Прочие услуги (Грузия - Тендер #62638501)

1.1.1. შესყიდვის ობიექტს წარმოადგენს: ზუგდიდის მუნიციპალიტეტის ტერიტორიაზე მოხეტიალე, უპატრონო და მიუსაფარი ძაღლების ცხოველთა თავშესაფარში ან/და ვეტერინარულ სამკურნალო კლინიკაში განთავსება და შესაბამისი ვეტერინარული მომსახურება.

ტექნიკური დავალება

გასაწევი მომსახურება გულისხმობს: ა) ზუგდიდის მუნიციპალიტეტის ტერიტორიაზე მოხეტიალე, უპატრონო და მიუსაფარი ძაღლ(ებ)ის დაჭერას/იზოლაციას (შემსყიდველი ორგანიზაციის მიერ მითითებული პუნქტ(ებ)იდან) ჰუმანური/უმტკივნეულო მეთოდით და ცხოველთა თავშესაფარში ან/და ვეტერინარულ სამკურნალო კლინიკაში გადაყვანას სპეციალური სატრანსპორტო საშულებ(ებ)ით და განთავსებას ოთახ(ებ)ში ან ვოლიერ(ებ)ში, შემდგომი ვეტერინარული პროცედურების უზრუნველყოფის მიზნით; ბ) თავშესაფარში ან/და ვეტერინარულ სამკურნალო კლინიკაში გადაყვანილი ცხოველ(ებ)ის შესაბამისი გამოკვლევების შემდგომ მათ დეჰელმინთიზაციას (დამუშავება ჭიებზე, ბაქტერიებზე, პარაზიტებზე), სტერილიზაცია/კასტრაციას, ვაქცინაციას (მათ შორის „ანტირაბიული“, ცალკეულ შემთხვევებში „კომპლექსური“). ასევე ცხოველების იდენტიფიკაციას (ცხოველზე საიდენტიფიკაციო საშუალების განთავსებას) სპეციალური ძაღლისათვის განკუთვნილი ქარხნული დანომრილი საჭდით (ბირკით). ამასთან, თითოეული მონაცემის ასახვას ელექტრონულად ან შესაბამის ჟურნალში და ყველა ჩამოთვლილი ვეტერინარული ღონისძიებების გატარების შემდგომ ცხოველების (რომლებიც არ წარმოადგენენ საფრთხეს) პირვანდელ საცხოვრებელ ტერიტორიაზე ან ბუნებრივ არეალში დაბრუნებას; გ) ვეტერინარის დასკვნის საფუძველზე უკურნებელი სენით დაავადებული ცხოველის ან სიკვდილის წინა სტადიაში (სიცოცხლესთან შეუთავსებელ მდგომარეობაში) მყოფი დაავადებული ცხოველის მოკვდინება (ევთანაზია) და ცხოველთა ლეშის ბიოთერმულ სამარხში (ბეკარის ორმოში) ან ცხოველების ლეშის დამარხვისთვის გამოყოფილ სპეციალურ ტერიტორიაზე ან კრემატორიუმში გადატანას (ევთანაზიის დროს უნდა შედგეს ვეტერინარის შესაბამისი აქტი); დ) ცხოველების გაჩუქებას, მიკედლებას ან/და დაინტერესებულ პირთათვის მათი დაბრუნებას, საჭიროების შემთხვევაში.

მომსახურების გაწევის პირობები

1) ტენდერში გამარჯვებულმა პრეტენდენტმა უნდა უზრუნველყოს შემსყიდველის მიერ მითითებული ადგილ(ებ)იდან მოხეტიალე, უპატრონო და მიუსაფარი ძაღლების ჰუმანური წესით დაჭერა/იზოლაცია და კანონიერ მფლობელობაში ან სარგებლობის ნებისმიერი ფორმით (იჯარა, თხოვება, ქირა და ა.შ.) არსებულ ცხოველთა თავშესაფარში ან/და ვეტერინარულ სამკურნალო კლინიკაში გადაყვანა, განთავსება, ვეტერინარული მომსახურება, შემდგომ აყვანის ადგილას ან ბუნებრივ არეალში დაბრუნება, ვეტერინარის დასკვნის საფუძველზე მოკვდინება (ევთანაზია).
2) ცხოველთა თავშესაფარი ან/და ვეტერინარული სამკურნალო კლინიკა აღჭურვილი უნდა იყოს ცხოველთა მოსათავსებელი ოთახ(ებ)ით ან/და ვოლიერ(ებ)ით. ასევე, თერაპიული ან/და ქირურგიული კაბინეტ(ებ)ით, შესაბამისი ინსტრუმენტებით, ხელსაწყოებით და მოწყობილობებით. უნდა ჰქონდეს ვენტილაცია, კანალიზაცია, ცხელი და ცივი წყალმომარაგება (უნდა დაერთოს აღნიშნულის ამსახველი ფოტომასალა).
3) ცხოველთა თავშესაფარში ან/და ვეტერინარულ სამკურნალო კლინიკაში გადაყვანა/გადმოყვანა უნდა განხორციელდეს ცხოველთა იზოლირების სპეციალური სატრანსპორტო საშულებ(ებ)ით, რომელშიც ვოლიერები უნდა იყოს ერთმანეთისაგან იზოლირებულად (უნდა დაერთოს აღნიშნულის ამსახველი ფოტომასალა).
4) ვეტერინარული მომსახურება უნდა ხორციელდებოდეს უშუალოდ ვეტერინარის მიერ.
5) მომსახურების გაწევისას უზრუნველყოფილი უნდა იყოს: ა) თითოეულ ჩატარებულ ღონისძიებებზე ჩანაწერების წარმოება, ელექტრონულად ან შესაბამის ჟურნალში, რომელიც უნდა ასახავდეს, ცხოველის იზოლირების თარიღს, იზოლირებული ცხოველის ვაქცინაციის თარიღს, ძაღლის აღწერილობას და აყვანის ადგილას ან ბუნებრივ არეალში დაბრუნების თარიღს; ბ) თავშესაფრიდან ან ვეტერინარული სამკურნალო კლინიკიდან გაჩუქებული ძაღლების შემთხვევაში შესაბამისი გაჩუქების აქტ(ებ)ის გაფორმება/შენახვა; გ) ცხოველ(ებ)ის იდენტიფიკაცია (ცხოველზე საიდენტიფიკაციო საშუალების განთავსება) სპეციალური ძაღლისათვის განკუთვნილი ქარხნული დანომრილი საჭდით (ბირკით) და თითოეული მონაცემის ასახვას შესაბამის ჟურნალში ან ელექტრონული ფორმით.
6) შესყიდვით გათვალისწინებული მომსახურების განხორციელებისას, ასევე ვეტერინარული დანიშნულების პრეპარატების გამოყენებასთან დაკავშირებით ტენდერში გამარჯვებული პრეტენდეტი ვალდებულია დაიცვას „ვეტერინარული საქმიანობის განმახორციელებელი ბიზნესოპერატორების საქმიანობასთან დაკავშირებული მოთხოვნების დამტკიცების შესახებ“ საქართველოს მთავრობის 2018 წლის 28 ივნისის №345 დადგენილებით განსაზღვრული შესაბამისი მოთხოვნები და პირობები.

შენიშვნა: ტექნიკური დავალება შემდგომ განიხილება, როგორც გასაფორმებელი სახელმწიფო შესყიდვის შესახებ ხელშეკრულების განუყოფელი ნაწილი.

1.4.1. ტენდერში გამარჯვებულმა მომსახურება გაწევა უნდა უზრუნველყოს ეტაპობრივად, ხელშეკრულების დადებიდან 2025 წლის 31 დეკემბრამდე.

1.5.1. მომსახურება _ შემსყიდველი ორგანიზაციის მიერ მითითებული ადგილ(ებ)იდან ცხოველ(ებ)ის დაჭერა/იზოლაცია _ განხორციელდება ეტაპობრივად, მოთხოვნის შესაბამისად, თვეში მინიმუმ 2-ჯერ. მოთხოვნიდან არაუგვიანეს 1 (ერთი) კალენდარული დღის განმავლობაში. ყოველ ეტაპზე გასაწევი მომსახურების სავარაუდო მოცულობისა და ადგილის დადგენა მოხდება წინასწარ, მომსახურების გაწევამდე 1 (ერთი) კალენდარული დღით ადრე.
1.5.2. მომსახურების შესრულებისას ტენდერში გამარჯვებულმა პრეტენდენტმა უნდა იხელძღვანელოს ტექნიკური დავალებით განსაზღვრული პირობების გათვალისწინებით.
1.5.3. მომსახურების გაწევის (მოხეტიალე, უპატრონო და მიუსაფარი ცხოველ(ებ)ის აყვანა/იზოლაცია) ადგილია: ზუგდიდის მუნიციპალიტეტის ტერიტორია.
1.5.4. მომსახურება ჩაითვლება მიღებულად მხოლოდ მიღება-ჩაბარების აქტის გაფორმების შემდეგ (მომსახურების მიღების წესი ასახულია ხელშეკრულების პირობებში).

1) შესყიდვაში მონაწილეობის მსურველ პირს, ტენდერით გათვალისწინებული მომსახურების გაწევისათვის, საქართველოს კანონმდებლობით გათვალისწინებული წესით, უნდა გააჩნდეს საკუთარი ან სარგებლობის ნებისმიერი ფორმით (იჯარა, თხოვება, ქირა და ა.შ.) ცხოველთა თავშესაფარი ან/და ვეტერინარული სამკურნალო კლინიკა. ცხოველთა თავშესაფრის ან/და ვეტერინარული სამკურნალო კლინიკის საკუთრების შემთხვევაში წარმოდგენილი უნდა იქნეს ამონაწერი საჯარო რეესტრიდან. ხოლო საქართველოს კანონმდებლობით ნებადართული სარგებლობის ნებისმიერი ფორმის (იჯარა, თხოვება, ქირა და ა.შ.) შემთხვევაში წარმოდგენილი უნდა იქნეს შესაბამისი ხელშეკრულება (მესაკუთრის საკუთრების დამადასტურებელი დოკუმენტ(ებ)ის დართვით), რომლის მოქმედების ვადა არ უნდა იყოს მომსახურების დასრულების ვადაზე ნაკლები. ცხოველთა თავშესაფარი ან/და ვეტერინარული სამკურნალო კლინიკა აღჭურვილი უნდა იყოს ცხოველთა მოსათავსებელი ოთახ(ებ)ით ან/და ვოლიერ(ებ)ით. ასევე, თერაპიული ან/და ქირურგიული კაბინეტ(ებ)ით, შესაბამისი ინსტრუმენტებით, ხელსაწყოებით და მოწყობილობებით. უნდა ჰქონდეს ვენტილაცია, კანალიზაცია, ცხელი და ცივი წყალმომარაგება (უნდა დაერთოს აღნიშნულის ამსახველი ფოტომასალა).

2) ტენდერში მონაწილე პრეტენდენტი, მომსახურების შესასრულებლად ვალდებულია ფლობდეს, საკუთარი ან სარგებლობის ნებისმიერი ფორმით (იჯარა, თხოვება, ქირა, ლიზინგი და ა.შ.) მინიმუმ 1 (ერთი) ერთეული ცხოველთა იზოლირების სპეციალიზირებულ ავტოსატრანსპორტო საშუალებას (სპეციალიზირებულ ავტომობილში ვოლიერები უნდა იყოს ერთმანეთისაგან იზოლირებული). საკუთრების შემთხვევაში წარმოდგენილი უნდა იქნეს საკუთრების დამადასტურებელი დოკუმენტის (სარეგისტრაციო მოწმობა, აუდიტის დასკვნა, მიღება-ჩაბარების აქტი, დადასტურებული საგადასახადო ანგარიშფაქტურა ან სხვა დოკუმენტაცია) ასლ(ებ)ი; იჯარის, თხოვების, დაქირავების ან ლიზიგის შემთხვევაში წარმოდგენილი უნდა იქნეს შესაბამისი ხელშეკრულება, ტექნიკური პასპორტების ან/და საკუთრების დამადასტურებელი სხვა დოკუმენტის (სარეგისტრაციო მოწმობა, აუდიტის დასკვნა, მიღება-ჩაბარების აქტი, დადასტურებული საგადასახადო ანგარიშფაქტურა ან სხვა დოკუმენტაცია) ასლ(ებ)თან ერთად (იჯარის, თხოვების ან დაქირავების ხელშეკრულებ(ებ)ის მოქმედების ვადა არ უნდა იყოს მომსახურების დასრულების ვადაზე ნაკლები).

შესყიდვაში მონაწილეობის მსურველ პირს, ტენდერით გათვალისწინებული მომსახურების შესასრულებლად, უნდა ჰყავდეს პერსონალი, მათ შორის 1 (ერთი) ვეტერინარი მაინც, რომელსაც აქვს შესაბამისი ავტორიზებული უმაღლესი საგანმანათლებლო დაწესებულების მიერ გაცემული სათანადო უმაღლესი განათლების დამადასტურებელი დოკუმენტი. ასევე, კვალიფიციური ცხოველთა დამჭერ(ებ)ი. სატენდერო წინადადებასთან ერთად, წარმოდგენილი უნდა იქნეს პრეტედენტის განკარგულებაში მყოფი ვეტერინარ(ებ)ის უმაღლესი განათლების დამადასტურებელი დოკუმენტი, ცხოველთა დამჭერ(ებ)ის კვალიფიკაციასთან დაკავშირებით ცნობა ან/და მიღებული სერტიფიკატ(ებ)ი (ასეთის არსებობის შემთხვევაში) ან/და შესაბამისი დამადასტურებელი დოკუმენტ(ებ)ი, „CV“ ფორმის ჩათვლით. ამასთან, წარმოდგენილი უნდა იქნეს წინარე შეთანხმება (იხ. მიბმული ფაილი), როგორც თანმხლები დოკუმენტი, ხელმოწერილი ტენდერში მონაწილე პრეტენდეტისა და სპეციალისტ(ებ)ის (ვეტერინარ(ებ)ი; ცხოველთა დამჭერ(ებ)ი) მიერ, რითიც დადასტურდება კომპეტენციის ფარგლებში ტენდერით გათვალისწინებული მომსახურების განხორციელება.

შესყიდვაში მონაწილეობის მსურველ პირი უნდა იყოს რეგისტრირებული სსიპ სურსათის ეროვნული სააგენტოს მიერ ვეტერინარული და ცხოველთა ჭერის საქმიანობის განმახორციელებელი სამსახურის რეესტრში და უნდა წარმოადგინოს რეგისტრაციის დამადასტურებელი დოკუმენტაცია.

1) ტენდერში გამარჯვებული პრეტენდენტის მიერ ტენდერით გათვალისწინებული მომსახურების ან მისი რომელიმე ნაწილის ქვეკონტრაქტით გაცემის განზრახულობის შემთხვევაში, წარდგენილი უნდა იქნეს: 1) ქვეკონტრაქტორთან დადებული ხელშეკრულება; 2) სსიპ სურსათის ეროვნული სააგენტოს მიერ ვეტერინარული და ცხოველთა ჭერის საქმიანობის განმახორციელებელი სამსახურის რეესტრში ქვეკონტრაქტორის რეგისტრაციის დამადასტურებელი დოკუმენტაცია;
2) ცხოველთა თავშესაფრის ან/და ვეტერინარული სამკურნალო კლინიკის ქვეკონტრაქტორის საკუთრების ან სარგებლობის შემთხვევაში: ა) წარმოდგენილი უნდა იქნეს სატენდერო დოკუმენტაციის 2.3.1 პუნქტით მოთხოვნილი დოკუმენტაცია; ბ) მონაცემები ქვეკონტრაქტორის პერსონალის ხელმისაწვდომობის შესახებ (წარმოდგენილი დოკუმენტაცია უნდა აკმაყოფილებდეს 2.4.1. პუნქტში მოცემულ მოთხოვნებს);
3) პრეტენდენტის მიერ ქვეკონტრაქტორი ორგანიზაციის პერსონალის დაქირავების შემთხვევაში წარმოდგენილი უნდა იქნეს გაფორმებული ხელშეკრულება და სატენდერო დოკუმენტაციის 2.4.1 პუნქტში მოცემული მოთხოვნების მიხედვით შესაბამისი დოკუმენტაცია.
4) ქვეკონტრაქტორი არ უნდა იყოს რეგისტრირებული შესყიდვებში მონაწილე არაკეთილსინდისიერ პირთა რეესტრში _ „შავ სიაში“.
5) მოცემული ტენდერის ფარგლებში დადებული არც ერთი სუბკონტრაქტი არ ათავისუფლებს გამარჯვებულ პრეტენდენტს ხელშეკრულებით არსებული მატერიალური ან სხვა ვალდებულებებისაგან.

2.9.1. სატენდერო წინადადების ღირებულება წარმოდგენილი უნდა იყოს მომსახურების სრულყოფილად გაწევასთან დაკავშირებული ყველა ხარჯისა და საქართველოს კანონმდებლობით დადგენილი გადასახადების გათვალისწინებით.
2.9.2. შესყიდვის თავისებურებიდან გამომდინარე, შემსყიდველი იტოვებს უფლებას სრულად არ აითვისოს სატენდერო დოკუმენტაციაში მოცემული შესყიდვის ობიექტის მოცულობა, შესაბამისად, სახელშეკრულებო ღირებულების სრული ანაზღაურება (შესყიდვის ობიექტის ღირებულება შემცირდება ფაქტობრივად გაწეული მომსახურების მიხედვით).

1) თუ ტენდერში, ელექტრონული ვაჭრობის შედეგად, ყველაზე დაბალი ფასის წინადადების მქონე პრეტენდენტის მიერ დაფიქსირებული საბოლოო ფასი 20%-ით ან მეტით ნაკლებია შესყიდვის სავარაუდო ღირებულებაზე, პრეტენდენტს, დადგენილ ვადაში, მოეთხოვება ფასწარმოქმნის ადეკვატურობის დასაბუთება. ფასწარმოქმნის ადეკვატურობა უნდა დასაბუთდეს სსიპ „ლევან სამხარაულის ექსპერტიზის ეროვნული ბიუროს“ ან სხვა აკრედიტირებული პირის ან აუდიტორის/აუდიტორული ფირმის დასკვნით (თუ ექსპერტიზის დასკვნის გამცემი არ იქნება სსიპ ლევან სამხარაულის სახელობის სასამართლო ექსპერტიზის ეროვნული ბიურო დასკვნასთან ერთად დამატებით წარმოდგენილი უნდა იქნეს დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტაცია), რომელიც დაადასტურებს დაფიქსირებულ ფასად სატენდერო დოკუმენტაციით განსაზღვრული შესყიდვის ობიექტის მიწოდების შესაძლებლობას.
2) ფასწარმოქმნის ადეკვატურობის დამადასტურებელი დოკუმენტ(ებ)ით შესყიდვის ობიექტის მიწოდების შესაძლებლობა უნდა დასტურდებოდეს, როგორც, პრეტენდენტის მიერ დაფიქსირებული წინადადების ფასთან (ხარჯთაღრიცხვის მთლიან ღირებულებასთან), ასევე, ხარჯთაღრიცხვის ერთეულის ფასებთან მიმართებაში.
3) ფასწარმოქმნის ადეკვატურობის დამადასტურებელი დოკუმენტ(ებ)ის დადგენილ ვადაში წარუდგენლობა ან სატენდერო პირობებთან ან/და ტექნიკურ დოკუმენტაციასთან შეუსაბამობა გამოიწვევს პრეტენდენტის დისკვალიფიკაციას, სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული „ელექტრონული ტენდერის ჩატარების წესის“ 32-ე მუხლის პირველი პუნქტის „დ“ ქვეპუნქტის საფუძველზე.

7.2.1. ანგარიშსწორება განხორციელდება უნაღდო ანგარიშსწორების წესით, თანხის გადარიცხვის ფორმით, ეროვნულ ვალუტაში _ ლარში.
7.2.2. ანგარიშსწორება იწარმოებს, ფაქტობრივად გაწეული მომსახურების გათვალისწინებით, შესაბამისი მიღება-ჩაბარების აქტის საფუძველზე.

7.3.1. ანგარიშსწორება განხორციელდება ფაქტობრივად გაწეული მომსახურების გათვალისწინებით შესაბამისი მიღება-ჩაბარების აქტის ხელმოწერიდან 10 (ათი) სამუშაო დღის განმავლობაში.

ბესიკ ქარდავა, 595222788, kardava.b@gmail.com

1) სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება „სახელმწიფო შესყიდვების შესახებ“ საქართველოს კანონისა და „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების საფუძველზე.
2) ტენდერში მონაწილე პრეტენდენტის სატენდერო წინადადება, აგრეთვე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია და დოკუმენტაცია შედგენილ უნდა იქნეს ქართულ ენაზე. დოკუმენტის ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. ამ შემთხვევაში მოცემული სატენდერო წინადადების ინტერპრეტაციის დროს, უცხოენოვან დოკუმენტსა და მის ქართულ ენაზე შესრულებულ თარგმანს შორის უპირატესობის მინიჭების საკითხს წყვეტს სატენდერო კომისია.
3) პრედენტენტის მიერ წარმოდგენილი სატენდერო წინადადება და მასში შემავალი დოკუმენტაცია შესრულებული/დამოწმებული უნდა იყოს კვალიფიციური ელექტრონული ხელმოწერით ან/და კვალიფიციური ელექტრონული შტამპით, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად. ასევე, „სახელმწიფო შესყიდვების განხორციელებისას, დოკუმენტებზე კვალიფიციური ელექტრონული ხელმოწერის შესრულების ან/და დოკუმენტების კვალიფიციური ელექტრონული შტამპით დამოწმების თაობაზე“ სახელმძღვანელო ინსტრუქციის გათვალისწინებით.
4) პრეტენდენტს უფლება არა აქვს წარმოადგინოს ალტერნატიული სატენდერო წინადადება.
5) სატენდერო წინადადების წარდგენით პრეტენდენტი ეთანხმება სატენდერო დოკუმენტაციით დადგენილ მოთხოვნებსა და პირობებს.