Ресторан и подача блюд (Грузия - Тендер #62638513)

კვებითი მომსახურება - CPV 55300000.

სავალდებულო მოთხოვნები:

1.1. ღონისძიებებში მონაწილეთა რაოდენობა, ადგილი, დრო და შესაბამისად მისაწოდებელი საკვების სახეობა და რაოდენობა თანმდევი მომსახურებით განხორციელდება შემსყიდველის მოთხოვნის საფუძველზე ყოველ კონკრეტულ შემთხვევის დროს. შემსყიდველი უფლებამოსილია შეარჩიოს განსხვავებული მენიუ, კერძების ერთეულის შემოთავაზებული ღირებულების მიხედვით.
1.2. პროექტის მიმდინარეობისას (არასადღესასწაულო მიღებების დროს) 1 (ერთი) დღე მოიცავს 2 კოფი-ბრეიკს და 1 სადილს (ლანჩს).
1.3. სადღესასწაულო მიღებების დროს ერთჯერადი მენიუ შემსყიდველთან შეთანხმებით.
1.4. კონკრეტულ დღეს პერსონათა რაოდენობა, შესაბამისად მისაწოდებელი საკვების დაზუსტებული რაოდენობა და მიწოდების განრიგი ეცნობება ტენდერში გამარჯვებულ მიმწოდებელს არაუგვიანეს 2 (ორი) სამუშაო დღით ადრე.
1.5. საკვები დამზადებული უნდა იყოს შემსყიდველისთვის და იყოს ახალი. საკვების მომზადების, ტრანსპორტირებისა და მიწოდების დროს მიმწოდებელი ვალდებულია მკაცრად დაიცვას სანიტარულ- ჰიგიენური ნორმები. დაცული უნდა იყოს საკვების როგორც ვიზუალური, ასევე გემოვნებითი მხარე.
1.6. მომსახურების მიწოდება ასევე მოიცავს შესაბამისი რაოდენობის დამხმარე პროდუქტებს, როგორებიცაა: შაქარი, მარილი, ლიმონი და სხვა.
1.7. მისაწოდებელი კერძები და კვების პროდუქტები თავისი საგემოვნო თვისებებით უნდა შეესაბამებოდეს შესაბამის სტანდარტებს და უნდა იყოს საკვებად ვარგისი და ჯანმრთელობისთვის უვნებელი, რაზეც მიმწოდებელი პასუხს აგებს საქართველოში მოქმედი კანონმდებლობით გათვალისწინებული წესით. საკვების საგემოვნო თვისებები კვებითი, ღირებულება და ვიზუალური მხარე უნდა შეესაბამებოდეს ამ სფეროში არსებულ სტანდარტებსა და ნორმებს.
1.8. თითოეული პროდუქტის, ულუფის ზომა უნდა შეესაბამებოდეს ამ სფეროში არსებულ საშუალო მონაცემებს.
1.9. დაუშვებელია ვადაგასული და საკვებად უვარგისი პროდუქტების მიწოდება.
1.10. მიწოდებული საკვები სრულად რჩება შემსყიდველთან.
1.11. დაუშვებელია მიწოდებული პროდუქტის მოხმარება თავად მიმწოდებლის მიერ.
1.12. მიმწოდებელი ვალდებულია საკვების მიწოდებისა და შემსყიდველის მიერ ამავე საკვების მოხმარების შემდეგ დაალაგოს მიწოდების ადგილი და გაიტანოს ნარჩენები.
1.13. მაგიდის სერვირება უნდა მოხდეს ,,ქეითერინგზე” მიღებული სტანდარტების შესაბამისად. საკვების მიწოდებასთან ერთად მიმწოდებელი ვალდებულია შემსყიდველი უზრუნველყოს შესაბამისი ინვენტარით: ჭურჭლით, ხელსახოცებით, მაგიდებით, მაგიდის გადასაფარებლებით და სხვ. ჭურჭელი უნდა იყოს თეთრი, ერთნაირი, დაუზიანებელი, გაპრიალებული, საუკეთესო სანიტარულ მდგომარეობაში. დაუშვებელია გატეხილი, გაბზარული ჭურჭლის ან სხვა მიზეზით არასათანადო ვიზუალურ და ჰიგიენურ მდგომარეობაში მყოფი ჭურჭლის გამოყენება. ასევე შემსყიდველის მოთხოვნის შემთხვევაში ერთჯერადი ჭურჭელი (თეფში, ჭიქა, კოვზი, ჩანგალი). უნდა იყოს მაღალი ხარისხის, მყარი ფაქტურის მუყაოს ან პლასტიკის.
1.14. მიწოდება უნდა განხორციელდეს მიმწოდებლის მიერ მისივე ხარჯებით (ტრანსპორტირება. შენობის შესაბამის სართულზე ატანა და სხვ.).
1.15. მიმწოდებლის წარმომადგენლები, რომლებიც გაუწევენ მომსახურებას უნდა იყვნენ პროფესიონალები (,,ქეითერინგზე“ მიმტანებად მუშაობის გამოცდილებით), ვიზუალურად მოწესრიგებული, უნდა ეცვათ მიმწოდებლის შესაბამისი უნიფორმა და ჰქონდეთ საიდენტიფიკაციო ნიშანი (სახელის მითითებით). მიმწოდებლის წარმომადგენლები ასევე უნდა იყვნენ ზრდილობიანი და საჭიროების შემთხვევაში დაეხმარონ მომხმარებლებს (ტრენინგის მონაწილეებს) მათთვის სასურველი საკვების შერჩევაში. ასევე დროულად მოახდინონ გამოყენებული ჭურჭლის, საკვების ნარჩენების, ხელსახოცებისა თუ სხვა ნივთების აღება მომსახურების მიწოდების ადგილიდან. დაუშვებელია, შეუძლოდ მყოფი (როგორიცაა ვირუსული ინფექცია, გაციება და სხვ.) მიმტანისა თუ სხვა მომსახურების გამწევი პირის ყოფნა მიწოდების ადგილზე. მიმწოდებლის მომსახურე პერსონალი უნდა იმყოფებოდეს ფხიზელ მდგომარეობაში.
1.16. სადღესასწაულო მიღებების და კონკურსების დროს მიმწოდებლის მოთხოვნის საფუძველზე უნდა მოხდეს მაგიდის დეკორირება (სხვადასხვა ყვავილებით და აქსესუარებით), ასევე მაგიდის გასაფორმებლად გამოყენებული უნდა იყოს ლურჯი ფერის სუფრა („საქართველოს ფოსტა“-ს ფერში“). სხვადასხვა სახის ფუჟერები და შესაბამისი ჭურჭელი მოთხოვნის შესაბამისად.
1.17.მიმწოდებელს უნდა შეეძლოს საკვები პროდუქტების შესაბამის ჭურჭელში (კონტეინერში) განთავსება და ტრანსპორტირება (მაგ: სერვის-ცენტრის გახსნისას) შემსყიდველის მოთხოვნის შესაბამისად.
1.18.მიმწოდებელს უნდა შეეძლოს ლანჩ-ბოქსების დამზადება შემსყიდველის მოთხოვნის შესაბამისად.
1.19. საკვები და ჭურჭელი მიწოდებული უნდა იქნეს შესაბამისი კონტეინერებითა და ამ სფეროში მიღებული სხვა ჭურჭლით. დაუშვებელია, პოლიეთილენის პარკებით და სხვა არასათანადო საშუალებებით მიწოდება.
1.20. მომსახურების გაწევა მიმწოდებლის მიერ უნდა მოხდეს როგორც სამუშაო დღეებში, ისე უქმე დღეებში, შემსყიდველის მოთხოვნის შესაბამისად.
1.21. ყველა კერძი უნდა იყოს ახლად მომზადებული, წინასწარ შეთანხმებული მენიუს შესაბამისად.
1.22. შესაბამისი ტემპერატურის და ლამაზად პრეზენტირებული და ყველა კერძის რაოდენობა უნდა შეესაბამებოდეს მონაწილეთა რაოდენობას, ამასთან მარხვის დღეებში მენიუ უნდა შეიცავდეს სამარხვო კერძებს.
1.23. ტრანსპორტირება უნდა განხორციელდეს ღონისძიების ადგილამდე ჰიგიენური ნორმების გათვალისწინებით შესაბამისი სატრანსპორტო საშუალებებით. დაუშვებელია კერძების ტრანსპორტირება ისეთი საბარგულის მეშვეობით სადაც განთავსებული იქნება სხვადასხვა ხელსაწყოები, საცხებ/საპოხი საშუალებები, საწვავი და ნებისმიერი სხვა რამ, რაც მიუღებელია საკვებთან ერთად ტრანსპორტირებისათვის.
1.24. შემსყიდველი იტოვებს ვალდებულებას ხელშეკრულებით გათვალისწინებული რაოდენობები არ აითვისოს სრულად.

მომსახურების გაწევა განხორციელდება ქალაქ თბილისში, ხელშეკრულების გაფორმებდან 2025 წლის 31 დეკემბრის ჩათვლით, ეტაპობრივად, შემსყიდველის მოთხოვნიდან არაუგვიანეს 2 (ორი) სამუშაო დღეში.

მომსახურების გაწევა განხორციელდება შემსყიდველის მიერ მითითებულ მისამართზე თბილისის ტერიტორიაზე.

პრეტენდენტს უნდა გააჩნდეს აღნიშნული პროფილით მუშაობის არანაკლებ 2 (ორი) წლიანი გამოცდილება, რომლის დასადასტურებლად პრეტენდენტმა სისტემის საშუალებით უნდა წარმოადგინოს არსებითად და წარმატებით დასრულებული ხელშეკრულებები შესაბამისი მიღება-ჩაბარების აქტებით. ამასთან ერთად პრეტენდენტმა უნდა წარმოადგინოს 2 (ორი) დადებითი რეკომენდაცია 2023-2024 წლებში განხორციელებული ანალოგიური მომსახურების თაობაზე. იმ შემთხვევაში თუ ანალოგიური გამოცდილება რეგისტრირებულია სახელმწიფო შესყიდვების სააგენტოს ერთიან ელექტრონულ სისტემაში, (ხელშეკრულებისა და მიღება-ჩაბარების აქტების წარმოდგენა არ არის სავალდებულო) მითითებული უნდა იქნას სისტემის მიერ მინიჭებული SPA/CMR/NAT ნომერი.

1.პრეტენდენტმა, შემსყიდველის შესაბამისი მოთხოვნის შემთხვევაში, უნდა უზრუნველყოს შემსყიდველის ხელმისაწვდომობა ამ სატენდერო დოკუმენტაციაში მოთხოვნილ კერძების და დეკორის ნიმუშებზე, მათი მომზადების ადგილის დათვალიერებაზე და მომსახურე პერსონალთან შეხვედრაზე, როდესაც ტენდერს მინიჭებული აქვს სტატუსი „შერჩევა-შეფასება“, შემსყიდველის მოთხოვნიდან არაუგვიანეს 3 (სამი) სამუშაო დღეში.
2. მიმწოდებელმა უნდა უზრუნველყოს შესყიდვის ობიექტის (საკვების) ნიმუშის წარმოდგენა (პრეზენტაცია/დეგუსტაცია), შესაბამისი დეკორირება/სერვირება (ტექნიკური დავალების 1.13, 1.15, 1.16 და 1.17 პუნქტებით გათვალისწინებული) შპს „საქართველოს ფოსტა"-ს ადმინისტრაციულ შენობაში.

ქ.თბილისი, სადგურის მოედანი #1, შპს „საქართველოს ფოსტა"-ს ადმინისტრაციული შენობა.

იმ შემთხვევაში, თუ პრეტენდენტის მიერ სისტემაში დაფიქსირებული საბოლოო ფასი 20%- ით ან მეტით არის დაბალი შესყიდვის ობიექტის სავარაუდო ღირებულებაზე, პრეტენდენტმა უნდა დაასაბუთოს ფასწარმოქმნის ადეკვატურობა, რომელიც შესაძლებელია დასაბუთდეს სერთიფიცირებული ექსპერტის/აუდიტორის/საშემფასებლო კომპანიის მიერ გაცემული დასკვნით (დასკვნას თან უნდა ახლდეს დასკვნის გამცემი პირის შესაბამისი უფლებამოსილების/სერთიფიცირების დამადასტურებელი დოკუმენტი), რომელიც დაადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას.

ანგარიშსწორების საფუძველია მხარეების უფლებამოსილი პირების მიერ გაწეულ მომსახურებაზე გაფორმებული მიღება-ჩაბარების აქტი და კანონმდებლობით გათვალისწინებული საგადასახადო დოკუმენტაცია.

ანგარიშსწორება განხორციელდება მხარეთა შორის მიღება–ჩაბარების აქტის გაფორმების , მიმწოდებლის მიერ კანონმდებლობით გათვალისწინებული საგადასახადო დოკუმენტაციის წარმოდგენიდან 10 (ათი) სამუშაო დღის ვადაში.

ირინა ციხელაშვილი, 595915042, i.tsikhelashvili@gpost.ge