

8. სილიკონის სამაჯური - ზომა: არანაკლებ 12მმ; მასალა: სილიკონი; ბეჭდვა უნდა განხორციელდეს შოლკოგრაფიით. 5 სხვადასხვა ფერის, ფერები და დიზაინი შემსყიდველთან შეთანხმებით - 3000 ცალი;

9. მაისური - ქსოვილი-ბამბა 100% 135-150გრ. მოკლე მკლავით, ბეჭდვა უნდა განხორციელდეს წინა და უკანა მხარეს. წინა მხარეს, გულთან უნდა ჰქონდეს ლოგო ზომით არანაკლებ 11X6,5 სმ; ბეჭდვა "შოლკოგრაფიით", ზურგზე წარწერა ზომით არანაკლებ 29X7,8 სმ; ბეჭდვა უნდა განხორციელდეს როგორც სუბლიმაციური ასევე თერმული ტრანსფერის მეთოდით- ლაზერული ან/და სოლვენტური საღებავის გამოყენებით შემსყიდველთან შეთანხმებულ დიზაინზე არსებული ფერების სრული დაცვით. მაისურის ფერი შემსყიდველთან შეთანხმებით (სავარაუდო ფერები: იასამნისფერი, ცისფერი, მწვანე, ყვითელი, თეთრი) - 1100 ცალი;

10. ბრენდირებული ჩანთა - ბრენდირებული ლოგოთი და დიზაინით, არაუხეში ტილოს ნაჭრის, არასრიალა, მხარზე გადასაკიდი სახელურების სიგრძე არაუმეტეს 60 სმ. სახელურის სიგანე არანაკლებ 3 სმ, ჩანთის ზომა 35x45 სმ. დიზაინი შემსყიდველთან შეთანხმებით. ფერადი სუბლიმაციური ბეჭდვა ჩანთის ცალ მხარეს სრულ ზედაპირზე. დიზაინი შემსყიდველთან შეთანხმებით. ჩანთის სავარაუდო ფერები: იასამნისფერი, ცისფერი, მწვანე, ყვითელი, თეთრი, ლურჯი) - 1400 ცალი;

11. მოცულობითი სტიკერები - მოცულობითი/ამობურცული, წებვადი სტიკერი, რომელიც გამოიყენება სხვადასხვა ზედაპირზე დასაკრავად (მაგ. ტელეფონზე, ბლოკნოტზე და ა.შ). მაღალი ხარისხით ნაბეჭდ სტიკერზე დატანილი უნდა იყოს სააგენტოს ლოგო ან შემსყიდველთან შეთანხმებით სხვა დიზაინი - 1100 ცალი;

12. ბრენდირებული ბუშტები - მაღალი ხარისხის ბრენდირებული ბუშტები. ბუშტები შეიძლება იყოს 5 სხვადასხვა ფერის, დასაბეჭდი ლოგო/ტექსტი და დიზაინი უნდა შეთანხმდეს შემსყიდველთან - 1100 ცალი;

13. ჯილდო - მინის ჯილდო, გრავირებული წარწერით, სიმაღლე არაუმეტეს 30 სმ, სიგანე არაუმეტეს 15 სმ. სადგამით. დიზაინი და ტექსტი შემსყიდველთან შეთანხმებით - 70 ცალი;

14. ბანერი კონსტრუქციით (პრესბანერი) - უმაღლესი ხარისხის. ტექნიკური მახასიათებლებით: მასალა: 400 გრ. ნახევრადგლუვი 9*9 კვეთის ბანერი, გამძლეობით 1000 კგ - 1კვ. მეტრზე ორივე მხარეს. ბეჭდვა: სრულფერიანი CMYK, 300 dpi, მყარი სოლვენტი. მასალაც და საღებავიც უნდა იყოს წყალგამძლე და განკუთვნილი გარე გამოყენებისთვის. რულონის განი: უწყვეტი საბეჭდი განი უნდა იყოს არანაკლებ 150 სმ ისა (150სმ-ზე მეტი განის გაზრდის მოთხოვნის შემთხვევაში, შესაძლებელია, გადაწებება). 3 მეტრი სიგანის 2 მეტრი სიმაღლის მაღალი ხარისხის ბანერი შესაბამისი მყარი კონსტრუქციით ფეხით, რომელიც უზრუნველყოფს ბანერის მყარად დგომას. კონსტრუქცია უნდა იშლებოდეს და მოხერხებული უნდა იყოს გადასატანად. დიზაინი შემსყიდველთან შეთანხმებით - 1 ცალი;

15. როლაპი - ერთგვერდიანი მოძრავი კონსტრუქცია. ზომა: 100X200 სმ. ამოსაქაჩი კონსტრუქცია. კონსტრუქცია უნდა იდოს სპეციალურ შესაფუთ ჩანთაში. დიზაინის შესახებ ინფორმაციის მიმწოდებლისათვის მიწოდება განხორციელდება შემსყიდველის მიერ საქონლის მიწოდების მოთხოვნასთან ერთად. დიზაინი შემსყიდველთან შეთანხმებით - 12 ცალი;

16. ტრიპლეტი - ზომა: 30X20სმ, სამ ფრთიანი, დასაკეცი, მაღალი ხარისხის, ორმხრივი ბეჭდვით, პრიალა ფურცელი. დიზაინის შესახებ ინფორმაციის მიმწოდებლისათვის მიწოდება განხორციელდება შემსყიდველის მიერ საქონლის მიწოდების მოთხოვნასთან ერთად - 200 ცალი;

17. ბრენდირებული თოკი (Linyard) (ბეიჯის დასაკიდი თოკი) - ბეჭდვა ფერადი - ლურჯი ან თეთრი ფერის - სიგანე მინიმუმ 2 სმ - სიგრძე მიახლოებით 75 სმ, დიზაინი შემსყიდველთან შეთანხმებით (შესაძლებელია ლოგოების დატანა), პლასტმასის ან მეტალის (უჟანგავი) საკიდით რომელზეც უნდა დამაგრდეს ბეიჯის ქაღალდი - 300 ცალი;

18. ბეიჯი არალამინირებული, გამჭვირვალე ჩასადებით - მუყაოს ვერტიკალური ბეიჯი; ფერადი ბეჭდვა - 2 მხარე არალამინირებული. ზომა მიახლოებით 13.5 *9 სმ; დიზაინი შემსყიდველთან შეთანხმებით. ბეიჯის გამჭვირვალე ჩასადებს უნდა ჰქონდეს თასმის დასამაგრებელი ადგილი/ჭრილი, ბეიჯის დასაკიდი თოკის შესაბამისი 300 ცალი;

19. ზამბარიანი ბლოკნოტი ბრენდირებით - 500 ცალი
• ზომა: A5
• ფურცლების რაოდენობა: 50 ცალი
• ფურცლის დახასიათება: თეთრი, 80 გრამიანი ოფსეტური ქაღალდი, ხაზების გარეშე.
• ბრენდირება შემსყიდველის მოწოდებული ნიმუშის მიხედვით
• გარეკანის მასალა: ცარცის ფურცელი 400 ± 5% გრამიანი გლუვი ლამინაციის ზედაპირით, სხვადასხვა დიზაინით დაბეჭდვის შესაძლებლობით.
• ზამბარის ფერი: თეთრი

20. ბრენდირებული კალამი - ბურთულიანი, ლურჯი ან თეთრი, პლასტმასის მასალის, ღილაკით ან სატრიალებელი გამღები მექანიზმით, ფერადი ლოგოს ბეჭდვით (2 სხვადასხვა ლოგო), დიზაინი და ლოგოს განთავსება შემსყიდველთან შეთანხმებით - 500 ცალი;

21. მუყაოს ჩანთა - ზომა: სიმაღლე - 30სმ; სიგრძე - 22 სმ; სიგანე - 7სმ. ფერი, დიზაინი და ლოგოს განთავსება შემსყიდველთან შეთანხმებით, თოკის სახელურით - 50 ცალი;

22. ლაითბოქსი, მოცულობითი ასოები - გარე და შიდა გამოყენების ლაითბოქსი, მოცულობითი განათებული ასოებით, 5მმ-იანი ქაფმუყაოს ზურგი დამაგრებული მილკვადრატის ჯოხებზე, ბორტი 5მმიანი ქაფმუყაო 15 სმ ბორტი, შიგნით ჩამაგრებული ნათურები 5სმ დიამეტრის პატრონით, პოდიუმი:თეთრი ლამინატი(20სმ სიმაღლის). ასოების სიმაღლე არაუმეტეს 1მ. სიგრძე არაუმეტეს 300 სმ. ტექსტი და დიზაინი შემსყიდველთან შეთანხმებით - 3 ცალი;

23. საქაღალდე - ზომა:A4, მუყაოს საქაღალდე/ყდა, არანაკლებ 300 გრ. ტილოს ფაქტურის ქაღალდი გლუვი ზედაპირით, შიდა გადაკეცილი ჯიბეებით ორივე მზარეს, ფერი და დიზაინი შემსყიდველთან შეთანხმებით - 100 ცალი.

მომსახურების გაწევა უნდა განხორციელდეს ეტაპობრივად, 2025 წლის 15 დეკემბრის ჩათვლით. შემსყიდველი ორგანიზაციის მოთხოვნიდან არაუგვიანეს 10 (ათი) დღის ვადაში.

ნაბეჭდი მასალის მიწოდების ადგილია შემსყიდველი ორგანიზაციის იურიდიული მისამართი: ქ.თბილისი, ვაჟა-ფშაველას გამზ. 76ბ, სსიპ "ახალგაზრდობის სააგენტოს" ადმინისტრაციული შენობა.

1. პრეტენდენტს 2022 წლის 01 იანვრიდან ტენდერის გამოცხადების დღემდე უნდა ჰქონდეს ჯამში არანაკლებ 135000.00 (ას ოცდათხუთმეტი ათასი) ლარის ღირებულების ანალოგიური მომსახურების გაწევის გამოცდილება.
2. პრეტენდენტმა უნდა წარმოადგინოს ანალოგიური მომსახურების გაწევის დამადასტურებელი დოკუმენტების ასლები (ხელშეკრულება, შესაბამისი მიღება-ჩაბარების აქტითა და გადარიცხვის დამადასტურებელი დოკუმენტით, ან/და შემსყიდველის/დამკვეთის მიერ დადასტურებული მკაცრი აღრიცხვის დოკუმენტ(ებ)ი რითაც დადასტურდება პრეტენდენტის გამოცდილება). სახელმწიფო შესყიდვის შესახებ ხელშეკრულებ(ებ)ის არსებობის შემთხვევაში საკმარისია შესაბამისი SPA, NAT, CMR, MEP, DAP ნომრების წარმოდგენა.
3. ზემოაღნიშნულის დასადასტურებლად პრეტენდენტმა უნდა უზრუნველყოს ინფორმაციის წარმოდგენა გამოცდილების შესახებ სატენდერო დოკუმენტაციის 2.2.1 პუნქტში არსებული დანართი N2-ის შესაბამისად.
4. სატენდერო დოკუმენტაციის დანართი N2-ში, პრეტენდენტის მიერ ფაქტობრივად გაწეული მომსახურებ(ებ)ის ღირებულების შესახებ ინფორმაცია მითითებულ უნდა იქნას ლარში. უცხოურ ვალუტაში გაწეული მომსახურების შემთხვევაში, აღნიშნული ინფორმაცია მითითებული უნდა იყოს მომსახურების გაწევის დამადასტურებელი დოკუმენტების გაფორმების თარიღისთვის, შესაბამისი ვალუტის მიმართ საქართველოს ეროვნული ბანკის მიერ დადგენილი, ლარის ოფიციალური გაცვლითი კურსის მიხედვით.

პრეტენდენტის მიერ ერთიან ელექტრონულ სისტემაში ატვირთული უნდა იქნას:

ა) შევსებული ფასების ცხრილი (ხარჯთაღრიცხვა).

ბ) 2.2.1 პუნქტით განსაზღვრული ინფორმაცია ანალოგიური მომსახურების გაწევის გამოცდილების შესახებ.

3.1.1.1 პრეტენდენტი ვალდებულია, შემსყიდველ ორგანიზაციას წარუდგინოს სატენდერო დოკუმენტაციის 1.2 პუნქტით განსაზღვრული მე-8, მე-9, მე-10, მე-13 და მე-20 პოზიციების თითო-თითო ნიმუში. წარმოდგენილი ნიმუშები სრულად უნდა აკმაყოფილებდეს ტექნიკურ მოთხოვნებს.
3.1.1.2. პრეტენდენტი ვალდებულია, შემსყიდველ ორგანიზაციაში ნიმუშებთან ერთად წარმოადგინოს, სატენდერო დოკუმენტაციის 1.2 პუნქტის მე-9 პოზიციით განსაზღვრული საქონლის მახასიათებლებზე გაცემული ექსპერტიზის დადებითი დასკვნა (ორიგინალი/დედანი), ექსპერტიზის დასკვნა უნდა იყოს გაცემული სსიპ„ლევან სამხარაულის სახელობის სასამართლო ექსპერტიზის ეროვნული ბიუროს“, SGS, INTERTEK, EKOTEKS ან დასკვნის გამცემი სხვა აკრედიტირებული პირის მიერ (ასეთ შემთხვევაში, დასკვნასთან ერთად წარმოდგენილ უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი), ასევე, აღნიშნულ დასკვნასთან ერთად წარმოდგენილ უნდა იქნეს ექსპერტიზაგავლილი ქსოვილიც.
3.1.1.3. ექსპერტიზის დასკვნის ორიგინალი/დედანი, ექსპერტიზაგავლილ ქსოვილთან ერთად წარმოდგენილი უნდა იყოს ექსპერტიზის გამცემი პირის მიერ დალუქულ მდგომარეობაში. (ასეთის არ არსებობის შემთხვევაში, პრეტენდენტმა შესაძლებელია წარმოადგინოს ექსპერტიზაგავლილი ქსოვილი დალუქულ, ხოლო ექსპერტიზის დასკვნის ორიგინალი/დედანი დაულუქავ მდგომარეობაში. ამ შემთხვევაში შესაძლებელი უნდა იყოს დალუქული ქსოვილის, შესაბამისი ექსპერტიზის დასკვნასთან იდენტიფიცირება. მაგალითად, ექსპერტიზის დასკვნის ინდივიდუალური ნომერი უნდა ემთხვეოდეს დალუქული საქონლის შეფუთვაზე (შეფუთვაში) არსებულ ნომერს) (ექსპერტიზის ხარჯებს აანაზღაურებს პრეტენდენტი).
3.1.1.4 პრეტენდენტის მიერ წარდგენილი შესყიდვის ობიექტის ნიმუშები დაზუსტებას არ ექვემდებარება.

ქ. თბილისი, ვაჟა-ფშაველას გამზ. 76ბ. სსიპ "ახალგაზრდობის სააგენტოს" ადმინისტრაციული შენობა.

1.იმ შემთხვევაში თუ ტენდერში პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, მიმწოდებელმა უნდა დაასაბუთოს (სისტემაში ატვირთოს) ფასწარმოქმნის ადეკვატურობა (ამ ფასად ტენდერით გათვალისწინებული ვალდებულების შესრულების შესაძლებლობა).
2.ფასწარმოქმნის ადეკვატურობა, შესაძლებელია დასაბუთდეს ექსპერტიზის ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი). აღნიშნულის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.
3. ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

• ანგარიშწორება მოხდება უნაღდო ანგარიშსწორებით.
• ანგარიშწორება განხორციელდება ეროვნულ ვალუტაში (ლარში).

• ანგარიშსწორება განხორციელდება ეტაპობრივად, ფაქტობრივად მიწოდებული საქონლის შესაბამისად, მიწოდებულ საქონელზე შესაბამისი მიღება-ჩაბარების აქტის გაფორმებისა და საგადასახადო ანგარიშფაქტურის (დღგ-ს გადამხდელის შემთხვევაში) წარმოდგენის შემდეგ.

ყოველი მიწოდებული საქონლის ღირებულების ანაზღაურება განხორციელდება შესაბამისი მიღება-ჩაბარების აქტის გაფორმებიდან და საგადასახადო ანგარიშფაქტურის (დღგ-ს გადამხდელის შემთხვევაში) წარმოდგენის შემდეგ 10 (ათი) სამუშაო დღეში.

ირაკლი ბენელიანი, 555779556, i.bendeliani@youthagency.gov.ge 555779956

1. სახელმწიფო შესყიდვების ერთიან ელექტრონულ სისტემაში (შემდგომში – „სისტემა“) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად;
2. პრეტენდენტს არ აქვს უფლება წარმოადგინოს ალტერნატიული სატენდერო წინადადება;
3. პრეტენდენტი ვალდებულია ნებისმიერი უცხოურენოვანი დოკუმენტაციის ატვირთვის შემთხვევაში წარმოადგინოს იგი ქართულ ენაზე ნათარგმნი და ნოტარიულად დამოწმებული;
4. სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია (გარდა ფასების ცხრილისა/ხარჯთაღრიცხვისა) უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
5. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად;
6. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი სატენდერო დოკუმენტაციის 1.3 პუნქტით გათვალისწინებული ფასების ცხრილი (ხარჯთაღრიცხვა) ან ის წარმოდგენილი იქნება განუფასებლად (გარდა იმ შემთხვევისა, თუ წარდგენილ ხარჯთაღრიცხვაში განუფასებელი პოზიცი(ებ)ის რაოდენობა არ აღემატება განსაფასებელი პოზიციების 1%-ს).
7. ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო. ამასთან, პრეტენდენტის მიერ ხელშეკრულების დადებისას რომელიმე პირობაზე უარის თქმის შემთხვევაში, მისი ქმედება განიხილება როგორც უარი ხელშეკრულების დადებაზე.